منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» طلعات مستمرة لإبطال سلاح الجو
اليوم في 4:31 pm من طرف عبدالحفيظ عوض ربيع

» السيطرة على مخزن هائل لتنظيم داعش
اليوم في 4:28 pm من طرف عبدالحفيظ عوض ربيع

» تم العثور عليه في أحد المنازل في الجيزة البحرية سرت
اليوم في 4:20 pm من طرف عبدالحفيظ عوض ربيع

»  ﺳﻴْﻄﺮﺓ ﺍﻟﻘﻮّﺍﺕِ ﺍﻟﻤﺴﻠﺤﺔِ ﻋﻠﻰ ﺃماكن ﻋﺪﻳﺪﺓٍ
اليوم في 2:16 pm من طرف عبدالحفيظ عوض ربيع

» القوات المسلحة تستهدف غرفة عمليات تابعة للجماعات الارهابيه
اليوم في 2:13 pm من طرف عبدالحفيظ عوض ربيع

» ﺣﺪﺙ_ﻓﻲ_ ﺇﻣﻌﻴﺘﻴﻘﺔ_ ﻗﺒﻞ _ ﺷﻬﺮﻳﻦ
اليوم في 2:10 pm من طرف عبدالحفيظ عوض ربيع

» ماهى الا ساعات ويثم تحرير قنفودة
اليوم في 2:05 pm من طرف عبدالحفيظ عوض ربيع

» تمشيط سرت من محتوياتها
اليوم في 2:01 pm من طرف عبدالحفيظ عوض ربيع

» مسجد الزروق والشوارع المحيطه به بمحور قنفوده
اليوم في 2:00 pm من طرف عبدالحفيظ عوض ربيع

» الظهر_الحمر " أنفجار لغم ارضي
اليوم في 1:56 pm من طرف عبدالحفيظ عوض ربيع

» قوات أفريكوم الامريكية تعلن تحرير مدينة سرت
اليوم في 1:48 pm من طرف عبدالحفيظ عوض ربيع

» سرت بعد دمرت تحررت...
اليوم في 1:43 pm من طرف عبدالحفيظ عوض ربيع

» ارتدِها في ثوانٍ.. هذه أسهل 3 طرق للف رابطة العنق
اليوم في 1:39 pm من طرف عبدالحفيظ عوض ربيع

» بالفيديو: شاهدوا كيف تغيرت الأرض خلال 33 عاما!
اليوم في 1:37 pm من طرف عبدالحفيظ عوض ربيع

» تحميل برنامج للترجمة بدون انترنت مجانا
اليوم في 1:36 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


شايب يرقد في بجامة

استعرض الموضوع السابق استعرض الموضوع التالي اذهب الى الأسفل

شايب يرقد في بجامة

مُساهمة من طرف dude333 في 2012-05-22, 2:31 pm

قصيده للشاعر (بوبكر رابح ) ... لــ شايب رومانسي ذو الحياه الهادئه حيث يأتيه أبن عمه (أمراجع بونجامه) طالباً منه الفزع معه لوضع حد لــ ( عيلت سلامه ) التي كما يقول إمراجع أنهم أستولوا على قطعه أرض لهم ....
شايب يرقد في بجامة
مايرقد في جلابية

جوه في داره حمّامـــه
متمنقه مية في المية

يلبس عالموضة هندامه
ولبساته ديما رسمية

و منظم ساعات طعامه
و اغلب وجباته مشوية

روتيني داير نظامه
يشرب قهوه كل عشيــــة

عنده فترة لنسجامه
عايش عيشة رومانسية

كناري يغرد قدامه
نغمة صوته موسيقيـــــة

داير حوض اسماك احجامه
يختلفن بألوان بهية

شايب عاش دلال ايامه
ما في عمره دار قضية

مابين اوراقه واقلامه
مثقف و افكاره حيــــــة

فندام يتابع ف افلامه
و يحكي لغات اجنبية

فارض عالناس احترامه
واخذ لامور بجدية

هادي فى طبعه وكلامه
مايعرفش العصابية

مؤدب في رد سلامه
تابع قول الله ونبيه

لاهو م الناس الجلهامة
لاهو م الناس الحسدية

لا هو كيف اولاد عمامه
قلة دين ومشكلجية

لا يعرف زرع و جلامة
لا يعرف عيت ام حوية

----------------------------------------------------------------

جاه امراجع بو نجامة
بن عمه من نفس الفيّة

قاله راهو في خصامة
في جيهة لارض الفوقية

فيها كانت فيه علامة
لكن من مدة مخفية

هاللي من عند الخرّامة
لاعند القارة لقصيّة

من غربي وادي النعامة
من شرقي مقلب لميّة

من عند علاوي الحمامة
لا عند قرارات هنيّة

راهم جوها عيت سلامة
ونحنا بتنا برّانية

يحكي ويقبع ف اكمامه
حردت سوريته ملوية

من عالراس عزق لعمامة
طلّع من جيبه كمية

وخذت لارض عليك ندامة
ياعار العيله جمليّة

نبو يوم يحيد غمامه
نرجو فيه الكبانيّة

شال الشايب فى دوامة
قاله فز انعدو هيا

في التيوتا حط خيامه
هايلوكس و فيها بتيّة

خبزه و شوالات اقطامة
و جريوين مع عجمية

قبل الليل يعم ظلامة
وصلو لارض اللي مغزية

كم واحد واتي بحزامه
داير في جنبه غدرية

يبو لزت عيت سلامة
قبل الفجر يعلم ضيه

تمه الشايب فى دوامة
في الجيه ماعنده نيّة

تمت قدامه اتوامى
طلق اسناب و جطلاوية

ليلة كى حلم الجثّامة
كم جثة تمت مرمية

ليلة فيها عيت سلامة
دالو لارض بعين قوية

خلو عيلت بو نجامة
يجارو فى هالحطيّة

لزوهم تمه ايتحامى
شايبنا بالشمّاسيّة

لين اغلب فى شيل قدامه
عارف روحه راح ضحية

جاه واحد شين إنتقامه
قاسي ماعنده حنية

متعضد يا فيه جهامة
يقتل لو قوى بونية

ضاع الشايب هو و احلامه
حصل ضربة في جوجيه

طاح يعيط من صمامه
فاقد وعيه تم رمية

سبحانه ربي واقسامه
ماينجى لولا رعاوية

لقيوه يشير بابهامه
يطلب فى نجدة فورية

فى المستشفى كان ختامه
مايوعى للي طرحية

ما نجين م الكسر عظامه
داروله كم من عملية

قررله الدكتور اقامة
لجلن شالو منه رية

تبع رايات الهدامّة
غروا بيه نسي ماضيه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5527
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى