لعبد المقبور علي الكيلاني باعث راس بيت يقول فيه

لعبد المقبور علي الكيلاني باعث راس بيت يقول فيه
سلامي عللي شافقين ايروقوا .... الخيل سارجه واحنا قريب انتوقو
فرد عليه الشاعر الحر :صلاح الغزالي
ماعندكم شي توقة
ولاترقدو لاتشعرو بالروقه
اليوم ليبيا بأرواقها مطقوقة
يحرم عليكم خيرها ماتذوقو
ولحصان كنهو موش فارس فوقا
سوقة اجحوشه يأجحوش انسوقو
اسمله عللي مانهار ايروقوا
ولا اصدارنا ايجيهم نهار ايتوقو
رد الشاعر محمود زايد
مالك توقا
.اولاعد احذاكم من جديد الروقا
سيل ليبيا جارف خذاكم بوقا
اللي ما ارمي في مصر فاقادوقو
الجيش منتشر والطير حايم فوقا
جيشك خذوه حرار فيه ايسوقو
وانزالو وراكم ناويين السوقا
نين ظلمكم للناس ساع اتذوقو
والرأس قطعته قالو دواء لعروقا
بيش ليبيا ماعد جديد اتعوقو
خيلك خسرن
نهار سرت فزعنله اولاكن قصرن
اومازال يخطرلك انهن ينتصرن
تبريد حر ماتقدر امغير اتبوقو
رد الشاعر صلاح الدين الزواوى
ماتفرحو بالجيه
ياشاربين الظلم في الميه
سع يروق الحال غير شويه
وأيام الهنا عمركم ماتذوقو
يقعادكم ترجو مع المصــريه
وابسلاسل الحبوس تو اتسوقو
وفي ابلادي تحاكمو جمليه
وفي أحبوسنا تنعمو واتروقو
*********
مانك منلي يركبو في الخيل
ومانك فارس اتسيج سراجه
يوم جيناك كيف السيل
لقيناك هارب معاك أفواجه
نذل من يومك لنذاله تميل
في عين الفرسان ماتساوي حاجه
جايك يوم واعر بلحيل
نمسكوك كيف مسكة الدجاجه
رد الشاعر رمضان الشكرى
اوصل سلامك لزلامهم اللى راحو وصل لزلامك
ساقطين ياساقط وظيع مقامك شور المهالك فى الرحيل اتسوقو
ياكلب مبعد حلمهم واحلامك مسيرة الثورة ما نهار اتعوقو

تسلم اخى ابن توكره

هذا من ذوقك خويا فرج احميد

والله الكلب الكيلاني مفروض يكون في اول القائمة اللي ينجاب مع ذيلة الي ليبيا

سلامي عللي شافقين ايروقوا .... الخيل سارجه واحنا قريب انتوقو
و انا انقولا
سروجنا مازالت .. فوق خيلها .... و فرسانها ..على اضهورها يتنادوا
يا ليبيا نفدوك بروحنا و اولادنا ..... و لي خدوك ضلم ما عاد الوطنا ينعادو

مشكور ابن توكرة
هدة ابن توكرة محاولة رد علشانك

بارك الله فيك كفيت وفيت وردك نتشرف ان نضيفه مع ردود الشعراء

ان شاء يالكيلاني مصيرك في ترعه معزوق