منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» جحا والقاضي
أمس في 10:32 pm من طرف فرج جا بالله

» كرر ياعلا .. اوقول اغياب لبّاس العبا .. ضر الوطن
أمس في 7:41 pm من طرف naji7931

» "بنغازي" ابرز ماجاء في المؤتمر الصحفي
أمس في 6:02 pm من طرف عبدالحفيظ عوض ربيع

» داعش الإرهابي يعلن عن عملية نوعية
أمس في 6:00 pm من طرف عبدالحفيظ عوض ربيع

» تم نقلهم الى المرج
أمس في 5:55 pm من طرف عبدالحفيظ عوض ربيع

» ماتم الحصول عليه من ارهابى الشركسى
أمس في 5:49 pm من طرف عبدالحفيظ عوض ربيع

» صنع الله ينفي وجدو مرتزقة أفارقة في الهلال النفطي
أمس في 5:39 pm من طرف عبدالحفيظ عوض ربيع

» إجتمع رئيس الحكومة المؤقتة "عبدالله الثني"
أمس في 5:33 pm من طرف عبدالحفيظ عوض ربيع

» 6 غارات جوية مكثفة على تمركزات ميليشيات الجضران
أمس في 5:31 pm من طرف عبدالحفيظ عوض ربيع

» العافية بمدينة هون يستقبل عدد من الجرحي
أمس في 5:26 pm من طرف عبدالحفيظ عوض ربيع

» تقدم القوات المسلحة العربية الليبية
أمس في 5:24 pm من طرف عبدالحفيظ عوض ربيع

» شاهد قناه الكذب النبأ
أمس في 5:22 pm من طرف عبدالحفيظ عوض ربيع

» إقاف عملية حجز المواعيد في منضومة حجز مواعيد استخراج جوازات السفر
أمس في 11:02 am من طرف STAR

» التوزيعات النقدية لفروع المصارف التجارية بالمنطقة الشرقية للمصارف
أمس في 10:12 am من طرف STAR

» هل تنوي زيارتها قريباً؟ إليك أفضل 10 مدن ملاهٍ في أميركا
أمس في 9:47 am من طرف STAR

بحـث
 
 

نتائج البحث
 


Rechercher بحث متقدم


ملحمـــة تحمل عنوان شينك طيحه

استعرض الموضوع السابق استعرض الموضوع التالي اذهب الى الأسفل

ملحمـــة تحمل عنوان شينك طيحه

مُساهمة من طرف العاشق الصغير في 2012-07-08, 1:44 am

ملحمـــة تحمل عنوان شينك طيحه...وبدأ بها الشاعـر:-
(..مجدي الكاديكــي..)

شينك طيحه .. تبهدل تعذب زين ذاق طريحه .. منا إبروحه القلب

طاح إبروحه
يجري وراء جافي إبهما وموحه
مسكين ماطابت اليوم أجروحه
مسحور قيسه مايريد نصيحـــه

شينك غية
في جرتة لاوي إمعــاه إيديـــه
نا القلب خلى دمعتي مــكفيه
قدام كل النــاس عليك فضيحه
رد الشاعر .. عبدالله فؤاد
شينك لبـخه
لاوين طـــــابخله الغـالي طبخــــــه
يحساب في غــلا لولاف رابخ ربخـه
لاوين قـاعد فـوق ع الـــدرجيحـــه
رد الشاعر .. نعيم الزوي
طاح تعثر
بروحه بروحه ف الغـــرام تأثر
وزاد فــى أهباله من حنانه كثر
نين إنطعن بالموس مات ذبيحه
طاح براسه
خذا دروب بطاله وخــالف ناسه
ضنه إيلاقى حس كيف إحساسه
همه وعـــذابه ينتهـــــى ويزيحه
طاح إنضر
فى صــــــوب ف الدنيا معـاه أنغر
إلقاه العسل ف الـــريق شين ومر
ومسك الغلا إمــزيف وفاقد ريحه
طاح وجعنى
عدا طريق وما أرضى يسمعنى
خالــــف كلامى كــــادنى لوعنى
مع نـــاس نيتهم اليــــوم قبيحـه
رد الشاعرة .. دودي
طيحة شينة
طاح في عزيز إللي عليــه إعبينا
جا في نهايــة لمــر راخي بينــا
تــرك حبلنا متقــول كنــا إفريحة
طيحة غبرة
ينزف القلب اليــــوم مابـــا يبرا
يامــــا نصحته مــا خذاهــا عبره
من قــل بختــه كملو تشريحـة
رد الشاعر .. عبدالله قراب..( أبوريان )
طيحه غبره
ماضنيت يامجدى إطيـــب وتبـــــرا
يـــاصحابى إنشــاء الله بتاخد عبرا
ومش كـــــل حوحايه وراهـا ميحـه
قديم فى الغلا عندى مسار وخبره
وكنــك نــويت جــديد خـود نصيحه
لا يغـــرك الشكل ولا الكــلام بنبره
ولا البــــــاهية تحـــتاج للتبـــريحه
رد الشاعر .. عبدالباسط الزوي
شينك هبكه
وطاح نين سارت ف الجواجي ربكه
وحتى الياس قاعدلي وحابك حبكة
متشمــت وفيــا حـط ضــدي ريحه
دار حفلته ومالشام جاب الدبكه
علي طيحتي لوريت عطبك ليحا
والــــعين صــــافت رايهــا زبكــه
وشاهــد عليا صاحبك بوشيحــة
رد الشاعر .. أبو محمد
طاح وطحت
ومن يوم طيحتي مايوم بيه إرتحت
عزيز ظرني يــانــــاس بيه أجرحت
وظاقت علي الواسعـه الفسيحـه
جرني بشطاره
وخلاني إنعاني في لهايب ناره
حيرني معـــاه مالقيت أدبـــاره
أتريح النفس إللي تنق جريحـه
رد الشاعر .. ونيس الشريف
هد إهدودا
طاح إنكسر بختـــة أرقيق عـــودا
وراحـن عـكـاكيزه وراح إسنـــوده
وزاد إنعــمى ريتــو رقــاده ريحـه
إلدرب النجاة كــيف نــبي إنقــودا
حتى إنكان صبــا إتصيرله ترنيحـه
القلب حصلــــها طــريحه ســواد
ضربة غشيم نين خلفت ترنيحـه
رد الشاعر صلاح عبيد
طــــاح تــكـَــــــسّـر
وعلـي أيـام عـمـرة يـارفيق تحسّر
بـيــهـــا إحْـلـمْ ماقال حلمي إنفَسّر
خاف ينكشف ياخوي من تصريحه
عــدّى مـشـى فـي ســكْـتَه متجَسـّر
لـقـى صـاحبـة فـايت عــدد تسليحة
شيـنــك هبْـعَه
لـيـن إنـْعـزلْ ع الكون غيّر طبـْعـه
وجـفـّـن أبحـار الـدمْ داخـل نـبـْعَه
هــذا جــزاه فــِــي فـطـنـته وتفليحه
داخل ومسـتقوي بدغرتْ سبـعـّه
وهاذ فيْ عريِنْ أسُـودْ دَايـرْ صـيحه
رد الشاعر .. معتز الورفلي
طاح صدمني
كسّّر يده وبالغشاش ذبحني
يحساب إبطيحته متهنــــــــي
حتي الياس قال ويش أحواله
ياما نصحته مابا يقبل منـــــي
تمني الغلا ماينقطع بأحباله
تم إنقطع وتم الوقت قهرني
إنقسم القسم ومات حلم أماله
رد الشاعر .. حازم الصبيحي
طاح أبقوة
ما أنــلــوم فـيــها حــد مـنا هوه
مهزل أبروحه وجاب لنا الدوة
قالـــوا علـيا صارله تزنيحــــــه
وين ما نصحته أبقيت لاه عدوه
أنذل ليا أولاه جـاب فـضـيحـــــه
طاح كسرنـــــي
أنباهي أبروحي أبطيحته صغرنــــي
يــامــا نـصــحته غير ما عبرنــــــي
لو كان طاوعني وخذا النصيحـــــه
وين طاح طـيـحـني أمعاه قهرنـــــي
لا تــو جرحي مــا وقف تنضيحـــــه
رد الشاعر .. سالم زايد
شينــك نــقـّـا
كـــل يـــوم طــقــا لاإحـقتـّـا طـقّا
يـــانــويــرتـى لـوكان غير إتحقّا
خيال تفرجه قاعد إمغير فضيحه
شيــنــك دوّه
مايل عليه الوقت مو مـــن تــوّه
لاصــق عــليــه وكتـفــه باالقـوّه
وساعد إمعاه الياس فى تركيحه
شينك قـصـّـه
قصّه حزينه سببــتـلـه غـصّه
علي ما الخاطـر فـيـه ياما وصّا
فى وذن ميت قالها النصـيـحه
شينك سيره
كل يوم جابـد من الهموم طميره
بيـن الـغــطا طايح وبين سريره
يادوب منــّــه نــســمعوه ضبيحه
رد الشاعر .. عبدالحميد الذيب
خذاني غره
سحرني بكلامه وعين سوداء إتضرا
رمــالــي ســلب صوبه ما إلقيت مفر
خدعني أسلــوبه ونـبرته وتصريحه
تـخــبــلــت تــخــبــيــلة نــداوي حـر
رام الكمام ختمت على أتـحـوحيـحـه
تميت نــزمـط فــي الــغـصـايص مره
حماسي اميسر في اســجـون اريـحا
حــصــلــت عـدوّك بـيـن كــر وفــــر
وبين المواجع وبــيــن شيحه وريـحة
رد الشاعر .. سفيان بوطيغان
ياريت مادورها
الغيه ولاعينى رضـا دردرهــــا
سمعت حديـثــه ضــرها ودرهـا
بأول كلامه ع الغـــــلا وتلميحه
منه جضـــت
ومن صوب قاسى يارفيق تـلـظت
سالت وتابـــــت بالـدموع تـوضت
هانت غلاه وطوحــــــت تطويـحه
وقالت أنفضت للقديم وفـــــضـــت
جرحه تداوا اليوم شــالت قيحــه
رد الشاعر .. عزالدين التريكي
ذاق مراره
هون غــلاه و زادهــا الــنــقــاره
طاح طيحته صــدام لــلــكــفــاره
يوم عيدنا حـــطــوه فـيه ضريحه
سبب طيحته الخاطر تهاوت داره
زفت غلانا ســمــحــة الـتـسريحه
يرسل دعاوي يريدنا حـــضـــاره
ينظر دموعي حطها ف ترجيــحه
سمىّ علي سمايا كــبيـر أصـغاره
جــلاد فــيــه الـصوب له ترشيحه
ردت الشاعـــرة .. حنايا الشوق
شينك هم
عــلـيــهـم ذرفــنــا م المواقي دم
صاحب غلاي أطمعت شمله إيلم
قصر وخلاني الــيــوم جـريـحه
طاح إبروحه
يستاهل شقاه و مـا جناه إلروحه
ندعي علي هللي سبب فجروحه
بعيشة غـريـب إيعيشها بفضيحه
ردت الشاعرة .. ماسة
طيحه سوده
وعــابــي عـلـيه الـقلب هد إهدوده
طيحة معاها القلب زاد أصــهــودة
و نــا قـبـل عيـني ماتــميح الميحة
تقول ف الغلاء ذبلت بقت محسودة
مـن عــيــن مـقرونه خذت تلميحة
رد الشاعر .. جبر الصبيحي
طــاح تــعـرّم
عليك قلب مو ناوي الصّوب إيحرّم
و بــمــا صــارلــه ديـما عليه إيبرّم
ما تــاب ولا مـنـي خـذا الـنـصـيـحــه
رد صاحب الكلمه القريبه المبدع
شينك طيحه .. تبهدل تعذب زين ذاق طريحه .. منه إبروحه القلب
مرات هو البادي .. شن رفعه غلطان يمشي غادي
إفحفرة حصل خير ما غرق في الوادي .. وعبرة خداها ياعزيز مليحة
ماهي شماته غير قول أجدادي .. باب تفتحه إلزوم تحمل ريحه
وفيه مثل يالخوان قال البادي .. كيف ما ضرب لازم إتجيه طريحه
رد الشاعر المتألق عبد المولى زيدان وقال
شينك طيحه .. تبهدل تعذب زين ذاق طريحه .. منا إبروحه القلب
شينـــــــــــــــــــــــــــــــــك عازة
تعـــذب تبهد ل وين غيرى حازة
بوعيون اللى طايب على مركازة
مهموم ينفض تمــــّه اتقول ذبيحه
وين ما المــــــوكب طلع م البازة
وعالشيخ لاسمر دايـرين شطيحه
اتقول حفل دولى كـان يوم اجازة
والناس حاضره ومعلّين الصيحه
صفير وصفيق عللى اليوم موازه
وقديش عقلى قال فى تمــــــديحه
غلا بو امجدّل راح فى هــدرازة
مزوق امنقرش دايـــره تسريحه
والعين سودة تحـــــــــتها غمازة
ورمشها يقتل معا التشبيحــــــــه
وقلبى انكسر تحلف اتقول كزازة
وتما هشيمة وقـــت فى التلويحه
شينك طيحه .. تبهدل تعذب زين ذاق طريحه .. منا إبروحه القلب
حبيت إندندن ببعض الكلمات وقلت والقول قول الله...طرفه
شينك طيحه..تبهدل تعذب زين ذاق طريحه..منا إبروحه القلب
هــو الجـــــاني
جرا وراءاللي فالخلا خلاني
ياما نصحته ياقليبي رانـــي
رقيق عزم مــاانْحمل هالصيحه
الله ايسامحه دار في بلعاني..مشاله وهو منه زاد في تشليحه
اجلوف اجلوف رادلي ياإخواني..وين ريته قريب،صـــارتّلي تزنيحه
بالبكا تميت نعزف فـــي ألحاني..أصوات موحشة فيهّــن التبحـيـحة
واليوم منهم فالهموم إنعاني..قلبي وعزيز بس قلتها للتوضــيحه
عزيز راس قلب فيه رزاني..إمغير جهامه ع الفراش طريحه
إختار الجفا كـــادني شقاني.. إغنــــي بغيري، وبِـــيه فريحه
ونا الحزن إجتاح كل إركاني..لايد بي الياس ماقدرت إنزيـــحه
سلّْمت أمري لي عظيم الشاني..عن ادروبي جميع الهم إيزيحه
شينك طيحـــه،،،تبهدل تعذب زين ذاق طريحه..منا إبروحه القلب
م ن ق و ل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: ملحمـــة تحمل عنوان شينك طيحه

مُساهمة من طرف نسمة حب في 2012-07-08, 12:46 pm


نسمة حب
لواء
لواء

انثى
عدد المشاركات : 2307
العمر : 21
رقم العضوية : 7898
قوة التقييم : 9
تاريخ التسجيل : 04/11/2011

الرجوع الى أعلى الصفحة اذهب الى الأسفل

رد: ملحمـــة تحمل عنوان شينك طيحه

مُساهمة من طرف العاشق الصغير في 2012-07-08, 8:56 pm


مشكـــــــــــ علي المرور ـــــــــــــــوره

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى