منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» شَركة ليبيانا تُعلن عن تَشغيل خِدمةً تُتيح اِستخدام الإِنترنت عَالية السّرعة في مَنطقة بني
أمس في 8:03 am من طرف STAR

» صنع الله يناقش في طبرق إنشاء مصفاة بقدرة ثلاثمئة ألف برميل يوميا
أمس في 8:03 am من طرف STAR

» الكهرباء تعلن زيادة ساعات طرح الأحمال عقب خروج بعض الوحدات في الخمس والزاو
أمس في 8:02 am من طرف STAR

» وزير الاتّصالات يطّلع على المَشاكل اللاسلكية التي تُعاني منها قَاعدة بنينا الجّوية وتَدني
أمس في 8:02 am من طرف STAR

» أسد يترك فريسته ويحاول مهاجمة المصور
أمس في 7:55 am من طرف STAR

» احذر.. برامج تجسس “خبيثة” في تطبيقات الرسائل
أمس في 7:54 am من طرف STAR

» حدث في مثل هذا اليوم August 15, 2017
أمس في 7:45 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
أمس في 7:40 am من طرف STAR

» عبرعن وضعك الحالي بغناوه او شتاوه
2017-08-15, 11:35 pm من طرف رعود بلا مزن

» تردد وكود قناة TV varzish على ثلاث اقمار
2017-08-15, 10:11 am من طرف STAR

» مصري يرسم لوحاته بالتبغ للتحذير من التدخين
2017-08-15, 10:06 am من طرف STAR

» تلاميذ يتعرضون للموت يوميًّا للذهاب لمدارسهم
2017-08-15, 10:05 am من طرف STAR

» تعرفوا على نيو مكسيكو ومعالمها العريقة
2017-08-15, 10:02 am من طرف STAR

» فيتامين «ب3» يمنع الإجهاض والتشوهات الخلقية!
2017-08-15, 9:59 am من طرف STAR

»  طريقة عمل بابا غنوج زي المطاعم
2017-08-15, 9:58 am من طرف STAR

بحـث
 
 

نتائج البحث
 


Rechercher بحث متقدم


ادريس الشهيبي في .ياناسية طالن أيام الغيبة

استعرض الموضوع السابق استعرض الموضوع التالي اذهب الى الأسفل

ادريس الشهيبي في .ياناسية طالن أيام الغيبة

مُساهمة من طرف الهيلع في 2009-09-28, 5:29 pm

يا ناسية طالن أيام الغيبة
عليك هنت والا من ظروف صعيبة ؟

طالن ايام الفرقة
ونارك مع وسط الستاير ترقى
وياما حملنا من ليالي زرقة
والعين شاقية بغلاك وتهاتيبه
وكي غلاك ما غليوا عرب فى برقة
سوا من علَم والا عريب عطيبة
نحن موش لقـّاقة ظلام وسرقة
نحن صوبنا كل العرب تحكيبه
شيّالة الطايح فى نهار الشرقة
نهار كلّ حد هارب لغير الصيبة
أصحاب عهد وافي موش كذب ودرقة
أنواع الكلام انفصّلوا ترتيبه
قطعتي غلاء دوبه تمكّن عرقه
حلّفتك ايمين وبالنبي تشقيبه
وانعدّوه كي مسحة شراب العرقة
أنت تتركيه ونا عليّ نسيبه
ونوطا علي عقلي ونار الحرقة
صبّار خاطري نقدر عليه انجيبه
والمولى خلقها كل حدّ له طرقه
امفصّل الدنيا فى أطوار غريبة

****

طالن أيام غيابك
يا الخايل يا اللي لذيذ وجَابك
ويا اللي ايلجّن بالسواك أنيابك
وجَابك دواء كيف العسل فى طيبة
ويا اللي جبينك برق نوّه حابك
ذكّارة شتاء مزنه هذَل تسكيبه
ويا اللي تخيلي فى أصناف ثيابك
مع كل موضة ف البلاد عجيبة
ويا اللي اسماح امدوّرات كعابك
رشاقة وعدلَة ساق وتهنديبه
ويا اللي هدوبك نبتهن متشابك
اطوال فوق م الحاجب لهن تعكيبه
ويا اللي سهاريّك وروق شبابك
ايحيدن دراه الكبد والتضبيبة
ويا طول ما تقنى عليك أحبابك
واتجي ملاقيَه كيف الودود حبيبة
واتنطِّي ثمان أدروج فى مهلابك
سطّار جري لا فيها حرج لا غيبة
ويا طول ما تمّالنا مشرابك
سبيل غير ما ردنا معاك عطيبة
انقحّز وندنىَ للبعيد نهابك
حياء من عواقب شيّ ما تدريبه
وبلا وعي صارحتي جميع أحبابك
وقلتي اللي مفروض ما تدويبه
وتحسابي الدنيا من أعطاب خيابك
اتسير فى نظاف وهي ظلام وريبة
وأنت تربحي وأنا شطبت حسابك
غباوين يا مول العيون رغيبة

****

طالن ايام جضارك
لهن زمان ما طافن علي أخبارك
يا اللي غلاك مع الزمان مشارك
سرّاقة تسير لخاطري تمشيبه
غلطتي وقلتي للبنات أسرارك
وهن بدورهن جرّن عليك مصيبة
وعادة العرب فوق القعود البارك
ايزيدوا مع ثقل الحمول صليبه
واللي تقربه رايف عليه اجوارك
قدّامك حبيب ومن وراك دبيبة
وفتـّالة حبال السوّ من خطـّارك
ما يصدّقوا يلقوا عليك غبيبة
موش غير فى حبك ونوع اجرارك
برنامج العرب نكره أنجيب سريبه
بالله ننصحك ديما ايـّاك حذارك
اللي مو علَم تنسيب ما تشقيبه
ايجن أوقات تنخدعي اتبان عوَارك
واذيول العرب يغرّوك بالتلعيبة
يا اللي توارى في النظاف أسوارك
لا قداك في خدعة ولا توكيبة
حلال قسمتك للي امشيّط نارك
أنت له مراد وهو اللي تزهيبة
avatar
الهيلع
لواء
لواء

ذكر
عدد المشاركات : 1811
العمر : 42
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف STAR في 2010-01-22, 9:40 am

شكراً لك على هذا الاطراء الاكثر من رائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 117138
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف ابن الباديه في 2010-01-22, 9:18 pm

كلام طيب ايصيد العقل.... الله يرحمه

ابن الباديه
لواء
لواء

ذكر
عدد المشاركات : 1788
العمر : 53
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف فرج احميد في 2010-01-22, 11:02 pm

تسلم اخى الهيلع اجعنك ماتغيب
avatar
فرج احميد
مستشار
مستشار

ذكر
عدد المشاركات : 17243
العمر : 55
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف ادريس بوزويتينة في 2010-01-22, 11:06 pm

شكرا ع االموضوووووووووووووووووووووووووووووووووووع الرائع
اجعنك ماتغيب
avatar
ادريس بوزويتينة
فريق اول
فريق اول

ذكر
عدد المشاركات : 4426
العمر : 31
رقم العضوية : 102
قوة التقييم : 11
تاريخ التسجيل : 03/04/2009

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف الهيلع في 2010-01-23, 5:36 pm

مشكورين استار وابن الباديه وبوحميد اللي الله لا يغيبه وأدريس الله ايبارك فيك ويخليك على مروركم الطيب
avatar
الهيلع
لواء
لواء

ذكر
عدد المشاركات : 1811
العمر : 42
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف عبدالحفيظ عوض ربيع في 2010-01-23, 5:56 pm

ابيات رائعه تشكرعلى هذا الاختيار

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

avatar
عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72354
العمر : 51
رقم العضوية : 13
قوة التقييم : 219
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: ادريس الشهيبي في .ياناسية طالن أيام الغيبة

مُساهمة من طرف الهيلع في 2010-01-25, 1:23 pm

منور حفيظ مرورك طيب
avatar
الهيلع
لواء
لواء

ذكر
عدد المشاركات : 1811
العمر : 42
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى