ياصاحبي..تصف احوالنا في البلاد...

للشاعر بوبكر علي القديري

يــاصـاحبـي بالتـخـابــيـط ** اتنال مركزك في المعالـي
حواسـة العـلـل والجلاليط ** بقـي قـولـهم هـو ايـوالـي
تقول (كيف) تلقي المفاريط ** عليك ساحبه بالـقتالـي
الـلـي سمـيو بالشعـابـيـط ** رقـو اظـهورنا بالـغفالـي
الحـوت فالبحـر والقرانيـط ** الهـن شبـكـو في الـليالـي
بالـوطـن راحـو مـزايـيــط ** وبـقـيـنه افديـهم تسـالـي
واحـنا دهـرنا ماهوبسيط ** مـعـانيـيـن حملة اقلالـي
ولا نشـربو فـالمـخالـيـط ** ولا ناكـلـو في الفـضالـي
ولا الليل نبقو مساميط ** ولا نـدنـقـرو فـي الثمـالـي
ولا نلبسو في الكبابيط ** ورا الجود مو في البدالـي
ولا نعقدو في القراويط ** علي شان منصب اهلالي
ولا ندلعو في السبابيط ** ولا نقـرضو فـي المجـالي
ولا رزقـنا بـالـتلاقـيـط ** احـنا نكـسـبو بـالـحلالــي
لـي تـنـعـقـد بالـربابيط ** احـنا الـهـا فـكـة هـوالـي
ركـابـة الكوت المشيط ** سـبـيـبـه يـجرجر سبالـي
ان جانـه النـازل هويـط ** ايـجـيـه الـفـخـر مايـوالـي
اوجوه شارها به مباسيط ** تقول بدر زاهي طرالي
ولابـيـنـهـم نـود وعـبيـط ** شمـام الخـبر والضلالي
ميط مالعـرب بالتـماريــط **( ايجـو بالعصـا) للعدالي
اقلال الحشم بالتساويـط ** حشا اوجوه خافت العالي
من غرب شرق المحيط ** صلاة عالنبي ختمة سوالي