منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» وصول سيولة مالية إلى مصارف درنة قادمة من مصرف ليبيا المركزي البيضاء
اليوم في 10:07 am من طرف STAR

» مصارف درنة تعلن فتح أبوابها أمام المتعاملين بدءا من الأثنين القادم
اليوم في 10:07 am من طرف STAR

» تكليف العقيد خالد عبدالله آمراً للغرفة الأمنية المشتركة في شحات‎
اليوم في 10:06 am من طرف STAR

» شرق طبرق تري النور بعد انقطاع التيار 19 يوماً
اليوم في 10:06 am من طرف STAR

» إطلاق سراح رئيس ديوان حكومة طبرق بعد اختطافه في البيضاء
اليوم في 10:06 am من طرف STAR

» العقيد أحمد شعيب مدير أمن طبرق
اليوم في 10:05 am من طرف STAR

» خبراء جدد يؤدون اليمين القانونية للعمل بمركز الخبرة القضائية فرع طبرق
اليوم في 10:05 am من طرف STAR

» مديرو جهاز الإسعاف بالمنطقة الشرقية يطالبون بتعديل أوضاع الاعاشة
اليوم في 10:05 am من طرف STAR

» المسماري: البنيان المرصوص دعمت الهجوم على الهلال النفطي والسراج متحالف مع القاعدة
اليوم في 10:04 am من طرف STAR

» المجلس الأعلى لحوض النفط والغاز يستنكر الهجوم على منشأت النفط الليبية
اليوم في 10:04 am من طرف STAR

» الجيش يعلن وقف إطلاق النار في قنفودة غرب بنغازي
اليوم في 10:03 am من طرف STAR

» شورى بنغازي ينفي علاقته بأي مجموعات مسلحة في طرابلس
اليوم في 10:03 am من طرف STAR

» بلدية بنغازي تتسلم سيارات إسعاف من برنامج الأمم المتحدة الإنمائي
اليوم في 10:03 am من طرف STAR

» الصاعقة تحبط هجوم انتحاري بسيارة مفخخة
اليوم في 10:03 am من طرف STAR

» ناقلة نفط تستعد لتحميل 590 ألف برميل من ميناء الزويتينة
اليوم في 10:02 am من طرف STAR

بحـث
 
 

نتائج البحث
 


Rechercher بحث متقدم


بنت اتقول الطير الطاير.فيه اماير.خده ناير.عين الجاير.دور ظفا

استعرض الموضوع السابق استعرض الموضوع التالي اذهب الى الأسفل

بنت اتقول الطير الطاير.فيه اماير.خده ناير.عين الجاير.دور ظفا

مُساهمة من طرف ناصر العبيدى في 2013-02-14, 11:06 am

بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت اتقول زعيم افعسكر.وين تمسكر.من شبحتها لزم تسكر. ريم هميل اوجي يدسكر.كيف الباير.سكرني ماليش دباير. خل ايقولوا راح موسكر.داير داير .في سبها نخش خماير بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت اتقول هميل افيافي .جت ف صدافي.حد الزين عليها وافي. ليها دور محدر ضافي.لا الخصاير.تعتر وين تجي تساير. لي لاقدام الجره خافي.سواد قداير.كيف البخت عليا صاير بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت وليها دور اطوال.هلب جدال.فصايل جمعن يوم اقتال. فزاعه هم جوها ف الحال.علام نصاير.رفعوهن ماروش خصاير بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت اتقول زعيم الغابه.عد أهدابه.رشه والرشات غرابه. شبيه لي محزم ف شعابه.ريم وعاير.لي شارد ف حدود جزاير ليها زين وشي عجابه.منه حاير.باك اتكون اتكون طزاير(طزاير يعني ملايكه) بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت الها مالخصل يبان.أسود يدكان.كتايب من جيش الطليان. الي ناويني بنهيان. جاني فاير. كيف البركان الي تاير. الي من دور اسود ريان.كما لي ساير.درز محشد بأم بعاير. بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت اتقول الطير حصاوي.ف وآن حكاوي.محكها للعله داوي. الي نظارها قال شهاوي .لي نضاير.رمشه كيف رشاش دخاير. قاسي ماهوش علينا ماوي.كيف الغاير.نداوي زار افريق حباير بنت اتقول الطير الطاير.فيه اماير.خده ناير.عين الجاير.دور ظفاير.هالب لي لقدم امساير... بنت اتقول غزال شرود. معاشرهن وديان وقور. معاشرهن ماله حدود. شارد فوق جبال الدور. شارد ف طن امعا هود. ف وطن خلا خالي مهجور. ف وطن البوم يدير غرود. ف وان قطاء وسراب طيور. ف وان حباره تريد صيود. نداوي حط الها الناضور. كيف الصقر عيونه سود. اعيونك يم اميامي حور. اعين اتقول غريم صيود. نداويه من جنس صقور. عيونك كي طلقة البارود. عيونك فيهن سر بحور. سرك واضح بس مجحود. يريد خبير يرد الشور. يقول غزال شبع بورود. انفاسه من خيرة لعطور. ايفوح بالي هو موجود. نفاسه تحلف كان بخور. لهى دور منظم بعقود. غزير و كيدها مظفور. نعد كي اركيب ممدود. علي وطن مربع مخضور. الي حادر دود ورا دود . فصايل جمعن طور بطور. و ضابط لمدهم لجنود. حاماي وطنه دوم غيور. اتقول مسادي لي لجرود السالف طاح اسيور اسيور. و الحاجب ناير مايقود. شبيه شبيه اهلال فطور. جاب الفرح الي مفقود. بعد تسع وعشرين سحور. او ين اتوق لها جرعود. كما صقر لصيده محدور. الا نا مانعنديش جهود. انقابل بو مخلب سطور. شهاده انها حد المقصود. الي نايلها هو مسرور. افسباها عقلي مايعود.. راح قهاير. مالي صف هميل عقاير. بنت اتقول الطير الطاير.فيك اماير.خده ناير.عين الجاير.دور ضفاير.هالب لي لقدم امساير. بنت الها من الصيط شريف عربها ناس لهم هيبات. عرب ركبه فوق خفيف. سريع الدعسه ف الدعكات. خفيف كيف نسوم الطيف. امين نكزها بركبات. عرب بانو كانجوم الصيف. صقر مهمش عقابات. عرب مافيهاش سفاسيف. دوزين ايردو الشورات. مروكز نجعه بتزغريف. ولوحه لمت للاوانات. لهم بيت امرودع ع الكيف. مرودع من يد الحرات. اوناسك مايبو تعريف. لهم مالماضي ذكريات. عرب تفرح لجاه ضيف. ايجودو بلي موجودات. اليا دار البارود زنيف. يجو فوق اخيول قويأت . ايهبو عالموت محاديف. ايجو كي الهايج بوموجات. عرب مو مغبيه ف توصيف. عرب كسابه ام شمالات. ((أم شمالات البل)) فحلها وين ادير حفيف. اتقول سناسل دبابات. لي ماشي حيف علي حيف. اتقول الضابط بو رتبات. او رورته ياكيف اوكيف. اتقول هديل الشلالات. نزل عرقه ان كيف دريف. اتقول مضخات مضخات. ودروه هن يالاطيف. تقول الا كان اهرمات. ازرقلونه مش ضريف. مجنس من خير فصيالات لي منقابه كيف السيف. نهار وجوهم غزيات. يضل عاديهم دوم رجيف. كي الضراير.يجو فزاعه ف أم غزاير. ناسك ليهم صيط عفيف. جلا الفقاير.الي سمتهم دوم مداير. بنت اتقول الطير الطاير.فيك اماير.خده ناير.عين الجاير. دور ظفاير.هالب لي لقدم امساير... بنت اتقول هميل عنكنسه. الها هدب العين امشابك. جدي لي مستوعر قنصه. ماجابه قانص دارك. فن الصيد عليه اصتعصه. اوين لفا قدامه ارباك. لوحا من لوحات فرنسه. من نليزه تبكي و تضحك. نجمه في لوطا اتخنسه. سبحانه ربي المالك. وهبه زين الله يحرسه. فطن وعلم الكون فلك. هلي مومعروفه جنسه. ريم وحر وشي يشك. شيخ الجامع لخبط نسه. ف الخطبه جمل باسماك. مس الماس لي هو مسه. وقال عليها الله يبارك. ((الله يبارك الله يبارك)) الي حافض لكتاب درسه. جاء ف الخطبه راسه حك. كيف الطير يغرد حسه. ف سباها نخوض معارك. نعد كي بابور و رسه. ف أمواج بحرنا يداعك. متمني عالناس اندسه. خايف مالمعيان يعــــك. ((صلي ع النبي)) كيف لي هو جاتا غصه. الي ناضرها راح استك. الها دور امسفي بلقصه. وعين كما لكلاشن تك. من خيرة العطار نفسه. ايفوح برياح الماسك. من نظرتهاالنض اتجسه. موداعي ليدك تمسك. ودعي يقسم سمح القصه. ف وآن فجاير.يسمع فينا رب بشاير بنت اتقول الطير الطاير .فيك اماير .خده ناير.عين الجاير.دور ظفاير.هالب لي لقدم امساير.. بنت وليها دور اكداس. يميح علي لكتوف حدر. لي ماكيفه في هالناس. ولاكيفه في هاالبشر. لي عينه عين الغطراس الطير لي سموه الحر. الي في زينه هو الاساس. سبحان العالي صور. عطاك العاطي عطية ماس. لي من بعده هو يبهر. عرنين كماء شفرة فاس. و نازل لي الوطاء يحفر. ماغير نازل فيا بحماس. وحلف لي فكري بيظر. الخاطر ياسمحة الانفاس. طريله مطاره لي سكر. لي شارب كاس ورا كاس. الي في الوسكي هو جامر. منها نا عقلي منهاس. اورايح فكري مدهور. ومنك ناشعري مفلاس. اولا بيت ف بيتي يعبر. مغير كلامي ف المجلاس. علي بعدك ماني صابر. اولاتقولو راجل هلواس. ((راكم اتقولوا ههههه)) ايبين لــــي مو ناظر. لي جبنونه كي البسباس. لي صاعب توصيفه مر. ف وصفه عندي شوق اقواس. يحللهن واحد شاطر. جمال وحشمه ورفعت راس. يخلنك ديمه ساهر. نلجي من ناره منحاس. ولاطفي يجيب خبر. ومعلومه للي قصقاص. جماله باهر ماهو سر. نعلن توبه اليوم خلاص. علي هجر الريم الكافر. ولاتصبرني ياتراس. علي صاير.دمعي يزابه قطاير. بنت اتقول الطير الطاير .فيك اماير .خده ناير.عين الجاير.دور ضفاير.هالب لي لقدم امساير... بنت اتقول غريم الصيد. شامخ فوق الوطن خبيره. وطن علي لوطان بعيد. وطن لي ماريت نضيره. انضر بالك لي تاجيد. الريم لي سمح التصوره. بالك نلقو جوف الجيد. لي مشيتها بتمخطيره. لي خلا ف الجوف صهيد. ونار معي دوم كبيره. نطفيها و تعود تعيد. تريد وصاف هميل وعيره. وما تنقص كل يوم تزيد. مانشفاء من هوال صطيره. وتميت انغرد تغريـــــــد. وكساري مافي ليه جبيره. وخيكم منها رافع ليد. هدب عيونه كي الدخيره. لي ماريتش ليه نديد. خلق وعفه وسمح السيره. شبيه لي ف الوطان شريد. الريم الي همل في ديره. اله سالف ياكي الجريد. جيش امجند يوم مسيره. ع المشطه دوم يكيد. منها الخاطر جاته حيره* الي مسكنها بني وليد* الي عالحق الهم تكبير وبيتك مايبي تمجيد* نال قداير.من ناس دوازين كباير. بنت اتقول الطير الطاير .فيك اماير .خده ناير .عين الجاير.دور ظفاير.هالب لي لقدم امساير.

ناصر العبيدى
جندي اول
جندي اول

ذكر
عدد المشاركات : 27
العمر : 46
رقم العضوية : 6003
قوة التقييم : 0
تاريخ التسجيل : 17/08/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى