منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» وصول سيولة مالية إلى مصارف درنة قادمة من مصرف ليبيا المركزي البيضاء
اليوم في 10:07 am من طرف STAR

» مصارف درنة تعلن فتح أبوابها أمام المتعاملين بدءا من الأثنين القادم
اليوم في 10:07 am من طرف STAR

» تكليف العقيد خالد عبدالله آمراً للغرفة الأمنية المشتركة في شحات‎
اليوم في 10:06 am من طرف STAR

» شرق طبرق تري النور بعد انقطاع التيار 19 يوماً
اليوم في 10:06 am من طرف STAR

» إطلاق سراح رئيس ديوان حكومة طبرق بعد اختطافه في البيضاء
اليوم في 10:06 am من طرف STAR

» العقيد أحمد شعيب مدير أمن طبرق
اليوم في 10:05 am من طرف STAR

» خبراء جدد يؤدون اليمين القانونية للعمل بمركز الخبرة القضائية فرع طبرق
اليوم في 10:05 am من طرف STAR

» مديرو جهاز الإسعاف بالمنطقة الشرقية يطالبون بتعديل أوضاع الاعاشة
اليوم في 10:05 am من طرف STAR

» المسماري: البنيان المرصوص دعمت الهجوم على الهلال النفطي والسراج متحالف مع القاعدة
اليوم في 10:04 am من طرف STAR

» المجلس الأعلى لحوض النفط والغاز يستنكر الهجوم على منشأت النفط الليبية
اليوم في 10:04 am من طرف STAR

» الجيش يعلن وقف إطلاق النار في قنفودة غرب بنغازي
اليوم في 10:03 am من طرف STAR

» شورى بنغازي ينفي علاقته بأي مجموعات مسلحة في طرابلس
اليوم في 10:03 am من طرف STAR

» بلدية بنغازي تتسلم سيارات إسعاف من برنامج الأمم المتحدة الإنمائي
اليوم في 10:03 am من طرف STAR

» الصاعقة تحبط هجوم انتحاري بسيارة مفخخة
اليوم في 10:03 am من طرف STAR

» ناقلة نفط تستعد لتحميل 590 ألف برميل من ميناء الزويتينة
اليوم في 10:02 am من طرف STAR

بحـث
 
 

نتائج البحث
 


Rechercher بحث متقدم


مطري بو ممشوط اسفا .

استعرض الموضوع السابق استعرض الموضوع التالي اذهب الى الأسفل

مطري بو ممشوط اسفا .

مُساهمة من طرف العاشق الصغير في 2012-08-20, 11:46 pm

مطرى بوممشوط اسفى للشاعر محمد فرج ارحيم الجميعي


مطري بو ممشوط اسفا .. عقلي خفا .. يدويبه سامر ماغفا
مطري بو عرنين اضوا .. بارق نوا.. نّزل كل غريق تروى
مطري شين اعقيلي شوا .. جاته خفا .. من خرخوط امنقرش كفا
علمه ضاق وحارب جوا .. ماضي هفا .. ماضي حلوات وصايفا
مو عارف بكره من توا .. جاته لفا .. خلبط والدوه خالفا
متردي مافيه امروا .. من بوشفا .. موشومه واشناف وغفا
عني حيز وشينك دوه .. دمعي صفا .. والكبد بنارا شفشفا
بوها متمادي في سوا .. شين صرفا .. عني للعفنين حدفا
زيزة غصب وجبر وقوا .. داروا زفا .. راحت ماطلت انخرفا
غية شوف هميل الصوه .. ريم الدفا .. ياسا شين اللي صادفا
قوة بر وبحر وجوا .. قول عرفا .. جاب خريطة واستكشفا
متوتي للحرب تقوى .. ماوقفا .. نين بكل سلاح نسفا
مطري بوممشوط اسافا .. حلو اوصافا .. هلي لا خان ولاجافا
ماعندي ع البال اخلافا .. عهدا وفا .. والسيه ديمه عايفا
عقلي زاد عليه اريافا .. ماوالفا .. نار غلا ما بت تطفا
قبل اقرّيب تم مسافه .. بعد ولفا .. ياما في ممشاه تحفا
جاب الله نقار اصدافا .. لي تخفا.. يختل والغيه عارفا
ناقر طال جميع اهدافا .. ناس هدفا .. غايتا فينا تشفا
ناقر بعوانا واحلافا .. جو في صفا .. حجّر حلوات وصايفا
والغية باتت لاصفا .. كي صفصفا .. ياس بعد خضره نشفا
غية من خايل بشنافا .. ياس لقفا .. في برواز اسود غلفا
غيه مبنيه بنظافة .. لك نوصفا .. غية شوق عناق الدفا
مطري بوجمه جادلها .. يامجملها .. كيف انعل عليك اولها
من قبل الياس ايحولها .. من زخرفا .. ليام قبالي صيفا
للذكرى قلت انسجلها .. غالي وفا .. وابنود الغية شرفا
خرخوطة كيف انمثلها .. دم بخفه .. زيد عليه زين وعفا
بوها متوعر بهدلها .. متحلفا .. ديمه غايتا خالفا
بوها من طبعه جفلها .. مستضعفا .. يضرب واوقات ايكتفا
قهر وهم اللي قابلها .. في موقفا .. جرنان مشاكل صادفا
قبل معاي اتريد عدلها .. شين كسفا .. بوها في العيشه قارفا
شايب صقعه مايحملها .. فارد كفا .. ع الحفره ديما يدفا
عيني كيف انجيب عللها .. مانسعفا .. لازم م الدمعه نذرفا
مطري بو ممشوط اسفا .. عقلي خفا .. يدويبه سامر ماغفا
مطري خرخوطه ابدويه .. عمري ما ننسا غيتا
حتى ان كانت ماهي ليه .. والقسمه عني حازتا
فرقاها مكتوب عليا .. واخرى زاد علي جبهتا
بنت اتقول غزال حطيه .. ساع انجيبوها صيفتا
غير زادت ع الريم شويه .. هابا لو ترعوا صورتا
فيها دور حدر باقيه .. نازل هالب تحزيمتا
كي الحرير يقابل فيا .. ناعم رد علي وجنتا
مرشوش ابنّه عطريه .. م النوع العالي جابتا
له لمعة لون طبيعيه ..حادر كايد مشاطتا
ريت جبين ان قابل ضيه .. بارق ناياته فلتا
فيه اوشيمه خضراويه .. بانت يامحلى رسمتا
فيها نقش بحرفانيه .. لوحه فنيه اعرضتا
جوز حلق رن بحنيه .. قطعة موسيقي اعزفتا
كلي الحاجب ياخوتيه .. هابا نا كبدي حتحتا
منه نا نفرك في ايديا .. خنجر في مكنوني غتا
منه نا مجروح ضحيه .. ونفوقوا من داه ايمتا
حاجب رسمه ربانيه .. فوق اللي تربي شبتا
تربي عين اتشيل وقيه .. تاخذ روحك في مجتا
تاخذ كيفنها غدريه .. تصدف ماتخيب رصاصتا
والرمش امحوجب ماقيه .. وخشيم امحلي ليقتا
م الخد اللي قابل ضيه .. عيني مذهوبة شيرتا
واسنون اساوت مجليه .. تاقن ساعة تبسيمتا
كلي م الشفه خمريه .. مسعشي قلنا ارقبتا
ونردوا لافوق اشويه .. نين انجيبوا تخريفتا
بنت ابوادي مي حضريه .. سلم لم اللي جابتا
هلها موش عرب دونيه .. مضبوطين ضنا عيلتا
بوها بس تعاطب فيا .. شايب شين منع قسمتا
داير واجد موش اشويه .. نين تماسكنا ساعتا
شايب عمره فوق الميه .. ياما عوّل في غيتا
ديمه شايلي غدريه .. مالحظه ريتا فايتا
اه لو نطوله بين ايديه .. كان انحطا في كلكتا
غادي في غابه هنديه .. هلي ع الصين احدادتا
ونبشر سود امياميه .. خانة بوك انسى فجوتا
شايب شين مغير اذيه .. والعالم فينا شمتا
شايب بجريد وسدريه .. عنده كل وجاب بنتا
شايب طامع في نقديه .. ولعد العشرات توتا
غير توا انسيبوا طاريه .. ونردوا في توصيفتا
قلنا ع الشفه خمريه .. مسعشي قلنا ارقبتا
وجه امدور شقراويه .. ليلة نص شهر قمرتا
والرقبة ترعي لميه .. تنزل كيف بعد شربتا
والذرعان عليك ابنيه .. ريم خلا في تخميدتا
صدرا فاج علي عاليه .. نقناق انطولوه ايمتا
فاجن تحت الجلابيه .. كبايات علي سفرتا
وسطا لولا حرمانيه .. كان عطيناها غايتا
واللعب انهدوه اشويه .. نين انوريكم مشيتا
ضابط في بدله رسميه .. فيده تعليمات توتا
تفتيش القوه جمليه .. لاوامر جمله طاعتا
فتش وعاطولا التحية .. خطرها اللي صيفتا
نا مسعشي ريت وليه .. يارجاله كي وصفتا
نلقاها مليوع بغيه .. وايش انديروا في عقلتا
شايب فاضي سارح بيا .. تاوا اللفا .. ديمه منهرتا ناسفا
مطري بوممشوط اسفا .. عقلي خفا .. يدويبه سامر ماغفا
مطري ريد كحيل ارماقا .. مطري شين كنيني شقا
عين الجافل م البنداقا .. عين اللي هامل في رقا
حبه دايرلي سراقا .. تما في ممشاه مشقا
غالينا لواي اوشاقا .. راضي بي ابملح ودقه
خفة دم عليك رشاقا .. هيكل ع الفراز منقى
واسلوبه ديما بلباقه .. ع التوصيف اليوم ترقا
ذوق وزين هلب غنداقا .. يستاهل مليون وشقه
خرخوط عباره عن باقه .. باقة ورد بماه اسقى
غية كل نهار ملاقا .. منها ماعد شي تبقى
غير بذكريات اشواقا .. هلي متمنيه انحقا
عندي العقل عمر بسواقا .. ياما دون غلاه اتقا
متبرجل ضايقات اخلاقه .. دالح ف الغيه ماطقا
فاهق شين صعيب اطقاقا .. فاهق بو حرقوس ودقا
هلي كيف ارقيق ساقا .. ما نزهوبا عطبك نقا
قبل انريدوها نفاقا .. جا بو راس اتقول مدقا
شايبها عنده نحماقه .. واقصيّر مسخوط برقا
شايب في ليقة نغاقه.. ياساتر لو كان اتحقا
وثويبه من غير الياقا .. شايب في عقليته لقا
دقنه ما فرحت بحلاقا .. مام السيبانا والبقا
برغوث مع قمل تلاقا .. فوق اجريده واخذ حقا
تحلف زود احذا شلاقا .. فوق شطيب ارياض اتحقا
شايب خارف زق طلاقا .. شايب من تاريخ الوقا
مسلم بس مغير بطاقة .. شور خراب طلاقا زقا
شرقان وجا سيل ارياقا .. طرطاشي طاير من بقا
قال عزيز انسى نقناقا .. يلي حالك فيه الرقا
شايب شين حكم بفراقا .. مسالي بالخير وبقا
قلت اساع نمسك في خناقه .. والله فوق عوين انزقا
كي هميت عليه بساقا .. قلت اردود خطاك تلقى
قبل انريد انشد وثاقه .. طاح اعثر بيديه اتقى
سبته سامحتا بحداقه .. قلت خساره فيه الطقا
خفت يموت يبات علاقه .. يبقى دين علينا حقا
دين ويطاول نقناقا .. شينك دفا .. لو دفيته كان توفا
مطري بو ممشوط اسفا .. عقلي خفا .. يدويبه سامر ماغفا
مطري بوقصه مبرومه .. هلي حجرها قسميته
شايب كيف طوير البومه .. شايب في ليقة عفريته
ليش حجر لابس بوثومه .. لشعل مول العين فليته
منه مانبرم ف الحومه .. متحدي مني قابيته
تمت غيتنا ملغومه .. حد عزاي الها تنهيته
قلت العقل ايشد اعزومه .. وانسى ريد اللي غاليته
عدا عام علي ديمومه .. راق العقل وقلت انسيته
وليالي شوف المكرومه .. راحن في صوب وهديته
خيك تما عايش يوما .. رايق مرتاحه نفسيته
نين جا ضيف عزيز اقدومه .. صاحب من مده ماريته
ضيف ذبيحه مو م الحومه .. بيه اشرهبت ولاقيته
درنالا حفله وعزوما .. قسمناه الساق عطيته
هل واجب ويعد اللوما .. راجل في كامل عقليته
موش بخيل اشداد اعزوما .. يا ما ضايفني في بيته
حاضر موالي وهمومه .. والغالي هلي غاليته
هو وياه ضنا لعمومه .. ياما ع الشايب داعيته
ياما دار معاه خصومه .. كم مره ومحرم بيته
قول بحث علي مردومه .. غية غالي قبل انسيته
نقّض جرح اللي مغرومه .. بيانا واخرا حاييته
قلتا كيف عزيز وقومه .. علي جارحني جليته
وايش الشايب بو بلعومه .. هلي قبل الا رنيته
نشّف ريقي بو حرجومه .. يا ما ع الزينه داريته
ياريت ايجي اصداف حكومه .. تبقى موش شوي قضيته
يما غرقان بعد عومه .. فيه الحوت ملك حريته
نين طلع جثه مفرومه .. خوته ماعرفوا شخصيته
ياصداف طبيخه مشمومه .. مات بسم وما سميته
والله يوم قطب بغيومه .. طرقاعه تنزل ناويته
والله نجار بقادوما .. نازل فيه ايريد مهيته
ذبه جت راسه مقسومه .. كبسّ مات عطبها ميته
ماهيش جنازه مرحومه .. ليش عرق لا جير كليتا
شايب شين الله لايدومه .. ما م القهر اللي واريته
لاصلى لافرض ايصوما .. ظل مع الدنيا عاميته
دونك غيتنا مهدومه .. وايش الذنب اللي سويته
نزرع صوب ارضا امخدومه .. في عون امخمد ذريته
ضيفي جايبلي معلومه .. قال اسمع والرد خذيته
كلي بوقصه مبرومه .. عايش يرجى في قسميته
ياما جوه عرب م الحومه .. ماهم جايين علي نيته
كلي م الشايب لملومه .. راقد والدنيل باليته
كل صفاحيا مخزومه .. و الكيي بعيني حقيته
متملح فيه الباروما .. قيسا قرب يوم الميته
شايب من غادي جرثومه .. لاجلك كنت محرم بيته
لولا راقد فيه ادموما .. نا لا ساولتا لاجيته
لك جبت اخباري متمومه .. لازرت ولاشي نسيته
وانتا راح ابرم ف الحومه .. والشايب نا عارف ديته
حد عزاه ايشن هجوما .. يزعل ويجيك بغدريته
باتت حكوتنا مقيومه .. علي شاريني وشريته
ف الصبح استاقض م نومه .. فطرته واشرب شاهيته
وضحلي راس الملزومه .. قول اسقد في عربيته
غير سيّب راسي بهمومه .. خّطر ماضي قبل انسيته
نحسب غيتا مردومه .. والفاهق منها سديته
ثاريت الغيه امحكومه .. ماغالي ينسى غاليته
حاجه رباني مفهومه .. سامع بيه ونا حسيته
خيك ليلا عد انجومه .. طول الليل اسمور خذيته
ونفكر ف اللي محرومه .. مني والجوجي شاريته
ريدي بو ضحكه بنعومه .. قلة خير ان نا جافيته
بوممشوط مسوى زوما .. من جد وجديد هويته
عد بي الدنيا مبرومه .. صممت انزورا في بيته
لريل بو مشيه منظومه .. خيك وتى كيف نويته
م الدولاب جديد اهدومه .. والبست وحزني فكيته
عامد بو لبسه مرسومه .. لشعل مول العين فليته
عقلي يطافر ديمومه .. ع النار الحمره داعيته
جيت لبيت لذيذ نسومه .. والطرفه دونك كي جيته
سلمت وجليت همومه .. يشكيلي وانا شاكيته
قلت ارضى باللي مقسومه .. ساكت حزنان وهديته
والشايب راس الملزومه .. حسه متواطي ثاريته
لاعد غدريه لاشوما .. نحسابه ميت عزيته
واضحّوك لباس اختومه .. وقفت الحكي وشويته
لاوين الشايب في نومه .. متغطي طرحي ما ريته
طايح والدوه محزومه .. بخزامات وكي القيته
ساولتا شديت اعزوما .. بهت هر بكا واسيته
ريتا في حاله مضيومه .. حقا نا عزمي رقيتا
والبنت اشتاقت مظلومه .. تما مندب جوا بيته
دنيا قلابه ومشومه .. كله صار بعيني ريته
وادعته شوف المكرومة .. رد عليا بزكميته
تمشي تبقى باب لطومه .. فوق النار عشا سويته
فزيت وقلتلها لوما .. عندي شغل وما قضيته
كان نقعد ونشيل هموما .. بيّك نين ايصيد عفيته
مقعد تم مغير حشوما .. ساولت وواجب قضيته
خيك رد وجا في يوما .. والعقل انجن انجن بغاليته
هلي عطر هبوب نسوما .. من سالفا .. عقلي خفا .. ماعد غفا .. فاقد بوجمه تسفا
غية عين خفيف الحومه .. ياس تلفا .. موقاعد غير حسايفا
ياس اطلق ع القلب اسهوما .. شينك لفا .. تكسياته يو الزفا
ظني ماعد فيها لومه .. كيف ايهفا .. خيك سم الفارايسفا
مطري بو ممشوط اسفا .. عقلي خفا .. يدويبه سامر ماغفا


م ن ق و ل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: مطري بو ممشوط اسفا .

مُساهمة من طرف فرج احميد في 2012-08-22, 9:42 pm

تسلم اخى العاشق

فرج احميد
مستشار
مستشار

ذكر
عدد المشاركات : 17243
العمر : 54
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: مطري بو ممشوط اسفا .

مُساهمة من طرف العاشق الصغير في 2012-08-23, 2:42 am

مشكور خوي فرج وبارك الله فيك علي المرور الطيب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى