لعبة الفتنة.............. اللعبة قذرة

من طرف **dude333** في 2012-10-12, 12:21 am

لعبة قذرة يراهن عليها الخونة و الازلام ومن تحالف معهم فاحذروهم
هذه البنت ياللي قبل شوية انتشرت في الفيس وعلي اساس ورفلية وطاحت عليها قذيفة
البنت من سوريا ولا لها علاقة بليبيا
بالله عليكم توا شنو الواحد يقول غير ان الفيس اصبح لل.......... وبس
والمشكلة ان الكثير من الصفحات المتسلقة تعرت وطلع هدفها فقط الفتنة

من طرف **جمال المروج** في 2012-10-12, 5:10 am

الفتنة أكبر من القتل
الفتنة أشد من القتل

من طرف homeland في 2012-10-12, 5:56 am

للاسف و الاشاعات و الاكاذيب ان مصراتة ضربت بني وليد بالخردل اكثر الاشياء استهتار بالعقول....
الله المستعان

من طرف العشيبى في 2012-10-12, 7:14 am

فكونا من هل الصوره صور الموتى حرام عليكم ... ترتكبون فى ذنوب وأنتم لاتدرون أم تدرون ........ الأمور واضحه ... مافيش واحد هامته ليبيا .. وإلا قلبه عليها ... كلها تغرف وكلها تلهف ... وكلها تجرى وراء المناصب ......

وبالمناسبه .....
الملاحظ من خلال المواضيع والردودد الذى أصله مصراتى .. أو مناسب من مصراته .. أو له صله قرابه بمصراته ... لايرضى بمصراته .. شىء حتى وان كانوا أهل مصراته ... فى أمور كثيره ... تجاوزو حتى حدود الأسلام فى المطاردات والأعتقالات ... والتهجير ... حتى أهلهم الذين خافو أيام الحرب ورحلوا عن مصراته ممنوع عليهم العوده ... حتى أبناء الشرق الذين ساعدوا مصراته عندما يأتون إلى طرابلس لقضاء مصالحهم يتعرضون فى بوابات مصراته ... للتفتيش الدقيق ..والأهانات ..... وهذا الكلام حدث مع الكثير ....

من طرف soha1244 في 2012-10-12, 7:50 am

حتى الصور الثانية كلهم سوريين - باهي ليش اللي ماتوا من ميليشيات مصراتة وبعضهم نعرفهم معرفة شخصية ماقلتوش سوريين -

يعني حتى اموات بني وليد تبوا تظلعوهم سوريين - لاحول ولاقوة الا بالله العلي العظيم - باهي توا اللي مشت عزت فيه امي وشاب زي الورد صغير وفي عز شبابه - هو قريب امي

والطفل الثاني اللي عمره 8 سنيين حتى هو سوري

يا ناس اتقوا الله - راهو في يوم غدوه - شكلكم نسيتوا روحكم -

هو الطرف الاخر يعترف ويقول اوقعنا بالعدو ( والمقصود بني وليد ) خسائر فادحة وضربنا الضغط العالي ودرنا ودرنا ويفتخروا بالحاجات اللي داروها

اول امس يوم كامل من الصبح القصف ما بطلش لعند الليل - معقولة كل الضرب هضا وما فيش حتى صاروخ يطيخ على حوش ابرياء او عائلة مثلا

والا كل صاروخ مكتوب عليه للازلام فقط

المهم حسبي الله ونعم الوكيل في كل من لايقول كل حق

من طرف عبدالله النيهوم في 2012-10-13, 12:35 am

لو تجرد كثيرون من الكذب ومن الفتنة لانصلح الناس والمجتمع
هذه الآفة، تجر إلى تدمير البيئة الصالحة،والأفراد، والوطن
لأن حب الوطن لا يمكن أن يخرج من ظلمة الكذب والفتنة

من طرف ليبيا واحدة في 2012-10-16, 5:16 am

ثوار اخر زمن
طلعت مصراتة هي الغلط وجماهيرية بني وليد هي الصح حتى لو قتلت ابناءها الاحرار ثوار ورفلة الابطال
حتى لو قضي جحفلها مع كتايب القردافي على ثورة طرابلس وانتهك الزاوية الحرة
حتى لو زحف مرتزقتها على الشرق الحر في شهر 3 عام 2011 لقتل ابنائه ونهب ارزاقه واغتصاب بناته وارجعاهم الى بيت طاعة القردافي الكلب
حتى لو شوهت الثورة في اذاعتها المحلية وقناتها الوادي الدردنيل حتى لو ساهمت في تفجيرات العيد بطرابلس حتى لو بثت مكالمات موسى ابراهيم في اذاعتها
حتى لو رفضت النشيد الوطني في مدراسها
حتى لو ضمت اخطر الازلام المطلوبين في اراضيها
حتى لو تحدث المرتزق حمزة التهامي باسمها دون ان تتبرأ منه
حتى لو هجروا عائلات الثوار
حتى لو غدروا بكتائب الثوار المأمورة من المجلس الانتقالي والحكومة المؤقتة
حتى لو ثأروا للقردافي بقتل شهيد الوطن عمران الذي دل الثوار عليه واخذ مسدسه الذهبي
هنيئا لكم ازلام بني وليد الذين يعتبرون ثوار ليبيا ثوار ناتو وعملاء لليهودي ليفني والخزي والعار الف مرة اذا اردتم لمصراتة التي نهضت في وجه الطاغوت يوم 19 فبراير 2011 ووعدوا القردافي بالثأر لدماء شهداء بنغازي وقاتلت ولم يستطيع جردان القردافي بقيادة خميس القردافي ان يسيطروا عليها وصبر اهلها على القتل والتدمير والنهب والاغتصاب 6 أشهر وساهمت مع طرابلس والزاوية والزنتان وجبل نفوسة في افشال مشروع القردافي للتقسيم واقتسام الالم والوجع مع احرار الشرق وتشتيت قوات القردافي على خريطة ليبيا الواسعة
الله الله نجحت الثورة المضادة بامتياز
فعلا القردافي ترك لنا عباقرة في استغلال جهل ودروشة الكثير من ابناء الشعب الليبي وسرعة نسيانهم للاحداث الضخمة الخطيرة !!!

لعبة الفتنة.............. اللعبة قذرة

لعبة الفتنة.............. اللعبة قذرة

رد: لعبة الفتنة.............. اللعبة قذرة

رد: لعبة الفتنة.............. اللعبة قذرة

رد: لعبة الفتنة.............. اللعبة قذرة

رد: لعبة الفتنة.............. اللعبة قذرة

رد: لعبة الفتنة.............. اللعبة قذرة

رد: لعبة الفتنة.............. اللعبة قذرة