منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الحاجة إلى الثقافة
اليوم في 11:08 am من طرف ولد الجبل

» خليفة الفاخري... والرغبة في الرحيل!!
اليوم في 9:10 am من طرف ولد الجبل

» تكلفة شوكولاتة لفرح خليجي تصل إلى مليون درهم
اليوم في 9:04 am من طرف ولد الجبل

» دعاء
اليوم في 9:01 am من طرف ولد الجبل

» المسلم والمؤمن
اليوم في 9:00 am من طرف ولد الجبل

» الصلاة علي رسول الله+الاستغفار+ذكر الشهادة+كفارة المجلس
اليوم في 8:58 am من طرف ولد الجبل

» شكل أنفك يكشف ما تُخفي.. لغة الجسد تُفسِّر لك ما لا يقوله الآخرون
اليوم في 8:57 am من طرف ولد الجبل

» شابة تشوّه وجه صديقتها بسبب "الغيرة"
اليوم في 8:30 am من طرف STAR

» وجهات سياحية يقصدها الأثرياء من دون تردد
اليوم في 8:28 am من طرف STAR

» جاكي شان يصور فيلمه الأخير في دولة عربية
اليوم في 8:26 am من طرف STAR

» الحشرات وجبة أنجلينا جولي المفضلة، وتأكلها مع اولادها!
اليوم في 8:25 am من طرف STAR

» حدث في مثل هذا اليوم February 21, 2017
اليوم في 8:19 am من طرف STAR

» مباريات السبت 25-2-2017 والقنوات الناقلة
اليوم في 8:14 am من طرف STAR

» مباريات الجمعة 24-2-2017 والقنوات الناقلة
اليوم في 8:13 am من طرف STAR

» التضحيـة.. روعة العطـاء.. الغائبـة
اليوم في 8:07 am من طرف STAR

بحـث
 
 

نتائج البحث
 


Rechercher بحث متقدم


الوطن وحكاياته

استعرض الموضوع السابق استعرض الموضوع التالي اذهب الى الأسفل

الوطن وحكاياته

مُساهمة من طرف dude333 في 2012-12-07, 8:59 pm

الشاعر حسين محمد أحمد الأحلافي

فى أشهـــــر قصائده
الوطن وحكاياته

كتبها عام 1935م وهو في المهجر ويصوّر من خلالها مدى اشتياقه وحنينه للوطن
يقول فيها

العين والعة بالوطن
علـــي ما جـــرى مــن مــوح ما نسياته
العيــن والعـــــــه بالوطــــن وحكاياتـــــــه
مي مرتـدّه
ولاي مابيـــــه تنســـى بطـــــول المــدّه
ومــــا زول ينســــى وطـــــن بــــوه وجده
الاّ شخـــص تافـــه كـــي بـــلاش حياته
والعه منهاسه
مرايفــــه علــى الوطــن العزيـز وناسه
ومـــــاي ناسيــــــه حتــــى بطولـــة ياسه
وما تبدّلــــــه بالنيـــــل لـــــو طالاتـــــه
كايــــــــــــــده فـــــــــــــــــي الحملــــــــه
مرايفـه على الشبرم وقيس الرمله
وغيطـــــــان دفنه والسقايف جملـــه
و(طبرق) وحومـة ( عكرمه) ومزاته
مــــــــــــــــــــــــــي صبّـــــــــــــــــــــاره
مرايفـــه علـــــي (درنه) وْ وادي ماره
و(بوشمــــال) و(القبـــه) وقيـــس بشاره
و(القيقــب) وغاشــي كـــان في مجباتـه
تذرف ديمه
مرايفه ريـــــاف يهـــمّ فــات القيمه
علـــي(تـــــرت) و(الصفصاف) ومواهيمه
و(شحـــات) والعالـم اللـــي حازاتـــه
دمعها شلالي
وما نلومهــــا ديمـــــــا الموكــــر غالي
مرايفـــــه علي ( لبـــــرق) وْ وادي لالي
وقيــــــس (قلشيـه) و(سباق) وجناناتـــه
مرايفـــــــــــه علــــــى الفايديـــــــــــــه
و(بلقــس) وع الباطـــن الـِّـي قبليــّــــــه
ولا فـــــــــوق ع (الشارب) علـــــى عاليّه
و وادي (القصـــور) وما حــوَنْ جالاته
والعه منظامه
خاطـــر عليهـــــا وطنهــــــا وايامــــــه
وقيــــس ( المخيلي) و(الشرف) واوهامــه
يــــا هـــل ترى هـــا السّـاع كي حالاته
عامــــــــر بناســـــه يا ترى وانعامـــــــــه
والاّ خلـــي منهــــم ومـــــن خلفاتـــــــه
بعــــد غـــــــوش ديمــــا منطـــــرح قدامه
لا هـــــجّ خايـــــف لا الــــدّار جفاتــــه
يا طــــــول ما حـــاشـــــن عليـــــه غَلامه
وحشـــــوه لفـــــى لاعــــب ورا ميناتـه
ويا ما سبيبـــــــه جـــــــا يرفّ علامـــــــه
ويــــن ما الصــــادي زام في نزلاتـــــه
مرايفـه ع العلبه
وزاويــــه صــــداره مشرفــه في الهلبه
تمّابـــــــي على قــــــوه تجــــــي منصلبــه
لا تهــــــاب طليانــــــي ولا قواتـــــــــه
جيـــــش م العــــرب واجد نجـي صايل به
ونقليــــــــز بطيــــــــــوره ودباباتـــــــه
حتـّـــى وهـــو عـــدونا ع العــدو ندخل به
اللـّي يمــــوت منهــــم نفرحــوا لمّـاتـه
مرايفـه ع البيضـا
تاخـــــذ الليــــل تنيــــن كـــي المريضه
وما نلومهــــــا حـــــبّ البـــــلاد فريضـــه
واجــــب علي لنْســـــان كيــف صلاتـه
والعـه ولهانه
مرايفـــــه علـى (المرج) وعلــي سكانه
علــي (توكـــــره) واظهـــر علي دريانه
و(لبيـــار) و(الرجمـــه) ومــا حقــّاتـــه
مرايفـــــــــــــــه علـــــــــي بنغــــــازي
تاخــــذ الليــــل وهــــي مغير تـــزازي
ريـــــاف كـــــل يــــوم يزيد مو متوازي
لا عنّهــــــــــا دبــــــــــــّار لا تبعاتــــــه
والعـه منحرقه
العيـــــن ع (الجبل) كلّـــه وجملة برقه
مرايفـــــه على اللـي من (زواره ) شرقه
علي (طرابلس) واظهر علي مصراته
كلـّــه وطنْنــــا يمكــــــن تقابــــل زرقـــه
وناخـــــذوه م الدّولـــــــــه اللـي ملكاتـــه
العيــــب النسيّــــه كي تطــــــول الفرقــه
مـــا عمرهــــا غربـــــة فتــــى واطاتـــه
الحــــي يتعلـّـى كيــــف يبقـــــى يرقــــى
وكــــــان عـــــاش لابــــد يطــــول مناته


-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5529
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: الوطن وحكاياته

مُساهمة من طرف الْفَرَسُ الْأَصِيلَة في 2012-12-07, 10:12 pm

أبْيَآتْ حَقَّآ جَمِيلَة بِمعْنَى الْكَلِمة
لقدْ قرأت بعْض مِنْ قصآئده
والتِّى أعجبتِنى كثيرآ قصيدة الوَطَنْ
وقَصيدَة القرآنْ
وقَصيدة الفتآة المَتبرجَـة
شكْرآلكَ جَزِيلـآ أخِى الكَريمْ عَلَى طرْحِكَ..الرآئع..

الْفَرَسُ الْأَصِيلَة
نقيب
نقيب

انثى
عدد المشاركات : 414
العمر : 21
رقم العضوية : 16602
قوة التقييم : 8
تاريخ التسجيل : 19/11/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى