منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
اليوم في 10:37 am من طرف STAR

» مباريات الخميش 8/12/2016 والقنوات الناقلة
اليوم في 9:39 am من طرف STAR

» مباريات الاربعاء 7/12/2016 والقنوات الناقلة
اليوم في 9:38 am من طرف STAR

» مباريات الثلاثاء 6/12/2016 والقنوات الناقلة
اليوم في 9:37 am من طرف STAR

» مباربات الاثنين 5/12/2016 والقنوات الناقلة
اليوم في 9:36 am من طرف STAR

» Sky Sport News HD Deutschland مجانا على قمر استرا 19 شرقا
اليوم في 9:34 am من طرف STAR

» قنوات الشرينج الناقلة للمباراة برشلونة وريال مدريد
اليوم في 9:31 am من طرف STAR

» ليبيا الجميلة كما لم تشاهدها من قبل.. فيديو
اليوم في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
اليوم في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
اليوم في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
اليوم في 9:16 am من طرف STAR

» خلفيات اندلاع الاشتباكات في مدينة طرابلس
اليوم في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
اليوم في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
اليوم في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
اليوم في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


ما بي مرض غير دار العقيلة.. للمجاهد الفقيه رجب بوحويش

استعرض الموضوع السابق استعرض الموضوع التالي اذهب الى الأسفل

ما بي مرض غير دار العقيلة.. للمجاهد الفقيه رجب بوحويش

مُساهمة من طرف عبدالحفيظ عوض ربيع في 2012-11-03, 5:35 pm

ما بي مرض غير دار العقيلة.. للمجاهد الفقيه رجب بوحويش

مابـي مرض غير دار العقيـله .. وحبس القبيله .. وبعد الجبا من بـلاد الوصيـله

مابي مرض غير حـد النكاد .. وشوية الـزاد .. وريحـة اللـي مجـبرة بالسـواد
الحمرة اللي وين صـار العناد .. عناتها طويـله .. لها وصف ما عاد تـاجد مثيـله

مابي مرض غير واجـد مرايف .. والحال صايف .. على عكرمة والعدم والسقايف
وحومة لفاوات عز العطايف .. حتى وهي محيله .. تربي المهـازيل جلـة خويلـه

مرايف علي عكرمة والسراتي . . اللي هن مناتي .. انشكرن ان طلتهن في حياتي
علي وين يخطرن ننسـى اوقاتي .. دمعي نهيله .. زواعب علي لحيتى سال سيله

مابي مرض غير مطرى الحرابي .. خيرة أصحابي .. الضرابين والمكوعظ ينابي
ركابيـن كل حمرة دعـابي .. الطايـح تشيلـه .. نضـيده رفاقاه قبلوا جميـله

مابي مرض غير فقد الرجال .. وفنية المال .. وحبسة نساوينا والعيال
والفارس اللي يقدع المال .. نهاره جفيله .. طايع لهم كيف طوع الحليله

طايع لهم كيف طوع الوليه .. إن كانت خطيه .. نرمي الطاعة صباح وعشيه
نشيل في الوسخ والمويـه .. معيشة ذليلـه .. مفيت ربنا يفزع يفك الوحيلـه

طايع لهم كيف طوع الوصيف .. نسيت الوظيف .. بعد بقيتي كنت ظاري عفيف
نصبي بلا حيل عندي خفيف .. نشيل الثقيلـه .. نزازي مزازاة من زين حيلـه

مابي مرض غير فقد الغوالي .. أسياد المتالي .. سماح العضادات فوق العوالي
راحـوا حساب شي تافه قبالي .. ولا لقيت حيله .. نشالش بها نين راحوا دقيله

مابي مرض غير طولة لجالي .. وضيعة دلالي .. وفقدة أجاويد هم روس مالي
يونس اللي كيف صيت الهلالي .. كرسي القبيله .. امحمد وعبد الكريم العزيلـه
وبو حسين سمح الوجاب الموالي .. والعود ومثيله .. راحوا بلا يوم ذايب ثقيلـه

مابي مرض غير فقد الصغار .. أسياد العشار .. اللي لقطوا كيف تمر النهار
الضرابيـن للعايب صدار .. نواوير عيلـه .. ما ينطروا بقول ناسا ذليـله

مابي مرض غير شغل الطريق .. وحالي رقيق .. ونروح وما طاق البيت ريق
وسواطنا قبال النسا في الفريق .. وقبينا زطيله .. ما طـاقنا عود يشعل فتيلـه

مابي مرض غير ضرب الصبايا .. وجلودهن عرايا .. ولا يقعدن يوم ساعة هنايا
ولا يختـشوا من بنات السمايا .. بقول يارزيله .. وعيب قبح ما يرتضي للعويلـه

مابي مرض غير غيبة أفكاري .. وبينة غراري .. وفقدة ضنا السيد خيوة مطاري
موسى وجبريل سمح السهاري .. أسياد الخويله .. ماينـطروا بقول داروا عويله

مابي مرض غير طولة ريافي .. ووثقة كتافي .. وصبري بلا كسب ميل الشعافي
وتريسي اللي ع السوايا يكافـي .. خيار القبيـله .. عشا للجوارين يحموا كحيلـه

مابي مرض غير بعد العمالة .. وحبس الرزالة .. وقلة اللي م الخطا ينشكى له
وغيبة اللي يحكموا بالعدالـه .. النصفة قليله .. والباطل على الحق واخذ الميلـه

مابي مرض خدمـة بناتـي .. وقلة هناتي .. وفقدة اللي من تريسـي مواتي
ووخذة غزير النصي بوعتاتي .. العايز مثيله .. يهون علي القلب ساعة جفيله

مابـي مرض غير فقدة نواجع .. ونا مانراجـع .. اللي لفهن لاجفا لامواجـع
ولا ينظروا غير حكم الفواجع .. وريقة طويله .. ولسان مر شر منضرب الثقيله

مابي مرض غير قل المحامي .. ولينة كلامي .. وهينة أجاويد روس ومسامي
وريحـة اللي خايلة باللجامي .. غريمة الهميلـه.. منقودة التناسيب نقدة الريله

مابي مرض غير سمع السوايا .. ومنع الغوايا .. وفقدة اللي قبل كانوا سمايا
وربـط النساوين طرحى عرايا .. بسبله قليله .. يديروا لهن جرم مافيه قيله

مابي مرض غير قول اضربوهم .. ولا تصنعوهم .. وبالسيف في كل شي خدموهم
ومقعـد مـع ناس مانعرفوهـم .. حيـاة عليلـه .. إلا مغـير ماعاد باليد حيلـه

مابي مرض غير زمـط العلايل .. وديما نخايل .. علي خيلنا والغلم والشوايـل
وخدمة بلا قوت والسوط عايل .. معيشة رزيله ..علي أثر الدباويش جوّا للعويله

مابي مرض غير فقد الملاح .. ودولة القباح .. اللي وجوهم نكب وأخرى صحاح
وكم طفل عصران م السوط ذاح .. حاير دليله .. يا نويرتي صاف من دون جيله

مابي مرض غير كسر الخواطر .. ودموعي قواطر .. ووشنات مادونهن من يساطر
الراعـي معقل جمال القناطـر .. فحولة كحيلـه .. وطالق قعاديـن فوق الخويلـه

مابي مرض غير حبس المسامي .. وميحة أيامي .. وكابو علي ضرب لجواد دامي
يصبـي يناديك بلسان حامـي .. ولغوة هزيله .. تخاف يعدمـك قبل لا تشتكيلـه
وشوخة ردي لصل شوت منامي .. حتى وهو عزيله .. يبيعك علي شان حاجة قليله

مابي مرض غير فوت الحدود .. ووقاف سود .. وشبردق ملوي على رأس عود
لا حيل لا قادرة لاجهـود .. لشيل الثقيلـه .. زاهـدين في العمر لوجا وكيلـه

مابي مرض غير برمة أفلاكي .. وهلبة أملاكي .. وضيق دار واشون قاعد متاكي
الفارس اللي كان يوم الدعاكـي .. ذرا للعويله .. يساسـي ورا قرد مقطوع ذيلـه
وكل يوم الظلـم نا نوض شاكـي .. ونفسي ذليله .. وكيـف المرا مانفك العقيلـه

مابي مرض غير ميلة زماني .. وقصرة لساني .. وما نحمل العيب والعيب جاني
وتريسـي اللي قبل بيهـم نقاني .. جمال العديله .. ثقال روزهم يوم ذايب ثقيلـه
على أثر ياسهـم روجتي من مكاني .. ليلة طويله .. ظلامها غطا ضي قاز الفتيله

مابي مرض غير فقدة بلادي .. وشي من اريادي .. نواجع غرب في خيوط السعادي
طالـب الكريم اللي عليـه اعتمادي .. يعجل بشيلـه .. قبل لايـفوتن ثلاثين ليلـه

الدايم الله راعى المجمم .. طغى ضي ظلم .. العاصي علي طول ما يوم سلم
لولا الخطر فيه بيش نتكلم .. ونعرف نشيـله .. ونعرف نبين ثناه وجميلـة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 71908
العمر : 50
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: ما بي مرض غير دار العقيلة.. للمجاهد الفقيه رجب بوحويش

مُساهمة من طرف naji7931 في 2012-11-03, 6:14 pm

مشكووووووووووور يا غالىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

naji7931
جندي اول
جندي اول

ذكر
عدد المشاركات : 30
العمر : 57
قوة التقييم : 0
تاريخ التسجيل : 17/05/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى