إن شاكيت شاكي هل عنا و مروًة

من طرف **العاشق الصغير** 2012-05-11, 5:12 pm

إن شاكيت شاكي هل عنا و مروًة *** و ان ما لقيتهم خللي همومك جوه
صــــــــــون اسرارك *** إن ما لقيت من يقسم معاك اقدارك
و اسكت علي همك و لوعة نارك *** الإنسان راه مرات اللسان عدوه
و اطلب الله يعدله مشوارك *** ينور طريقك ليلها يضوا
و الصاحب اللي يعزك يعرف كارك *** يقاسمك اوجاعك وين ما إتكوي
و ما من اللي دمه قريب و جارك *** عليك بالنكد و الضيق قاطب نوة
و إن كان تم يوم السو من حضارك *** الناس يسرعو شورك و هو يتروي
مصبي في القبب و يقول ايش اخبارك *** و انت في الغراقـ تعوم للترقوة
**
إن شاكيت شاكي هل وفا و نخاوة. *** حتي و بينكم مده جفا و عناوة
لجواد يستحو ما يرتضو الدناوة *** موش كل من عاداك تخشي سوه
عدو خير من صاحب دني ما ياوي. *** لا يقول خير و لا يبطل دوة
إن كان جيت يظهر مذرحه و حفاوة *** و ان كان غبت يحفرلك طناشر هوه
و اوقات ما تفك الواحلات قساوة *** و لا كل حد تنفع معاه فتوة
بضحكه و كلمه طيبه و هداوة *** تحصل اللي ما طلتها بالقوة
وبلا الله ما ينحل باب *** بعونا جميع امورنا تسوي
و اوقات العواقل يلبسو الغباوة *** ان كانهم انهاسوا و السفيه تقوي
**
ان شاكيت شاكي هل وفا و دباير *** و اللي كاتبه مولاك صاير صاير
و هو اللي ان راد يزيل كل كداير *** يروق ع المضيوم يصفي جوه
و ان راجيت من شور البخيل بشاير. *** علي فرحتك دير العزا من توة
كيف من يراجي في سحور الباير *** يبان ضئ الفواهق و هي اتلوي
ان شاكيت شاكي هل عنا و مروة. *** .و ان ما لقيتهم خلي همومك جوه

للشاعر: الشريف الشارف الحرنـــه
إن شاكيت شاكي هل عنا و مروًة 944316