منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» غرفة تحرير أجدابيا ودعم ثوار بنغازي.
اليوم في 2:21 pm من طرف عبدالحفيظ عوض ربيع

» من دحر الارهاب اليوم .
اليوم في 2:18 pm من طرف عبدالحفيظ عوض ربيع

» القبض على العميد عبد السلام العبدلي
اليوم في 2:14 pm من طرف عبدالحفيظ عوض ربيع

» بن جواد الان
اليوم في 2:11 pm من طرف عبدالحفيظ عوض ربيع

» العثور على مئات القبور لكلاب داعش
اليوم في 2:05 pm من طرف عبدالحفيظ عوض ربيع

» خروج أرتال مسلحة مدججة بالسلاح
اليوم في 1:51 pm من طرف عبدالحفيظ عوض ربيع

» اخبار عن
اليوم في 1:50 pm من طرف عبدالحفيظ عوض ربيع

» أخبار الآن تكشف ارتباط داعش في سرت وبنغازي
اليوم في 1:45 pm من طرف عبدالحفيظ عوض ربيع

» خبر
اليوم في 1:42 pm من طرف عبدالحفيظ عوض ربيع

» غرفة عمليات سرت الكبرى تطمئن الجميع
اليوم في 1:40 pm من طرف عبدالحفيظ عوض ربيع

» موقع كندي يفجر قنبلة.. 6 دول تدعم "داعش"
اليوم في 1:17 pm من طرف عبدالحفيظ عوض ربيع

» سلاح الجو الليبي يشن غارات جوية
اليوم في 1:15 pm من طرف عبدالحفيظ عوض ربيع

» المهدي البرغثي أعطي الأوامر بالهجوم علي الهلال النفطي
اليوم في 1:14 pm من طرف عبدالحفيظ عوض ربيع

» غرفة_عمليات_اجدابيا_وضواحيها
اليوم في 1:12 pm من طرف عبدالحفيظ عوض ربيع

» محاولة استهداف خزانات النفط
اليوم في 1:11 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


الغاية في بيت امكوحل وكوت أمتل وميه من عيت ام اشمل

استعرض الموضوع السابق استعرض الموضوع التالي اذهب الى الأسفل

الغاية في بيت امكوحل وكوت أمتل وميه من عيت ام اشمل

مُساهمة من طرف العاشق الصغير في 2012-08-20, 11:06 pm

الغاية في بيت امكوحل ..وكوت امتل ..ومية من عيت أم اشمل ... الغاية
الغاية في واتق الطنايب .. وأم جنايب ..
والطوق أمظر كم جلايب .. ما تعرف طاري الزرايب
ضان أخول اتقول اغزله تجفل .. كان صار لبودور قضايب
يسهل أنجيبه مافيها مشكل .. الغاية
الغاية في خايل لكمام ..حداه غلام
وكوت اتقول فريق حمام ... ودود وبوممشوط عرام
السع يغزل الفلة ويوازي النفل ... عليه اغناي موش حرام
ويستاهل القول ... ونضرب به المثل .. الغاية
الغاية في مظمار حموق .... وغر وطوق غلام ولبل 200 فروق
وبيت ربيع عمار وذوق .... اطرز خايل اوتي للحط ويشايل
اكياله 19 وفوق . اللي كيل ..... أسطي بمهل اتدولب فيه أم نفايل
تسفي في سالف مفروق ..وعين اتعل امقابلها والله تقتل
نداوي لطيروه مطلوق ..هناه انقل ايسحب جنحيه ويسبل
الغاية في بيت امكوحل
الغاية في مكروم عنيد وعين الصيد ... وبيت وضان ودود انريد
انجاور جيران اجاويد ... أحسن منزل انباتوا مشكلنا منحل
نواجع مندفرات بعيد .... ابوادي هل الكسبة ما يشقوا في ضل
البل في شطبان امباجيد .... تقول نخل هللها من البعد ايقابل
معاها هلها موش لميد ...خدوها جل الكبانية بتقيل
بوادي حرفتهم ترويد ... بها يصمل الواحد بين امدد واجل
أيام وهي للناس تفيد .... بها ترحل تسافر وتجيب قوافل
ايام وهناك حصاصيد ... يا زرع انجل يقولو راه جاك المنجل
اياما وهناك كراميد .... عناق اريل تجي مزفزفه فوق جمل
ايام الحجبة وتميعيد ... يحيد الغل حدا خزر عيون الجافل
اطري الكشك ايجوه جراريد .... اغناه يدل علم والشتاوة تشمل
عيون اللي طايب ع الليد ..... الفرق يجل نزل ما كنه ما ينزل
تقول الا قالوله زيد .... علم خايل يجي ع الرملة يجلول
اللي هدا مليوع بريد .... الها قايل حجايج والله يكمل
نحايوا ذكريات رصيد .... بهن منعل بلهن ماني متعقل
مع أم ميامي في التهميد ... تدير مشل احتلت مكنوني بكل
حداي تسفي دور نضيد .... اطوال نزل وعقد يول.... اشاوط ع الصدر امعدل
قطاء ضامي راميه صهيد ... نواي منهل افوهه حل ... تغارد ماهو متحمل
الغاية في بيت امكوحل
الغاية خايل لعدالات .. وكوت احماة كحيلة وحداه اشويهات
طلبنا من عنده خيرات ... كان جعل عطيته ما هو متجمل
علي ونا في كل اوقات ... زكاء نسال عليها قبل الحول ايهل
نجاور ناس الهم همات ....تقول عسل حكايتهم ما تحول
نواجعهم ياله دفات .... عفاء شكل المولى في بدره شاتل
بيوت يليقن في نظرات ... اللي جايل سماحة والهن مستقبل
انتاج قليعة ليبيات ... على الاقل انوضحها للي يجهل
يخيل بكحله وارواقات .... اسماح مقل اتقول امكين معامل
اكسي بحوايا واكليمات ... عمار محل اعدل جاء من النوع الهايل
تليق ارفافه منضودات ... سماحة شل غراير وشوالات امتل
ايبانن يا له شبابات ...يجن بشمل الوحدة بو واشون اتضل
وضان تكيد الزرارات ... يجنها كل عشية والنجع امقابل
تضلل بعد التسريحات .... تحيد الغل بتصييحتها تشايل
تحوش عليه ام ابهلات .... تقول نحل زنين ضناها ما بطل
أرعاويه عز الرفقات .... أحسن منسل أجواد عليكم ما انفضل
جملها يطابخ ما بات ... أزرق صايل تباوي جوه متعدل
وسيده طارش بو شوكات .... زعيم يطل على جبهة جيش يقاتل
ملاء دقره واستحياطات ... لها شايل علف ما يكفيه بكامل
تعلى في كل ابساطات .... بها دبل جميع اللي يجيها تحتل
اركوبه عاتي بو قبجات .... حماة البل وانصار شكل .. الوطن اللي راده يوصل
الغاية في بيت امكوحل
الغاية في مضمار تليل ... ودود على الغوش مشاريف
وبيت اتموني في التكييل ... أما بو عشريني ع الكيف
اصنع من ليبيات اصيل ...أن قلناهن لنا تشريف
عزايز لباسات جميل ... قليعتهن ماهي تخليف
يخلنه عاطي تمقيل .... وسيع اركانه عز الضيف
احموله منضوده تعديل .... نضاديه كيل مساتيف
مليت مير بعد تغليل ..... بكسيه ملطوطه وشليف
أروقاته طرز التشكيل .... على بد الوانات الطيف
امقرن تخظيب تسلسيل .... امحوجب تصنيفه تصنيف
اندار بوسعت بال عديل ... الدوق و للي يشيل خفيف
طرايق با الحمال اتخيل .... تقول محاور قيم سيف
غير اركانه بتقزويل .... وشايح سمحة بتسكريف
امشوبر للتمرير مثيل ... أزواق الحنة وتزخريف
اللي صابغ فيد هجاجيل ... يسهف في العاقل تسهيف
الا المسادي دق بحيل .... قوي ومن أول وان خريف
يتقن في نوات السيل ... الجاير وأريح التصريف
الحاصل ما يبي تبديل .... الا في وان خشوش الصيف
اللي تو تما غير قليل ... اقطع طاريه هو والضيف
وحتى عيت أم دراميل .... أسماح الصورة والتوصيف
اللي كانت تصلب في ليل .... مع راعي ع البال وليف
اليوم تجي من عصر طويل ... الراعي نازرها با السيف
مثيل مقاريس التوكيل .... تحوش على حلاق نظيف
دجاج احداها ومناطيل ... على كثر الخير معاليف
نظرنها مي قولت قيل .... شكت م التل .. اللي حطوها فيه الهل

الغاية في بيت امكوحل
الغاية في واسع لرجال .... تواري با ابالي وغنام
وكاف يعيش امدد وأجال ... شعيره في الارض مردم
وكوت امصرر موحمال ... إن فاج يجيب الدير اقسم
وجيران بوادي ع البال ... يعدو في الجيرة وكرم
نواجع في عيون الجوال .... الكم يخالط فيه الكم
وتاخد عيت القود دلال ... معاهم في مواكير اقدم
عفاء منبوته دار اجلال .... مع مرياضه تصكرم
الغافل يحسابه زلزال ... قلالي فيها وين رزم
اتقول امودر من فنجال ... أمرها تمت تزاحم
خدنها سوقه دارن حال ... بكاري تحلف طار خدم
نصيب وراضت بعد أزعال .... جيوش أطلقهن معلم
مع كل مساهل وجبال ... تفاجيك أقلال وتلتم
معاها كيف ضناء الحلال ... أرعويه زين رفقهم
وهلها ما يوم أحتمال .... توارى عنها دريهم
كما اللي كانو لأم ابهال .... الغازي هايب غاشيهم
النار الحمراء دون المال ... يخشوها واجب مهم
اللي هدا رابط مزعال ... أنصار الطاري بيه يهم
نباهم كيف أولاد اهلال ... انطريوا بيتيه وحشم
ضناهم من خيرة لجيال ... عصر م المولى عاطيهم
عللهم يبي فضوة بال .... ونا ماني واعي فيهم
الا لكن بو أدم قال .... قصيدة جايب دكراهم
وما من شايب عامر جال ... نشدته حكالي عنهم
اضايقتك وجوي هيال ... عليهم يمطر ويغيم
جرحت ونا قولي حمال .... علي تهايا فاهق هم
حماة ادواد انكان تسال ... يعدوا في لوم الايم
أيام اكحيلة بالرسال ... تسارب والحوض امجامم
نهار أصابو فيه ارجال ... معها م الفجر الجاهم
ودلو يتلن فيه اجمال .... يسوقوهن وحدين أسقم
تضم مع لطحة مقيال ... عليهم لين الضل برم
جيوش تلاقن يوم أقتال .... أشقي لمدافع والهاجم
تعل وتطلب ع المشتال .... أولها يجبد في الملتم
الابل هي والأجواد اعدال ... الا لكن ما تكلام
أيام الناس اتبات غلال ... ايحايوها وتحاييهم
اتقرطس في جوبات أطوال .... أمواتير الا ما تخدم
تقطع في رقراق أرمال ... سفاين في أمواج تقاوم
تجيب لهم من عز أوكال ... صعيدي وقرين ومصرم
الجيدة تملى في مكيال .... حليب برغوة يطاشم
الجيران ويزهوا لعيال ... ويطمان اللي قاصدهم
ايبات بمو ملزوم ينال ... يروح شاكر خاطرهم
عطاهم صيت فخر مازال ... يحاكوا به ناس بعدهم
الا أنا غير عطيت أمثال .... كلام أيدل .. ردود على شاعر قايل
يريد نواجع وأم أشمال ... الا العمل ... أنصارن متبوت ايبطل
أردودي بوصافه ننهال .. انجي ننجل .. لطاري لجواد ولايل
ابحتني ندويلك مازال ... بها العلل ... معاك انطول ما نبطل
الغاية في بيت امكوحل .... وكوت امتل ... ومية من عيت أم اشمل ... الغاية


م ن ق و ل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى