منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» استقبال جثمان اﻻرهابى موسى بوعين
اليوم في 10:24 am من طرف عبدالحفيظ عوض ربيع

» خبر
اليوم في 10:15 am من طرف عبدالحفيظ عوض ربيع

» طرابلس العثور على جثثين بمنطقة عين_زارة
اليوم في 10:12 am من طرف عبدالحفيظ عوض ربيع

» جحا والقاضي
أمس في 10:32 pm من طرف فرج جا بالله

» كرر ياعلا .. اوقول اغياب لبّاس العبا .. ضر الوطن
أمس في 7:41 pm من طرف naji7931

» "بنغازي" ابرز ماجاء في المؤتمر الصحفي
أمس في 6:02 pm من طرف عبدالحفيظ عوض ربيع

» داعش الإرهابي يعلن عن عملية نوعية
أمس في 6:00 pm من طرف عبدالحفيظ عوض ربيع

» تم نقلهم الى المرج
أمس في 5:55 pm من طرف عبدالحفيظ عوض ربيع

» ماتم الحصول عليه من ارهابى الشركسى
أمس في 5:49 pm من طرف عبدالحفيظ عوض ربيع

» صنع الله ينفي وجدو مرتزقة أفارقة في الهلال النفطي
أمس في 5:39 pm من طرف عبدالحفيظ عوض ربيع

» إجتمع رئيس الحكومة المؤقتة "عبدالله الثني"
أمس في 5:33 pm من طرف عبدالحفيظ عوض ربيع

» 6 غارات جوية مكثفة على تمركزات ميليشيات الجضران
أمس في 5:31 pm من طرف عبدالحفيظ عوض ربيع

» العافية بمدينة هون يستقبل عدد من الجرحي
أمس في 5:26 pm من طرف عبدالحفيظ عوض ربيع

» تقدم القوات المسلحة العربية الليبية
أمس في 5:24 pm من طرف عبدالحفيظ عوض ربيع

» شاهد قناه الكذب النبأ
أمس في 5:22 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


حواء حنونة ولقبها الوداده ... وهي سر كل فارس بلغ مـــراده

استعرض الموضوع السابق استعرض الموضوع التالي اذهب الى الأسفل

حواء حنونة ولقبها الوداده ... وهي سر كل فارس بلغ مـــراده

مُساهمة من طرف dude333 في 2012-07-11, 8:21 pm

حواء حنونة ولقبها الوداده ... وهي سر كل فارس بلغ مـــراده

حواء قديم خبرهـا
من ضلع ادم ربنا صورهــا
أم الخلايق خالقي سخرهــــا
ونيسة رفق لرحلته وقعــاده
وكانوا في جنة بخيرها وشجرها
وامطارها وانهارها بــداده
لكن دخل وسواس في خاطرها
وجت لشباك المعصية منقاده
ومنها تغير حال من عاشرها
ونزلوا منازل الارض ما هي راده
ومنها بدت الأجناس و مناظرها
سبحان ربي في حكمته وعباده
وثاني على حواء انزيد خبرها
كلام ذاكرة القران موش المادة
مريم العفة وربنا طهـرها
ام النبي عيسى مع ميـلاده
هزي بجذع النخل لين ثمرها
يعطيك من الطعم اللذيذ زيـادة
فيه منو لحقه الشك واستنكرها
الموضوع طبعا موش كيف العادة
تكلم اللي في المهد زاد نصرها
يالله ما شي عليك امكادة
قصة عظيمة وين نذكرها
انوحد الواحد في صلاة واعبـــادة

مازال قصة روعـة
اللي راودة يوسف على موضوعه
قداش كانت بالغرام ولوعه
ويوسف استعصم والحرام تفادى
وصدفه وصل الملك وقت طلوعه
وشاف العيون الخاينات اقصاده
تغير وحس النار بين ضلوعه
ومن اهلها شهدوا معاه اشهـاده
وقداش نسوه اصباعهن مقطوعة
كيد النساء يصعب على العدادة
لشرح القضية نكتبوا موسوعة
عنوانها النسوان والزهـادة

شطرة بعدها شطــرة
وانا الشعر عندي واخذه بالفطره
صافي نقي وامقطـره بالقطرة
كلام المعاني تفهمه رواده
مازال في الموضوع كليوبترا
وملكت سبا لشمسها عبـادة
وجاب الخبر هدهد على ما يطرا
وقدم تقاريره مع الافاده
وضلوا الرعية ايساوموا بالفترة
ومنه ايجيب العرش قبل انـداده
المطلوب رمشة عين جي بالسترة
وحطوه عند الملك في ميعـاده
سلامات يا بلقيس في هالخطرة
دين المحبة والسلام اوتاده

خوذ من كتاب الله
وافهم على حواء خبر واقراه
على اللى اتحارب في رسول الله
حرب الجهالة واصلها عرباده
وابو لهب في جهل العرب مبداه
وموحال ما عنده عليه احياده
ومذكور في القران هي واياه
طول لجهنم مطرحه ومسقاده
وزوجة ابي سفيان مال وجاه
ركبها الغرور وبالغة في عناده
صبر عل المواجع لين سال دماه
عم النبي حمزة كلت افـاده

حواء في كل ثنية
معنى الرفق في امثالنا الشعبية
سموها الولية ومرجع البيتية
سموها بهية وفايزة وعيــادة
وسما على جد الغزال بنية
اسم الغزال واسم ريم وغــادة
سموها كريمة لكرمها وخيرية
فال العرب يطرد الليل سـواده
وهى في التصوف رابعة العدوية
كل وقتها التسبيح والسجـاده
وهي خديجة الراضية المرضية
عظيم فظلها وسر الكلام ابعـاده
احتضنت رسول الله بالحنية
لين انتهت والعمر ليه اعـداده

حواء الصدر الدافـي
وحواء المودة والحنان الصافي
وحواء المرافي ومركبي ومجدافي
وهي الاخت والوالدة والدادة
تزعل وترضى وما نهار اتكافي
وما هيش لفعل الخطى مقـتادة
رضاك يا وديدة غايتي واهدافي
انت الزاد والزواد والـزواده
وانت الوفاء يا وافيه بالوافي
منهل شرابك نبع في بـراده

مازال نبي انقـول
وما زال في حواء الحديث ايطول
شجرت الدر وحرب على المغول
ضد الصليبيين والجلاده
اللى سيطرت عل الحكم عرض وطول
وهنت اللي راقد على الوسادة
وسترة علومة في خانة المجهول
وحلت محله في مركزه وجواده
وضلت على ظهر الخيول اتصول
اتجول لفلول العدا طراده
المفعول في درجة اللامعقول
بطولات حواء خارقـة للعادة

هي اسباب الراحة
وهي اللي أداوي العليل أجراحه
وهي السبب في منو صار انجاحه
وهي اسلاحة و وقوته واعتاده
ومرات تبقي للشقاء مطراحة
مرات صوت الوتر للعواده
وهي امعيتيقة حذا الملاحة
اللي جسمها تحت الحديد رماده
وهي الخنساء وشعرها ونواحه
على صخر تبكي دموعها بداده
وهي الملثم يوم شال سلاحه
وحرر ضرار من الضرر و نكاده
والاخيلية بشعرها لواحة
بحب توبة في الكنين اصهاده
الموضوع في حواء بكل صراحة
جاب القوافي والكلام اتقادى

جاب القوافي هيلة
فيدي القلم يكتب ونا نحكيلة
عاللي سماها بو حريد جميلة
بنت الجزائر طالبة الشهادة
ذاقة الوان من العذاب ويله
قداش كانت نارها وقاده
وقداش رفعت من حمول ثقيلة
قوة وعزيمة عندها واراده
وسجل غراميات قيس وليلى
على ذكر حواء يطربوا الميعاده
وعنتر وعبلة والف ليلة وليلة
يروي الراوي ويسمعوا لعواده
وكثير وعزة كيف كان سبيله
وكل حب صافي يجملو حساده
الحب النقي لا مصلحة لا حيلة
الا دوام على فعل الخطى شراده

الموضوع فيه سلاسة
موضوع حواء منطقة حساسه
خوذ القلم واكتب على الكراسة
واوصف اللى دارت الدم قلاده
عروس وطن هلي كاثرات اعراسة
وفي زينها ما مجدوا المجاده
عجبها تراب الوطن شربت كاسه
ولبست جواهر والمنادى نادى
ماهيش لعقود الذهب لباسة
ولا في الملاهي بجسمها مياده
شريف اصلها ما تلحقاش وكاسه
غلي مهرها ما هوش لحلبادة
هدت عللي خايبات اجناسه
هي سناء محيدلي ياسادة

ونرجع قدا الحنانة
اللي حاضنة العيلة بكل امانة
عطت عمرها لزوجها فرحانة
وقالت ادلل رقبتي سداده
انا امعاك وايكمل الله هنانا
عل الود نبقوا عايشين سعاده
ولا ايسجلوا دارت العيب فلانة
ولا شيئ باش ايخبروا الحساده
ربيت عصاري بيتنا وضنانا
غزال الارايل يصعب على الصياده
وسجل على حواء الاميرة ديانا
منين صوتها في وجه الامير تمادى
رفضت العيشة في قصور الهانا
وتمت ضحية غدر يا نشاده
ونا في ديانا يهمني الانسانة
لازين لا خزرة عيون همادى
امغير في المبادي نذكروك امعانا
الموت خير من عيشة حياة مرماده

حواء صفاة النية
وهي مدرسة الاجيال والبشرية
وهي اريج العطر وان عشية
منين حركة ريح النسوم تهادى
وهي منتهى الاحساس بالغيرية
لذكر الملامة والخطى عداده
عضيم قدر مبروكة العلاقيه
الطليان يعرف شعبنا وجهاده
لبست الحولى وفرملة وطاقية
ولنها مع المجاهدين سناده
بنت العرب لاقت ولد رومية
نيران تقدح بين زوز هنادى
وفي كل جبدة صبع طاحت مية
ومية وراهم يلحقوا جراده

حواء القدر والهيبة
وحواء الفرج وقت الضروف صعيبة
ولو تشوف حواء والدموع سكيبة
ترق الخواطر رقة الجداده
وكل من ظلم حوى الله حسيبة
يلقاه تالى في صحته واولاده
الايام دورة تقلبه واتجيبة
وتسقيه من طعم المرارة صاده
الدنيا غرورة والايام عطيبة
واللي زرعته يلزموك حصاده
هجم جيش يوناني بالف كتيبة
عليشان حواء خربوا طرواده
عليها حكاوي واجدة و غريبة
وباسبابها صارت حروب ابادة
وما من عليها الباكيات نحيبة
قصة شهيرة في ملحمة الالياده

جيت للكلام بقوة
وضليت نبحر في شواطي حواء
فلولا عجبني البحر فيه بروة
تقول حلم نايم في لذيذ رقاده
ودورة بدا ايقلب امداير دوة
وولت زروقيته اتقول حماده
وبان الغضب على موجته يتلوى
ودنيا غريقة مالهاش حداده
تراجعت وسمعت البحر يتفوى
سلطان حواء ما عليه سياده
ومزال في حواء كوا من جوا
لولا القوافي اسكرت بلا راده

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5527
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف محمد اللافي في 2012-07-11, 8:41 pm

تسلم يا غالي قصيده رائعه علي عيت حنا

محمد اللافي
مستشار
مستشار

ذكر
عدد المشاركات : 27313
العمر : 37
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف العاشق الصغير في 2012-07-12, 9:03 am

مشكـــــــــــــ وبارك الله فيك ـــــــــــــور

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف نسمة حب في 2012-07-12, 9:08 am


نسمة حب
لواء
لواء

انثى
عدد المشاركات : 2307
العمر : 21
رقم العضوية : 7898
قوة التقييم : 9
تاريخ التسجيل : 04/11/2011

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف ناصر العبيدى في 2014-03-11, 6:22 pm

قصيدة رائعة رائعة  رائعة رائعة   رائعة رائعة   رائعة رائعة   رائعة رائعة   رائعة رائعة   رائعة رائعة   رائعة رائعة   رائعة رائعة   رائعة رائعة   رائعة رائعة

ناصر العبيدى
جندي اول
جندي اول

ذكر
عدد المشاركات : 27
العمر : 46
رقم العضوية : 6003
قوة التقييم : 0
تاريخ التسجيل : 17/08/2011

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف المحترم2211 في 2015-10-12, 5:37 pm

بسم الله ماشاء الله عليك بصراحة تبرورى يعنى ثلج وصقع  يسلم فمك وكتاباتك

المحترم2211
عضو جديد

ذكر
عدد المشاركات : 7
العمر : 48
قوة التقييم : 0
تاريخ التسجيل : 07/10/2015

الرجوع الى أعلى الصفحة اذهب الى الأسفل

رد: حواء حنونة ولقبها الوداده ... وهي سر كل فارس بلغ مـــراده

مُساهمة من طرف مكرونه جاريه في 2015-10-21, 9:06 pm

سلمت يمناك

مكرونه جاريه
عقيد
عقيد

انثى
عدد المشاركات : 891
العمر : 28
قوة التقييم : 21
تاريخ التسجيل : 22/12/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى