منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» طلعات مستمرة لإبطال سلاح الجو
اليوم في 4:31 pm من طرف عبدالحفيظ عوض ربيع

» السيطرة على مخزن هائل لتنظيم داعش
اليوم في 4:28 pm من طرف عبدالحفيظ عوض ربيع

» تم العثور عليه في أحد المنازل في الجيزة البحرية سرت
اليوم في 4:20 pm من طرف عبدالحفيظ عوض ربيع

»  ﺳﻴْﻄﺮﺓ ﺍﻟﻘﻮّﺍﺕِ ﺍﻟﻤﺴﻠﺤﺔِ ﻋﻠﻰ ﺃماكن ﻋﺪﻳﺪﺓٍ
اليوم في 2:16 pm من طرف عبدالحفيظ عوض ربيع

» القوات المسلحة تستهدف غرفة عمليات تابعة للجماعات الارهابيه
اليوم في 2:13 pm من طرف عبدالحفيظ عوض ربيع

» ﺣﺪﺙ_ﻓﻲ_ ﺇﻣﻌﻴﺘﻴﻘﺔ_ ﻗﺒﻞ _ ﺷﻬﺮﻳﻦ
اليوم في 2:10 pm من طرف عبدالحفيظ عوض ربيع

» ماهى الا ساعات ويثم تحرير قنفودة
اليوم في 2:05 pm من طرف عبدالحفيظ عوض ربيع

» تمشيط سرت من محتوياتها
اليوم في 2:01 pm من طرف عبدالحفيظ عوض ربيع

» مسجد الزروق والشوارع المحيطه به بمحور قنفوده
اليوم في 2:00 pm من طرف عبدالحفيظ عوض ربيع

» الظهر_الحمر " أنفجار لغم ارضي
اليوم في 1:56 pm من طرف عبدالحفيظ عوض ربيع

» قوات أفريكوم الامريكية تعلن تحرير مدينة سرت
اليوم في 1:48 pm من طرف عبدالحفيظ عوض ربيع

» سرت بعد دمرت تحررت...
اليوم في 1:43 pm من طرف عبدالحفيظ عوض ربيع

» ارتدِها في ثوانٍ.. هذه أسهل 3 طرق للف رابطة العنق
اليوم في 1:39 pm من طرف عبدالحفيظ عوض ربيع

» بالفيديو: شاهدوا كيف تغيرت الأرض خلال 33 عاما!
اليوم في 1:37 pm من طرف عبدالحفيظ عوض ربيع

» تحميل برنامج للترجمة بدون انترنت مجانا
اليوم في 1:36 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


تعال نحكيلك قصتي وسمعها

استعرض الموضوع السابق استعرض الموضوع التالي اذهب الى الأسفل

تعال نحكيلك قصتي وسمعها

مُساهمة من طرف العاشق الصغير في 2012-05-11, 4:35 pm


هادي القصة صايرة لشاب عمره 19 سنة و من الله عليه بكبر العقل و حب بنت تصغره بسنيت و كان يفكر في الزواج بيها و عرض الموضوع على امه و على العائلة و هما عرضوه على عائلت البنت و وافقوا موافقة مبدأية
المهم الشاب يحكي كيف اول ما تعرف عليها و كيف لقاها مرااهقة و عقلها صغيير و كاانت في حفرة الضيااااع و بحمد الله هوا طلعها من الحفرة اللي كانت فيها و علمها الصح من الغلط..

تمر الايام و البنت ما شبحتش للي داره و هااانت عليها العشرة

فا كتب الشعر هدا

و الوليد زنتاني و هيا غريانية و اسمها
أروى
.................................................. .................................................. ........................
لا جيت نشحت ولا نتجدا

غير الكلام في القلب ما قدرت نرده


و اسمعه مني

تعال نحكيلك

تعال نحكيلك قصتي و اسمعها

و احكم بعدل و انا نسمع حكمك

وحدة بوحدة نقولها و تبعها

و قولي بعدها شن تحس في جسمك

و هو مجروح قلبي مشى وطاوعها

يوم الاحد قالتلي راني نحبك

قال خاطري لو صدقت اندلعها

سية زمان معاد تطلع منك

مشينا شهر تحكي على واجعها

واحد توفى و بالسيف راهي تضحك

حسيت الوجع قررت اني ننفعها

بعد الرحيم انا نشيل الهم في صدرك

تنزل دمعتك و انا اللي نرفعها

و من غدر الزمان و الدهر اني نضمك

دوووورة

دوورة لقيت الفساد ماليها

من ساسها لراصها يا صاحب

اللي يجي يكلم و يلعب فيها

و عالنت مدايرة الفين صاحب

و رقمها بين الولاد مخليها

سلعة تنشرى و تنباع والله غالب

طبعها خاطي و اللعبة بيها

ساهلة سوا عالمرتاح ولا التاعب

ماعرفت اللي بنديرها يجي يوم وتواطيها

و عمر العين ما علت عالحاجب

هنا وقففففت

وقفت قلتلها لا تشرفني

بنت كيفك تريس ما تستاهل

و عطيتها على راصها صدقني

اللي شفته هداك اليوم ماهو ساهل

صغيرة سن و قلبها مسخفني

اللعب و الخدعة بيهم جاهل

ما يعرف ذيابة الدنيا اسألني

عليهم كنت ذيب توا كاهل

في راصي قلت هالغلط مايوقفني

و الخير يا بنية فيك راني فاعل

نسبك اصيل و ربايتني ربتني

تدير الخير في الظلام يبقى شاعل

تتغيييير

قلتلها تتغيري ملزوم و فكرك لازم ما يتغير

و انا معاكي تلقيني دوم الصح من الغلط نوريك

عقلك اللي مزال صغيّر

كان قعد هكي يجافيك

و تضيعي بين امواج الصيّر

موجة تمشي موجة تجيك

شدي صلاتك و ماتلبسي القصّير

ولاد و نت كلام فاضي ماينفع بيك

و اخلاقك عما الكل بتغيير

و ماتخلي حد يدوي عليك

و ياما في العيلة من دوة

طلعت و بتطلع عليك

استمري و انا معاك وقتي كله نديره ليك

عججبتني

عجبتني كيف عزمها عزمت و جروحها كلها انا نداويها

و كيف عرفت غلطتها وين و اعترفت ان هادي سية

و يوم بيومه نمشي معاها يزيد الاصرار اللي فيها

و قالتلي يا حبي اي شي مش حلو غيره فيا

و انا كنت نغير لملصحتها مش لأني هكي نبيها

مش باش نديرها بمواصفات البنت اللي نبيها ليا

فجأة قالتلي على مصيبة ماعرفتش وين بنمشي بيها

حبيبها اللي توفى زمانات ابشع حاجات رضاها ليها

رضى ليها السية بالدات و ياما كلام قاله ليها

قالها انا وياك في سرير و دوة غليظة خشوا فيها

كيف يقدر واحد يحب يرضى اللي هوا داره

هدا مش حب هدا استغلال انكشفت هالصورة بأمارة

انه عمره ما اهتم بيها يقوللها كل شي براحتك

حب طلع كدب و خيال كرهاته و قالت يا خسارة

تمضي الاياااام

مضت الايام زي العسل و حبنا زاد في كل دقيقة

زعلنا و مادامش زعل يتم اليوم حني تسامحنا

صكرت على قلبي بقفل من غيرك مافيش رفيقة

و كان في يوم ماتفاهمناش نحبك الكلمة اللي تفهّمنا

و يا صاحب هادي الحقيقة ما نتدكر يوم تعاركنا

و حبي كان نازل سليطة

ليها و زاد عليها جنوني

نقولها نحبك يا عبيطة

ترد عليا و اني يا عيوني

ما فكرت في يوم نبدلها

و مانشوفش في وحدة جديدة

الله يرحمها ايامات

اناشبها نقوللها يا عبيدة

و كانت ضحكتها سحارة نفرح وين نسمعها تضحك

ووين نقولوا بنت القاره ترد عليا هيا انحبك
............................

و اليوووم

هان الحب كيف مش عارف بعد هالعشرة نهون عليها

و انا اللي كنت بدمي حالف لو طلبت روحي نعطيها

ماشافت لأيام زمان كيف كانت و كيف لاقيها

و كيف ان ولد الزنتان غيرها و ياما حن عليها

موش بجميل ولا بعرفان بس هدا من حبي ليها

ما نتدكر في يوم قصدت اني نزعلها ولا نوجعها

بدت كيف الخاين القديم و نقدر بيها انا نجمعها

طلع المكشوف و بانت و يا اروى كتر خيرك

زي ما العشرة عليكي هانت غدوة نديروا وحدة غيرك

امتا بتكبري سؤال سألته حاتفهميه و ينهد حيلك

قارني و قولي ياللي درته لأي بنت حلال من جيلك

كنتي انسانة بطبع خفيف جميلة لكن دمك فاسد

و حاتشوفي معنى اللهيف و غدوة تطيحي في ايدين حاسد

رخصتي روحك و اني غ**** لكن تفكيرك الخسيس

مهما غليتي تطيحي تاني و الرخيص طول عمره رخيص

يا صاحب شفت السية معاها لكن ننصحها نفوّتها

طايشة و زينها عماها الحمد لله قدرت نتبتها

العشرة توا و تعبي معاها و الحاجة الحلوة باعتها

تو يجيك اللي فيك بيرضاها زي مارضاها ولد عمتها

اكتر من مرة بين ايديا كنت نقدر ندير ما نبي

و انتي كنتي ما تنهيني و تزيديني تقولي حبي

قربتني مني و جبدتيني بعدتك و سألتي علاش هكي

قلت يا اروى مانرضاها فيكي انتي و العالم ربي

اني تمنيتك في الحلال رغم ان الحرام جاني

اكتر من مرة على هالحال و قتلك ما نعاودوها تاني

الخونة طبعك و التاريخ يشهد و يقول يا زماني

كيف تقارن عبد النبي بواحد زي شارف الغرياني

اليوم تو تحبي كيفك ياللي فيك السية بيرضوها

و ماتشرفني بنت كيفك و هيا ماتشرفش بوها

عرب روسيا عايشين فري جاهم زنتاني وراهم

كيف عيشتهم هلبة اخي عالراص يعارك ياما عطاهم

ربي حافظنا عالدوام تريس تشرف لي رباهم

اللي كيفك كيف بنات الحرام قلبي ما يصوب تالاهم
................
و كان عالمشكلة اللي فرقت بيناتنا فهدا اللي صار
::::::
من حبي ليك و يوم الوداع قلبي بان عليه حرصة

انك ما تضيعيش من تاني و تجديت طلبت فرصة

لكن انتي اللي كابرتي يلود الدهر و تحصلي قرصه

من واحد تتلاقي معاها يشدك و يحصل فيكي حصة

اما اليوم خلاص انتهينا و الوداع بنضرب جرسه

و نحكيلك تو شن صار معانا......

بايـن عليــك ازعلــت .. لمتـــك ملامـــة ود منــي شلـــــت ... اعلنــت الجفـا

لأنيي نبيـــــك ..... علــى غلـط درتـه جيـت ننهـى فيــك

و لـولا المعـزّه مـا شقيتـش بيك ..... و لا كيــف هلّي يجاملــوا جاملـت

نضحـك معـاك و فـي قفـاك عليـك ..... انّافــق مـع اللــي يحايلـوا حايلت

محـال ، مـا نرضى الأهانة ليـك ..... و لا الخبـث طبعـي لا العيـب قبلــت

نصارحـك نقـــول الصــح و نبكّيــك ..... ربحتـك ســوا ولاّ خســاره نلــت

و لا نسايـرك عالغلــط و نرضّيـــــك ..... و نخســر معـاك الـروح كـان فعلــت

انـــت اخطيــــــــــت ..... و نـا بـود لمتــك مـا عليـك اقسيـــت

جـا رد فيــه بزعلتـــك حسيــت ..... و خذيتــه بطيبـة قلـب مـا عدلــــت

رنيـت ليـن فصـل مــا رديـــت ..... واكيد ظرف منعك،رغم شكـي،قلــت

كـم يـــوم نراجى فيــك لا رنيـت ..... و لا مســج طمنــي عليـك ارسلـت

و جيتــك و مـا منـك صفا لاقيــت ..... حتـــى ســلام اللـه بيـــه بخلـت

صدمـه بيهـا صـرح الغــلا هديـت ..... اوضاحـت الرويـه و الغشـاوه زلــت

تاريـك نـاوي عالجفـا و جفيـت ..... تــدوّر علـى سبلـه و فيهــا طلــت

لـو كنـت صافـي ، نيّتــك صفّيـت ..... و قلبــك بصابــون الملام غسلت

غرّك هيامـــي بيـــك و انغريــت ..... تحسابني بنمــوت كــان رحلــت

لا و راس راسك كيـف مانـك ريــت ..... ناكــل و نشــرب و الحيــا واصلـــت

كيف أي شخـص ، مشيت ولاّ جيـت ..... مـاعـاد بفراقـــك البــال شغلـت

و لاعـدت غاليّــا اللـي غاليـت ..... و البلسـم اللـي بيـه الجـراح دملـت

احبــــال المــوده بينّـــا قصيــت ..... بيديـــك و ابـواب الحــوار قفلـــــت

اليـوم مـا يفيـدك كـان قلـت اخطيــت ..... ولاّ ذرفــت الدمـــع و توسّلـــت

منـك تعلمــت القسى و قسيـت ..... على نسوتـك هنتنــي زي ماهنت

عزيـز نفـس هكـي يا عزيــز اربيـت ..... مــا يـوم فــي دار الهـــوان نزلــت

شامخ فوق مطلوق الجناح...ننزل وين ماعقلي شها

انعيش ابعز ونقول الصحيح..وشمس الحق ماعنها غبا

ونلفظ بيه ولساني صريح..بصوت شهير ما هو لي خفا

لوكان انظل من الدنيا كليح..فراشي الارض وغطاي السما

ولوكان نموت في فراشي طريح..من غير الله مانطلب جدا

موتي خير من دير القبيح..وما ينعد في عمري سوااا

تريس بكلمة و في التلقيح..من اصلي معروف زمان

ولا كلمة تمشي ولا تريح..نعرف لي كان و ماكان

واللي هنت عليه عما الريح..في قلبي ما نعطيه مكان

و كنتي الخيرة من القواسم..لما كانوا معاكي الزنتان

و في الاخير

نا عندي نفس لاتخون غلاها .... ولا تلوم جافي بلا سبب عاداها
عاشت مع اللي يعرفو مبداها ... لها قدر منهم كل وقت ايجيها
نافكرتي اتعبر علي معناها.... ماانلومها تحكي على ماضيها
الدنيا علي كل حال جربناها .... عرفنا وفاها ونقصها اللي فيها
واللي حب نفسي صحيح وفاها ...لقت روحي مغلفة هدية ليها
وريحها قلبي ولا فيوم جافاها...مقيوم و مسلم بين ايديها
كلمة الحب ماتفهمي معناها...و حبي مش كيف قصص الناس تبدا بيها
صون الغلا السية ما ناراها...طول العمر و معاك ما تاريها
طبعي صعيب و الروح لي نحياها..اللي جرحها فيوم ما يداويها
واللي عرف قدرها و صان غلاها...ماتت الروح فيه و دابت فيها
البنت اللي نحبها و صدقت فواها...متنا قبل ما شي يوصل فيها
تشوف الحنان و الحب يجي تالاها...تطلب حبيبتي و نا نلبي ليها
روحي تكون صادقة معاها...في العين تنحط و نزيد نغطيها
دوري لو شفتي تريس بلاها...نفسي تريس لا ماتلقيها





عبيتني نقلتا
منــــــــــــــــــــــــــــــــــــــــــــقول

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى