منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
أمس في 10:37 am من طرف STAR

» مباريات الخميش 8/12/2016 والقنوات الناقلة
أمس في 9:39 am من طرف STAR

» مباريات الاربعاء 7/12/2016 والقنوات الناقلة
أمس في 9:38 am من طرف STAR

» مباريات الثلاثاء 6/12/2016 والقنوات الناقلة
أمس في 9:37 am من طرف STAR

» مباربات الاثنين 5/12/2016 والقنوات الناقلة
أمس في 9:36 am من طرف STAR

» Sky Sport News HD Deutschland مجانا على قمر استرا 19 شرقا
أمس في 9:34 am من طرف STAR

» قنوات الشرينج الناقلة للمباراة برشلونة وريال مدريد
أمس في 9:31 am من طرف STAR

» ليبيا الجميلة كما لم تشاهدها من قبل.. فيديو
أمس في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
أمس في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
أمس في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
أمس في 9:16 am من طرف STAR

» خلفيات اندلاع الاشتباكات في مدينة طرابلس
أمس في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
أمس في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
أمس في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
أمس في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


كلام الليل في البالتوك

استعرض الموضوع السابق استعرض الموضوع التالي اذهب الى الأسفل

كلام الليل في البالتوك

مُساهمة من طرف عبدالله النيهوم في 2012-11-26, 8:49 am

كلام الليل في البالتوك



منذ ان نالت ليبيا استقلالها الى اليوم تعاقب على حكمها حكام ليس بينهم اي حاكم من اقليم طرابلس ، لا تقولوا لي ان معمر القذافي من طرابلس فكلنا يعرف قصة اصله و القوى التي جاءت به الى الحكم ، من الملك ادريس الى معمر القذافي الى مصطفى عبدالجليل الى محمد المقريف و علي زيدان ، لا تقولوا لي ان عبدالرحيم الكيب كان يحكم خلال تلك الفترة ، كلا الحاكم الفعلي كان مصطفى عبدالجليل وكان يتدخل في كل كبيرة وصغيرة ، وبالرغم من كل ذلك لم تتوقف الشكاوي من ان اهل طرابلس هم من يحكم و هم مركزيون وتهميشيون و ما الى ذلك من هذا الكلام ، نعم معمر القذافي تعمد طوال سنوات حكمه ان يجعل المركزية في طرابلس ليس حبا في طرابلس ولكن لاغراضه الشريرة ولخلق فتنة وكراهية بين شرق وغرب ليبيا ، ولكن عندما تولى السلطة مصطفى عبدالجليل انتقل الى طرابلس واستمر بنفس السياسة المركزية ولم يقدم اي مبادرة لحل هذه المشكلة ، اما الان وقد تولى محمد المقريف رئاسة المؤتمر الوطني وعلي زيدان رئاسة الحكوم هل هناك تغير في هذه السياسة ؟! دعونا نلقي نظرة سريعة على سياسة واولويات كل واحد منهما:
1- استمعت سنة 2010 الى حديث للمقريف عبر البالتوك قال فيه انه في حالة سقوط معمر القذافي فإنه سيرجع الى ليبيا ولكنه لايرغب في السلطة ولن يتولى اي منصب بل سيعمل من خلال مؤسسات المجتمع المدني على تجسير الهوة بين الحاكم والشعب الليبي ، ولكن بعد سقوط نظام القذافي رجع المقريف ونبذ تلك الوعود وراء ظهره وبمجرد ان تولى رئاسة المؤتمر طار الى السعودية لتجسير الهوة بينه وبين حكام آل سعود وشدها خريط مريط عليهم ، وطار المقريف ايضا الى امريكا لتجسير الهوة بينه وبين هيلاري كلنتون و البيت الابيض ، ولكن المقريف ابدا لم يحاول ان يركز على المشاكل الداخلية وخاصة في مدينته بنغازي ويعمل على تجسير الهوة بين بنغازي والحكومة المركزية في طرابلس ، كان من المفترض ان يصر على عقد بعض اجتماعات المؤتمر الوطني في عاصمة الثورة بنغازي و يقنع اعضاء المؤتمر الوطني بذلك لتحدي المصاعب الامنية وابعاد شبح المركزية ، كان عليه ان يشارك في جنازة مدير الامن الوطني هناك ، و بدل زياراته المتكررة الى السعودية كان عليه ان يتواجد في بنغازي و يشارك في وضع حد للمشاكل الامنية المزمنة ويقدم المساعدات الى مجلسها المحلي الذي يشكو ضعف قوته وقلة حيلته ويشهد استقالات متكررة لاعضاءه بسبب عجزهم عن تقديم الخدمات للمواطنين.
2- وهذا علي زيدان شريف ودان وبعد ان جمع في حكومته النطيحة والمتردية والعجائز والازلام وبعد ان تحصل على نصف ثقة لحكومته اول شيء فكر فيه هو القيام بزيارة الى الجزائر حيث التقى بالسفير الجزائري في طرابلس للتنسيق بخصوص هذه الزيارة وذلك لتجسير الهوة بينه وبين حكام الجزائر بأوامر فرنسية عليا ، لم يفكر في القيام بجولة في شرق و جنوب ليبيا للاطلاع على الاوضاع هناك و محاولة تجسير الهوة بين شرق وغرب ليبيا وكذلك تجسير الهوة بين شمالها وجنوبها ، حتى عندما تم اغتيال مدير الامن الوطني في بنغازي لم يفكر في السفر الى هناك والمشاركة في الجنازة و محاولة ايجاد حل للوضع الامني المتردي في عاصمة الثورة ، اكتفى زيدان بخطاب تلفزيوني ارتجالي و ركيك توجه فيه بالعزاء الى بنغازي التي وصفها بحبيبته و بالغالية على قلبه ، ولكن انا شخصيا لم الاحظ اي علامة من علامات الحب "الحئيئي" على وجه زيدان لبنغازي ، و نظرا لانشغاله ووقته الثمين استغل زيدان كلمة العزاء و اصدر بعض التعليمات الادارية العاجلة لوكلاء الوزارات بضرورة التسليم للوكلاء الجدد فوراً ، بعدها ترك علي زيدان بنغازي تواجه قدرها لوحدها.
اخيرا ، المقريف و زيدان ليسوا من طرابلس بل من شرق و جنوب ليبيا ولكنهما حتى الان لم يهتما بالمشاكل الداخلية و خاصة الامنية في شرق و جنوب ليبيا ، بل يقبعان في طرابلس و يركزان على الزيارات الخارجية وتنفيذ التعليمات الامريكية والفرنسية التي لا تحتمل التأجيل ، وبذلك نعود من جديد الى قصة الشايب و العكوز اللي معوج من فوق وكأنه قدرنا المحتوم


عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف احمد البرقاوى في 2012-11-26, 10:30 am

هل تعلم يا سيدى الفاضل أن هناك أقاويل كثيرة حول مسقط رأس ( أبن عمى ) ( المقريف) الأصلى وحول لقبه وقبيلته الأصلية ؟؟
هل تعلم أنه لا أحد يستطيع الوصول إلى أى مركز قيادى ( رئيس مؤتمر أو رئيس حكومة ) ما لم تتم تزكيته من ( الطرابلسيين ) بعد أن يتعهد بأنه سيكون طوع بنانهم ورهن إشارتهم وبعد تقديم ايات الولاء والطاعة سراً وجهراً ؟؟
هذا هو الذكاء الطرابلسى ( شيخ وضم ايدك ) !!! من يحرك خيوط مسرح العرائس لابد وأن يكون طرابلسى ، من يضغط على أزرار ( الريموت كنترول ) لابد أن يكون طرابلسى ، يبدو للعيان أن القيادة بيد أناس من خارج طرابلس ( وفى الواقع هم مجرد حنك فوقانى ).... لا أحد يستطيع أن يحرك ساكن دون إذن الطرابلسيين ، سلطة القرار شورهم... ( والتبويز والتفش....) شورنا
... الستيرسو( مقود السيارة فى ايديهم , واحنا فرحانين بالكرسى الخلفى المريح .. وصاير لنا مصار الأطرش فى الزفة أو مثل ( الجرانة اللى شايلها السيل وهى تزغرد ) ( المشيخة والعنطزة على الفاضى والزعازيع والعجاجات والطرق المكسرات شورنا ، المليارات والصفقات والعمارات العاليات - الأبراج - والمهمات والبعثات والسفارات والعلاجات والسيارات والسهرات و.. و..... شورهم).
مــــاهـــــــو الحــــــــل ؟
إعلان قيام دولة برقة التى يحدها شرقاً جمهورية مصر وشمالاً البحر المتوسط وغرباً جمهورية مصراتة الشركسية القائمة فعلاً ( بالسكوتى) وجنوباً جمهورية تشاد. هذه الدولة الجديدة التى ( بإذن الله الواحد الأحد) سيعلن عن قيامها ، ستكون فى ظرف 5 سنوات من أقوى وأغنى وأنظف وأجمل وأكثر دول العالم أمناً وأماناً ، لأن برقة لا يوجد بها كل الأمراض والعقد النفسية والأحقاد التاريخية الموجودة فى غيرها من المناطق .

احمد البرقاوى
نائب عريف
نائب عريف

ذكر
عدد المشاركات : 65
العمر : 65
قوة التقييم : 0
تاريخ التسجيل : 13/11/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف سميرة2 في 2012-11-26, 1:43 pm

احمد البرقاوى للاسف الشديد جاء وقت وسمعنا هدا الكلام المؤلم وهده الجهوية المخنقةوهدا التفكير الدى سيرجعنا ويرجعك الى الخلف ويرميك ويرمينا فى المحرقة العالم يجرى وراء الاتحادات والتحالفات وانتم تفكرون وتجرون الى الانقاسمات تحرككم احقاد وعصبية
بالله عليكم كفاكم من حكاية طرابلس وبرقاوى اللى طلعتولنا بها والامراض والعقد اللى تحكى عليها ليست موجودة الا فى طيات وسطور كلامك واضحة كا لشمس

سميرة2
عميد
عميد

عدد المشاركات : 1165
رقم العضوية : 7355
قوة التقييم : 12
تاريخ التسجيل : 14/10/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف benzo في 2012-11-26, 3:28 pm

الى هذة اللحظة لم نرى شخص مناسب قياديا. الملك ادريس شخص متدين وبسيط وكان قدام قوى استعمارية لا يقدر على مقاومتها لكنة اوجد دستور لو قرئتة لعرفت انة كان هناك هيكل لدولة انا هذا مسامحتة, عبد الجليل راجل بسيط وليس سياسى مشكلتة عدم خبرة وكان حملة كبير ياريتة استعان بناس كويسة, ولم يظهر اى شخص لتحمل المسؤلية فى وقتها نعطية خمسة من عشرة :)). جينا للخبرة ياشينك خبرة.محمد المقريف معارض ,اسس الجبهة, ولة كتب كيف خرب معمر اقتصاد ليبيا, خزانة ليبيا الخ. كان فى امريكا لكنة لم يكن يوما برلمانى. كونة من بنغازى حقيقة مؤلمة لانة لم يلتفت نهائيا لبنغازى .وهو مهتم بمضاهر الدولة وليس اركان الدولة, اربعة من عشرة زيدان ..انا لازلت اتمنى ان يقدم شي, فهو رجل سياسة محنك, تقبلة الالمان رغم عنصريتهم رغم كونة خريج الهند, ممايعنى انة قد يقدم شي, فى مقابلة الحرة واضح جدا انة يجهل الكثير عن البلاد وتقريبا لا شي عن بنغازى سوى انة لا يوجد بها فنادق!!! وكان ردة على كونها عاصمة اقتصادية بهزوة واجابتة ان الدولة تقرر ذلك بعدها عطيتة ستة من عشرة وان شااللة!
جبريل داهية سياسة, طموح جدا, و السياسة و المسايسة لقمة عيشة وغلطة عمرة هو مشروعة مع مزيل البطشة. الكيب و بوشاقور اساتذة جامعة مهندسين, رجال غير مناسبين لموقع رئيس دولة والنتيجة كما ترى ..الكيب ثلاثة من عشرة. الفدرالية حل لكن حتى الفدرالية تبى شخص كفؤ يوحد ولا يجزء . العفريتة التى ذكرتها اعنى بها قوى الظلام التى اسسها المقبور التى تحرك الاعلام على وحدة ونص .الحل مازال بيد الناس النظيفة و الثوار, اما الصبر ينكتب دستور وبعدها يديرو انتخابات صحيحة او كيف جارتنا على اليمين صحح كل خطوة. انا رانى نحب السياسة ونقرا واجد. بارك اللة فيك يااخ عبد اللة مايخص الوطن الان اصبح اجدر بالنقاش من اى موضوع اخر.

benzo
جندي اول
جندي اول

انثى
عدد المشاركات : 15
العمر : 36
رقم العضوية : 15079
قوة التقييم : 0
تاريخ التسجيل : 18/09/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف كردون في 2012-11-26, 3:38 pm

احمد البرقاوى ...


أنا من سكان مزدة لا عندى فيها ناقة ولا جمل و لكن اريد الرد عليك  برد شخصى و تقاسم العمر معك 


هل تعلم هذا الكلام لإبنائك و تخاطبهم بهذه العقلية والفكر المتعصب


هذه الافكار لا تبنى ليبيا ولا الاجيال


تقبل وجهة نظرى فيك  بدون تعصب و وسع من رحابة صدرك


مع إحترامى لشخصك وباقى الاعضاء والإدارة الفاضلة


 


 


 


 


كردون
جندي اول
جندي اول

ذكر
عدد المشاركات : 33
العمر : 36
رقم العضوية : 11168
قوة التقييم : 1
تاريخ التسجيل : 23/03/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف المزكمت في 2012-11-26, 5:45 pm

احمد البرقاوى كتب:هل تعلم يا سيدى الفاضل أن هناك أقاويل كثيرة حول مسقط رأس ( أبن عمى ) ( المقريف) الأصلى وحول لقبه وقبيلته الأصلية ؟؟

مــــاهـــــــو الحــــــــل ؟
إعلان قيام دولة برقة التى يحدها شرقاً جمهورية مصر وشمالاً البحر المتوسط وغرباً جمهورية مصراتة الشركسية القائمة فعلاً ( بالسكوتى) وجنوباً جمهورية تشاد. .



لافض فوك .... أصبت فى مقتل ....... رد بالك على روحك ..... راهم يغتالوك .....

المزكمت
مقدم
مقدم

ذكر
عدد المشاركات : 747
العمر : 56
رقم العضوية : 13094
قوة التقييم : 0
تاريخ التسجيل : 11/06/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فداليبيا في 2012-11-26, 8:51 pm

للأسف اقليم برقه والتقسيم اللي تحكي عليه يابرقاوي ...اول من حكا عليه في الايام الاولى لهذه الثورة المباركه هوا سيف الاحلام المنجل المصدي مزيل البطشه ...وأول من نادى بالفدراليه الأزلام واللي طلعو في اول مسيره صدشين واخذين من قذاف الدم رشوه الفين جنيه.. هل سمعتوا القذافي اواحد ابنائه اواحد أزلامه ذكر في اي مناسبه قوميه اقليم برقه ...هوا حتى المدن غير اسماهن وطمسهن اللي سماها البيان الاول واللي سماها النقاط الخمس واللي سماها الشراره والرباط الامامي وغيره من المسميات ...من امتى القذافي يحكي علي تقسيم ليبيا اويذكر اقليم برقه ...فأنا اعتبر كل من يدعو للتقسيم اويحكي بمسمى أقليم برقه فهوا خاين لهذه الثوره وبكل المقاييس ...وانا نكلم فيك بنغازيه مقطره لاعندي غروق لا في الشرق لا في الغرب لا في الجنوب..هذا للعلم بس...ونبي نصحيكم ياخوتنا قسما بالله أكثر من ينادو بالقدراليه الصدشين وأولاد علي طبعا بمباركة قذاف الدم يحلمو بالعوده لليبيا قسمو البلاد ويجوكم هالهمج معاد تاكلو معاهم كسرة بعدين وهذا ايضا للعلم . وطبعا من الجنوب يجوكم التشاديه وتشوف كيف يصير فيها البلاد...نحنا مقهورين لأن الأمه العربيه مش موحده وانتم حتى بلادنا تبو تقسموها لاحول ولا قوه ألا بالله وخلاص ..وبالنسبه للأخ المتزكمت بصدق ماعرفت كيف نصنفه كل موجه ضد البلاد وفيها فتنه هو يكون من اول راكبيها ....اما بالنسبه لموضوعك أخي محمد مازال وقته السيد محمد المقريف والسيد زيدان مازال بدري علي تقييمهم ...واللي مايعجب الشعب مصيره كيف القذافي ولو ماخذوش عبره مايلومو الا انفسهم ...

فداليبيا
مقدم
مقدم

انثى
عدد المشاركات : 712
العمر : 36
رقم العضوية : 6479
قوة التقييم : 5
تاريخ التسجيل : 12/09/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فرح البلاد في 2012-11-26, 9:15 pm

إن شاءالله ماهناك كان الخير Basketball

فرح البلاد
مشير
مشير

انثى
عدد المشاركات : 5607
العمر : 43
رقم العضوية : 9798
قوة التقييم : 62
تاريخ التسجيل : 24/01/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف المزكمت في 2012-11-26, 9:36 pm

فداليبيا كتب: للأخ المتزكمت بصدق ماعرفت كيف نصنفه كل موجه ضد البلاد وفيها فتنه هو يكون من اول راكبيها ......

مهلاً وانتى تقطعى فى الناس ..... السلوك الحضارى والأخلاق ... مطلوبه فى الردود ...

وبعد ..............

شكلك أصولك موش برقاويه .... ونحلف عليها .... ؟؟؟؟؟؟؟؟ بس نقولك حاجه الشمس ... تشرق من الشرق .. والله .... والله العالى فى سماه ... لو برقا ماتحركت ...... والله ماهم متحركين إلى يوم القيامه ...

المزكمت
مقدم
مقدم

ذكر
عدد المشاركات : 747
العمر : 56
رقم العضوية : 13094
قوة التقييم : 0
تاريخ التسجيل : 11/06/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف احمد البرقاوى في 2012-11-27, 6:37 am

عيت حنا لو كان يقعدن فى حيشانهن ويسكتن أشرفلهن ....
الأعناق والأرزاق بيد الله ... يضيق صدرى ولا ينطلق لسانى ...
يا اهل مزدة ..كل ما نراه ونسمعه لا يصب فى المصلحة العامة .. كل واحد يكر فالنار لخبزته .. كلها تجرى عالمناصب والوجاهات والقريشات..والدويلات الشركسية والأمازيغية والطوارقية والتباوية ... وبرقة ليش حرام عليها ولا كيف ؟ لو ما تحركت برقة ما تحرك واحد .. أكثر الإنتفاضات والإعتقالات والإعدامات ايام المردوم كانت فى برقة .ليش ؟ لأنها لم ترضخ ولم تقبل فى أى يوم من الايام بحكم ولد اليهودية الفاسد. معسكر 7 ابريل السىء السمعة كان فى بنغازى نكاية فى اهلها للتنكيل بابناء برقة أمام أعين أهلهم وعربهم .. بالله ما تجبرونا على كتابة كلام اخر ...راهى المرارة ان كان ما فاضت .. قريب اتفيض...
انا زرت مزدة فى شهر 9/2011 بعد سقوط طرابلس .. لقيت حالها أعطب من حال اى مدينة فى برقة .. تريدلنا 17 فبراير أخرى ... كان عندنا طاغية واحد .. الآن عندنا الآف الطغاة.. كان عندنا سراق واحد ... الآن عندنا الآف السراقة...فى جبهة البريقة التى أعرفها جيداً كان عدد الثوار الحقيقين الذين خرجوا بصدور عارية لإعلاء كلمة الحق لا يزيد عن 7000 ثأئر مقاتل فى أحسن الأحوال... بعد 20/10/2011 وبعد تأكد هلاك المردوم أصبح عددهم 700 ألف .. منين طلعوا ؟ وين كانوا أيام الجهاد الحقيقى؟ ولا كانوا خايفين أن العملية ما يصيرش منها والمردوم حا يرد عليهم !!! فكروا بالعقل وليس بالعاطفة .... لو كان عندنا أثناء حرب التحرير المجيدة هذا العدد من المقاتلين لأنهار نظام المردوم المجرم فى ايام قليلة وليس فى شهور ....
اسمعوا بالله عليكم .. فكونا من كلام العواطف وخلونا نتكلم بمنتهى الصراحة والشفافية ... أنا على يقين أن هناك فى بعض المناطق الغربية من يسعى بكل جدية وبكل قوة ويعمل ليل نهار على تجميع السلاح وكل اسباب القوة لخلق كيان خاص بهم بفرض سيطرته وهيمنته على باقى أجزاء ( ليبيا !!!!) ... راقبوا الأوضاع فى مصراته قرار المؤتمر الوطنى رقم 7 والذى صدر بسرعة البرق وقوات درع ليبيا !!! بالرغم من وجود مشاكل تحتاج لقرارات مثيلة ولم يلتفت إليها ( قضية اللواء عبدالفتاح يونس ، ملف الجرحى ، الأموال التى تسرق جهاراً نهاراً , ملف التسليم بين المجلس الإنتقالى والمؤتمر .. خللى التبن مغطى شعيرا... وغيرها ) ليش الإهتمام فقط بقضية أسرى مصراتة ؟ وين المشردين من تاورغاء وسرت وبن وليد وغيرها .... مصراتة من ساعد فى تحريرها ؟ من كان يقود مقاتليها ؟ منين كانت اتجيها الجرافات بالمقاتلين والسلاح والذخيرة والتموين ؟ ولا هذا كله ( عدى فى حب الله ...) ... راقبوا ما يحاك ويدبر فى الخفى للزنتان ... حتى تكتمل السيطرة على المنطقة الغربية بالكامل ... إلا حلمهم فى الشرقية كيف حلم أبليس فى الجنة ...تذكروا الصراع القائم بين (اسامة جويلى والمنقوش المصراتى ) ..( إن شاء الله انكون غلطان ويجنب الزنتان كل سوء ... لأن اهلها أشراف وهم أول من أعلنوا نصرتهم و تأيدهم لأهل برقة عندما قامت ثورة 17 فبراير)
نهاركم سعيد وعمركم مديد ... ويا خوفى عليكم ... ان كان ما تبقوا كيف الصومال ....

احمد البرقاوى
نائب عريف
نائب عريف

ذكر
عدد المشاركات : 65
العمر : 65
قوة التقييم : 0
تاريخ التسجيل : 13/11/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف سميرة2 في 2012-11-27, 10:41 am


سميرة2
عميد
عميد

عدد المشاركات : 1165
رقم العضوية : 7355
قوة التقييم : 12
تاريخ التسجيل : 14/10/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-11-27, 7:29 pm

سميرة2 كتب:

أبدعتي والله

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف كردون في 2012-11-28, 3:43 am

الأخ أحمد البرقاوى ...

يعلم الله ويشهد على ذلك بداية الثورة فى تاريخ 25 -2 2011 بدأ المقبور ينقل فى السلاح بالشاحنات من مخازن مزدة ويتجه بها لمنطقة الشرقية كان هذا التصرف يسبب لنا آلم كبير و لم يعجبنا
الحال فقرر الشباب الهجوم على المعسكر لوفق نقل الاسلاح الى
المنطقة الشرقية كان هؤلاء الشباب من قبيلة القنطرار وقبيلة
اولاد ابو الروين وقبيلة الزنتان فقط للعلم ..
هجمنا على المعسكر فى الصباح والله الا بصدور عارية هاجمتنا
كتائب المقبور ب 14 ونص لا رحمة ولا شقة انصاب بعض الشباب
و البعض الاخر اعتقل ... تم الافراج عليه يوم تحرير طرابلس من سجن
ابو سليم ..
بعد ذلك هاجمنا بالتندرات و لإعتقالنا ولكنهم تم تلقينهم درس و مشهورة مزدة بهذا الحدث و للعلم صور التندرات والأنصر عندى صورهم
لو تبو اتشفوهم محطمات انزلهم فى المنتدى

بعد ذلك هاحمتنا كتيبة السفاح المبروك سحبان تصدى لها الشباب و دحروها
والحقيقة سعدنا الله تم النيتو من الخلاص منهم وكانت اسرع ضربة نيتو لكتائب فى منطقة مزدة ...
هذا كل شئ على مزدة و قبيلة الزنتان وقبيلة اولاد ابو الروين و قبيلة
القنطرار اما القبائل الاخرى فى مزدة فكان لها دور سبلى لا داعى الى
دكرها ...

حال مزدة الأن خارج ليبيا وخارج سلطة الدولة لا يعلم بنا الا الله فقط
فراغ أمنى فضيع سوء خدمات المصرق مقفل من إجازة العيد و محطة
البنزين لا توجد الغاز غير موجود ..
خفافيش الليل تقذف فى الرجمات بين البيوت وكأننا فى أرشيف الدولة
مزدة مقسوم على أتثين نتيجة خلاف قبلى بين قبيلتين ...
اعلنت الدولة مزدة منطقة عسكرية فى الاحلام فقط اما الحقيقة
لا يوجد فيها عنصر أمن واحد ..
همشنا الطاغية و الدولة الأن نستنا ..
وهذا الحال لا يعلم به الا الله



كردون
جندي اول
جندي اول

ذكر
عدد المشاركات : 33
العمر : 36
رقم العضوية : 11168
قوة التقييم : 1
تاريخ التسجيل : 23/03/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف libyanfree في 2012-11-28, 1:53 pm

لا شرقية لاغربية ليبيا وحدة وطنية
نحن نريد رئيس حكومة يخدم البلاد والعباد بدون جهوية
وشكرا

libyanfree
جندي اول
جندي اول

ذكر
عدد المشاركات : 31
العمر : 46
قوة التقييم : 0
تاريخ التسجيل : 18/01/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-11-28, 7:58 pm

libyanfree كتب:لا شرقية لاغربية ليبيا وحدة وطنية
نحن نريد رئيس حكومة يخدم البلاد والعباد بدون جهوية
وشكرا

بارك الله فيك أخي libyanfreeولك مني كل التحية والتقدير

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فداليبيا في 2012-12-02, 5:52 pm

المزكمت كتب:
فداليبيا كتب: للأخ المتزكمت بصدق ماعرفت كيف نصنفه كل موجه ضد البلاد وفيها فتنه هو يكون من اول راكبيها ......

مهلاً وانتى تقطعى فى الناس ..... السلوك الحضارى والأخلاق ... مطلوبه فى الردود ...

وبعد ..............

شكلك أصولك موش برقاويه .... ونحلف عليها .... ؟؟؟؟؟؟؟؟ بس نقولك حاجه الشمس ... تشرق من الشرق .. والله .... والله العالى فى سماه ... لو برقا ماتحركت ...... والله ماهم متحركين إلى يوم القيامه ...

يامتزكمت انا لو مش بنت هالبلاد راهو مادافعت عليها ومارفضت تقسيمها وانا ماغلطت في حد بس انت مش ملاحظ انك كنت تدافع علي ازلام المقبور ...ووجعك حال ازلام بن وليد ...وأغلب المطالبين من الفدراليه الازلام ...ومانقولش مافيش حد اخر ماشي مع الموضوع ومش فاهم ولا من طبعه الجهويه فيه ...وانا لما قلت بنت بنغازي مانكذبش..وبنت بنغازي بأمتياز يامتزكمت ...وحتى الناس الاوله يحلفو باسم جدي ومسميا بيه المناره اشهر معالم بنغازي ..

فداليبيا
مقدم
مقدم

انثى
عدد المشاركات : 712
العمر : 36
رقم العضوية : 6479
قوة التقييم : 5
تاريخ التسجيل : 12/09/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-12-02, 5:59 pm

فداليبيا كتب:
المزكمت كتب:
فداليبيا كتب: للأخ المتزكمت بصدق ماعرفت كيف نصنفه كل موجه ضد البلاد وفيها فتنه هو يكون من اول راكبيها ......

مهلاً وانتى تقطعى فى الناس ..... السلوك الحضارى والأخلاق ... مطلوبه فى الردود ...

وبعد ..............

شكلك أصولك موش برقاويه .... ونحلف عليها .... ؟؟؟؟؟؟؟؟ بس نقولك حاجه الشمس ... تشرق من الشرق .. والله .... والله العالى فى سماه ... لو برقا ماتحركت ...... والله ماهم متحركين إلى يوم القيامه ...

يامتزكمت انا لو مش بنت هالبلاد راهو مادافعت عليها ومارفضت تقسيمها وانا ماغلطت في حد بس انت مش ملاحظ انك كنت تدافع علي ازلام المقبور ...ووجعك حال ازلام بن وليد ...وأغلب المطالبين من الفدراليه الازلام ...ومانقولش مافيش حد اخر ماشي مع الموضوع ومش فاهم ولا من طبعه الجهويه فيه ...وانا لما قلت بنت بنغازي مانكذبش..وبنت بنغازي بأمتياز يامتزكمت ...وحتى الناس الاوله يحلفو باسم جدي ومسميا بيه المناره اشهر معالم بنغازي ..

بنت سي خريبيش
شنوا أخبار شارع باله
ههههههههههههههههههههه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فداليبيا في 2012-12-03, 12:35 pm

ماعشتش فيه شارع باله اخي عبدالله جدودي عاشو في شارع سي سعيد وشارع باله شور عيلة باله ولا ماتعرفش الشوارع من بعضهن ياعبوده ياولد بنغازي تضحك علينا البرانيه يقولو مايعرفو شوارع مدينتهم مع اني والله بجد حتى انا نتلخبط فيهن مع اني لما نمر مع الشوارع والازقه والله نحس بفخر وأعزاز ونفرح اني بنت هالمدينه هههههههههههههههههه ...

فداليبيا
مقدم
مقدم

انثى
عدد المشاركات : 712
العمر : 36
رقم العضوية : 6479
قوة التقييم : 5
تاريخ التسجيل : 12/09/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-12-03, 4:47 pm

فداليبيا كتب:ماعشتش فيه شارع باله اخي عبدالله جدودي عاشو في شارع سي سعيد وشارع باله شور عيلة باله ولا ماتعرفش الشوارع من بعضهن ياعبوده ياولد بنغازي تضحك علينا البرانيه يقولو مايعرفو شوارع مدينتهم مع اني والله بجد حتى انا نتلخبط فيهن مع اني لما نمر مع الشوارع والازقه والله نحس بفخر وأعزاز ونفرح اني بنت هالمدينه هههههههههههههههههه ...

كبف صار يا فدا ليبيا شارع باله أسم الشارع صحيح فيه الكثير من عائلة باله مثل العربي باله وأبنائه وضنا الحاج عمر باله محسن وسالم وعبدالحفيظ أصحاب مطعم أيمن باله للسمك ولكن حتى نحن عيت النيهوم عشنا وكبرنا في شارع باله وعمارة عبدالحفيظ النيهوم أعلى مبنى في شارع باله لغاية اليوم
عموما بنغازي ناسها معروفين عائلة عائلة
وحتى المناطق كانت خريبيش وشارع الشين بسيدي حسين والبركة والصابري
وسوق الحوت - والباقي كلها مناطق جديدة



-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف المزكمت في 2012-12-03, 9:13 pm

[/quote]

يامتزكمت انا لو مش بنت هالبلاد راهو مادافعت عليها .وحتى الناس الاوله يحلفو باسم جدي ومسميا بيه المناره اشهر معالم بنغازي ..[/quote]

سمحينا ..... عقوريه حره .... ولعيت نجم ...... ومرابطه .................. مانك لفيه .... على بنغازى .... لفوا ........... ( كل من حلف بغير الله أشرك ) ..............

المزكمت
مقدم
مقدم

ذكر
عدد المشاركات : 747
العمر : 56
رقم العضوية : 13094
قوة التقييم : 0
تاريخ التسجيل : 11/06/2012

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فداليبيا في 2012-12-05, 12:08 pm

انا قلت لك العرب الاوله يحلفو قبل مايهدمو الاضرحه قصدي ههههههه بعدين نحنا مش عواقير نحنا عائله والعواقير عائله الجدود خوت من الام بس ..يعني كيف مايقولو جماعة الغرب خوت الجد هههههههههه

فداليبيا
مقدم
مقدم

انثى
عدد المشاركات : 712
العمر : 36
رقم العضوية : 6479
قوة التقييم : 5
تاريخ التسجيل : 12/09/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف فداليبيا في 2012-12-05, 12:19 pm

عبدالله النيهوم كتب:
فداليبيا كتب:ماعشتش فيه شارع باله اخي عبدالله جدودي عاشو في شارع سي سعيد وشارع باله شور عيلة باله ولا ماتعرفش الشوارع من بعضهن ياعبوده ياولد بنغازي تضحك علينا البرانيه يقولو مايعرفو شوارع مدينتهم مع اني والله بجد حتى انا نتلخبط فيهن مع اني لما نمر مع الشوارع والازقه والله نحس بفخر وأعزاز ونفرح اني بنت هالمدينه هههههههههههههههههه ...


كبف صار يا فدا ليبيا شارع باله أسم الشارع صحيح فيه الكثير من عائلة باله مثل العربي باله وأبنائه وضنا الحاج عمر باله محسن وسالم وعبدالحفيظ أصحاب مطعم أيمن باله للسمك ولكن حتى نحن عيت النيهوم عشنا وكبرنا في شارع باله وعمارة عبدالحفيظ النيهوم أعلى مبنى في شارع باله لغاية اليوم
عموما بنغازي ناسها معروفين عائلة عائلة
وحتى المناطق كانت خريبيش وشارع الشين بسيدي حسين والبركة والصابري
وسوق الحوت - والباقي كلها مناطق جديدة



والله نتمني يديرو تاريخ صح لهالمدينه ويلحقو عالشياب اللي مازالو حيين ياخذو منهم معلومات ...عموما ولله ياأخي عبد الله انا مانعرف الشوارع من بعضهن وبالنسبه للشواع واجدات مسميات بأسماء عائلات كيف العقيب والبزار وسي الشريف وغيرهن ويسكنو فيهن قبائل اخرى

فداليبيا
مقدم
مقدم

انثى
عدد المشاركات : 712
العمر : 36
رقم العضوية : 6479
قوة التقييم : 5
تاريخ التسجيل : 12/09/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-12-05, 12:53 pm

فداليبيا كتب:
عبدالله النيهوم كتب:
فداليبيا كتب:ماعشتش فيه شارع باله اخي عبدالله جدودي عاشو في شارع سي سعيد وشارع باله شور عيلة باله ولا ماتعرفش الشوارع من بعضهن ياعبوده ياولد بنغازي تضحك علينا البرانيه يقولو مايعرفو شوارع مدينتهم مع اني والله بجد حتى انا نتلخبط فيهن مع اني لما نمر مع الشوارع والازقه والله نحس بفخر وأعزاز ونفرح اني بنت هالمدينه هههههههههههههههههه ...



كبف صار يا فدا ليبيا شارع باله أسم الشارع صحيح فيه الكثير من عائلة باله مثل العربي باله وأبنائه وضنا الحاج عمر باله محسن وسالم وعبدالحفيظ أصحاب مطعم أيمن باله للسمك ولكن حتى نحن عيت النيهوم عشنا وكبرنا في شارع باله وعمارة عبدالحفيظ النيهوم أعلى مبنى في شارع باله لغاية اليوم
عموما بنغازي ناسها معروفين عائلة عائلة
وحتى المناطق كانت خريبيش وشارع الشين بسيدي حسين والبركة والصابري
وسوق الحوت - والباقي كلها مناطق جديدة



والله نتمني يديرو تاريخ صح لهالمدينه ويلحقو عالشياب اللي مازالو حيين ياخذو منهم معلومات ...عموما ولله ياأخي عبد الله انا مانعرف الشوارع من بعضهن وبالنسبه للشواع واجدات مسميات بأسماء عائلات كيف العقيب والبزار وسي الشريف وغيرهن ويسكنو فيهن قبائل اخرى

التاريخ موجود ومسجل في عديد المؤلفات
لا يحظرني أسمائها ولكن تاريخ بنغازي لا خوف عليه لأنه لم يهاجم من كلاب الطاغية
منورة فدا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف جمال المروج في 2012-12-05, 1:17 pm

الخيرة فيما يختار الله ...
مشكورين على حماسكم ويظل الاختلاف موجودا بيننا ويسوده الاحترام
نريد حلولا جذرية .. الدقيق فيه ادهيمه لازم من غربلته للحصول على وجبة شهية
تقبل مروري أخي الفاضل عبد الله

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

جمال المروج
مراقب
مراقب

ذكر
عدد المشاركات : 18713
رقم العضوية : 7459
قوة التقييم : 161
تاريخ التسجيل : 18/10/2011

الرجوع الى أعلى الصفحة اذهب الى الأسفل

رد: كلام الليل في البالتوك

مُساهمة من طرف عبدالله النيهوم في 2012-12-05, 2:00 pm

جمال المروج كتب:الخيرة فيما يختار الله ...
مشكورين على حماسكم ويظل الاختلاف موجودا بيننا ويسوده الاحترام
نريد حلولا جذرية .. الدقيق فيه ادهيمه لازم من غربلته للحصول على وجبة شهية
تقبل مروري أخي الفاضل عبد الله

أحلى ما في مواضيعي مرور الـ جمال بمروجه الزاهية بها
فلا تحرمنها
لك مني كل الود

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى