للشاعر فرج العشيبي فرج العشيبي / اهداء الي ...

خذيت ع البكا"

الهن خليني.. سطير الجروح ودمعتي في عيني..

لي الله ياظالم..

سطير جروحي وكم ليل كملته بلاك بروحي..

لك الله ياعيني عليش تنوحي والصبر خير وربنا اينسيني..

لا تعلمي بالغيب لابه توحى لا لي عليك ملام لا تعاتبيني..

ناصب نوعي ما ليل كفيته نزيل ادموعي..

خليلي صهيد النار بين اضلوعي تذكار منك فى عقاب اسنيني..

تذكار من صفيت ازهار اربوعي تذكار من جرحك اللي رازيني..

تذكار نذكر اسنين اولوعي نذكر اشواقي ف الغلا وحنيني..

كميت العبره خذيت ع البكا م الوقت صاحب خبره..

وعانيت فى جرحي حلف مايبرا ينزف عقاب الليل وايوعيني..

وطول سلكها قالوا ايودر لبرا واللي بعيد مانطمع نهار ايجيني..

سطير الجرح وهموم نسني معاني الفرح..

لو كان فارقني بطيب وطرح لانا ظلمته لا ظلمها عيني..

ودار حسبته امعانا بجمع وطرح خذاهن حقوقه وانا خذيتا ديني..
---------------------------
هديه الي صديقي الهيلع

مشكور خالد على ماقدمت من موروث شعبي في مجال الشعر الشعبي من كتابة وتنسيب للشعراء جيد خالد مشكور جداًجداً

مشكور على الطرح الجيد اخى العزيز..بارك الله فيك

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل