منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» نادي الاتحاد قبل قليل
أمس في 5:35 pm من طرف عبدالحفيظ عوض ربيع

» باب بن غشير طرابلس
أمس في 5:33 pm من طرف عبدالحفيظ عوض ربيع

» طرابلس الهلال الاحمر يطلب ممر امن
أمس في 5:30 pm من طرف عبدالحفيظ عوض ربيع

» هام عاجل طرابلس علي العائلات الموجودة في محيط المناطق الاشتباكات
أمس في 5:29 pm من طرف عبدالحفيظ عوض ربيع

» انقطاع التيار الكهربائي على عدة مناطق بالمدينة #طرابلس
أمس في 5:27 pm من طرف عبدالحفيظ عوض ربيع

» جهة مدرسة براعم النصر باب بن غشير
أمس في 5:25 pm من طرف عبدالحفيظ عوض ربيع

» كتيبة ثوار طرابلس التابعة لهيثم التاجوري تقتحم غابة النصر
أمس في 5:20 pm من طرف عبدالحفيظ عوض ربيع

» السيطره على قاعة السلسبيل للمناسبات و محطة الوقود
أمس في 5:18 pm من طرف عبدالحفيظ عوض ربيع

» اغلاق الطريق الرابط بين جزيرة جامعة العرب الطبيه الى جزيرة مصنع الاسمنت
أمس في 5:15 pm من طرف عبدالحفيظ عوض ربيع

» السيطره على مساحه كبيره من منطقة قنفوده
أمس في 5:13 pm من طرف عبدالحفيظ عوض ربيع

» ابطال الكتيبه 309 يسيطرون على غرفه عمليات
أمس في 5:11 pm من طرف عبدالحفيظ عوض ربيع

» قاعة الاسيل للمناسبات بقنفوده بعد تحريرها
أمس في 5:05 pm من طرف عبدالحفيظ عوض ربيع

» استشهاد البطل " عبدالله التواتي "
أمس في 5:02 pm من طرف عبدالحفيظ عوض ربيع

» شاهدوا قصر دونالد ترامب الاسطوري المزخرف بالذهب والالماس!
أمس في 4:57 pm من طرف عبدالحفيظ عوض ربيع

» تفاصيل خفض الإنتاج اليومي للنفط
أمس في 9:52 am من طرف STAR

بحـث
 
 

نتائج البحث
 


Rechercher بحث متقدم


وجع القلب والبغدد الليبي ما حد يعرفه نين يجربه

استعرض الموضوع السابق استعرض الموضوع التالي اذهب الى الأسفل

وجع القلب والبغدد الليبي ما حد يعرفه نين يجربه

مُساهمة من طرف عبدالله النيهوم في 2013-01-12, 8:53 pm

وجع القلب والبغدد الليبي ما حد يعرفه نين يجربه


خطرها على وجع القلب والبغدد وما أدراك ما البغدد قالك مرة طالب ليبي مشى لفرنسا يبي يقرا ماجستير في علم النفس المهم مشى دغري لمقابله الدكتور المشرف على الرساله فسأله الدكتور شنو موضوع البحت أمتاعك قاله والله نبي أندير بحث عن موضوع وحالة البغدد تلخبط الدكتور وما فهم شي بدا راقد الريح الطالب يشرحله قاله هذي حالة ومرض منتشر عندنا واجد بكل وهو لما تحس بضيق وأنك مش قادر أتنفس وأن في حاجه طابقه على صدرك والكلام والدموع ما يطلعنش وخانقتك العبره ووووو ..المهم يوم وليلة وهو يشرحه وكله والدكتور ما فهم شي .المهم صاحبنا يأس من الدكتور وروح لليبيا وبعد فتره دز دعوه زيارة للدكتور فقرر مذهوب الشيرة يسافر لليبيا .. في يوم السفر تأخرت طيارة الخطوط الليبية أربع ساعات وفي الاخير جت وركب وفي الطيارة طلب من العسكري قصدي المضيفة شيشة مياه وإذا كان فيه بطانية ردت عليه المضيفة وبتفنيصها المعتاد بالك أنزوجك خير على العموم تحملها الراجل ووصل للمطار تعبان وصقعان وجعان وقعد أيدور في شناطيه وماصار شي وعدا لمكتب البلاغات قاله الموظف المسؤول شناطيك راحن شنو تبيني أنديرلك حرقا الموضوع ولكن زمطها مع كسرة خاطر ومشى للفندق يبي أيتريح .. المهم لقا غرفته وخذينه وبعد ستين واسطة وتجداي حصل دار ورقد ومع الساعه ثلاثة في نص الليل خشو عليه جماعة الأمن في الدار وقالوله برا برا في وفد أفريقي وصل فجأه ومحتاجين للغرفه قعد الراجل يجدا فيهم ويحكيلهم وين انعدي وأنا وأنا المهم لقا روحه تحت أدروج الأستقبال خانقته العبره وحارقته روحه وصقعان وجعان وناقص عليه البكاء عموماً في الصبح جاه الطالب رحب بيه وقاله ها إن شاء لله أرتحت من تعب الطريق والسفر .. قاله الدكتور ودموعه على خده مع صعوبه في التنفس شنو انقولك صار أمعايا وصار وووو وتعرف حاجة عندي شعور غريب أول مره انحس بيه أنحس في حاجه في صدري ترقا وتنزل ومضايق ووجعتني روحي ومش عارف كيف أنوصفلك حاس فرح الطالب وسكته وقاله بس هذااا والله هو هو هذا البغدد اللي نحكيلك عليه وأضبط الراجل وقعدو يبكو هما الأثنين يانا علي يانا.
والله لو قال لي أحدهم أثناء الثورة أو بعد التحرير بقليل بأن هذا الشعور " البغدد " سيعود لليبيا ولليبيين لأتهمته بالكاذب والمحبط أم الأن وبعد أن تحررنا وحررنا الوطن للأسف بدء هذا الشعور يعود تدريجياً ويزداد يوماً بعد يوم فأتمنى من الله العلي القدير أن لا ينتشر هذا الوباء "البغدد" بين الليبيين من جديد ويدفن مع صاحبه في قبره المجهول أمين أمين أمين.

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

رد: وجع القلب والبغدد الليبي ما حد يعرفه نين يجربه

مُساهمة من طرف ابراهيم المغربي في 2013-01-12, 11:28 pm

منور اخي عبدلله
و الله ضحكت ضحكة لي زمان ما ضحكتها
مشكوووووووووور

ابراهيم المغربي
عميد
عميد

ذكر
عدد المشاركات : 1318
العمر : 51
رقم العضوية : 798
قوة التقييم : 16
تاريخ التسجيل : 27/11/2009

الرجوع الى أعلى الصفحة اذهب الى الأسفل

رد: وجع القلب والبغدد الليبي ما حد يعرفه نين يجربه

مُساهمة من طرف uuu3003 في 2013-01-13, 1:18 am

السلام عليكم ... شوف اخي انا الحق ما ضحكت لان القصه اللي تحكي فيها صايرلي قصه شبيها بيها وشي تاني نقولك وباسف شديد الهم والغم اللي موجود توا اسؤا من قبل المقبور الله لا تختم عليه لا دنيا ولا اخرة ونشوفوة في الدرك الاسفل في جهنم مع المنافيقين ... كنت زمان اشعر ان ليبيا ملك للطاغية فقط اما الان اشعر ان ليبيا ليست ملك لاحد الا الله سبحانه وتعالى فلا تعتقد انى متشائم ولاكن هدا هوا الحال في ليبيا اثبت الليبيين انهم غير مؤهلين للعيش في بلا احقاد ولا غل ولا سرقات ولا قتل ولا تقول لي ان الطاغية هوا السبب لمادا انا وانت لم نكن مثلهم .... الله المستعان ومعاش نقدر نتكلم اكثر من هكى واسف جدا على الاطاله.... وشكرا

uuu3003
عريف
عريف

ذكر
عدد المشاركات : 76
العمر : 28
رقم العضوية : 13684
قوة التقييم : 3
تاريخ التسجيل : 08/07/2012

الرجوع الى أعلى الصفحة اذهب الى الأسفل

رد: وجع القلب والبغدد الليبي ما حد يعرفه نين يجربه

مُساهمة من طرف عبدالله النيهوم في 2013-01-13, 8:52 am

ابراهيم المغربي كتب:منور اخي عبدلله
و الله ضحكت ضحكة لي زمان ما ضحكتها
مشكوووووووووور

نورت الموضوع أخي إبراهيم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~








عبدالله النيهوم
مشرف منتدي ألبوم الصور

ذكر
عدد المشاركات : 5352
العمر : 36
رقم العضوية : 9184
قوة التقييم : 27
تاريخ التسجيل : 30/12/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى