بكيت مريضه ** خير من علل واجد وفيه قريضه

بكيت مريضه ** خير من علل واجد وفيه قريضه ** اللي ينشدك
قولي
بكيت بروحـــــــــي *** وخلك تهاجي في المساء وصبوحي
راني مريض معقرات أجروحــي *** ويزيدن معاي بطول وتعوريضه
من شان خاطري خلك حذاي أتنوحي***مريض وين مانبرا طريقك بيضه
أبكي دموعك ماايســـــالك والي *** وفضي علي بالك وفضي بالي
واللي ينشدك قولي بكيت تسالي *** عندي دموع العين فيهن فيضه
من شان خاطري نوحي أحذاي ليالي**عندي جفن عين وحلت في تغميضه
مريضه زكـــــــــــمه *** ولا مريضه من جراير لكمه
وعيون واجد كيفك ولكن تكمه *** عيون دايرات السر كي الفريضه
واللي ينشدك ردي عليه أبحكمه *** نقيض غزل واجد يتعبك تنفيضه
بكيتي أبصــــــــــاره *** وجيبي أعذار أتخيل عالفساره
ولا بكيتي محصله غثـــاره *** قطير من عرق نازل أوقات القيضه
وعندي دمع راد معا ميوح أبياره *** ولا لا يروب ولايصح مخيضه
نبكيبه خير ما يمشي علي أخساره *** سبله وصارت طرفتي توقيظه
ابكي وديري صـــــــرفه *** اللي ينشدك قولي امويه طرفه
سوا من قراب الدم ولا عرفــه *** خلك علي باب السرار حفيظه
والناس موش ناسك لوله منحرفه *** نــاس عندها للصافيه تخويضه
ورا الصبر كي تلقيه حاجه طرفه *** والمومن انكان أغتاظ يكتم غيظه
وراه الخلايق كل حد وبــظرفه***أمغير فيه من خافي عليك جضيضه
صورة: بكيت مريضه ** خير من علل واجد وفيه قريضه ** اللي ينشدك قولي بكيت بروحـــــــــي *** وخلك تهاجي في المساء وصبوحي راني مريض معقرات أجروحــي *** ويزيدن معاي بطول وتعوريضه من شان خاطري خلك حذاي أتنوحي***مريض وين مانبرا طريقك بيضه أبكي دموعك ماايســـــالك والي *** وفضي علي بالك وفضي بالي واللي ينشدك قولي بكيت تسالي *** عندي دموع العين فيهن فيضه من شان خاطري نوحي أحذاي ليالي**عندي جفن عين وحلت في تغميضه مريضه زكـــــــــــمه *** ولا مريضه من جراير لكمه وعيون واجد كيفك ولكن تكمه *** عيون دايرات السر كي الفريضه واللي ينشدك ردي عليه أبحكمه *** نقيض غزل واجد يتعبك تنفيضه بكيتي أبصــــــــــاره *** وجيبي أعذار أتخيل عالفساره ولا بكيتي محصله غثـــاره *** قطير من عرق نازل أوقات القيضه وعندي دمع راد معا ميوح أبياره *** ولا لا يروب ولايصح مخيضه نبكيبه خير ما يمشي علي أخساره *** سبله وصارت طرفتي توقيظه ابكي وديري صـــــــرفه *** اللي ينشدك قولي امويه طرفه سوا من قراب الدم ولا عرفــه *** خلك علي باب السرار حفيظه والناس موش ناسك لوله منحرفه *** نــاس عندها للصافيه تخويضه ورا الصبر كي تلقيه حاجه طرفه *** والمومن انكان أغتاظ يكتم غيظه وراه الخلايق كل حد وبــظرفه***أمغير فيه من خافي عليك جضيضه

تسلم اخى عبدالحفيظ