اذا كانت فيدراليــــــة او ضــــد فيدراليـــــة ارجو الاجابة

بــــرقــــة التـــاريخ حتــي الاعداء رفعُو لها القبعــــة
لا يعني عدم حبك لاقليــــم برقـــة ....
هل سنحتفل بيوم استقلال برقة مثل ما فعلـــو اخوتنا بـــــ يوم الجمهورية الطرابلســية
هل ستنقـــل القنوات الرسميـــــة هذا الاحتفال ؟؟؟؟؟

هل سنحتفل بيوم استقلال برقة مثل ما فعلـــو اخوتنا بـــــ يوم الجمهورية الطرابلســية

توقع الاحتفال في أي لحظة ...

هل ستنقـــل القنوات الرسميـــــة هذا الاحتفال ؟؟؟؟؟

ههههه مستحيل ....

مشكور علي المشاركة اخي جمال

نعم .. وأنا أول المحتفلين ... ليش لا ... لماذ الأمازيغ عندهم الحق يرفعوا فى أعلامهم ويحتفلون بأعيادهم ... كل واحد حر ... عندما لايؤثر فى الأخرين ...

انا ارفض الفدراليه كمواطن لأنني جربت مساويها التي ألغيت من اجلها بعد أن فرقت قرارات الوالي بين المواطنين في الحقوق ولازالت شاهدا علي تلك الفترة والتي يعرفها من عاصرها .... ولا يريدها إلا من يطمع في وظيفة الوالي أو احد وزراء حكومة الولاية أو الحاشية ....
شكرا اخي علي طرح هذا الموضوع للنقاش الهادف البناء

بارك الله فيكم علي المتابعه والمشاركة

ولماذا لا نحتفل الم تسمعوا بالمثل القائل ان رحلة الالف ميل تبداء بخطوة علينا ان نحتفل بيوم التاسيس والذى تعلم منه الرواد الاوائل الطريق للوحدة وكانت النقلة التاريخية من المملكة الليبية المتحدة الى المملكة الليبية لم يعرفوا مساوى الفيدرالية الا بعد ان جربوها شكرا للاجداد والمؤسسين الذين لولاهم لما عرفنا مساوى الفيدرالية ونبذناها
لا ارى غضاضة فى الاختفال ففى يوم الاحتفال سنبين لماذا تحولنا من الفيدرالية للوحدة

saadessa كتب:

انا ضد الفيدرالية ..... وما يسمى مجلس برقة لا يمثلنى ( ولا يعنى لى ششىء على الاطلاق )
الاحتفال ...مرفوض لسبب واحد . الغرض منه اثارة الجهوية والنعرة القبليية وهذا ضد مبادىء ثورة 17 فبراير المجيدة
نعم للمجلس الوطنى الانتقالى ( الممثل الشرعى لكل الليبيين
----------------------------------
لا تزعل منى لاننى اجبت بكل صراحة وللعلم انا اصولى من المنطقة الشرقية

وليش نزعل يا خوي منك سواء كنت فدرالي ولا لا ومشكور علي المشاركة واعطاء الرأي

dude333 كتب:ولماذا لا نحتفل الم تسمعوا بالمثل القائل ان رحلة الالف ميل تبداء بخطوة علينا ان نحتفل بيوم التاسيس والذى تعلم منه الرواد الاوائل الطريق للوحدة وكانت النقلة التاريخية من المملكة الليبية المتحدة الى المملكة الليبية لم يعرفوا مساوى الفيدرالية الا بعد ان جربوها شكرا للاجداد والمؤسسين الذين لولاهم لما عرفنا مساوى الفيدرالية ونبذناها
لا ارى غضاضة فى الاختفال ففى يوم الاحتفال سنبين لماذا تحولنا من الفيدرالية للوحدة

بارك الله فيك علي هذه الشاركه اخي الكريم

الم تعلم اخى الكريم بأن مصراته ارادت ان ترتسم حدودها الى منطقة الاربعين لولا ذهاب ثوار برقة وتواجدهم فى الوادى الاحمر لحصل مالم تحمد عقباه لماذا الناس يفهمون الفيدرالية بمفهوم مغاير ايام المقبور يغير فيكم من جمهرة وتارة كميونات واشياء كثيرة وممكمين الافواه هذه ليبيا حرة دعونا نلجاء الى الاستفتاء ويكون الفيصل- الم يحن الوقت لنتحصل على حقوقنا والتى لازالت تسلب منا كل شىء لطرابلس والمناطق الغربية واذا اردنا شىء يلزمنا الذهاب لنستجديهم وهو حق مشروع نقوم بثورة سالت انهارا من دماء خيرت شبابنا وتسرق منا هذا الانتصار اموال نهبت جراد كاسح وحكومة ركيكة تتخبط فى مكانها غير قادرة على بسط سيطرتها دعونا نكون واقعيين لحوم فاسدة تدخل بشر يهرب خمور تدخل ارواح تزهق- مجون وفواحش وكل شخص يريد تمرير اجندته من الفساد تهريب ازلام النظام والرشوة والمحسوبية وكتائب تهمش فى جهاز الامن لكى يخلوالمجال وتبعث فى الارض فسادا - هناك اشخاص يسمع بالفدراليه تقسيم ليبيا فيكرر الشىء بدون دراية-ماذا فعلوا بمناطق الشرق الى الان دعونا نردد المثل القائل كأنك يابوزيد ماغزيت- ولنا لقاء بعون الله

عوض الشلمانى كتب:الم تعلم اخى الكريم بأن مصراته ارادت ان ترتسم حدودها الى منطقة الاربعين لولا ذهاب ثوار برقة وتواجدهم فى الوادى الاحمر لحصل مالم تحمد عقباه لماذا الناس يفهمون الفيدرالية بمفهوم مغاير ايام المقبور يغير فيكم من جمهرة وتارة كميونات واشياء كثيرة وممكمين الافواه هذه ليبيا حرة دعونا نلجاء الى الاستفتاء ويكون الفيصل- الم يحن الوقت لنتحصل على حقوقنا والتى لازالت تسلب منا كل شىء لطرابلس والمناطق الغربية واذا اردنا شىء يلزمنا الذهاب لنستجديهم وهو حق مشروع نقوم بثورة سالت انهارا من دماء خيرت شبابنا وتسرق منا هذا الانتصار اموال نهبت جراد كاسح وحكومة ركيكة تتخبط فى مكانها غير قادرة على بسط سيطرتها دعونا نكون واقعيين لحوم فاسدة تدخل بشر يهرب خمور تدخل ارواح تزهق- مجون وفواحش وكل شخص يريد تمرير اجندته من الفساد تهريب ازلام النظام والرشوة والمحسوبية وكتائب تهمش فى جهاز الامن لكى يخلوالمجال وتبعث فى الارض فسادا - هناك اشخاص يسمع بالفدراليه تقسيم ليبيا فيكرر الشىء بدون دراية-ماذا فعلوا بمناطق الشرق الى الان دعونا نردد المثل القائل كأنك يابوزيد ماغزيت- ولنا لقاء بعون الله

لك مطلق الحرية في اي كلمه مالم تكن تعارض ديننا واخلاقنا العربية
بارك الله فيك وجزاك الله خير علي المشاركة

مادام احتفلوا بذكرى تأسيس الجمهوريه الطرابلسيه
عااااااااااااااااااااادي مافيها مشكله ..شن الضرر ..لكن الدليل انه في خلل في جهاز الدوله وعارف روحه موش صح كل شي خايف منه وقاعد يشحن فالشعب علي بعضهم سواء حكومه اومجلس
بعدين عندنا في ليبيا فيدراليتان غير معلنات
مصراته والزنتان ..وشوفوا علي تصرفاتهم واحكموا
اللهم ولي امورنا خيارنا ولا تولي امورنا شرارنا
شكــــــــــــــــــــــــ ـــــــــــــــــــــرآ وبـــــــــــــــــارك الله فيك

يا اخي ليبيا واحدة ارجو منك الذهاب الي مصراتة والسؤال علي ما قلت انهم سلموه وما الي ذلك
من الاخير انا شخصيا نعرفها ونجيها وتوا معايا 4 اشخاص من مصراته رافقتي وخوتي
لكن الكلام الي تحكي فيه انت ارجو منك اتراجعه فقط لاغير
واسال علي مصنع الحديد والصلب والمجمع السكني الي فية واسأل علي الميناء وهل تجار مصراته يدفعو في جمرك او لا واسال علي سقف السحب في مصراته كم كان ونحن كم كان واسال علي الاتفقيات الدولية الي صارن في مصراته بدون مراجعه حتي سكرتير المجلس الوطني واسال علي الكتائب الي زماااااااااااااااااان قال انظمو للجيش

لا الشرق كان ايحب معمر
وين قاعد انت الثوره بدت مالشرق ولغاية يوم 20 ، 8 ، في مدن مواليه
وواقفه معاه ..
وبعدين مانجاملوش بعضنا تصرفات مصراته والزنتان وكأنهم هم اللي في ليبيا وبس
الشرق ارفع واكبر من اي شخص ايخونه وللا ايشكك في وطنيته
الثوره في بدايتها من وين بدت ومن اللي قادها والعالم كيف عرفوا ثوره
وبمن عرفوها ...
ومصراته والزنتان ينكروا الثوار اللي مشوا وحاربوا معاهم
اكثر نسبة ثوار في ليبيا فالشرق
في جبهة البريقه موجودين
في جبهة مصراته وهم من بنوها وكبروها ...علي حدوث نسيتوه وللا كيف
جبهة الزنتان فيها ثوار مالشرق
الشرق فيه رجاله وكلهم تريس
وان كان هم طالبوا بالفيدراليه ..لأنهم طالبوا بحقوقهم مافي حد سمعهم
واقعدوا ايهددوا فالشرق بالقوه ..صقعه عليهم الشرق وهله

كلنا عارفين ان السلاح لى جا لمصراته كلا من بنغازى والشرق ومش بس سلاح حتى ثوار شباب من مدن الشرق واكل وشرب ودواء ونقلو الجرحى من مصراته والاطفال والنساء عن طريق البواخر الى مدينه بنغازى

الحصيل لو مصراته ماجاهش الامددات من الشرق راهى ماصمدتش

مافيش داعى الانسان ينكر الحقيقه يامصراااااااااته..

سلم فمك اختي شموخ
نحن انريدوا اللي يحكي بالحق بس
ناكرين الكلام كله موش مصراته بس المناطق الغربيه تنكرن للكلام هضا

يكفى ان الشراره كانت من الشرق اسماعيل وهذا اكبر فخر لبررررررررررررررقه

صح
لوكان ايحصلوا فرصه ..يلغوها وللا ايغيروها
لكن خشت التاريخ خلاااااااااااااااااص
حقنا انطالبوا بيه وانجيبوه باي طريقه
انشالله بالرصاص زي ماقال البدين

هههههههههههههههههههههههههههههههههههههههههه موش خاطرة علينا
كلة من اجدودنا الله ايسامحهم اقعدو ايتناقرو مع الطليان نين لموهم في لعقيله والبريقه وعين غزالة وغيرة من المعتقلات كان هضا رانا حتي نحن توا2مليون وعندنا 100 كرسي في الدولة الجديدة هههههههههههههههههههه

رقادة الريح لها عرب
وطحنا فيها حتى فالثوره هذي
اكثر موووووووووووووت فالشرق
لكن من يسمع
ايفرج الله وخلاااااااااااااااااص

بي الشويه ليش هالهجوم ع الغرب ... وسعوا بالكم

لا للفيدراليه .... ليبيا يد واحدة

الأعضاء نحن نحب الغرب والغرب يحب الشرق
وهناك علاقات أخوية بينا
ونحن أبناء بلد واحد
مهما كانت الأمور والحوار والنقاش لا يتعدى الكره والعداوة بيننا

ولا يستهوينا الشيطان
نتمنى يكون نقاشنا فى أمور السياسة والإدارة ومصالح الطرفين
كل منا يطلب حقه الشرعي
وتوفير حق المعيشة والمكانه والاحترام من قبل الدولة
يعني لا للتهميش حساب الآخرين
على أن تكون النفوس متحابة والصدور متقاربة
وهدفنا واحد تحقيق السعادة لجميع أبناء ليبيا
الكل الآن يطالب بحقوقهم وخاصة في الغرب وياخذوا فيها بالقوة ودون
مشاورة المجلس ولا معبرين الدولة
لما طلب الشرق حقهم في التعويض وتوفير سبل الحياة وخدمة المواطن قامت الدنيا وقعدت
ألم تنظروا فى الغرب قوانينكم التي وضعت وخاصة السيطرة الكاملة على عدد الاصوات
ألا ترعوا حرمة الآخرين وتوفير حقهم فى المجتمع
أعتقد أنكم هولتم الأمور علينا
ورفعتم أصواتكم وحناجركم في وجوه اخوانكم الذين كانوا عونا لكم في هذه الثورة
فكونوا لهم سندا ولاتكونوا عليهم ندا
فمصالحنا مشتركة ومن حقنا ان نطالب بمسك العصا من الوسط واعتدال كفة الميزان بيننا
ولكم التوفيق
وبارك الله في الجميع

لانؤيد من هذه الترهات

شكرا للمشاركة

رأي...
اولا بالنسبه للفدراليه هذه شر لليبيا ..
اما كلمة الشرق و الغرب هذه ترهات القرذافي لزرع الفتن بين الليبين ..فنحن نعلم اختلاط القبائل في بعض .من شرقها لغربها..
وبالنسبه لظلم كل مدن ليبيا
ظلمت ..و سرت و مصراته الافضل حال من المدن الاخري..والان دفعنا الدماء علينا ان نحترمها...
لذلك علينا ان نعشق ليبيا
و نخلص لها بالعمل...

انا ضد الفدرالية .....
وما معني الفدرالية ؟
الفدرالية اي الاتحادية
باهي ليبيا واحدة متحدة .... كيف يعني بتوحدها والا بتقسمها الي اتحاديات!!!!
ان كنت تشكو من المركزية فانك تحكي علي دولة القذافي
وان كنت تعاني من الاجراءت فتلك البيروقراطية وكلنا نعاني منها.....

زهرة اللوتس كتب:القصة اني مش ضد الفيدرالية..وعارفة انها مش تقسيم...بس كم صفحة وشخص مع الفيدرالية تصل بيهم الجراة بنعت من لا يريدون الفيدرالية بالاغبيااااء...هنااقول فلتذهب الفيدرالية الى الجحيم!!!!!!!!!!!
واقول ليبيا خلال 42 عام همشت كلها لا شرق ولا غرب كلها مهمشة..وقصة المراكز الرئيسية في طرابلس حتى في الدول الاخرى العاصمة هي التي تتمركز فيها المقراات الرئيسية؟؟ليبيا كلها مهمشة..ومن كان يمسك بزمام الدولة وخيراتها المقبور وازلامه.......شكرا لكم

لوتس كلامك مردود عليك مافيش اي علاقه بالعاصمه في موضوع المركزية في اي دولة محترمه او حتي غير محترمه في العالم نحن مانحكوش علي كبر حجم او كثرة شركات خاصه نحن نحكو علي حقوق مواطن واجراءات شخصية في كل حاجه انتي موش امجربة بس

ليش رابطين مطالب الناس بالفدرالية ؟
خلاص يعني مافيش حل الا المركزية او الفدرالية ؟

انا كطالبه طب وعلى وش تخرج انادى بلامركزيه بكرا بعد بكره نبى نحضر ونطلع برا نقرا مانيش مضطره نمشى الف كيلو عشان ننهى اوراقى من طرابلس وانظر نوصل طيبه ولا فى اول كورفه

نحن نبووووووووووو نظام المحافظات

نعم للفدراليه

بالوضع اللي توا قاعد ايسير فالبلاد
تهميش واقصاء وتصفية حسابات
نعم والف نعم للفيدراليه ...