من روائع رويعي الفاخري

الشاعر : الرويعي الفاخري .... يتفنن في الشعر الشعبي
ويتحدث عنه بطريقه لم يتطرق إليها أحد من قبل ويظهر خباياه بشكل جديد وجميل ورائع :


الغابي مع غبو غيهب غبيب ،،،، الغابي غبا وين مول الغباوي .
إن قتلي بحر شعر وزنه غريب ،،،، انقولك قديم فيه مد الغناوي .
الشعر انحكى فيه واجد او جيب ،،،، جديد وقديم فيه لمس الخفاوي .
وﻻ حودده ﻻ الشيخ اللبيب ،،،، ارحيم وﻻ حودده بوجﻻوي .
بلون وبﻻ لون ظاهر وغيب ،،،، وحساب إلعداد فيه كاثر وشاوي .
يذب من وراء رمش عين الرقيب ،،،، ويظهر علم تحت شمس الضحاوي .
يقتل أوقات فيه ضرب الزبيب ،،،، ويبري أوقات فيه سم المداوي .
يسكر اتﻻع غر مامن رعيب ،،،، ويشيط النار نين ترقى سماوي .
حتى أن كنت نا فيه ماني خصيب ،،،، وشاعر ومازلت بحساب هاوي .
إﻻ نفرق الزين م اللي عطيب ،،،، فيه وعلي ماتخيل الحجاوي .
نسمع دريز فيه دب الدبيب ،،،، تحت الطراقيع والسيل داوي .
وننظر اجﻻل ذيب راس الشطيب ،،،، بين الحطب فيه والليل هاوي .
ﻻتغربي فيه ودعة الشيب ،،،، تلصف علي راس مدمور خاوي .
وﻻيغربي فيه مدح ورجيب ،،،، ومد الحليب فيه بو سم كاوي .
إلكل حرف جاء فيه نقرا عقيب ،،،، وعارف دﻻﻻت صم اللغاوي .
نين ع الكﻻم فيه جاني الريب ،،،، بكيه علي صبي عين الغشاوي .
ونفضح تفاصيل وجه المريب ،،،، اللي من وراء الضحك خافي دعاوي .
وصاحبي اللي فيه ظني يخيب ،،،، يربح بﻻ موجعات الحكاوي .
إن غاب ماعليه شيء خله يغيب ،،،، وإن جاء في عفا يبات شابع وراوي .
ورامي الخير في رميه يصيب ،،،، ويروح بهن غانمات الغزاوي .
ورووس العرب دوم ماني ذهيب ،،،، عليهم وﻻ إنريد غيرهم انخاوي .
اطوال العنا سماح ثني الوجيب ،،،، وشور الخطا قﻻل مد الخطاوي .
ألهم في المواعيد صدري رحيب ،،،، وهم زاد ماتخيب فيهم سعاوي

رائعة تسلم انت والشاعر

تسلم خوي على الاختيار الرائع،،،،،،وعالكلام الباهي

حق دق شين

شكرا لك

فعلا شاعر