منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» مطار الأبرق يعلن نقل رحلاته الجوية إلى مطار طبرق
اليوم في 9:34 am من طرف STAR

» وصول سفينة محملة بـ 143 حاوية بضائع إلى ميناء بنغازي
اليوم في 9:33 am من طرف STAR

» نصائح بسيطة تُحافظ على بطارية هاتفك
اليوم في 9:25 am من طرف STAR

» “تسخين السيارة” في الشتاء.. يفيد أم يؤذي محركها؟
اليوم في 9:24 am من طرف STAR

» التقِط صورةً كالمحترفين.. حيل بسيطة من أجل استخدام أفضل لخواص كاميرا الآيفون
اليوم في 9:14 am من طرف STAR

» لا تلقه في القمامة.. هكذا يمكنك الاستفادة من هاتفك الآيفون إذا كُسر
اليوم في 9:05 am من طرف STAR

» أكثر العجائب الأثرية غموضا في العالم
اليوم في 8:59 am من طرف STAR

» صداع الجيوب الأنفية.. كيف توقفه؟
اليوم في 8:56 am من طرف STAR

» 4 نصائح مهمة قبل شراء أي هاتف ذكي جديد في 2018
اليوم في 8:52 am من طرف STAR

» فيديو مؤثر.. وحيد قرن يرضع من أمِّه الميتة بعدما اقتُلع قرنها بوحشية! ماذا حل بالصغير؟
اليوم في 8:45 am من طرف STAR

» أب يقيّد ابنتيه التوأم ويغتصبهما لأكثر من 10 سنوات
اليوم في 8:42 am من طرف STAR

» عمرها 2100 عام وما زال جلدها وشعرها ورموشها كما هي.. شاهد أفضل مومياء في العالم
اليوم في 8:40 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
اليوم في 8:31 am من طرف STAR

» اطول كلمة في القرءان
أمس في 10:18 pm من طرف labraq

» قصيدة تقرأ مدح وذم
أمس في 9:59 pm من طرف labraq

بحـث
 
 

نتائج البحث
 


Rechercher بحث متقدم


الشاعر بو هارون وصف بنت جميله

اذهب الى الأسفل

الشاعر بو هارون وصف بنت جميله

مُساهمة من طرف dude333 في 2012-07-06, 2:37 am

الشاعر بو هارون

خذيتي عقلي ما نحساب.. بطيف اعجاب .. ولكن هاب.. دخولك باب .. مدرج كلية الاداب

هلبتي بان عليك شعر .. اطوال حدر .. اشعل بحموره روسه غر
وخد اتقول شفاق قمر .. وبين حجاب.. غميزه راسمها كتاب
وزوق الباس ومشيه حر .. وبيض اكعاب .. وبسمه وتشهليل انياب
وهدب اتقول احراب اتضر.. مغير اسباب.. انجيكم ونقدم ونهاب

هلبتي جيتي راس فوق.. ورمش ايعوق.. ولبسك زايد زولك زوق
من احسن موديلات السوق.. افخر لثياب.. اللي ع الصدر احنن ورطاب
امعاهن جسمك دوب ايتوق.. اثمارك طاب.. دريخه طبتي للقلاب
انتي من يدفع فيك احقوق.. وكتب اكتاب .. كما من حج البيت وتاب
اللي يشوفك بالعين ايروق .. الا اللي جاب.. وحاشك ننقنا جياب
بعد قيرك ف الريق ايذوق.. وحال عذاب .. المولى في حاله استجاب
الا خنجر حبك مرشوق.. الحق لجناب.. ونا قلبي من نظره ذاب
الخصر اللي خاوي معلوق ..برخوا اعصاب .. امغير خراب.. اترجي فيه ومسع راب

هلبتي والساعه ف اليد .. ورمش ايغد .. امضلم ع الماقي الاسود
خلايه لولا ضي الخد.. ايعم ضباب.. طليس اتقول جناح غراب
انتي خدك قابل يوقد.. شعل لهلاب .. كما بارق في غيم سحاب
جميله وصفي ما حودد.. بدون اسباب.. انتي سمحه وانا رجاب
اشهاده ياعون اللي يمد.. لبيتك باب.. ويسمع منك رد اوجاب

هلبتي دورك ماح غزير.. اتقول حرير.. ثناوي طايح فوق ضمير
اللي يحوزك يبقى في خير .. بكل احساب.. انتي ريله فيد الكساب
سريبك يصعب ع التفسير.. امغير اكذاب .. ان قلت نجهلها لي انساب

خذيتيني وانا غفلان .. وخذية بوقه قوم لقوم
قعدت وباعدت الشيطان.. سرابي طيفك كيف النوم
وعيت ونابيدي غرقان.. جرفني شوقك جيت انعوم
انميدخ ما كينا كان.. اجرحت بغيرك حقا يوم
غلاك اسيطر ع الاذهان.. شريط افكاري بك مرسوم
يداعب في بكل الحان.. بزولك ننقني مغروم
اشهاده م الدين والايمان.. انما مافيك ومو متموم
جمال ايهبّل كل انسان.. الا نا منك ضقت اهموم
قتلتيني مافيك حنان .. ظلمتيني ونا مظلوم
بعينك والرمش الفتان .. سقني نكهة كاس اسموم
انغيّب ونروق ونطمان.. ولكن جرحك نازف دوم
غراني زولك وقتن بان.. اللي لايمني كيف ايلوم

هلبتي تمشي في قفطان.. المنقوشات عليه ارسوم
اتخفي من قاري القارن.. الا احنا ناس ارقاق اعزوم
انطيحوا من بوخة دخان .. انتي يابال جمالك عون
بخصك شلتي ع(....)* .. كتاب الكليه امختوم
اغرق في صدرك دوبه بان .. اتزيدي بيه صفاء وعلوم
وهو بين افوافيك اطمان .. عطاه الحي اللي قيوم
بعد صدرك منه ريان .. اضمي فيه انهب نسوم
ودورك حدّر ع المسلان.. الخصر اللي خاوي مقيوم
اشعل بحموره في للوان .. ثناوي منكوش وملموم
ولك زر وصنف السيقان.. وخدك بارق بين اغيوم
الله اللي دارك سبحان.. جميله فوق الناس اعموم
ابمشيه هديتي الكيان.. مشيت علي سطاش كلوم

خذاني حلم اللي سهيان.. مشيت معاك لبر الروم
احلمت ولوينا عرسان.. ومهرك دافع روحي سوم
كسيتك من عالي الاثمان .. من احسن حلي اللي منضوم
ابقيتي قدام الشبات.. اثريه ولخرات انجوم
وزفه مافي هالزمان .. الدنيا تمتلك سلوم
اتحيي فيك معا لمان .. الموقف قدامك مقسوم
على الصفين وبعض احيان .. العالم قدامك ملموم
ايصفقلك ومعلي شان.. ايهللك بالفرحه دوم
وبالعطر اتمّطر لمزان.. جميع نبات الارض يقوم
جميع اللي شافك زهيان.. الا نا تبقي ليا دوم
انبايع للناس وسلطان.. انراجي في الشي المعلوم
دخلت وطلعنا البيان.. شرف للزين اللي معصوم
طلعّت انسلم ع الحبان.. جميع اللي ضاف ومعزوم
وعيت ونا في وسط اجنان.. احلام وماشي في ديموم
ابنظره شديتي وجدان.. معاك وعاودلي مهزوم
القيت مكاني هو المكان.. انثغي تثغاي المفطوم
انلاقنا عند الميدان .. انريد نعديله ملزوم
غبا لوحازنك بيبان .. وصار ارهاب.. بالانسحاب.. اندايش مامدعاك انهاب
خذيتي عقلي مانحساب .. بطيف اعجاب .. ولكن هاب .. دخولك باب.. مدرج كلية الاداب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
dude333
مشرف المنتدى السياسي
مشرف المنتدى السياسي

ذكر
عدد المشاركات : 5532
العمر : 48
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: الشاعر بو هارون وصف بنت جميله

مُساهمة من طرف العاشق الصغير في 2012-07-07, 11:36 pm

مشكــــــــــــ وبارك الله فيك ــــــــــــــور

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 29
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى