لماذا طالبو بالفدرالية

تعريف المؤتمر الوطنى العام و لماذا نطالب بالفيدراليه

هو الكيان الذى سيتكون من200 عضو منتخب من كل ابناء الشعب الليبي

(102. للمنطقه الغربيه . 60 للمنطقه الشرقيه . 38 للمنطقه الجنوبيه )
...
وبانعقاد جلسته الاولى ينتهي دور المجلس الوطني الانتقالي ليتولى المؤتمر الوطني العام مجموعة من الوظائف والاختصاصات الهامة , وينتهى دوره بمجرد انعقاد السلطة التشريعيه التى يدعو لها اعتماد الدستور .

اختصاصات المؤتمر الوطنى العام طبقا للمادة 30 من الاعلان الدستورى .

1. تعيين رئيس الوزراء , ومنح الثقه لأعضاء حكومته التى يقترح اسمائها .

2.تعيين رؤساء الوظائف السيادية .

3. اختيار هيئة تأسيسة لصياغة مشروع دستور البلاد , وطرح اللأستفتاء عليه (نعم او لا ) واعتماد الدستور .

4. اصدار قانون الانتخابات العامة , واعادة تشكيل المفوضيه العليا للأنتخابات ,والاشراف على العمليه الانتخابيه , والمصادقة على نتائج الانتخابات واعلانها .

5. دعوة السلطة التشريعيه للانعقاد , والتى بانعقادها يحل المؤتمر الوطنى العام ....

لمذا نطالب بتساوى المقاعد ؟

1. ان المؤتمر الوطنى العام ليس (برلمان) لنخذ بمعيار عدد السكان كأساس لتوزيع المقاعد , بل هو (جمعيه وطنية تاسيسيه) , يجب ان تكون المقاعد فيه متساويه بين المناطق المكونة له .

2. هذا التقسيم يتجاهل الحقائق التاريخيه الأجداد فى المنطقة الشرقيه ضد الاستعمار , وما تعرضوا له من ابادة جماعيه تسببت فى قلة عدد سكانه .

3. تقسيم المقاعد بحسب عدد السكان فى ليبيا , فيه تجاهل لحقائق النظال فى ثورة 17 فبراير ,

.4 ان ما يسمى بحق تعطيل القرار(الفيــــتو) يحتاج الى عدد (65 صوت ) وهذا الحق لا تملكه الا طرابلس وحدها ويسمح لها بتمرير أى قرار فى صالحها حتي لو كان هذا القرار ليس من صالح الشرق او الجنوب ولا يحق للمنطقة الشرقيه او الجنوبيه الاعتراض عليه
نحن لاننشكك في اخوتنا في طرابلس ولكن من حق كل منا ان يضمن حقوقه.

5 يجب ان يكون هناك تساوي في المقاعد منعا للفتنه بين المدن ولحمايه البلاد من التقسيم الذي يجده البعض الحل في القضاء علي المركزيه والتهميش وعدم مساواة المقاعد

فقد زات الاصوات المطالبه بمقاطعة انتخابات الموتمر الوطني العام هذه الايام وهذا ليس من صالح البلاد فبدلا من المقاطعة يجب الاصرار علي التساوي في التوزيع

. لهذا ستكون هناك وقفة احتجاجية للمطالبة بتوزيع المتساوى لمقاعد المؤتمر الوطنى
يوم الاربعاء الموافق 6-6-2012 امام فندق تيبستى عند الساعة 5:30

نريد العدل ثم العدل
الثوره قامت عالظلم والاضطهاد وماصار شي ردن من جديد
ياريت ساستنا اللي توا موجودين عالساحه يتركوا اطماعهم والجهويه الواضحه عندهم
والالتفات لمصلحة ليبيا كونها كيان واحد ووطن وشعب واحد
لكن هضوم هم سبب بلاء ليبيا والليبيين
ربنا يهديهم وخلاص
شكــــــــــــــــــــــــ ـــــــــــــــــــــرآ وبـــــــــــــــــارك الله فيك

يا سيد اسماعيل اي ظلم واي اضطهاد رد من جديد سبحان الله
اتركوا المبالغة راهوا الغلو مدموم حتى في الشريعة
اللي صاير ان في مطالب وفيه بعض الخلافات
وهدا لا يمكن يكون حجة في الانفصال والفيدرالية
بنغازي واخواتها اقوى من انها تتقوقع على نفسها
لو انحرفت الثورة نقدروا جميعا نعالجوها
لكن فديرالية هدي هروب وتقوقع ما يليق بالشرق الثائر اللي فكر في ليبيا شرقها وغربها
شمس بنغازي اتدفي في ليبيا كلها
صدقوني كل ثوار ليبيا قدوتهم بنغازي بدرجة اولى ويعتبروا فيها الام ليهم فارجوكم ما تقطعوا بنغازي عن شقيقاتها من مدن الغرب والوسط والجنوب بحكومة منفصلة

ومن قالك نحن فدراليين اصلا
ليش اتغيرو في الكلام سبحان الله
ليش الي يطالب بحقة فدرالي تما
صار كلام شاكير وحمزة صح بعد طلعنا وقال الشرق يبو ينفصلو ويديرو بنغازي عاصمه
لو نبو ننفصلو رانا ماحد من الشرق مشا لعند مصراته والزنتان وطرابلس

ياراجل حكومه بحالها مافيهش واحد مالشرق
جميع الوزراء من طرابلس والزنتان وطرابلس
هضا موش ظلم
الشرق مافيش ناس متعلمين علي قدر المسؤليه
لوكان نحكي لك لغاية الصبح مايسدش
الشرق والجنوب تهمشن وبقصد ومدروس
وذلك لاثارة الفتن والقلاقل فالبلاد
انت شكلك من المناطق الغربيه عشان تحكي معاي هكي
موش شاعر بشي وماتشوفش في شي
بنغازي تهمشت نهائيآ والكلام اللي نسمعوا فيه كلاااااااااااااام بس
نحن انريدوا فعل موش كلااااااااام
وبعدين بنغازي لها الشرف انها اتكون معقل الثوره والتاريخ ايسجل
معناها لوكان معقل الثوره في احدى المناطق الغربيه موش غريبه نطلعوا
بره ليبيا بلكل ...والحمدلله اللي بعيد منهم لوكان هكي راهم امهجريننا
وموش غريبه قاعدين يدرسوا فيها توا ...الثقه معدومه خلااااااااااص

خوي اسماعيل في وزراء من الشرق وفي وزراء من الغرب ونشهد بالله انهم يخدمو سواء من الشرق او الغرب كيف البرعصي في الكهرباء والثاني من الغرب الي ماسك التعليم هضوما الحق يخدمو لكن الباقي تبيلهم اعدام

وزير التعليم ساحلي ...اصوله مالخمس يامحمد
البرعصي ...بريطاني ...التارقه برعصي بس ..يسمع عليهم البراعصه
بن خيال ...قالوا من درنه ...اصوله من مصراته
من اخرى ..قول لي واحد اصوله واقامته وعيشته فالشرق وللا الجنوب هي ياسي

ههههههههههههههههههههههههههههههههههههههههههههههههههههههههههههههههههههههههههههههههههههههههه فتحي تربل وزير الشباب وطياح السعد

ههههههههههههههههههههههههههههههههههههههههه
اصوله من وين حتى هو ...؟ ؟ ؟ ؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الموضوع مدروس وممنهج