ديمقراطية شحات

من طرف **العاشق الصغير** في 2012-08-28, 4:12 am

ديمقراطية شحات
الشاعر فتحي القابسي
عفواً ياديمقراطيـــــة.. معاك المواطن شحـــــات
سامحينا نعطلوك اشوية .. وناخذوا من وقتك لحظات
هي لوله باللولــــــــية .. انستينا جديــــــــــــــــات
ونهدولك مليون تحية .. جيتي ياطيبك جيـــــــات
لكن لو فيه امكانية.. تعفينا نحنا بالـــــــــــــــذات
لاجل قابيتنا اجلاوية.. وساكنين اوطان بعيـــدات
لافيهن ضي ولا اموية.. اووين الشمس تطيح انبات
وديما جيتنا بالجية.. وديما المشية بالمشيــــــــــات
وديما فينا رعادية.. بين عزاوات ومســـــــــارات
والله ومااتحلفي فيا.. ولا بينا فيه حلوفــــــــــــات
امس بعد طاسة الضحوية.. ركبن فينا العيــــاطات
قالوا هاضا الحاج عطية.. صلى الصبح بعدها مات
والحاج عطية خال هنية.. وابناخي الشايب فرحات
وسالم صاحب بيت ضوية.. هو وياه ضنا الخالات
الحاصل موش هذي القضية .. كلام وجابنا حكايات
نحنا اللي خطر هالجية .. قالوا فيه انتخابـــــــــــات
نلقنكم خلونا اشوية .. مشاغلنا ديما واجــــــــــدات
فينا اللي دوم شواهيا.. مالفجر يكونن مـــــــــادات
وفينا اللي داير فاسكية .. وفينا اللي زارع كرمات
وفينا اللي ضايق جوجيه .. قاطعات الواه الواشنات
وانتي تبي ناس رضية .. لبس قراويط وجاكات
وتبي هاللي شرب اموية .. يطقطق باربع لغات
وتبي ناس تثير قضية .. تحلل في كل الشاشات
ونحنا ماعنك امخفيه .. اعطب جدود التقرايات
ماحوتك محو الامية .. كملناها بحجــــــــابات
انكان اتريدي ليبرالية .. من يغلبنا في الليبرات
لعبتنا السمحة الاصلية .. حب ولز وتكريشات
وكان تقولي علمانية .. علم خوذي في كل أوقـــات
موش غناوة وحدة مية .. افواهق مرهون قديمات
خاطيهن من غير لوية .. والجايات انشاء الله أحسن مالماشيات
وسلامتكم
م ن ق و ل

من طرف **بوفرقه** في 2012-08-28, 7:15 am

من طرف فرج احميد في 2012-09-09, 10:18 pm

تسلم اخى العاشق

ديمقراطية شحات

ديمقراطية شحات

رد: ديمقراطية شحات

رد: ديمقراطية شحات