منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..

انضم إلى المنتدى ، فالأمر سريع وسهل

منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
منتديات عيت ارفاد التميمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» أندية السعودية تزاحم آرسنال على صفقة عربية
اسماح المنازل وين ما يدّانوا Icon_minitime1أمس في 2:51 pm من طرف STAR

» مانشستر يونايتد يستهدف مهاجم ريال مدريد
اسماح المنازل وين ما يدّانوا Icon_minitime1أمس في 2:51 pm من طرف STAR

» نجم آرسنال على طاولة برشلونة
اسماح المنازل وين ما يدّانوا Icon_minitime1أمس في 2:50 pm من طرف STAR

» مدن في ماليزيا تضمن للسائحين قضاء إجازة استثنائية
اسماح المنازل وين ما يدّانوا Icon_minitime1أمس في 2:50 pm من طرف STAR

» كيفية تعطيل وظائف مشاركة الملفات في الهواتف الذكية
اسماح المنازل وين ما يدّانوا Icon_minitime1أمس في 2:49 pm من طرف STAR

» ما هو سبب الخمول خلال النهار وما هي الاطعمة التي علينا تجنبها
اسماح المنازل وين ما يدّانوا Icon_minitime1أمس في 2:48 pm من طرف STAR

» حالة مزمنة تؤثر على 40% من سكان العالم تسرع من شيخوخة الدماغ
اسماح المنازل وين ما يدّانوا Icon_minitime1أمس في 2:48 pm من طرف STAR

» كيك الشاي بالزعفران والبرتقال
اسماح المنازل وين ما يدّانوا Icon_minitime1أمس في 2:47 pm من طرف STAR

» الصلاة علي رسول الله+الاستغفار+ذكر الشهادة+كفارة المجلس
اسماح المنازل وين ما يدّانوا Icon_minitime1أمس في 2:44 pm من طرف STAR

» عناصر غذائية تنشط الغدة الدرقية
اسماح المنازل وين ما يدّانوا Icon_minitime12024-03-27, 2:13 pm من طرف STAR

» رونالدو يصب غضبه على الحكم الرابع بعد خسارة مدوية للبرتغال
اسماح المنازل وين ما يدّانوا Icon_minitime12024-03-27, 2:13 pm من طرف STAR

» ما الأفضل الاستحمام ليلا أم صباحا؟
اسماح المنازل وين ما يدّانوا Icon_minitime12024-03-27, 2:11 pm من طرف STAR

» كبدة دجاج مقلية مع حمص بالبصل
اسماح المنازل وين ما يدّانوا Icon_minitime12024-03-27, 2:10 pm من طرف STAR

» مباريات الثلاثاء 26/3/2024 وقنوات الناقلة
اسماح المنازل وين ما يدّانوا Icon_minitime12024-03-26, 3:24 pm من طرف STAR

» جولة على الجسور القديمة... معالم شهيرة صمدت على مر التاريخ
اسماح المنازل وين ما يدّانوا Icon_minitime12024-03-26, 3:21 pm من طرف STAR

بحـث
 
 

نتائج البحث
 


Rechercher بحث متقدم


اسماح المنازل وين ما يدّانوا

اذهب الى الأسفل

اسماح المنازل وين ما يدّانوا Empty اسماح المنازل وين ما يدّانوا

مُساهمة من طرف dude333 2013-03-17, 9:22 am

اسماح المنازل وين ما يدّانوا

ما اتقول فيهن كانوا... اسماح المنازل وين ما يدّانوا.. أجواف يصهدن

ما اتقول فـيـهــن حطــّـوا .............. رجّـاله ا حدود الله ماايتخطوا
عن واجب صلاة الفجرما ايتبطوا .............. وذكر الجلاله ماعليه ايوانوا
اديارهم امقبل وين ما ايتوطو ..............قدام الجوازل نازلين ايبانوا

ما اتقول كانن قبل في هـاللـفة ..............قدّام الجوازل فيه بك نعرفها
تريس ولقيح ونجع داير ضفة.............. رفقهم حليب وحب ماينهانوا
اصحاب المروة والحيا والعـفة.............. اللي لقربهم جيرانهم يطمانوا
منهم وم اللي سود روس شعـفها ..............خلـيـَـن هوادين الخلا سبحانو

ما اتقول فيهن ضاري.............. كنا ننزلوا من قبل هالصحاري
واقناتن يلـقـّن من اشبوب بداري.............. ا رعوده اتـّل ومزنته تدغانو
نبت قيقلانه في ا رمال قعاري..............بهارير لجـّاته اتقول اجنانوا
الملح البساط وطيبين الطاري.............. مـسـّع نهار اقدرت ع النسيانو
عليهن انجيت هالب ايحوس مداري..............منازل اللي تحت التراب ادفانوا
الدايم الله مالك الملك الباري.............. من هول السعير بقدرته ينصانوا
مسـيـّر احكام الكون وامره جاري.............. رافع السما عالي بلا عمدانو
العالم بلفظ الجهر والمتواري ..............تلاقيه يوم العرض ع الميزانو
جعل كل نفس لها ملف إداري..............وبما قدّمت لحسابها ترهانو

ما اتـقــول ياخــرّامـــة ..............نزل نجع واجد فيك دق ارمامه
شيابه اكرام ويعرفوا الكرامة..............لا يشهدوا بالزور لايفتانوا
واحذاهم لقيح اسمان دار اكلامه..............ا صغار هله والرعيان فيه يعانوا
من يومن مشوا منك وفيك غمامة..............وريـبة وانا وانتي عدو نـشـّانوا
عارفه انجاك اللي ارقاق عزامه..............عليه يخطروا وايقول يانا يانو

ما اتقول وين تعـلاّ.............. نزيل البداري والجوازل ملاّ
رحـالينهم جـبـّن اتقول محلة ..............علي هـَـود بين الربد والظلمانو
لقوهن هناك مطوحات الجلـّـة.............. عقاير اكبار ابعاد ع القيطانو
منازل ابوادي طيبين الملة ..............ع الفطرة طبيعـتم صفا واحسانو
يجتنبوا جميع اللي ا محـرّم كله.............. فناهم الدهر ولا نبيهم خانوا
قـدّام دارهم ديما اهناك امصلـّى ........... طوايف ايجوه ويرفعوا لاذانو

ما اتقول فيهن سنـّـدوا يابابا .............. ثناوي لقيح واجد بعيد عقابه
والجازل امقبـّـل صابـّـات ارقابه ........من ميحة بداري فاوّل الخرفانو
خلين منازلهم اللي جوّابه.............. من وادي المرا لاعند بالحيضانو
بوادي شوامس حيلهم ضرّابه ..............لصيد الخلا واثقال ع العدوانو
فنتهم الدنيا هابتين وهابة.............. يامي ناظرة من اشداد ولانـوا
الدايم الله وين النبي واصحابه .............اللي ع الحياة بربنا استعانوا

ما اتقول بين انقوبة ..............ملـثـّم عليهن دَور داير كوبة
زناكيل جلبوبة ورا جلبوبة ..............كيف المراكب سنّدوا رحلانو
معا سيل متقاوي نزيل اشبوبه ...........اليوم لولي واليوم لاخر ثانو

تناشوا ربيع ابساط فيه اضبوبة ........... تظليمة اجباله كيف نوبة كانو
وللبل اللي ما كيفها مكسوبة .............. ماخير منه وطن في لوطانو

ما اتقول عمره جاهم ... .............. الجار الغريب وعاش في ردّاهـم
نـسـّاه الحبايب والقراب دفاهم.............. جربهم القيهم هل كرم وامانو
غليو عليه اقبل العيش امعاهم ..............ابعاد المواجع طيبكم جيرانو
بروايتين ورش وحفص حيل اقراهم ...... اصواتم اتجلي ع الكدي لحزانو
مواعين ديما صافيات انياهم ............. لاعندهم لا زود لا انقصانو

ما اتقول فيهن قابـــل ... ............. اركيـّب اسمان ونبتن متخابل
حطبهن هظاك السمح رايح ذابل......... لجواف والروامص والحباب انعانوا
فيهم عزا مازلت ماني قابل.............. ادموعي عليهم مالهن شي وانـو

ما اتقول يارجّـالــه .. ............... اركيّـب ضنا عثمان من جفـّـاله
لزياق البلط يقرن وهي تفـّالة ..............كبيرة العقاير واسعة لركانو
من ميحة امزان ارعودهاتلتالة .............. فاوّل تـكوبر نوّضـت وديانو
رقيت اتطوح فيه ع الجلجالة ..............رقيق الحطب م الغوط والشطبانو
لمست ابساط اربد ايبان غزاله.............. جلايب , جلايب ملية الحيوانو
دبيب العدام هضاك له قـتـّاله.............. ان لعبت اودارت ع الجمل حورانو
وتربع اوين القيض جا ميجاله ..............تهلب ثقيل النوم ، م الرعيانو
من قبله اتجيه وفيه تاخذ داله.............. قدام بلغـرب ديما لها معـطانو

ما اتـقـول ويـن الـذاكــر.. ............... توضا لميعادالصلاه الباكر
سود م العرق جبن اتقول عساكر......... اسماح الندا في الفجر ع الفرقـانـو
واصبح الغوش بخيرحامد شاكر.. .......... في احسن طناطين الزها طربانو

مااتقول يوم الشيـله....................... من جوف لـثـل وارقابه وجوف لثيله
نزل في امويزر نجع عيت ارميله .......... اتقول في الناس القواري زانو
ولااتقول قدام الفقيه عويله.. .............. في المغـرب تلو حزبين م القورآنو
ولا اقرب حليب وحمل و افي كيله..........مصرم علي هايج اقلالي قانو
الدائم الله اكملو هـم واكحيله ..............وخلين منازلهم ايام زمانو

مااتـقــول بين الــجــــازل ... .............. واخشوم الوامص نازلين منازل
ولا بات قبليهم لقيح زلازل ... .............. حدايجه اكبار او زرق في للوانو
يسقوه الحليب اوما اتجيه مهازل.............. الجار المجاور فيه ما يشيانو

مااتقول حــاش عـليهم... .. ............... الشـول المقاوي لاسرح قبليهم
ولا اتقول كانت م الجريد اتجيهم ..............قوافـل ولا دنّو اجمال اخشانو
ايحوس المدار عندي بعـد نطـريهم ............ حبايب الله واكبر فـنـو افـنـيانـو
وفي اخرّ كلامي فاتحه انعطيهم ..............اجعلهم معا الصادق بـني عدنانو

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اسماح المنازل وين ما يدّانوا 116669782
dude333
dude333
مشرف المنتدى السياسي
مشرف المنتدى السياسي

ذكر
عدد المشاركات : 5585
العمر : 54
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى