إعلانات المنتدي
المواضيع الأخيرة
بحـث
اللى قبل ياصاحب اشداد اعزومة
اللى قبل ياصاحب اشداد اعزومة
اللى قبل ياصاحب اشداد اعزومة/ للشاعر الشريف الشارف الحرنة
ياما فوّت .. وياما خذا ليلة وهو ايتكوت
شكا وتكدّر .. وحاس خاطرة نين الحجايج ودر
وهو كان بالقول السديد ايبدر .. وجابه ايسكّت فى تريس اقرومة
واليوم جملة له اللى ناض له متصدر .. ما ساومة شرّاى راقد سومة
جميع هبل دار اقروش تم ايهدّر .. خصيص لا ايثمّر لاايفض خصومة
ولا ايحض قولة شيخ لايتقدر .. امغير الهفاك ايكنبلوا فى البومة
ياما هلّب .. وياما خذا ليل وهو ايتقلب
باح ابسرة .. خزين هم لو طول امعاه ايضرة
شكا وتحيّر .. وداله ضعا كداه نومة طير
شكا بأوجاعة .. وسلم ورام اطباع موش اطباعة
اللى قبل ياصاحب اشداد اعزومة .... عليه دنيته ضاقت شكا بهمومة.
ياما فوّت .. وياما خذا ليلة وهو ايتكوت
واليوم وينما ما ناره عليه تقوت .. شكى لناس ما تعرف أُصول اللومة
وفيه ناس من هم الحياة تموّت .. وفيه ناس تاخذ عا لصغا واترومة
وفيه ناس ما وجبة لضايف سوّت .. قولة ايسارة عندهم مردومة
وفيه ناس لامدت صدايق شوّت .. ومالهم مع لرقاب داير زومة
وفيه ناس من هم الحياة تموّت .. وفيه ناس تاخذ عا لصغا واترومة
وفيه ناس ما وجبة لضايف سوّت .. قولة ايسارة عندهم مردومة
وفيه ناس لامدت صدايق شوّت .. ومالهم مع لرقاب داير زومة
شكا وتكدّر .. وحاس خاطرة نين الحجايج ودر
وهو كان بالقول السديد ايبدر .. وجابه ايسكّت فى تريس اقرومة
واليوم جملة له اللى ناض له متصدر .. ما ساومة شرّاى راقد سومة
جميع هبل دار اقروش تم ايهدّر .. خصيص لا ايثمّر لاايفض خصومة
ولا ايحض قولة شيخ لايتقدر .. امغير الهفاك ايكنبلوا فى البومة
ياما هلّب .. وياما خذا ليل وهو ايتقلب
الجرف الكبير ايكيد من يجلب .. حتى وهو خبير واجدات اعلومة
ولو امغير يصبر عالبلا ايتغلب .. ايزولن ابعون الله كل اغمومة
إيموت العفيف ولا الناس ايطلب .. حتى لو اقصر عن بلة الحرجومة
وفيه ناس لادارت نما اتكلب .. ما اتقول كانت بايسه محرومة
ومرات الملمّ ايساند المتصلب .. وينكر الحق الواضحات ارسومى
ولو امغير يصبر عالبلا ايتغلب .. ايزولن ابعون الله كل اغمومة
إيموت العفيف ولا الناس ايطلب .. حتى لو اقصر عن بلة الحرجومة
وفيه ناس لادارت نما اتكلب .. ما اتقول كانت بايسه محرومة
ومرات الملمّ ايساند المتصلب .. وينكر الحق الواضحات ارسومى
باح ابسرة .. خزين هم لو طول امعاه ايضرة
وبانت اللى عالناس ما اتورا .. بركانها ايزلزل هايجات احمومة
اتجيك مرّ منها تجبرك عالمرة .. اتزيغ نفس كانت عالخطا معصومة
واللى قبل تشكر فيه يظهر شرة .. ابصِيت شين مشرافك ايوطى كومة
حتى وين مامن فعلته اتبرّا .. اتبات من اجرارة ليلتك مقسومة
واتطيح قيمتك داخل احاك وبرة .. عليك كل متسبل ايشن اهجومة
شوامت وفيك امواتيتم زرة .. وفى كل عين ايقطرولك ثومة
اتجيك مرّ منها تجبرك عالمرة .. اتزيغ نفس كانت عالخطا معصومة
واللى قبل تشكر فيه يظهر شرة .. ابصِيت شين مشرافك ايوطى كومة
حتى وين مامن فعلته اتبرّا .. اتبات من اجرارة ليلتك مقسومة
واتطيح قيمتك داخل احاك وبرة .. عليك كل متسبل ايشن اهجومة
شوامت وفيك امواتيتم زرة .. وفى كل عين ايقطرولك ثومة
شكا وتحيّر .. وداله ضعا كداه نومة طير
وليل الهناء اتحازيه ليل اقصير .. إيزهن الجاضر نسمته وانجومة
وليل النكد يطوال ما ايتغير .. امظلم وريحة خامدة معدومة
ولو نصبروا عون الكريم ايدير .. إيفرج وهى مطبقة امغمومة
امغير عقل لبنادم ملول امتير .. ديمة امعجل ضايقات اعلومة
وليل النكد يطوال ما ايتغير .. امظلم وريحة خامدة معدومة
ولو نصبروا عون الكريم ايدير .. إيفرج وهى مطبقة امغمومة
امغير عقل لبنادم ملول امتير .. ديمة امعجل ضايقات اعلومة
شكا بأوجاعة .. وسلم ورام اطباع موش اطباعة
جبل خشن فى عرضة وفى ارتفاعة .. تخلاق ياقرينى اتهدمة قادومة
أساوة مع وجه الوطا فى ساعة .. ثوا ثويت العيدان فى المفحومة
ومركب جنح كسر عمود اشراعة .. مشا اطلوم يطافر على ديمومة
يزهو اعداك لو يلقوا عليك ايشاعة .. يابال حاجة واكدة مختومة
واللى وين ما حق اللطيف ادّاعة .. لِيهانة وطيحت قيمتة محتومة
وان جاه نصح يسابه ايحل اسماعة .. العارف ويغسل مالشواه اهدومة
وناس واجدة عند البلا خناعة .. ولهم عند ساعة الراحة هير وزومة
أمنين الفلسطينى لوا مقلاعة .. ابحيطة ايعاند فى جيوش حكومة
وفجّر عبوّة للجسد مزّاعة .. بعد شاف اّمالة خاضعة مهزومة
ألقى افزاع جيرانة طفير إذاعة .. وخدعة سلام مالعدو مدعومة
لاينهضوه ولا ايجو فزّاعة .. نين بالعوينة تثمر البطومة
طلبنا الله ايعينا ع الطاعة .. وإجيب نصر يحيينا اهبوب نسومة
وبأذنه انّالوا مالرسول شفاعة .. نهار والخلايق بالعرق ملجومة
أساوة مع وجه الوطا فى ساعة .. ثوا ثويت العيدان فى المفحومة
ومركب جنح كسر عمود اشراعة .. مشا اطلوم يطافر على ديمومة
يزهو اعداك لو يلقوا عليك ايشاعة .. يابال حاجة واكدة مختومة
واللى وين ما حق اللطيف ادّاعة .. لِيهانة وطيحت قيمتة محتومة
وان جاه نصح يسابه ايحل اسماعة .. العارف ويغسل مالشواه اهدومة
وناس واجدة عند البلا خناعة .. ولهم عند ساعة الراحة هير وزومة
أمنين الفلسطينى لوا مقلاعة .. ابحيطة ايعاند فى جيوش حكومة
وفجّر عبوّة للجسد مزّاعة .. بعد شاف اّمالة خاضعة مهزومة
ألقى افزاع جيرانة طفير إذاعة .. وخدعة سلام مالعدو مدعومة
لاينهضوه ولا ايجو فزّاعة .. نين بالعوينة تثمر البطومة
طلبنا الله ايعينا ع الطاعة .. وإجيب نصر يحيينا اهبوب نسومة
وبأذنه انّالوا مالرسول شفاعة .. نهار والخلايق بالعرق ملجومة
ادريس امراجع- رئيس عرفاء
-
عدد المشاركات : 134
العمر : 51
رقم العضوية : 528
قوة التقييم : 4
تاريخ التسجيل : 15/09/2009
رد: اللى قبل ياصاحب اشداد اعزومة
لك الشكر على هذه القصيده اختيار موفق
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» 1.2 مليون طن استهلاك ليبيا من الحبوب عام 2018
» أرحومة: تهريب سلع منتهية الصلاحية إلى الأسواق الليبية
» رويترز: الانتهاء من ترميم خط أنابيب الواحة بعد هجوم السبت
» ميناء بنغازي البحري يعلن عن وصول السفينة أسليتيتيا للميناء
» دائرة صيانة خطوط الجهد الفائق أجدابيا تعلن البدء في حملة الصيانة لسنة 2018
» قصة وفاة "نوكيا" وأشباهها.. دروس في الإدارة
» حدث في مثل هذا اليوم April 25, 2018
» الصلاة علي رسول الله+الاستغفار+ذكر الشهادة+كفارة المجلس
» انست وشرفت
» انست وشرفت
» الحل السحري لتشفير حسابك على واتسآب
» مقبرة مجهولي الهوية..شاهد على نهاية مأساوية لمهاجرين انتهوا على صحراء طبرق وشواطئها
» روسيا تحتل المرتبة الثانية عالميا فى إنتاج النفط والسعودية الأولى
» عميد بلدية طبرق: أغلب مخابز المدينة لا تتقيد بسعر الرغيف أو بالوزن