انسيت يا مقريف ( شعر )

من طرف عبدالله النيهوم 2012-12-07, 7:28 am

انسيت يا مقريف ( شعر )
انسيت يا مقريف ( شعر ) 532084_496375503735906_520396211_n

أنت قلتها لأجلك الدم يهون ...
يا ليبيا ومــا رضيت فيها سيه
وحطيت يدك عالكتاب تصـــون ....
ابلاد كانـــــت للخـــراب رميه
والشعب كله معاك مهما يكون ....
واسمــــك نزيه وما نلاقوا زيه
لكن الليله خاطرى مشحــون ....
فى شى ضايقنى عليك اشويا
موضوع قالـــوا فيه كـم مليون ...
((ميتيـن)) عدن رايحات هديه
ال تونس الخظراء منبع الزيتون .....
وانسيت جالـو مالحياة منسيه
ودرنه زواره والجميل او هــون ....
وطبرق الكفرة سرت والفايديه
ونالـــوت والزنتان والقطـــــرون ....
وزلطـن وزلـه مــــن ضنا ليبيه
وانسيت بنغازى قليلة عـــون ....
ديما اشتاها غارقه فى اميه
وسبها اوبارى وضعهن بلهون ....
ما هناك حاجه عالوطى مبنيه
وانسيت عندك فالخزينه ديون ....
ولا هناك بنيه فــوق لا تحتيه
وانسيت عازتنا ورب الكـــون ....
وفى ناس راتبها عطيب اشويه
ناعارفـــــك ميثاقنا مــــا تخون ...
وعنـــــدك عليهـا ليبيا غيــريه
وفبك طبع قالوا من زمان حنون ....
وفيك النــــوايا صادقه او نقيه
وكانت الجبها ســــد للمجنون ....
كلام حق ما عندى عليه لويه
ودارس ومتعلم جميع افنــــون .....
ولك صيت عالى ريت يبقى فيا
لكـــــن اللى نريده تزيد اتمون ....
وتبنى جميــــع احلامنا الورديه
وكل شى يبقى حق بالقانون .....
والناس ترقــــد فالامان هنيه
شعرى وكتبته بحبر مالمكنون ....
وكلامى وقلته وفيه مسؤليه
انت قدها راجل رضى موزون ....
كلام حق نبصملك عليه بيديا

## منقول ##