قصيده للشاعر جمعه بوخبينه الفاخري ( احملنا بلاخزر)

حملنابلا خزر عين النداوي .. بووسط خاوي .. يا بال من ضليلات بين القهــاوي
حملنا بلا خزرعين المدرب .. اللي العقل خرب .. يا بال من بقى حبهن بالتكرب
ونامن عوز ليام فيهن نجرب .. مرة بجاوي .. ومرات ننقلب ونبات الخصام نــاوي
اوواخد علي السوق ديما مغرّب .. جمالي مقاوي .. وخبيري قطـــاوي
مجول صطاوي .. يجيبهن مع ميح روس العـــــــلاوي
حملنا بلا خزر عين من سطوله .. كمبيل لبسوله .. يا بال من بقي صوبهن فيه قــوله
خاطي وسطوله .. يكمل حكاوي .. ويخلف وجاويج ما لهن مــداوي
حملنا بلا خزر عين المكمم .. حزام المجمم .. اللي بالجسم الذع نين دمــم
وسيده مصمم .. والطبل داوي .. يحدربه على سوق عوج اللغــــاوي
قدام المغيرات ما بها يخمم .. فارس بلاوي .. يشق النوارين والعزم قـــاوي



شاعر وعندي هوايات
شاعر وعندي هوايات .. وف الجو واخذ دلالي
ونحكي علي كل حالات.. وفي الوصف واسع خيالي
وحافظ سهاري قديمات .. من بوي ياما حكالي
امجوّل علي كل جيهات .. ونازاد كاثر سوالي
نريد نحفظه بالدلالات .. تاريخ سابق اجيالي
لنا ع الجضر بيه هيلات .. وينما انرتــّب احوالي
ولا عندنا باب همـّـات .. امقيمين والمال فالي
وما جبــّـدن ها الخطارات .. إلا الوطن ريناه خالي
والناس حيلها في البلادات .. وساكنين بالاص عالي
وما تقول كانوا زمانات .. سكّان في خلا كيف حالي
وعليهم يحوشن الخلفات .. بعد ثلث م الليل تالي
او وينما لفن شور لمبات .. يجوهن اسراب العيالي
املاقيينهن بالعقالات .. امغير كان زام القلالي
رعد يـدّقـل في سحابات .. عقب ليل جورة ليالي
وف الصبح يجنها شبابات .. لابسات عالي البذالي
وعاد يبرمن بالقداحات .. وطاربات ماهن كسالي
وين حلبـّـن جن رادّات .. ورويوا جميع النزالي
حليب كسر من ثدي فلاّت .. يجود وان فرط البهالي
واحذاه طرحات طرحات .. اتزهّي النواظر توالي
البيت بو زرد بو كمامات .. بو نضد لركان مالي
اعداد شولها فوق ميـّـات .. من غير حشوها والمتالي
وانكان عزّبت زاد ما تبات .. إلا في هشاش الرمالي
واليوم ماعليها سوالات .. ولا سيابها صاد بالي
وهي قبل يمحا الغلات .. رفقها يسلّـي تسالي
وبها نسافروا ع الواحات .. وتجيب تمر عز الوكالي
ويبقن طرابه الوشنات ..بعد كرب والمير غالي
نهار وردها ع القناوات .. تروّح ارسالي ارسالي
ومعاها عواويل صبّات .. ايهنّـوا ان صار القتالي
اجواد يطرشوا في النقابات .. لهم صيت كيف الهلالي
بالفعل ما هي دعايات .. و لانزيدهم في اقوالي
ايجوا فوق سبّـق امتلا ّت .. وحاضنينهن بالمخالي
يخلّوا اقران المغيرات .. م الظيم يطلبوا في الدخالي
كما نار في وان هفكات .. ولعت في حطب دار بالي
نلقان قدرها مو الهانات .. بعد عز تبقى جوالي
سماح الهلل فوق قارات .. متراشيات هي والغزالي
حلال شكرها بالكلامات .. وتمجيدها بالكمالي

كما نار في وان هفكات .. ولعت في حطب دار بالي
نلقان قدرها مو الهانات .. بعد عز تبقى جوالي
سماح الهلل فوق قارات .. متراشيات هي والغزالي
حلال شكرها بالكلامات .. وتمجيدها بالكمالي


الله يبارك وبارك الله فيك خوي خالد على النقل

اعداد شولها فوق ميـّـات .. من غير حشوها والمتالي
وانكان عزّبت زاد ما تبات .. إلا في هشاش الرمالي
واليوم ماعليها سوالات .. ولا سيابها صاد بالي
وهي قبل يمحا الغلات .. رفقها يسلّـي تسالي
وبها نسافروا ع الواحات .. وتجيب تمر عز الوكالي
ويبقن طرابه الوشنات ..بعد كرب والمير غالي
نهار وردها ع القناوات .. تروّح ارسالي ارسالي
ومعاها عواويل صبّات .. ايهنّـوا ان صار القتالي
اجواد يطرشوا في النقابات .. لهم صيت كيف الهلالي
بالفعل ما هي دعايات .. و لانزيدهم في اقوالي
ايجوا فوق سبّـق امتلا ّت .. وحاضنينهن بالمخالي
يخلّوا اقران المغيرات .. م الظيم يطلبوا في الدخالي
كما نار في وان هفكات .. ولعت في حطب دار بالي
نلقان قدرها مو الهانات .. بعد عز تبقى جوالي
سماح الهلل فوق قارات .. متراشيات هي والغزالي
حلال شكرها بالكلامات .. وتمجيدها بالكمالي