منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» كين يسرق الأضواء في ليلة انهيار ليفربول أمام توتنهام
اليوم في 12:26 am من طرف عبدالله الشندي

» زيدان يمدح رونالدو وبنزيمة.. ويرد على لينيكر
اليوم في 12:23 am من طرف عبدالله الشندي

» الدامجة على أبواب أهلي طرابلس
اليوم في 12:22 am من طرف عبدالله الشندي

» التحدي يستهدف الدور الرباعي من بوابة شباب الجبل
اليوم في 12:20 am من طرف عبدالله الشندي

» كافاني ينقذ سان جيرمان من السقوط أمام مارسيليا
اليوم في 12:18 am من طرف عبدالله الشندي

»  أعشاب لعلاج المعدة.. بعضها ذات شعبية كبيرة
اليوم في 12:16 am من طرف عبدالله الشندي

» فيديو.. شاب سعودي يسجّل لحظة وفاته بحادث سيارة قاتل على إحدى الطرق العامة بالمملكة
اليوم في 12:14 am من طرف عبدالله الشندي

» قائمة اليونسكو لأقدم 10 مدن في العالم
اليوم في 12:04 am من طرف عبدالله الشندي

» خطاب أرسله أحد ضحايا تيتانيك لوالدته يباع بمزاد علني.. هذا آخر ما كتبه راكب من الدرجة الأو
اليوم في 12:01 am من طرف عبدالله الشندي

» لا تتخلص من قشر الموز بعد الآن.. استخدامات "سحرية" لتبييض الأسنان وحبَّ الشباب
أمس في 11:59 pm من طرف عبدالله الشندي

» في البداية حرَّمتها الكنيسة لمنع الفتنة بالنساء.. تعرَّف على سبب صناعة أزرار الملابس عبر ا
أمس في 11:56 pm من طرف عبدالله الشندي

» #دورة تأهيل القضاة و المختصين في الجرائم الالكترونية
أمس في 11:54 pm من طرف عبدالله الشندي

» دورة امن السفن والموانئ|00201201324991
أمس في 11:53 pm من طرف عبدالله الشندي

» #دورة ادارة #الامن و #السلامة في #المستشفيات|معرفة أنظمة الصحة العامة بالمستشفيات
أمس في 11:51 pm من طرف عبدالله الشندي

» هكذا جمع اغنياء العالم ثرواتهم الهائلة ثم يتبرعون بها في أسرع وقت
أمس في 1:03 pm من طرف عبدالله الشندي

بحـث
 
 

نتائج البحث
 


Rechercher بحث متقدم


وين ثروة البترول يا سمسارة.

استعرض الموضوع السابق استعرض الموضوع التالي اذهب الى الأسفل

وين ثروة البترول يا سمسارة.

مُساهمة من طرف bfs في 2012-05-29, 12:47 am




وين ثروة البترول يا سمسارة..للشاعرالمرحوم جعفر الحبوني

الشاعر جعفر الحبوني شاعر جريء انحدر من عائلة اشتهرت بنظم الشعر وحفظه وروايته.

ولد الشاعر جعفر الحبوني حوالي 1919م بوادي الملاحة بمنطقة البردي التي تقع في شرقي مدينة طبرق بحوالي 122 كيلو متراً ، حفظ القرآن الكريم وتلقى علوم السنة على يد الشيخ عبد القادر بوبكر الصائغ زج به مع الآف الليبيين في معتقل العقيلة الشهير .

كما أجبرته إيطاليا على التجنيد والمشاركة في حرب الحبشة ومكث فيها ثمانية عشر شهراً قرض الشعر الشعبي في مختلف أغراضه له ديوان بعنوان نور العدالة صدر عن دار الحقيقة عام 1974 م

يتضمن هذا الديوان العديد من القصائد في الاتجاه المحلي حيث يتناول قضية الرواتب وحال الفقراء في العهد الملكي ونقده لكبار الموظفين في الدولة الليبية حينذاك وكذلك تطرٌق إلى العيوب الناشئة في المجتمع الليبي حينذاك من فساد ورشوة وواسطة ومحسوبية ويدعو في قصائده إلى العدالة والمساواة وتبقى من أشهر قصائده قصيدة (البترول) الشهيرة التي أثارت ضجة واسعة في ذلك العهد وتجاوبت معها الصحف والإذاعات والشعراء على اختلاف مشاربهم والتي ننشرها في هذا الموقع والتي يقول فيها .

وين ثروة البترول ياسمساره اللي ع الجرايد نسمعوا باخباره

***

وين ما ريناها امغير ع الـجرايد نـسمعوا بانبـها

في سويسرا شيد عمار ابــناها اوحل الـبنا للي هم في الــوزاره

بن حليم والكـعبار لـعبوا فـيها والـصيد في الخزينة ما ترك لاباره

بطاطـيح وازراعات كـون بـيها او حـوت البحر في فـيلته يـجاره

والشـعب واعي راه مــوناسيها امـواله اللي راحن عـليه خـساره

لاسـبد من يوم الـحساب ايجيها واللـي خاين الدوله ايبان عــواره

ينـهض شباب الوطن ويصـفيها من كـمشة لصوص نفوسهم منهاره

اصـغار الوظائف حقها يعـطيها والعــامل الليبي يرتضى باجـاره

واتـكون العداله كل حد طـاريها ويبان ضـيها ع الشـعب مايتواره

واتنـور على اللي كان مـولاقيها ويبشر ابـفرحه زوجـته واصـغاره

او ساعة البطالة في عمل يقضيها ويروح لـبيته بـاللحم واخـضاره

ويـعلم اولاده علم ويربـــيها ارباية عصر ينشو رجال عـصاره

اويـرضى الوليه كان واحل فيها واتقول انت راجل زوجتك مـختاره

انريــدوا عداله هاك فـي باديها أومـن غير هك ماتنفع اولا خـباره

رنـين الخطب ياما اسمـعنا بيها اشـجار نم ماذقنا لذيذ اثـــماره

اوهاذي قصيده واجبي نـرويها واكبار الحكومة هم اللي فــساره

****

ويـن ثروة البــترول والماليه اللي زايده مــليون فوق الـميه

السـوال مني والــجواب عليه انهون على نــفسي اللي محتاره

لـنا اطـناشر عــام في حريه واحنا نــسمعوا بالمال وين تواره

لرقام عالــجرايد مالـهن عديه ألــوفات مال تلفه اوقل ادبــاره

ما كونت مــشروع له هـميه أيــفيد البلاد اونفهموا مــقداره

لا عـــندنا اصناعات وطـنيه اولا عندنا مــنتوج فيه تــجاره

جمـلة بضايعنا اتجي مــشريه باسعار باهظه منهن الناس سماره

اثنـين الجني للفرد فالــيوميه ما عاد سادا واجبات اصـــغاره

ناري عـلى اللـي ناقصين مهيه ناري على الموال والقـــشاره

راحــت عليهم ليل يـا فنديه الله والنبي ديروا لهم اســتماره

غــلو المــعيشه فالبلاد ازيه واكبار الحكومة هاملين اضـراره

غنايا اوبــيهاوت واقــطاعيه هم ع القمم والشعب فالــجراره

التاريخ مايرحم اصـحاب السيه او يوم الحـساب اتبان كل غثاره

اويندم اللي عامـل اليوم خطيه قدام العداله ما يــــفيد انكاره

اردود الجواب صعيب له وحشيه على كل خائن طــايشات افكاره

واعر كلامـــي يدمغ الذمـيه او يعجب اللي مخلص او كامت ناره

اوياقع جميع احسـاب هالقضيه على كل من حــالف ايمان طهاره

منهم اوحود ايمــانهم سطحيه ايخونو العهد اويـــعملوا كفاره

يغـويهم ابلـيس ويتبعوا واديه واللي يتبــعها يقلب جميع افكاره

الواحد ايقـول اليوم نا شخصيه انشوف مصلحة نفسي ابكل شطاره

ويشـبك مـع الشركات لجنابيه ايبيع الــضمير اويشتري المعاره

اتشوف هـيكله مبني كما البتيه من بـره كبير ومن داخله قعواره

اوياقف وارء المذياع في كرسيه بـيده أيــخاطب اولابس النظاره

ويـقول نعملوا فاعمال واطـنيه لـصالح الوطن ونخدموا العماره

بالـعكس يخطب خطبته امغبـيه عــليشان ما تنظر الناس عواره

وبها الحال كي تنمى الـميزانيه وبها الحال كي نبوا اركان حضاره

وين ثروة البترول ياسمسارة اللي ع الجرايد نسمعوا باخباره

واسلمتوا والى لقاء جديد

avatar
bfs
جندي اول
جندي اول

ذكر
عدد المشاركات : 20
العمر : 57
قوة التقييم : 0
تاريخ التسجيل : 02/07/2010

http://montada-sassi2008.montadarabi.com

الرجوع الى أعلى الصفحة اذهب الى الأسفل

رد: وين ثروة البترول يا سمسارة.

مُساهمة من طرف dude333 في 2012-05-29, 9:57 am

هذا اسمة اتفركيس فى التاريخ الليبي
ويما فى الجراب يا حاوى
قصيدة قديمة تصلح لهذا الزمان
شكرا على النشر
زيد فركس بلكى اتجيبلنا شى حاجه اخرى
امغير طلًع ما تبخلش علينا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
dude333
مشرف المنتدى السياسي
مشرف المنتدى السياسي

ذكر
عدد المشاركات : 5532
العمر : 48
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: وين ثروة البترول يا سمسارة.

مُساهمة من طرف bfs في 2012-05-30, 11:55 pm


avatar
bfs
جندي اول
جندي اول

ذكر
عدد المشاركات : 20
العمر : 57
قوة التقييم : 0
تاريخ التسجيل : 02/07/2010

http://montada-sassi2008.montadarabi.com

الرجوع الى أعلى الصفحة اذهب الى الأسفل

رد: وين ثروة البترول يا سمسارة.

مُساهمة من طرف شموخ انثى في 2012-05-31, 12:00 am

كلام واقعى واكثر من رائع
avatar
شموخ انثى
مشير
مشير

انثى
عدد المشاركات : 7145
العمر : 28
رقم العضوية : 7839
قوة التقييم : 21
تاريخ التسجيل : 02/11/2011

الرجوع الى أعلى الصفحة اذهب الى الأسفل

رد: وين ثروة البترول يا سمسارة.

مُساهمة من طرف bfs في 2012-05-31, 12:11 am


avatar
bfs
جندي اول
جندي اول

ذكر
عدد المشاركات : 20
العمر : 57
قوة التقييم : 0
تاريخ التسجيل : 02/07/2010

http://montada-sassi2008.montadarabi.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى