منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» كين يسرق الأضواء في ليلة انهيار ليفربول أمام توتنهام
اليوم في 12:26 am من طرف عبدالله الشندي

» زيدان يمدح رونالدو وبنزيمة.. ويرد على لينيكر
اليوم في 12:23 am من طرف عبدالله الشندي

» الدامجة على أبواب أهلي طرابلس
اليوم في 12:22 am من طرف عبدالله الشندي

» التحدي يستهدف الدور الرباعي من بوابة شباب الجبل
اليوم في 12:20 am من طرف عبدالله الشندي

» كافاني ينقذ سان جيرمان من السقوط أمام مارسيليا
اليوم في 12:18 am من طرف عبدالله الشندي

»  أعشاب لعلاج المعدة.. بعضها ذات شعبية كبيرة
اليوم في 12:16 am من طرف عبدالله الشندي

» فيديو.. شاب سعودي يسجّل لحظة وفاته بحادث سيارة قاتل على إحدى الطرق العامة بالمملكة
اليوم في 12:14 am من طرف عبدالله الشندي

» قائمة اليونسكو لأقدم 10 مدن في العالم
اليوم في 12:04 am من طرف عبدالله الشندي

» خطاب أرسله أحد ضحايا تيتانيك لوالدته يباع بمزاد علني.. هذا آخر ما كتبه راكب من الدرجة الأو
اليوم في 12:01 am من طرف عبدالله الشندي

» لا تتخلص من قشر الموز بعد الآن.. استخدامات "سحرية" لتبييض الأسنان وحبَّ الشباب
أمس في 11:59 pm من طرف عبدالله الشندي

» في البداية حرَّمتها الكنيسة لمنع الفتنة بالنساء.. تعرَّف على سبب صناعة أزرار الملابس عبر ا
أمس في 11:56 pm من طرف عبدالله الشندي

» #دورة تأهيل القضاة و المختصين في الجرائم الالكترونية
أمس في 11:54 pm من طرف عبدالله الشندي

» دورة امن السفن والموانئ|00201201324991
أمس في 11:53 pm من طرف عبدالله الشندي

» #دورة ادارة #الامن و #السلامة في #المستشفيات|معرفة أنظمة الصحة العامة بالمستشفيات
أمس في 11:51 pm من طرف عبدالله الشندي

» هكذا جمع اغنياء العالم ثرواتهم الهائلة ثم يتبرعون بها في أسرع وقت
أمس في 1:03 pm من طرف عبدالله الشندي

بحـث
 
 

نتائج البحث
 


Rechercher بحث متقدم


روحت مـ الدكتور فيدى صورة **القيت صورته فيها جميل الصورة

استعرض الموضوع السابق استعرض الموضوع التالي اذهب الى الأسفل

روحت مـ الدكتور فيدى صورة **القيت صورته فيها جميل الصورة

مُساهمة من طرف العاشق الصغير في 2012-08-05, 4:37 am

قال الشاعر المبدع عبدالمولى زيدان

روحت مـ الدكتور فيدى صورة **القيت صورته فيها جميل الصورة

بين اضـــــــــــــــــــــــــــلوعى**القيت صورتــه هللى سبايب لوعى
وين شفتها غلبن علىْ ادموعى ** مخنوق عبـــــــرة دمعتى مجبورة
على كل ما نسعى فشل مشروعى**والقلب يا لاصحاب زاد سمورة
عاللّى رحل وما مشا فـي طوعى**هكى نصيبى خطــــوته مقصورة
وزاد صورته الغالي فِشَتْ ميضوعى** قدام الطـبيب منقشة محفورة
روحت م الدكتور فيدى صورة **القيت صورته فيها جميل الصورة
كتبلى وصفـــــــــــــــــــــــــــــة** ايريدنى نـــــــــبرا وجوّى يصفه
تــــــــاريتها كبدى بدت منقصفه**غازى عليـــــــــها همها مشطورة
تميت نـــــــاخد فى اوراقى نسفَه** والّنار فــيّا والعــــــــه مكبــورة
وشايل على صدرى مثيل الرّصفَة**هموم واجده للناس مش منظورة
كامى ابهن خواطرى منــــكسفَه **وصابرعلى ميل الزمان وجورة
روحت مـ الدكتور فيدى صورة **القيت صورته فيها جميل الصورة
مِشِيتْ امبــــــــــــــــــــــــــــكّر**الْ دكتور ثـــــانى بصورتى متنكّر
خذاها وبين ايـــــديه طول تعكّر**جوّه بعدما شفاها ف خطــــــورة
نظرلى ابْحن طال النظر ويفكّر**رفعلى يــــــــديه وقال في منشورة
مش عندى دواك اليوم فـيك انذكّر** أنت داك مش طبّه دوا وتنثورة
امشى ال شيخ يرقيلك علـــيه يسكّر**فازع قوى برهان طـبك شورة
طريلى كمــــا الزكّار وآن يزكّر ** فى فم جامع حــــايسات أمورة
روحت مـ الدكتور فيدى صورة **القيت صورته فيها جميل الصورة

ردت المتميزة بنت البدو وقالت

روحت مـ الدكتور فيدى صورة **القيت صورته فيها جميل الصورة

عند الطبيب انداوي**انعاني فمرض في داخلي متقاوي

جرحي صعيب ديمة سطيرة كاوي**نار شايطة فى كبدتى مكبورة

كل يوم في الزايد وماهو شاوي***تمكن فجوفي قاوي علي جوره

كابي علي وجهي ولاني هاوي**ولاني منلي بلحكي مشهوره

نكمي ونكمي والسطير فجاوي**خلاص ما نقدر ونا معدوره

بنقول انه في الغرام سطاوي**يبعد ويقرب في لاعماق جدوره

حبك تمكن في الجواجي طاوي**مكدس اكداس اكداس تاير تورة

استغرب طبيبي كيف ماني ماوي***علي قلب مشاضي كثير اسمورة

قتله طبيبي راغلايا حاوي**كل شبر فيا ليه نا مجبورة

مستعمر موتق والخلايا ناوي** يسري مع لعروق داير دوره

خلي المرض خليه فيا قاوي**نعيش بمرض لا نموت نا مقهوره

روحت مـ الدكتور فيدى صورة **القيت صورته فيها جميل الصورة


رد المتميز ذا عرج وقال

صوره حيه .....................داخل افكاري وجثتي المرميه
بلبسها ولوانها النقيه ..............داخل الخاطر واضحة محفوره
الدكتور حاول ما بخل عليا .......ونادى على الطبَه طلب الشوره
وين ما يصور تطلعلاَ هي .........قال ياجماعه لمر فيه خطوره
وقرر جراحه عاجله فوريه......وطلع سكاكينا فتح قجوره
وحسيت باليبره مشت في يديا....وعدى وخيك في المنام فشوره
بدى يشق في صدري عزق كميه....ودخل مناتيشه يدير فدوره
وتمَا يصيح ياعليك بليه .......وفاقد من الصدمة جميع شعوره
انا شفتها وبسبابها العمليه .....كانت مصيبه اطرافها منثوره
وتما يوسع في الجروح شويه .....لقى القلب مدور مثيل الكوره
ومكتوب مابينا وبين الريه ......امناي وحياتي نشوفها مسروره
روحت م الدكتور فيدى صوره........القيت صورته فيها جميل الصوره

رد الشاعر المتميز عبدالحميد السنوسي وقال

روحت م الدكتور........ وفى الراس صورة مولى العيون الحور

وفى القلب شايل هم بيه أندور

غلا يا رفيق أنموج وان أخطـــوره

غلا ضرنى خللاه ليلى أسمور

جت قصته يا صاحبى مبتوره

روحت شايل هم...... وفى اليد صوره اتكدرك وأتـــغم

والقلب ينزف من أعروقه دم

والعين بينى وبين ادموعها مشطوره

والروح تردم فى غلاها أتذم

فى اللى رخــاها نادمـه مقهــوره

وكللى على كللى مافى شى أتلم

ولى عين خللت قصتى مشهوره

ردت المتميزة طرفه وقالت

روحت مـ الدكتور فيدي صورة**القيت صورته فيها جميل الصورة

مشيتلــه إيداوينـي..إيداوي اجـــــــروح امهلعات كنيني..ماللي خطاهم فالغلا رازينـــــــــــي..انريد شورته دكتور باهي الشوره

قابلته ع ايساري التفت وايميني..الدوا دغري عجـــلي بحضوره

قتله طبيبي وبنــبــرة حزيني..عندي قلب،نيران فيه مسعورة

ماتستعجل بالدوا خليني..نحكيلك ع خاطري وكسورة

من غالي غاليته اسنيني..فجوفي اسماه احروفه محفورة

مابخلت عليه بود لابحنيني..وهو زاد بالغلا عيشني مسرورة

بداية غلانا حاضني حاويني..نساني هول الزمان وجوره

وهو بغدره فالخفا امراجيني..عقلي استاهة لخبط عليه اموره

وعيني اللي دمعها كاويــني..خطاه امعاي فساعة النوم اخطوره

وخاطري يجض بألحان حزيني..عايشة فالحياة مقهورة

ضاع الغلا ماعاد اللي يعنيني..تلاشى حلمهم بهجــورة

وقلبي اسكر ياطبيب يكفيني..وهذي حكاية جرحه اللي فالصوره

وإن اقدرت بالدوا داويني..!!والا استاصل هالقلب من اجــدوره..!!!!!!!!!

م ن ق و ل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 28
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: روحت مـ الدكتور فيدى صورة **القيت صورته فيها جميل الصورة

مُساهمة من طرف معتزالعرفي في 2012-08-05, 5:06 am

اسلمت
avatar
معتزالعرفي
عضو جديد

ذكر
عدد المشاركات : 5
العمر : 38
قوة التقييم : 0
تاريخ التسجيل : 25/07/2012

الرجوع الى أعلى الصفحة اذهب الى الأسفل

رد: روحت مـ الدكتور فيدى صورة **القيت صورته فيها جميل الصورة

مُساهمة من طرف العاشق الصغير في 2012-08-06, 4:34 pm

مشكور وبارك الله فيك خوي معتز علي المرور الطيب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 28
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: روحت مـ الدكتور فيدى صورة **القيت صورته فيها جميل الصورة

مُساهمة من طرف فرج احميد في 2012-08-12, 3:31 pm

رائعة تسلم اخى العاشق
avatar
فرج احميد
مستشار
مستشار

ذكر
عدد المشاركات : 17243
العمر : 55
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: روحت مـ الدكتور فيدى صورة **القيت صورته فيها جميل الصورة

مُساهمة من طرف العاشق الصغير في 2012-08-16, 5:26 am

مشكور وبارك الله فيك خوي فرج احميد علي المرور الطيب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 28
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى