منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» إيداع رواتب شهري سبتمبر وأكتوبر بالمصارف العاملة في طبرق
اليوم في 1:57 pm من طرف عبدالله الشندي

» وقفة احتجاجية للمطالبة بإعادة افتتاح مطار «تمنهنت»
اليوم في 1:55 pm من طرف عبدالله الشندي

» تعليقاً على قضية الرق..خارجية المؤقتة تستنكر وتتهم مليشيات بـ «بيع ليبيين » بعد إختطافهم
اليوم في 1:51 pm من طرف عبدالله الشندي

» خارجية الوفاق تحذر من مساعي بعض الاطراف لجعل ليبيا ملجأ دائما للمهاجرين
اليوم في 1:49 pm من طرف عبدالله الشندي

» قبيلة ورفلة ترفع الغطاء الاجتماعي عن المتورطين في جرائم بسرت
اليوم في 1:47 pm من طرف عبدالله الشندي

» تعرف على ساعات طرح الاحمال اليوم الاثنين 20 نوفمبر 2017
اليوم في 1:46 pm من طرف عبدالله الشندي

» توزيع صدقات على لاجئى تاورغاء في بنغازي
اليوم في 1:44 pm من طرف عبدالله الشندي

» حالة الطقس و درجات الحرارة فى ليبيا اليوم الاثنين 20 نوفمبر 2017
اليوم في 1:42 pm من طرف عبدالله الشندي

» أكثر الفنادق العائلية غرابة بالعالم
اليوم في 1:38 pm من طرف عبدالله الشندي

» قصر الإمارات يحصد جائزة أفضل فندق لحفلات الأعراس 2017
اليوم في 1:35 pm من طرف عبدالله الشندي

» في اسكوت رافلز الرياض .. أنت في منزلك الخاص
اليوم في 1:33 pm من طرف عبدالله الشندي

» إقامة إسطورية في فندق شانغيرلا أبوظبي
اليوم في 1:31 pm من طرف عبدالله الشندي

» ميكوكون فندق للشباب فقط
اليوم في 1:30 pm من طرف عبدالله الشندي

» لماذا يعشق سياح الغردقة جولدن فايف سيتي ؟
اليوم في 1:27 pm من طرف عبدالله الشندي

» نظرة داخل أفخم جناح فندق في العالم
اليوم في 1:23 pm من طرف عبدالله الشندي

بحـث
 
 

نتائج البحث
 


Rechercher بحث متقدم


(قصائد من ذهب) ضيقة الخاطر

استعرض الموضوع السابق استعرض الموضوع التالي اذهب الى الأسفل

(قصائد من ذهب) ضيقة الخاطر

مُساهمة من طرف dude333 في 2012-07-14, 1:18 am


قصيدة ( ضيقة الخاطر ) للشاعر قنانة
الشاعر امحمد قنانة الزيدانى . المشهور بسيدي قنانة ، من واحة الزيغن بالجنوب الليبي فزان . عاش في زمن يوسف باشا القرمانلى ( 1795 – 1832 ) وكان ذو حظوة عنده . عمت شهرته أرجاء البلاد الليبية وخارجها اتسم شعره بطابع الحكمة ومن قصائده المشهورة ( ضيقة الخاطر والحيا المرماده ) ومنها :

ضيقة الخاطر والحيا المرماده
تشيب صغير السن قبل انداده
والحيا المندمه
تشغشب على ابنادم تنزح دمه
القل يغبي زول كان مسمى
والمال يشهر ناس ماهم ساده
بلا مال ما تقدر شروط الهمه
وتجواد ما تظهر عليك جوداه
والحيا المدمومه
تشغشب على ابنادم أطير نومه
بلا مال بو جلجل يولى بومه
وبالمال بو حوام فات العادة
ناش الحبارى قبل طير الحومه
والصقر حاير فى المعاش اوكاده
والحيا المعفونه
تشغشب على ابنادم وتقلب لونه
كثير الدراهم والعمش فى عيونه
يشحوه لا كّانه غزال حماده
وانا مريض وضحكتى مشنونه
مريض قلب ما نيشى مريض وساده
والحيا المعطوبه
تشغشب على ابنادم وتقطع صوبه
بلا مال تبدا حالته منكوبه
وبالمال يبدا عزم فات انداده
بلا مال تبدا عيطه منبوبه
وفيه السوايا كايده العداده
والحيا المرعوشه
تخلى صغير السن راسه لوشه
والفقر لو ردن عليك جيوشه
كريم ربنا يرزق معاش عباد
ان كان الغنىّ من العبد يغلق حوشه
اما باب ربى ما عليه مكاده
والحيا المغتصه
تشغشب على ابنادم وتبرم نصه
اللى قوى ياخد خيار الحصه
الا الضعيف من فقره عليه صماده
واللى معاه العرف ما يتوصى
يدير كل شىء بالقدر ع المعتاده
والصغا والهده
تشيب صغير السن قبل المده
واللى عطاه الله ظافر قده
تعلى على الكرسى زها بقعاده
واللى عقب والفقر قاطع رده
يفوت الصوايب غصب ما هى راده
والصغا والغصره
وتسمع كلام العيب فيه الجسره
بلا مال ما عندك حبيب ونصره
يفرج عليك الكرب بعد كساده
ولا ياخدك طول النهار وقصره
يضوى ظلام الليل بعد سواده
والصغا لبنادم
يخليه لونه شين رايه عادم
لا يصيد يكسب لا جمل لا خادم
ويبدا حديثه شين بين انداده
وكثير الدراهم كان جاهم زادم
يقولوا حديثه زين فعله قادة
بالمال حتى الخايب
يجوا معاه جملتهم شباب وشايب
واما قليل المال قالوا سايب
يمشى يكر الفحم للحداده
والمولى على جملة عبيده نايب
الحكم حكمه والمراد مراده
ضيقة الخاطر ملت
عليّ حابسه منها القلوب اعتلت
تناتيلها وقت الحجايج فلت
على رى ساعه يسهروا الجباده
والعين ما جاها طرب وانحلت
وهى مغير تسكب دمعها بداده
حالها شينى
ولانيش عنها من قديم مونى
اللى ظانه خفف اثقاله عنى
استشوى تراب الهم زاد رشاده
ويا ريت بوى من زمان دفنى
افتكيت رانى م الصغا وعناده
حالها متبيّن
تخليك ديمه بين خوتك هين
فى الجمع لو يبقى حديثك لين
تقول طيبه ترجع عليك مكاده
وليا لهموك الدين ما تدين
واسبق على ربك وسيع ابداده
واسبق على ربك بحسب وطاعه
رزقك على ربك بغير نزاعه
بالك اتبع يا فهيم دناعه
لو كان ما تكسب ولا وداده
خليه صوتك يرتفع بشفاعه
واتبع عباد الصلح والزهاده
اتبع عباد الصلح راك تسلم
وتفكر رقاد القبر وقت يظّلم
واسكت على مولاك لا تتكلم
ورب القضا يصعب عليك عناده
وواجب عليك الفرض فيه تسلم
واصبر على العازات غصب وراده


-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
dude333
مشرف المنتدى السياسي
مشرف المنتدى السياسي

ذكر
عدد المشاركات : 5532
العمر : 48
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: (قصائد من ذهب) ضيقة الخاطر

مُساهمة من طرف فرج احميد في 2012-07-14, 9:28 pm

رائعة تسلم اخى دودي
avatar
فرج احميد
مستشار
مستشار

ذكر
عدد المشاركات : 17243
العمر : 55
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى