منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» خلافاً لإعلان مجلس الأمن.. حفتر: اتفاق الصخيرات حول ليبيا "انتهت صلاحيته"
أمس في 5:37 pm من طرف عبدالله الشندي

» سقوط مذل لميلان أمام هيلاس فيرونا
أمس في 5:26 pm من طرف عبدالله الشندي

» مانشستر يونايتد يتجاوز أحزانه بفوز صعب على وست بروميتش
أمس في 5:23 pm من طرف عبدالله الشندي

» يوفنتوس يصعد للمركز الثاني بثلاثية أمام بولونيا
أمس في 5:18 pm من طرف عبدالله الشندي

» انست وشرفت
أمس في 5:16 pm من طرف عبدالله الشندي

»  أنماط النوم سر فقدان الوزن
أمس في 5:14 pm من طرف عبدالله الشندي

» قطة وحيدة تتسبب في هبوط طائرة سعودية اضطرارياً بمطار القاهرة.. تسللت لمقصورة القيادة وعطلت
أمس في 5:13 pm من طرف عبدالله الشندي

» فيسبوك يطلق خاصية جديدة .. "غفوة" للحد من إزعاج الأصدقاء
أمس في 5:12 pm من طرف عبدالله الشندي

» تعرفوا على جزيرة يابانية يحظر دخولها على النساء!
أمس في 5:10 pm من طرف عبدالله الشندي

» ترامب قد يورط أميركا بقراره العودة للقمر.. سرُّ امتناع دول العالم عن هذه المغامرة منذ 45 ع
أمس في 5:09 pm من طرف عبدالله الشندي

» بعد 13 عملية جراحية للصبي الأطباء يكتشفون لماذا لا يشفى أبداً.. أمه السبب
أمس في 5:08 pm من طرف عبدالله الشندي

» مصر تبدأ الإنتاج في أكبر حقل غاز بالبحر المتوسط.. 2.7 مليار قدم يومياً تقلل الاستيراد وتسه
أمس في 5:07 pm من طرف عبدالله الشندي

» كاميرات مراقبة توثق حادثة بشعة.. امرأة تتربص بفتاة وتدفعها تحت عجلات مترو الأنفاق
أمس في 5:04 pm من طرف عبدالله الشندي

» قسم الأورام بطبي طبرق يستكمل مرافقه ويضاعف خدماته
أمس في 5:03 pm من طرف عبدالله الشندي

» الاغا: تخصيص 256 مليون دينار لمصارف المنطقة الشرقية
أمس في 5:02 pm من طرف عبدالله الشندي

بحـث
 
 

نتائج البحث
 


Rechercher بحث متقدم


عزوز وشيبانيها ايهدرزو

استعرض الموضوع السابق استعرض الموضوع التالي اذهب الى الأسفل

عزوز وشيبانيها ايهدرزو

مُساهمة من طرف جى جى الدلوعة في 2012-04-21, 6:24 pm

هذه قصيده للشاعر على مفتاح الاحمر
.
الشايب أحدا العزوز طال اقعاده ******** تعالوا معانا نسمعوا ميعادا
.
.
قالت : نـــــــــــــوض ياشيباني **** سبسيك من الدخان لين عماني
.
يثعبن رقي في الجو لين غطاني **** تحلف حريقه نارهــــــــا وقاده
.
أنت والرياضي صحبتك رباني **** أسنونك مشن والشيب زاد زيادة
.
تقول غر دايرلي الا بلعــــاني **** تسبس وترمي عالفراش رماده
.
وهراجك اللي خلف مرض في اوذاني**** تقول راديو عالي علي لحداده
.
وحتى وين مــا ايجـــينا اللي برانــي **** ما تصبله شاهيه من براده
.
مغير متكي ونا والبنــــات انعــــاني **** حتى مرفقك منا شكت الوسادة
.
ونا في الشقاء والهم طول زماني **** فلاحة ومسدة والحياة مرماده
.
وصغاري اللي ربيتهم في احضاني **** عليهم حملت المر ذقت انكاده
.
قديش ماحطيت فــــــي كشبـــــاني **** وزازيت بيهم ركبتي لوساده
.
وديتهم م القلب كـــــــــل حناني ***** أيـــــــام المعيشة عالعباد مكاده
.
وقديش ياما درت بين سواني **** غاب القمر والليل شين سواده
.
اللقط الطايح من نخل جيراني **** م الفجر لــــــــول سروة الجبادة
.
وياما سهرت ومامنامي جاني **** إن مرضوا عليهم دمعتي بداده
.
زيت البلاد وليم هن دويانـي **** وصرة تراب انديرها كمـــــاده
.
ولا فيه حاجة نذوقها بلساني **** الا وين ماشبعوا وفيه زيادة
.
وياما وياما ريت في صغراني **** ماضي مشى ما فايده في عواده
.
واليوم في نعمة الله عطاني **** كبروا ضناني وهم لي اسناده
.
مغير الشقاء مازال ماخلاني **** الا القلب متريح ونال مراده
.
ياالله ياعالم اللي جواني **** الدوم السعادة ماعليك مكاده
.
.
.
وبعدين رد عليها الشايب
.
.
.
الشايب قال : فأول بــــــــــــادي **** ترى غير صلي يامرا عالهادي
.
.
.
حتى اني رانـــي انــحب اولادي **** مانك اللي وحدك لهم وداده
.
عليهم خدمت سنين جاي وغادي**** ومامن شقا شفته صعيب عداده
.
من صغرتي بدن معاي أنكـــادي **** وين ماتواري بوي تحت لحاده
.
نحمد رحيلي كان سال الوادي **** اتشوفوا البرق ونقصدوه اقصاده
.
وقديش ماسافرت نــا وندادي **** في وطن خــالي بومته غراده
.
وقديش مارافقت ناس اجوادي **** الواحد تعزك رفقته وقعـــــاده
.
يسمع نداك يجيب وقت تنـــادي **** عنده جميع النـــاس كيف أولاده
.
وإن رافقت رافق زين خوده مبادي**** إلا العفن مامنه تنال افاده
.
طرابلس -بنغازي -البيضا-مسه**** أجولت فيهن غصب ماهي راده
.
اندور علي المليم بيش اندسه **** وتبعت مــــوال البنا ورشاده
.
واللي معاه العرف مايتوصى **** ايدير مايليق ويقبلوه انداده
.
قال : الواجب علي عملته **** في شانكم مامن عذاب حملته
.
وقسمي اللي مكتوبلي حصلته **** الا فوق منه ماريد زياده
.
وهذا كلامي واسمعوا ماقلته*** كريم ربنا يرزق معاش عباده
.
.

وخش الابن في الكلام وقال:
.
الأبن : قالوا المال ذهبية **** مفقود رايح والرجال اتجيبه
.
واللي وراها ليد موش صعيبة**** اذا كان متحدين موش فراده
.
وراهي حياة المرمده العطيبة**** اتشيب صغير السن قبل انداده
.
واسأل امجرب ينفعك تجريبه**** يفرج عليك الكرب بعد انكاده
.
وابنادم زهى لأمه نهار تجيبه**** عليهم تزغرت لابسه لقلاده
.
ووين مارحل والموت هي القريبة**** ايديرن عليه النايحات معاده
.
والدنيا هوى فيها أمور عجيبة **** اتضحك تبكي مالهاش احداده
.
والمـــــال وين اديرله تسبيبه **** يعينك الله تسير في ميراده
.
وخالط الناس بود وتشرهيبه **** ولبي ندا مولاك وقت إن نادى
.
واصبر أن لاقاتك أمور صعيبة**** والصبر هو الأساس للعباده
.
.
.
avatar
جى جى الدلوعة
رئيس عرفاء
رئيس عرفاء

انثى
عدد المشاركات : 154
العمر : 27
قوة التقييم : 0
تاريخ التسجيل : 09/04/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى