منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الصلاة علي رسول الله+الاستغفار+ذكر الشهادة+كفارة المجلس
اليوم في 9:09 am من طرف STAR

» غناوي علم ع(الغلا)(البير)(التاقزه)(الدنيا)
أمس في 7:34 pm من طرف labraq

» تعرفوا على أفضل الاماكن لقضاء شهر العسل في سيرلانكا
أمس في 9:56 am من طرف STAR

» لحظة اصطدام سيارة بابا الفاتيكان بحصان.. وسقوط إمرأة
أمس في 9:55 am من طرف STAR

» أرمنية تجر سيارة بشعرها.. شاهدوا كيف فعلت ذلك بسهولة
أمس في 9:55 am من طرف STAR

» جندي يحطم 14 قالب طوب بضربة واحدة
أمس في 9:54 am من طرف STAR

» الرضاعة الطبيعية تحمي الأمهات من السكري
أمس في 9:51 am من طرف STAR

»  أتريدين طفلاً ذكياً؟ عليكِ أكل 9 حصص يومية من هذا الطعام أثناء حملك!
أمس في 9:50 am من طرف STAR

»  اكتشاف مكون في معجون الأسنان قد يقضي على الملاريا
أمس في 9:50 am من طرف STAR

» حدث في مثل هذا اليوم January 20, 2018
أمس في 9:28 am من طرف STAR

» هل شاهدت الصور المرعبة للطائرة التركية؟.. الكشف عن سبب الحادث الذي كاد ينتهي بها في البحر
أمس في 1:09 am من طرف عبدالله الشندي

» حدث في مثل هذا اليوم January 17, 2018
أمس في 1:05 am من طرف عبدالله الشندي

» هل تركيب اللولب مؤلم؟
أمس في 1:03 am من طرف عبدالله الشندي

» خاصية جديدة في واتساب يبحث عنها الجميع.. وعلى مستخدمي أندرويد الانتظار قليلاً
أمس في 1:00 am من طرف عبدالله الشندي

» سعر تاجير سيارة مع سائق في اسطنبول حالياً
أمس في 12:58 am من طرف عبدالله الشندي

بحـث
 
 

نتائج البحث
 


Rechercher بحث متقدم


صالح وعمه والحبيب الداني حزين بعدهم ما ريت ما زهانى

استعرض الموضوع السابق استعرض الموضوع التالي اذهب الى الأسفل

صالح وعمه والحبيب الداني حزين بعدهم ما ريت ما زهانى

مُساهمة من طرف dude333 في 2012-11-15, 10:58 pm

يقول سالم بن عبد النبي الناكوع وقد وصل منطقة دوز بالجنوب التونسي وترك ابنه صالح واخيه ابراهيم وصديقه احمد المحروق في السجن فقال:

صالح وعمه والحبيب الداني
حزين بعدهم ما ريت ما زهاني
***
اسقدت ما وصيته
قعد تحت برماك الكفر خليته
بجاه الاله والنبي في بيته
ينجيه منهم كيف ما نجاني
وكروه كر الدلو بالسميتة
يبزع لْبره من طوال سواني
°°°°
اسقدت ما وصوني
مشيت مشي مشي الكدر يا مضنوني
فوين نذرعه نلقى اللباس ثْموني
ووين نقلبه التدبير ما واتاني
تكالى علينا ريمهم كادوني
وحكرت ريموز العجاج غطاني
°°°°
اسقدت غير بطولي
خبر قص لانا قلت لا قالوا لي
لا خوت مدوا عماي لا مرحولي
لا سلاح فيدي نقول زود هاني
نا والرفق غير العصا والحولي
وظهر الغديدة ورحمة الرحمن
°°°°
والحبيب عماهم
مشينا ف حال الكدر خليناهم
تلفتت رقراق السراب غطاهم
لا قابلوا خوتي ولا جيراني
وصبرت صبر جمال عل فرقاهم
صرم عليا الغزل كيف نقاني
ليا دورسوا ليام شين صداهم
درياس ولت بسرة الفزاني
ثلاثين وجبة مشي طبقناهم
سمور ع الغديدة نومهم ما جاني
نزلت بر ما جانيش فيه نباهم
على دوز مكتوب الزمان رماني
زى القمر والشمس فوق سماهم
تزرق على المخلوق يصبح هاني
يطيح كفرهم والارض تشرب ماهم
وتنور الشريعة بحكمها الحقاني
°°°°
حكمها بعدالة
ويقصر كلام الكذب للي قاله
وتظهر عصاة الحق فوق قبالة
لا عاد يمشي زور لا بهتاني
هدا نبي نزلت عليه رسالة
يا مخالفينه علمكم شيطاني
وها اللي ظلم لازم عليه قتاله
الظالم سوا مسلم سوا نصراني
المظلوم وين يموت عند حلاله
ميت شهيد وشن يدور ثاني
°°°°
حطيت بر قبلي
ثلاثين وجبة مشي دون محلي
وكان عشت عل طول الزمان نولي
ساهل ليا كان الكريم عطاني
بلادي شهيرة وقصرها متعلي
قصبة غزالة وبنيها روماني
وادي وهيبة ومرقب الورفلي
على ناسهم يا موعر الجياني
وريت يا غمامة خاطري تجلي
يجي نصر فايح ياخدوهم ثاني
ويا رجل تبدي في البلاد تطلي
وفي كل خرمة يلاطمك زنتاني
°°°°
يلاطمك يساير
عقاد خيلهم زي القطا اللي طاير
يطرب ليا جاهم كلام نداير
رباط يصبح ورا الحيواني
في كل وطن معقبات جراير
نعال خيلنا منين الفلك واتاني
ويا ما مخلي من بنات حراير
حزينات وينوحن كما نوحاني
°°°°
حطيت قور مسيدة
تقاصيت وبلادي علي بعيدة
مكاتيب صالح فارقوه السيده
ودالت عليه حكومة الطلياني
والباب يضبح والسلاسل فيده
ووقاف بالسنقي عليهم ثاني
جاويك يا لسمر علي غديده
خيب عناهم واقلبه لوطاني
ويا الله تجعل حلمتي بوكيدة
ومفتاح باب الخير ما يخطاني
ويا الله تجعل توبتي بعقيدة
واجعل رسول الله من عواني
°°°°
ونسبته وعياله
قعد بينهم يلطف الله بحاله
ما لاه بر طرابلس ورجاله
ليه دهر في هم الزمان يعاني
عليه البحر لوح كثير عماله
لى كل نص مخالفة للواني
ما تفرز اللى في الوطا يتكالى
لا تفرز اللى يطير بالجنحاني
ناديت يا لسمر عليك تعالى
وفزع رجالك فزعة الديواني
ويا خالقي عندي عليك دلالة
وفيّ عليا كيف قال لساني
يا من خلق في لرض كل عمالة
منك طلبت اللطف يا رحماني
فيسع تبطل حركته واشغاله
ولّمة محمد عجل البرياني

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
dude333
مشرف المنتدى السياسي
مشرف المنتدى السياسي

ذكر
عدد المشاركات : 5532
العمر : 48
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى