امغير خطاها ..تحمل بلاك وسيتك تنساها ..ع العين ماتخطم

من طرف **العاشق الصغير** 2012-05-11, 5:53 pm

ايقول الشاعر"بلقاسم السحاتى"

امغير خطاها ..تحمل بلاك وسيتك تنساها ..ع العين ماتخطم

غير اتركه .. وجودك احذاها هو اللى رابكه

افتكيت منها وهى مفتكة .. نار وعذاب وشوق يامشقاها

من ظلمك وظلم الوقت زاد هلكه .. ومامن امواجع داسة تكماها

وشالها خطاك وع الوطاه هبكه .. ماحسبتة تنجى الله نجاها

لو شفتها منك وهى تشكه .. رقت اعزوم الشامتين معاها

* * *

امغير خطاها .. تحمل بلاك وسيتك تنساها..ع العين ماتخطم

* * *

غير اعفيها ... منك الوجه الله ليش اتجيها

اتنقض اجروحك من جديد عليها .. ويعاود ابكاها لولى هو ابكاها

امور خطاك الشين قاعد فيها .. ومسع اخلى مالدوج بيت عزاها

ولعند تو اتقول حيها حيها .. لوسيرتك جابوا عرب يالاها

ولعند تو الدمع فى ماقيها .. ولعند تو النوم مسع جاها

ولعند تو اتقولك غاليها .. مى مصدقة بلكل اتهون غلاها

* * *

امغير خطاها .. تحمل بلاك وسيتك تنساها..ع العين ماتخطم

......................
م ن ق و ل