منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» عودة قنوات afn sport الناقلة لكاس العالم على كروت الستلايت
اليوم في 12:01 am من طرف gherimilrami

» الأدب العربي في العصر العباسي
أمس في 5:18 pm من طرف labraq

» تعبير اللغة العربية
أمس في 1:40 pm من طرف labraq

» ليست اللغة العربية.. ماذا كان يتحدث العرب قبل دخول الإسلام؟
أمس في 1:09 pm من طرف labraq

» اطول كلمة في القرءان
2018-06-15, 11:25 pm من طرف القديسة

» المباحث العامة بنغازي تقبض على فارين من درنة
2018-06-15, 12:21 pm من طرف عبدالحفيظ عوض ربيع

» انتحار أبو عبد الله المصري مفتي القاعدة في ليبيا
2018-06-12, 2:07 pm من طرف STAR

» الفيتوري يؤكد عودة الاتصالات إلى طبرق وضواحيها
2018-06-12, 2:06 pm من طرف STAR

» " الخليج العربي للنفط" تقدم 400 ألف دينار لحل مشكلة المياه بطبرق
2018-06-12, 2:05 pm من طرف STAR

» أسعار العملات الاجنبية مقابل الدينار الليبي في السوق السوداء اليوم الثلاثاء 12/6/2018 وسعر
2018-06-12, 2:04 pm من طرف STAR

» بالأسماء .. «المتوسط» ترصد إرهابيين بالجملة فروا من درنة
2018-06-12, 2:03 pm من طرف STAR

» ننشر فيديو اكتشاف مقابر بغابة ” بو مسافر ” في درنة
2018-06-12, 2:01 pm من طرف STAR

» العبيدي يكشف تفاصيل الهجوم الانتحاري المزدوج في درنة
2018-06-12, 2:00 pm من طرف STAR

» بعد وصول الدقيق لمخابزها.. المسماري يؤكد وصول السيولة اليوم لمصارف درنة
2018-06-12, 2:00 pm من طرف STAR

» انهيار منزل في شيحا جراء انفجار مفخخات
2018-06-12, 2:00 pm من طرف STAR

بحـث
 
 

نتائج البحث
 


Rechercher بحث متقدم


نــفاق في نفــاق من غير ما نسمع أي شئ يوحدنا و يجمعنا ..

اذهب الى الأسفل

نــفاق في نفــاق من غير ما نسمع أي شئ يوحدنا و يجمعنا ..

مُساهمة من طرف عبدالله النيهوم في 2013-01-06, 11:19 am





نــفاق في نفــاق
من غير ما نسمع أي شئ يوحدنا و يجمعنا ..

والذي جمعنا هو كرهنا لمعمر القذافي فقط

ناس ماعندها روح مع النفاق و الخــداع .. الا من رحم ربى ..
الكل يدير في روحه ثــوري .. يدير في روحه مافيش منه ..
تكلمه يقولك الطاغية المقبور ..
أنا عمي محبوس في بوسليم .. أنا خالي في الجبهة أنصاب ..
تفتح التلفزيون .. ماتسمعش غير كلمة نظام المقبور 42 سنة ..
حتي لو قلت النظام السابق ...
يوقفوك و يقولولك .. اللانظام السابق للمقبور ..
البلاد خــاشة بـعضها .. خنبة سرقة .. ميليشيات .. كل شئ زي الزفت ..
و هما قاعدين يغنو علي الطاغية و المقبور ..
الوزير اللي يجيبوه .. المسئول اللي يجيبوه .. بيسألوه علي شن قدم و شن دار ..
يقعد ساعة يهدرز علي اللانظام السابق في عهد الطاغية و المخلفات التي سببها .. الخ
و كأنها أصبحت فـزاعة فشل أي وزارة أي مسئولية .. دفها في راس اللانظام السابق ..
مــع شوية بهارات و فلفل ..
و كتر من قولة الطاغية المقبور أبن اليهودية .. و المقبور ابن اليهودية
تعمد تدمير الوزارة الفلانية .. الخ
فا يحصدقوك و تمشي أمورك و تصبح وزير ناجح

العالم كله يسمي في الطواغي بمسياتها :

موسيليني اللي شنقه شعبه .. و اللي قتل قريب ربع مليون ايطالي ..
يقولوله موسيليني
فـــرعون .. قاعد أسمه فــرعون اللي حــارب الرسل و طغي

نابليون أسمه نابليون
هتلر اللي قتل مليون شخص ..
اسمه هتلر ..

ولا تسمع حــد يقول الطاغية المقبور السفاح هتلر
إلا أحنا .. لازم تقول الطاغية .. تــعبير عن حبك لفبراير ..
نــفاق في نفــاق

أيضا من أكبر علامات النفاق ..:
أن جــميع من يدعي أنه من الثوار .. لما يتلاقو و يهدرزو ..
يقولو ليبيا خشت في حيط ..
خنبة سرقة .. فساد .. واسطة ..
مافيش جيش .. حرب قبلية .. الخ
لكن بمجرد ما حد تاني غريب . أو يعرفوه أنه طحلوب .. يغيرو الدسكة ..
علي أساس أنها ثورة ملائكية و احنا ماشيين في الطريق الصحيح ..
و الثورة الفرنسية خدت 10 سنوات ..
و تحملنا 42 سنة ما نتحملوش 5 سنين ..
و هذا شئ طبيعي بعد أي ثورة .. الخ
و أنا أولهم ندير فيه الجو هــذا .. لما نلقي طحلوب ..
نغير الدسكه على طول لانهم مش تريس
هــي
الثورة صـحيحة ..
الي يوم 20\10\2011
بمجرد
مقتل القذافي ..
و بعدها بأسبوع .. أفــراح و أعراس و الشعب فرحان ..
لكن بعدها شــد نفسك .. طلعت قصة قطر .. وطلعو الأخوان ..
وطلعو السلفية و العلمانية ..
و أنقسم الشارع الليبي علي 60 طريق ..
و مــعادش أصبح في أي شئ يوحدنا و يجمعنا ..
و أكتشفت أن التلاحم و الحب و الفزعة اللي كـانت بينا ..
ليست بسبب حبنا و خوفنا علي بعض ..
لا
بل الذي جمعنا هو كرهنا لمعمر القذافي ..
الكل تهمش من القذافي ,. الكل تعرض للظلم ..
هــذا هو الرابط المشترك الذي جمعنا لأسقاطه
.. أم الأن ..
فكل يغني علي ليلاه .. و الكل لديه أجندات ..


-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~







avatar
عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 37
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى