إعلانات المنتدي
المواضيع الأخيرة
بحـث
سبحان اللي هنتك
صفحة 1 من اصل 1
سبحان اللي هنتك
قصيدة/ لمعتوق أدم الرقعي
سبحانه اللِّي هنتك وهوَّنتينى...........ونسيتك بعد ولعات ونْسيتيني
سبحان كيف قسمنا بعد الغلا هو كيف صار خصمنا
وليش فى الفراق انت ونا ساهمنا عليه نين لا لمتك او لا لمتينى
وليش نركنو للياس نين حكمنا اوهو قبل ما يقدر احذاك ايجينى
سبحان كيف صبرتى او كيف يا مرادى ع الخلاف اقدرتى
زمان فى سبيل ارضاى ياما درتى حتى للشروط الواعرات اتلينى
واليوم عن طريقك لولى حودتى بلا عيب درته فيك عاديتينى
سبحان كيف تحول غلانا اللى هو كسبنا فى لول
ربيعه زهى واجد او خيره طول اياما او كانن مقبلات اسنينى
واليوم فيك ياسك بالخراب ايعول او صافن اخضاراته قبالة عينى
سبحان كيف انسيته زولك اللى فى خلق مسع ريته
واليوم ناكرك يا حلوة التبهيته حتى لو طرونى فى علل تنعينى
سبحان كيف انسيتك اوهو كيف جانى صبر نين اخطيتك
ايام قبل ما نزها اللا فى بيتك نا حرك وانت زاد ما تنهينى
اليوم من سريب غلاى طارت نيتك او كى بضاعة اسرائيل قاطعتينى
سبحان كيف تلاشا غلانا او فيه الياس حطو باشا
والقدر بيننا تما امغير شباشا على الحال تبرمى حتى ان لاقيتينى
ما نحسبوه ايسير يا دوداشا الخطا بيننا وانت عليه اتعينى
انسيت ايامك وابقى شطب فى دفتر غلاى كلامك
وزالت امهاياته جمال قوامك او هو قبل حتى فى المنام ايجينى
الياس قاطره ذوب عقاب غرامك اللى قبل جا بين الحياة او بينى
انسيت منابك وانت زاد من شورى قفلت بابك
لا عاد تشقيبى ولا نشقابك انت دنقرى ونا انواطى عينى
حتى بيش نقار الغلا يحسابك لا قبل ريتك يوم لا ريتينى
انسيت سحر اعيونك وانسيت كيف سبحانه لطافة لونك
حساد الغلا دارو دسايس دونك حتى نين جافيتك او جافيتينى
اوعاد يطعنو لى فى بياض اسنونك اللى قبل ما تزها بغيره عينى
انسيت سريبك اوناجد الساع نصيب كيف نصيبك
مخدوع كنت فى كثرة غلاك او طيبك بين الرجا والياس خلليتينى
وين ما قريت اسطور فى تنسيبك نهيت خاطرى بطل عليك حنينى
انسيت حقوقك وانت زاد سكرت احساب اطلوقك
واليوم شيك غياتى زطل فى سوقك وانت عملتك ما عاد ماء تسقينى
انسيت لوعة نارك او قصر على زرعى سحاب امطارك
ايام والغلا مصيون بين اقدارك نا نسال وانت بالجواب اتجينى
واليوم وين منظارى خطى منظارك ما عاد جيمك حل غامض سينى
انسيت لفظ السانك وانسيت كل درب ايشيلنى لمكانك
بعد صار باب النقص فى ميزانك خللى سرنا مدفون بينك بينى
وخللى اللى حارس اثمار جنانك ايحاحى على طيرى بعد يرعينى
ادريس امراجع- رئيس عرفاء
-
عدد المشاركات : 138
العمر : 57
رقم العضوية : 528
قوة التقييم : 4
تاريخ التسجيل : 15/09/2009
مواضيع مماثلة
» سبحان اللي هنتك وهونتيني
» سبحان كيف هنتك وهاونتينى..
» سبحانه اللي هنتك وهوّنتيني..
» سبحان اللي عزيز اجراحه
» اللعبة واضحة وهي اللي يوصل رقم 9 يرمي العضو اللي قاهره من ا
» سبحان كيف هنتك وهاونتينى..
» سبحانه اللي هنتك وهوّنتيني..
» سبحان اللي عزيز اجراحه
» اللعبة واضحة وهي اللي يوصل رقم 9 يرمي العضو اللي قاهره من ا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
أمس في 2:51 pm من طرف STAR
» مانشستر يونايتد يستهدف مهاجم ريال مدريد
أمس في 2:51 pm من طرف STAR
» نجم آرسنال على طاولة برشلونة
أمس في 2:50 pm من طرف STAR
» مدن في ماليزيا تضمن للسائحين قضاء إجازة استثنائية
أمس في 2:50 pm من طرف STAR
» كيفية تعطيل وظائف مشاركة الملفات في الهواتف الذكية
أمس في 2:49 pm من طرف STAR
» ما هو سبب الخمول خلال النهار وما هي الاطعمة التي علينا تجنبها
أمس في 2:48 pm من طرف STAR
» حالة مزمنة تؤثر على 40% من سكان العالم تسرع من شيخوخة الدماغ
أمس في 2:48 pm من طرف STAR
» كيك الشاي بالزعفران والبرتقال
أمس في 2:47 pm من طرف STAR
» الصلاة علي رسول الله+الاستغفار+ذكر الشهادة+كفارة المجلس
أمس في 2:44 pm من طرف STAR
» عناصر غذائية تنشط الغدة الدرقية
2024-03-27, 2:13 pm من طرف STAR
» رونالدو يصب غضبه على الحكم الرابع بعد خسارة مدوية للبرتغال
2024-03-27, 2:13 pm من طرف STAR
» ما الأفضل الاستحمام ليلا أم صباحا؟
2024-03-27, 2:11 pm من طرف STAR
» كبدة دجاج مقلية مع حمص بالبصل
2024-03-27, 2:10 pm من طرف STAR
» مباريات الثلاثاء 26/3/2024 وقنوات الناقلة
2024-03-26, 3:24 pm من طرف STAR
» جولة على الجسور القديمة... معالم شهيرة صمدت على مر التاريخ
2024-03-26, 3:21 pm من طرف STAR