منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» عودة منتظرة لBBC ريال مدريد
اليوم في 2:13 pm من طرف عبدالله الشندي

» إبراهيموفيتش: جوارديولا لا يتصرف كالرجال
اليوم في 2:12 pm من طرف عبدالله الشندي

» 3 أندية تترقب انقلاب دوناروما على ميلان
اليوم في 2:11 pm من طرف عبدالله الشندي

» «أحمادو»: مستلزمات لشركات نفطية تصل إلى ميناء البريقة
اليوم في 2:07 pm من طرف عبدالله الشندي

» تعرف على أسماء المرشحين لمنصب محافظ المصرف المركزي
اليوم في 2:04 pm من طرف عبدالله الشندي

» اجتماع مُوسع بمركز طبرق الطبي «لمتابعة سير العمل الإداري والطبي بالمركز»
اليوم في 2:01 pm من طرف عبدالله الشندي

» خطأ طبي في مركز طبرق العام يهدد حياة الأطفال في المركز
اليوم في 1:57 pm من طرف عبدالله الشندي

» حاويات “فساد مالي” على أرصفة ميناء طبرق
اليوم في 1:55 pm من طرف عبدالله الشندي

» استثناء الطلاب الليبيين من قرار حظر دخول الأراضي الأمريكية
اليوم في 1:52 pm من طرف عبدالله الشندي

» الجوازات توقع عقد توريد خام وثائق السفر من النمسا
اليوم في 1:51 pm من طرف عبدالله الشندي

» أسعار صرف العملات الأجنبية مقابل الدينار في السوق الموازي ليوم الثلاثاء 12 نوفمبر 2017
اليوم في 1:50 pm من طرف عبدالله الشندي

» ورشة عمل لوضع حجر الأساس لإدخال نظام البصمة والصورة على منظومة مصلحة الأحوال المدنية
اليوم في 1:18 pm من طرف عبدالله الشندي

» ممثلة بحرينية ترفض الأدوار الجريئة لهذا السبب
اليوم في 1:13 pm من طرف عبدالله الشندي

» مغامر يوثق لحظة مصرعه سقوطا من الطابق 62
اليوم في 1:12 pm من طرف عبدالله الشندي

» فوائد لا تحصى لوجبة الإفطار.. فلا تهملها أبداً
اليوم في 1:10 pm من طرف عبدالله الشندي

بحـث
 
 

نتائج البحث
 


Rechercher بحث متقدم


مسلسل ريما مش كريمة..الحلقة الرابعة

استعرض الموضوع السابق استعرض الموضوع التالي اذهب الى الأسفل

مسلسل ريما مش كريمة..الحلقة الرابعة

مُساهمة من طرف زهرة اللوتس في 2012-05-01, 4:25 pm

ريما مش كريمة
الحلقة الرابعة
بعد الخبر اللي بلطاته نادية في وجه ريما وامها ارتسمت معالم النصر على وجهها واللي زاد فرحها معالم التبلغيم اللي بانت على وجوهم..
وهي قاعدة تغلى بادرت فتحية ام ريما بالرد على كلام نادية اللي يقطر سم : ( باهي مبارك وربي يكملكم على خير..وحقا خذانا الكلام وبنسالك ونسيت..خوك حسين مواليد قداش بالزبط؟؟ اصغر من عبدالله راجلي بسنتين ولا بي تلاتة؟؟)
ردت نادية بكل صحة وجه : ( والله ماعارفة ياتلاتة يا اربعة سنين !! ) ومع ابتسامة تدل على نيتها السوداء واصلت :( صح هو كبير شوية على ريما لكن الراجل مايعيبه شي! وحسين زي ماتعرفي خدام على روحه وحوشه ماشاء الله كيف ماخلاته مرته الاولى ماناقصاته حتى عودة اوقيد)
ردت فتحية وهي شادة روحها بالسيف وخاطرها تلط نادية كفين تفسدلها وجهها وتلصقها في الحيط :( لا حق مايعيبه شي..وكان كبير ومطلق ..المهم راجل..بس عندي ليكم عروسة تناسبه اكتر من بنتي ريما ؟)
قامت نادية حواجبها متسائلة :( ومن هي هادي؟؟ وخيرها ريما حتى هي ماناقصها شي ومناسباته؟ وكان على القراية هي من امتى فالحة فيها اصلا وماعندها ماتدير بيها وبعدين المراة سيورها تقعمز في الحوش !! وكان سكرت راسها وتبي تكمل هاوينا تستعد هي وياه ومرات يخليها تكمل!)
ردت فتحية اللي حتى صوابع رجليها اتشنجوا من الاعصاب : ( لا شن ريما ! ريما جاينيها عويلة قبلكم وشبه تام الموضوع..غير مابيناش نقولوا على خاطر انتي عارفة الحاجات هادي الواحد مايحكيهاش خير ماتندريش على النصيب لين يبدا كل شي رسمي ..و)
قاطعتها نادية وخليقتها انقلبت بعد ماسمعت الخبر :( صار هكي..ومن هما العيلة ومن وين تعرفوهم؟؟ وتو معقولة ولدهم بيجي خير من حسين خوي اللي تعرفوه وعشرة عمر؟؟)
وفي هذه اللحظة بلقو عيون ريما بعد ماسمعت اللي قالاته امها وقالت في بالها :( زعما فيه منها الدوة رسمي واني مانندريش!! ولا غير امي تفلم على مرة خالى ؟)
كملت فتحية كلامها وشادة روحها بصعوبة على انها تحدف مرة خوها بالمزهرية اللي قدامها وتفشخها :( غير خلينا من ريما وخليني نقولك على العروسة ..عرفتيها مفيدة بنت جيران حوش امي ؟؟)

ردت نادية بانفعال : ( من مفيدة اللطف مازبطتهاش ؟) واصلت فتحية :( مفيدة بنت جارنا الحاج محمد الله يرحمه اللي يسكنوا وراء حوش امي بالزبط !! العفو معقولة مازبطتيهاش!!)
شهقت نادية وصيحت قائلة :( ان شاء الله قصدك على مفيدة اللي زي الختشة !!! هاديكا الدرويشة اللي ذقنها مرخي !! واللي قريب انديدتك في العمر!!! )
قاطعتها فتحية : ( حرام عليك شن ختشة وذقنها مرخى!! بالعكس ماشاء الله عليها بنية محترمة وعمرها كله قايمة امها وبوها لين اتوفوا وايدياتها زي الدهب في القضية والضمان وعلى فم ساكت وكانك على العمر اصغر من خوك حسين ومناسباته عاقلة وزرينة )
انكمدت نادية بعد سماعها لهذه الكلمات ووجهت حديثها لبنتها سلمى :( كلمي بوك قوليله قاتلك امي تعالى روح بينا توا ولا والله نروح على رجليا)
وقالت فتحية بمجاملة كذابية :( غير خيركم اللطف ؟ مازال بكري!! من كتر جيانكم انتم ؟ غير اقعدوا نتعشو مع بعض)
ردت نادية منفعلة :( خيرنا؟؟ معقولة نجيكم نبي ريما لخوي حسين تقوليلي على مفيدة؟؟ الحق مش فيكم ..الحق فيا اني اللي وديت ريما بخوي حسين !)
وردت عليها فتحية :( الماخذة نصيبات واني الحق عاجبتني مفيدة ووديت بيها خوك حسين زي ما انتي وديتي ريما بيه !وريما زي ماقتلك جايها عريس كويس ومناسبها في العمر )
ولم يقطع هذه الحرب الباردة سوى صوت الكلاكس المكمود متاع سيارة سالم ..وصوت نادية وهي تعيط على صغارها بش يطلعوا ..وروحت نادية وصغارها وسقدتهم فتحية اللي شكت ان جاها الضغط من كتر ماصدعت..وبعدما ربطت راسها بتسمال مع ليمة عصر خشت على ريما في دارها ولاول مرة من فترة طويلة حيدور بين ريما وامها حوار من نوع مختلف..
يتبع في الحلقة القادمة كان مازال عندكم خلوق

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع

avatar
زهرة اللوتس
إداري
إداري

انثى
عدد المشاركات : 124527
العمر : 36
رقم العضوية : 2346
قوة التقييم : 158
تاريخ التسجيل : 30/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى