منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..

انضم إلى المنتدى ، فالأمر سريع وسهل

منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
منتديات عيت ارفاد التميمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» أندية السعودية تزاحم آرسنال على صفقة عربية
سبحان اللي هنتك وهونتيني Icon_minitime1أمس في 2:51 pm من طرف STAR

» مانشستر يونايتد يستهدف مهاجم ريال مدريد
سبحان اللي هنتك وهونتيني Icon_minitime1أمس في 2:51 pm من طرف STAR

» نجم آرسنال على طاولة برشلونة
سبحان اللي هنتك وهونتيني Icon_minitime1أمس في 2:50 pm من طرف STAR

» مدن في ماليزيا تضمن للسائحين قضاء إجازة استثنائية
سبحان اللي هنتك وهونتيني Icon_minitime1أمس في 2:50 pm من طرف STAR

» كيفية تعطيل وظائف مشاركة الملفات في الهواتف الذكية
سبحان اللي هنتك وهونتيني Icon_minitime1أمس في 2:49 pm من طرف STAR

» ما هو سبب الخمول خلال النهار وما هي الاطعمة التي علينا تجنبها
سبحان اللي هنتك وهونتيني Icon_minitime1أمس في 2:48 pm من طرف STAR

» حالة مزمنة تؤثر على 40% من سكان العالم تسرع من شيخوخة الدماغ
سبحان اللي هنتك وهونتيني Icon_minitime1أمس في 2:48 pm من طرف STAR

» كيك الشاي بالزعفران والبرتقال
سبحان اللي هنتك وهونتيني Icon_minitime1أمس في 2:47 pm من طرف STAR

» الصلاة علي رسول الله+الاستغفار+ذكر الشهادة+كفارة المجلس
سبحان اللي هنتك وهونتيني Icon_minitime1أمس في 2:44 pm من طرف STAR

» عناصر غذائية تنشط الغدة الدرقية
سبحان اللي هنتك وهونتيني Icon_minitime12024-03-27, 2:13 pm من طرف STAR

» رونالدو يصب غضبه على الحكم الرابع بعد خسارة مدوية للبرتغال
سبحان اللي هنتك وهونتيني Icon_minitime12024-03-27, 2:13 pm من طرف STAR

» ما الأفضل الاستحمام ليلا أم صباحا؟
سبحان اللي هنتك وهونتيني Icon_minitime12024-03-27, 2:11 pm من طرف STAR

» كبدة دجاج مقلية مع حمص بالبصل
سبحان اللي هنتك وهونتيني Icon_minitime12024-03-27, 2:10 pm من طرف STAR

» مباريات الثلاثاء 26/3/2024 وقنوات الناقلة
سبحان اللي هنتك وهونتيني Icon_minitime12024-03-26, 3:24 pm من طرف STAR

» جولة على الجسور القديمة... معالم شهيرة صمدت على مر التاريخ
سبحان اللي هنتك وهونتيني Icon_minitime12024-03-26, 3:21 pm من طرف STAR

بحـث
 
 

نتائج البحث
 


Rechercher بحث متقدم


سبحان اللي هنتك وهونتيني

2 مشترك

اذهب الى الأسفل

سبحان اللي هنتك وهونتيني Empty سبحان اللي هنتك وهونتيني

مُساهمة من طرف dude333 2013-01-17, 12:14 pm


يقول الشاعر الأول / سيف النصر عبد الجليل:

سبحانه اللِّي هنتك وهوَّنتينى
ونسيتك بعد ولعات ونْسيتينى

يقول الشيخ اشريف السعيطى :

سبحان كيف توازه غلانا اللى مفهوم فى مركازه
العقل كان شورك غالب الحزازه وانتى اتعاندى الحسود واتراضيتى
وسبحان من هون ع العزيز اعزازه ويفوت يوم لا نطريك لا تطرينى
سبحان كيف تغير والياس فى غلانا لا بطا لا حير
ياما جرى ريدى اوياما نير اوياما سعى فى كل ما يرضينى
واليوم شايفه وين الزمان ادير انجى انقابله بالوجه ما يعطينى
سبحان كيف هونتينا وانسيتك ابطول الياس وانسيتينا
حسود الغلا منظر او صاغت عينه او صار الخطا والياس م الثنين
وسبحان ما حكم مولاى فى تكوينه اليوم ناكرك وانت نكرتي دينى

وفى مداخلة ثانية قال الشاعرذائع الصيت السيدمعتوق آدم الرقعى أمد الله فى عمره :

سبحان كيف قسمنا بعد الغلا هو كيف صار خصمنا
وليش فى الفراق انت ونا ساهمنا عليه نين لا لمتك او لا لمتينى
وليش نركنو للياس نين حكمنا اوهو قبل ما يقدر احذاك ايجينى
سبحان كيف صبرتى او كيف يا مرادى ع الخلاف اقدرتى
زمان فى سبيل ارضاى ياما درتى حتى للشروط الواعرات اتلينى
واليوم عن طريقك لولى حودتى بلا عيب درته فيك عاديتينى
سبحان كيف تحول غلانا اللى هو كسبنا فى لول
ربيعه زهى واجد او خيره طول اياما او كانن مقبلات اسنينى
واليوم فيك ياسك بالخراب ايعول او صافن اخضاراته قبالة عينى
سبحان كيف انسيته زولك اللى فى خلق مسع ريته
واليوم ناكرك يا حلوة التبهيته حتى لو طرونى فى علل تنعينى
سبحان كيف انسيتك اوهو كيف جانى صبر نين اخطيتك
ايام قبل ما نزها اللا فى بيتك نا حرك وانت زاد ما تنهينى
اليوم من سريب غلاى طارت نيتك او كى بضاعة اسرائيل قاطعتينى
سبحان كيف تلاشا غلانا او فيه الياس حطو باشا
والقدر بيننا تما امغير شباشا على الحال تبرمى حتى ان لاقيتينى
ما نحسبوه ايسير يا دوداشا الخطا بيننا وانت عليه اتعينى
انسيت ايامك وابقى شطب فى دفتر غلاى كلامك
وزالت امهاياته جمال قوامك او هو قبل حتى فى المنام ايجينى
الياس قاطره ذوب عقاب غرامك اللى قبل جا بين الحياة او بينى
انسيت منابك وانت زاد من شورى قفلت بابك
لا عاد تشقيبى ولا نشقابك انت دنقرى ونا انواطى عينى
حتى بيش نقار الغلا يحسابك لا قبل ريتك يوم لا ريتينى
انسيت سحر اعيونك وانسيت كيف سبحانه لطافة لونك
حساد الغلا دارو دسايس دونك حتى نين جافيتك او جافيتينى
اوعاد يطعنو لى فى بياض اسنونك اللى قبل ما تزها بغيره عينى
انسيت سريبك اوناجد الساع نصيب كيف نصيبك
مخدوع كنت فى كثرة غلاك او طيبك بين الرجا والياس خلليتينى
وين ما قريت اسطور فى تنسيبك نهيت خاطرى بطل عليك حنينى
انسيت حقوقك وانت زاد سكرت احساب اطلوقك
واليوم شيك غياتى زطل فى سوقك وانت عملتك ما عاد ماء تسقينى
انسيت لوعة نارك او قصر على زرعى سحاب امطارك
ايام والغلا مصيون بين اقدارك نا نسال وانت بالجواب اتجينى
واليوم وين منظارى خطى منظارك ما عاد جيمك حل غامض سينى
انسيت لفظ السانك وانسيت كل درب ايشيلنى لمكانك
بعد صار باب النقص فى ميزانك خللى سرنا مدفون بينك بينى
وخللى اللى حارس اثمار جنانك ايحاحى على طيرى بعد يرعينى

وقال الشاعر مصطفى اعبيد الهونى رحمه الله :

هنتى هانك تركتى ترك عقلى انسيت زمانك
غليتى اغلى فى العقل علا شانك رفعتى رفعتك فوق حاجب عينى
برمتى على ليش بعد احسانك خطا قبل ما نعرف او علمتينى
مازال فى ايدى ماسكه عنوانك اللى فيه واعدتى اوما جيتينى
من يومها عندى نقص ميزانك الله ايسامحك فى ما مضى قيلينى
باللى جابت برمتى برمنا والعقيده غابت
نفسى علييا لا اتلومى زابت برد الخطا واصل الخطا خاطينى
عندى عليك اشهود حقى ثابت عهد بيننا ما بيه وافيتينى
وان كانك نكرتى والعداله صابت انجيب لك مضى يدك رهن فى دينى

وقال الشاعر نصر آدم الرقعى رحمه الله :

سبحان كيف توارى اوسبحان يا مرادى كيف راح اخساره
حبا كوانا فى القلوب ابناره اوعلي بقاه عاهدتك او عاهدتينى
خضعنا الحكمه تحت طوع اماره سلطان حب وحدنا احنا لاثنينى
اوعملنا على صونه وكتم اسراره وبتى عليه مطمانه او طمنتينى
كلا من اصحاب الحسد والمكاره لا جو فى احساباتك ولا تخمينى
غير عابيين بفتنهم واخطاره امغامرين فى بحر الهيام اسنينى
وانرحنا ضحية حب موش اخساره ايجى يوم وانلاقيك واتلاقينى
وانعشنا انالو من معين انهاره تطفاى لظماك انت ونا يروينى
ولازم نتقاسم حلوته وامراره بالروح يا نفداك يا تفدينى
هذين هن اهداف الحب يا مكاره يا مخادعه ياللى قليلة دينى
ايام وغلاك امعاى توقد ناره على كل ما نبيه شجعتينى
حتى نين اسياجك هدمت اسواره وطيت فى حرم حبسك وسامحتينى
ومعاه وين ما حبى نقص تياره درتى العيب جا منى اوهو خاطينى
ساندوك رواج الخطا وانصاره خذيتى بخاطرهم او جافيتينى
خضعت الحكم الياس واستعماره اوهنتى سريب غلاى وانسيتينى
اونا اللى خطاك اشربت كاس امراره حتى ان سم عليه زريتينى
خذيته وانا عالم بكل اضراره انضحى بكل نفيس كى هنتينى
عازم على تركك عملت ادباره وان كان لك ضمير ايحس ما لمتينى
وحبك امحى م القلب طفيت ناره ردمته بسياتك حسب تظنينى
بقى طيف خيالك امغير شراره تلوح فى سما ذهنى بها ياتينى
حتى لو انسيته باقيات آثاره ايجى نصب تذكاره اقبالة عينى

وقال الشاعر ابوبكر آدم الرقعى :

سبحان كيف لفاله غلانا اللى توا نقص مكياله
ياما زهينا في ايام اقباله ناصحه لى بيه دليتينى
واليوم بارمه عنا او عن مواله خنتى الفاظ العهد واكرهتينى
عليك درت عزم واجد مو باحياله حرمت ذكرتك فى السهو والتعينى
سبحان كيف انسيبه غلا قبل كان ابشهوته فى طيبه
ابقى من اسباب الخطو فيه الغيبه وابقيت جاحده فى العقل وامردينى
وبعد ما المغالى سد باب نصيبه وقالو نقص وانا اللوم اخطينى
نشطب عليه باحمر سجل سريبه وبالنار نحرقه وانشوف من يرضينى
سبحان كيف انهونه غلا قبل ولانى او قابل عونه
لو ما عزيز بادر ابفعل الخونه كنت بالوفا عابى اوفاسرع حينى
لكن ارضى لخلاف سود اعيونه نكرنى برم عهده امعا لاخرينى
مالى حسايف عن رطب عرجونه كليت خيرته فى شهوت التعيينى
سبحان كيف تهاضى غلا قبل كاين فى القلوب تماضى
وسبحان من مغالى كيف خان الفاظه اللى قبل نا وياه متفقينى
اليوم بالغلا برم مع الحراضه ندمت فى غلاى امعاه شوه زينى
سبحان كيف اتخونى وسبحان يامرادى من يقول اتهونى
سياتك محن ذكراك من مكنونى ولا لك احقوق ان كان عاتبتينى
حساد الغلا تبعت بعد كرهونى او فى قولهم بالكذب ظنيتينى
واعلنتى خطاى معاك جا فى كونى ونا معاك صادق فى الغلا بيمنى
سبحان كيف صبرنا وكيف نا وانت ع الغلا هاجرنا
الياس من شورك خش خاض بحرنا لا فيه نتيتى ولا انذرتينى
لون الغلا خص شان خبرنا او تم فى افواه الناس صيته شينى
سبحانه اللى هنتك او هونتينى وانسيتك بعد ولعات وانسيتنى

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
سبحان اللي هنتك وهونتيني 116669782
dude333
dude333
مشرف المنتدى السياسي
مشرف المنتدى السياسي

ذكر
عدد المشاركات : 5585
العمر : 54
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

سبحان اللي هنتك وهونتيني Empty رد: سبحان اللي هنتك وهونتيني

مُساهمة من طرف يحيي المنفي 2013-07-30, 2:16 am

[b style="margin: 0px; padding: 0px; color: rgb(0, 0, 0); font-family: Arial; font-size: 24px; text-align: center; background-color: rgb(255, 250, 235);"]كلمات نابعة من واقع مرير 
أهديها لمن تشاء 
[/b]

يلى نهبتــــــوا ابلادنا وخنتــــــوها
امراض فى ضناكـــــم يالله تلقوها

عليك حـــــزين
يا بلاد ما فيهـــــا عـــــرب زينين
الباين علينا خمسطــــاش اثنين
ثورة جــــديده للعــــــرب نهدوها
انشيلوا السارق نقطعوا ليــدين
واللى تسلـــق رقبتـــــه نفنوها
اتعبنه ظليمه وحــــال تما شين
ودمعة يتامى ليش ماعــــدوها
ابكى عليهـــــم واذرفى ياعيـن
ناس بايعه عالقـرش حتى بوها

ياكذابه
يلى سرقتــــوا المجــــــد يانصابه
منكم خـــــراب الوطــــــن ياخرابه
يلى وعـــــدتــــــوا ليبيا تبنـــــوها
عصـــابه كبيــــــره جايبـــه عصابه
وثورة عظيمـــه غاليـه سرقـــوها
خـــذيتوا اصـــــوات الناس يانهابه
رميتوا الكرامـــه عالوطــــا بعتوها
ياريـــت نلقى يا احباب اجــــابـه
ليش ليبيا فى القلب ماحطـوها
يحيي المنفي
يحيي المنفي
جندي اول
جندي اول

ذكر
عدد المشاركات : 24
العمر : 31
رقم العضوية : 16290
قوة التقييم : 0
تاريخ التسجيل : 07/11/2012

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى