منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» رئيس المجلس الرئاسي يلتقي عمداء بلديات طبرق والأبرق وبئر الأشهب
اليوم في 12:11 pm من طرف STAR

» السراج يلتقي وفد من شيوخ قبائل العبيدات وعمداء بلديات طبرق و الأبرق و أم الرزم
اليوم في 12:11 pm من طرف STAR

» تسليم منفذ امساعد رسميا الى قيادة جديدة
اليوم في 12:10 pm من طرف STAR

» “البكاء” ليس حزنا فقط.. البكاء “صحّة”!
اليوم في 12:09 pm من طرف STAR

» تبولة بالليمون
اليوم في 12:08 pm من طرف STAR

» أسماك مذهلة تنطلق كالصاروخ لاصطياد الطيور.. قصة الكائنات التي ظنها صيادون من الخيال وصدمهم
اليوم في 11:58 am من طرف STAR

» توقع لسقوط قمر صناعي آخر على الأرض اليوم
اليوم في 11:43 am من طرف STAR

»  الامراض التي تصيب البروستاتا
اليوم في 11:38 am من طرف STAR

»  طريقة عمل فتة الزهرة بالبف باستري
اليوم في 11:36 am من طرف STAR

» فيديو جديد يكشف أسرار أسرع طائرة حربية في العالم
اليوم في 11:32 am من طرف STAR

» حدث في مثل هذا اليوم October 23, 2017
اليوم في 11:29 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
اليوم في 10:59 am من طرف STAR

»  ريال مدريد وبرشلونة يتصارعان على "أسينسيو الجديد"
اليوم في 5:09 am من طرف عبدالله الشندي

» صعود مالي وإنجلترا إلى نصف نهائي مونديال الناشئين
اليوم في 5:06 am من طرف عبدالله الشندي

» البرازيل تقلب الطاولة على ألمانيا وتواجه إنجلترا بنصف النهائي
اليوم في 5:05 am من طرف عبدالله الشندي

بحـث
 
 

نتائج البحث
 


Rechercher بحث متقدم


شينك طيحه,,,,,,تبهدل تعذب زين ذاق طريحه,,,,,منا ابروحا القلب

استعرض الموضوع السابق استعرض الموضوع التالي اذهب الى الأسفل

شينك طيحه,,,,,,تبهدل تعذب زين ذاق طريحه,,,,,منا ابروحا القلب

مُساهمة من طرف STAR في 2012-08-20, 11:15 pm

شينك طيحه,,,,,,تبهدل تعذب زين ذاق طريحه,,,,,,منا ابروحا القلب

طاح ابروحا
يجري وراء جافي ابهما وموحا
مسكين ماطابت اليوم اجروحا
مسحور قيسا مايريد نصيحـــه

شينك غية
في جرتة لاوي امعــاه ايديـــه
نا القلب خلى دمعتي مــكفيه
قدام كل النــاس عليك فضيحه

طاح تعثر
بروحه بروحه ف الغـــرام تأثر
وزاد فــى اهباله من حنانه كثر
نين انطعن بالموس مات ذبيحه

طاح براسه
خذا دروب بطاله وخــالف ناسه
ضنه ايلاقى حس كيف احساسه
همه وعـــذابه ينتهـــــى ويزيحه

طاح انضر
فى صــــــوب ف الدنيا معـاه انغر
القيه العسل ف الـــريق شين ومر
ومسك الغلا امــزيف وفاقد ريحه

طاح وجعنى
عدا طريق وما ارضى يسمعنى
خالــــف كلامى كــــادنى لوعنى
مع نـــاس نيتم اليــــوم قبيحـــه

طيحة شينة
طاح في عزيز اللي عليــه اعبينا
جا في نهايــة لامــر راخي بينــا
تــرك حبلنا متقــول كنــا افريحة

طيحة غبرة
ينزف اللقب اليــــوم مابـــا يبرا
يامــــا نصحتا مــا خذاهــا عبره
من قــل بختــه كملو تشريحـة

طاح وطحت
ومن يوم طيحتي مايوم بيه ارتحت
عزيز ظرني يــانــــاس بيه اجرحت
وظاقت علي الواسعـه الفسيحـه

جرني بشطاره
وخلاني انعاني في لهايب ناره
حيرني معـــاه مالقيت ادبـــاره
اتريح النفس اللي تنق جريحـه

طيحه غبرا
ماضنيت يامجدى اطيـــب وتبـــــرا
يـــاصحابى انشــاء الله بتاخد عبرا
ومش كـــــل حوحايه وراهـا ميحـه

قديم فى الغلا عندى مسار وخبره
وكنــك نــويت جــديد خـود نصيحه
لا يغـــرك الشكل ولا الكــلام بنبره
ولا البــــــاهية تحـــتاج للتبـــريحه

شينك لبـخه
لاوين طـــــابخله الغـالي طبخــــــه
يحساب في غــلا لولافـــ رابخ ربخـه
لاوين قـاعد فـوق عالـــــــدرجيحـــه

شينك هبكه
وطاح نين سارت ف الجواجي ربكه
وحتى الياس قاعدلي وحابك حبكة
متشمــت وفيــا حـط ضــدي ريحا

ودار حفلتا ومالشام جاب الدبكه
علي طيحتي لوريت عطبك ليحا
والــــعين صــــافت رايهــا زبكــه
وشاهــد عليا صاحبك بوشيحــة

هد اهدودا
طاح انكسر بختـــة ارقيق عـــودا
اوراحـن عـكـاكيزه اوراح اسنـــودا
اوزاد انعــمى ريتــو رقــاده ريحـه
لدرب النجاه كــيف نــبي انقــودا
حتى انكان صبــا اتصيرله ترنيحـه
القلب حصلــــها طــريحه ســواد
ضربة غشيم نين خلفت تزنيحـه

طــــاح تــكـَــــــسّـر
وعلـي ايـام عـمـرة يـارفيق تحسّر
بـيــهـــا احْـلـمْ ماقال حلمي انفَسّر
خاف ينكشف ياخوي من تصريحه
عــدّى مـشـى فـي ســكْـتَه متجَسـّر
لـقـى صـاحبـة فـأيت عــدد تسليحة

شيـنــــــــــك هبْـعَه
لـيـن انـْعـزلْ ع الكون غيّر طبـْعـه
وجـفـّـن ابـحـار الـدمْ داخـل نـبـْعَه
هــذا جــزاه فــِــي فـطـنـته وتفليحه
داخل ومسـتقوي بدغرتْ سبـــْـعـّه
وهادْ فيْ عريِنْ اسُـودْ دَايـرْ صـيحه

طاح أبقوة
ما أنــلــوم فـيــها حــد مـنا هوة
مهزل أبروحه أوجاب لنا الدوة
قالـــوا علـيا صارله تزنيحــــــه
وين ما نصحته أبقيت لاه عدوة
أنذل ليا أولاه جـاب فـضـيحـــــه

طاح كسرنـــــي
أنباهي أبروحي أبطيحته صغرنــــي
يــامــا نـصــحته غير ما عبرنــــــي
لو كان طاوعني أوخذا النصيحـــــه
وين طاح طـيـحـني أمعاه قهرنـــــي
لا تــو جرحي مــا وقف تنضيحـــــه

شينــك نــقـّـا
كـــل يـــوم طــقــا لااحـقتـّـا طـقّا
يـــانــويــرتـى لـوكان غير اتحقّا
خيال تفرجه قاعد امغير فضيحه

شيــنــك دوّه
مايل عليه الوقت مو مـــن تــوّه
لاســق عــليــه اوكتـفــه باالقـوّه
اوساعد امعاه الياس فى تركيحه

شينك قـصـّـه
قصّه حزينه سببــتـلـه غـصّه
عليما الخاطـر فـيـه ياما وصّا
فى وذن ميت قالها النصـيـحه

شينك سيره
كل يوم جابـد من الهموم طميره
بيـن الـغــطا طايح اوبين سريره
يادوب منــّــه نــســمعوه ضبيحه
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 117923
العمر : 32
رقم العضوية : 31
قوة التقييم : 192
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى