منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الشاعر علي الماضوي المحمودي ايجيبك الدور اللي شديد سواده
اليوم في 2:05 pm من طرف المهندس المهندس

» الشاعر علي الماضوي المحمودي من ابناء المحاميد في الجبل الغربي قصيدة ابكاكن ورا مرهون
اليوم في 1:25 am من طرف المهندس المهندس

» غناوي علم وشتاوي ع الموت
2018-08-19, 1:22 pm من طرف ميران سعد

» موقف بطولي لأب تسلق 7 طوابق لإنقاذ طفله
2018-08-18, 11:10 am من طرف STAR

»  ما سبب البرودة الدائمة لأقدام بعض الناس؟
2018-08-18, 11:09 am من طرف STAR

» تعرفوا على بحيرة "دال"، وجهة سياحية لهواة الطبيعة
2018-08-18, 11:08 am من طرف STAR

» إذا عرفت فوائد الحمص الـ5.. ستضيفه إلى جميع وجباتك!
2018-08-18, 10:26 am من طرف STAR

» تكشف عن الحالة العصبية وتدوم لـ50 عاما... 6 مفاجآت عن بصمة الأصابع
2018-08-18, 10:24 am من طرف STAR

» حدث في مثل هذا اليوم August 18, 2018
2018-08-18, 10:23 am من طرف STAR

» مباريات الاربعاء 21/8/2018 والقنوات الناقلة
2018-08-18, 10:02 am من طرف STAR

» مباريات الثلاثاء 21/8/2018 والقنوات الناقلة
2018-08-18, 10:02 am من طرف STAR

» مباريات الاثنين 20/8/2018 والقنوات الناقلة
2018-08-18, 10:01 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
2018-08-18, 9:53 am من طرف STAR

» تجهيزًا لعودته…الملعب البلدي درنة هجرته الكرة منذ 2010 وتحول إلى مسرح لتنفيذ عمليات الإعدا
2018-08-16, 8:35 am من طرف STAR

» بعد انهيار توأمه في الشكل والتصميم .. ناقوس الخطر يدق جسر وادي الكوف
2018-08-16, 8:33 am من طرف STAR

بحـث
 
 

نتائج البحث
 


Rechercher بحث متقدم


حواريه جميله بين ادريس الشيخي ومحمود العبار وعبدالسلام بوجلا

اذهب الى الأسفل

حواريه جميله بين ادريس الشيخي ومحمود العبار وعبدالسلام بوجلا

مُساهمة من طرف عبدالحفيظ عوض ربيع في 2013-11-01, 6:31 pm

حواريه جميله بين ادريس الشيخي ومحمود العبار وعبدالسلام بوجلاوي

الشاعر المرحوم ادريس الشيخي عندما كان نزيل بالمستشفى فوجد نفسه حبيس سرير مقيد الحركه محدد الطعام والكلام وهو الذي اعتاد الفضاء الفسيح وصيد الغزلان فشاعرنا المرحوم الذي اعتاد العيش طليقا كالنسيم شعربانه سجين المرض فجادت قريحته بهذه القصيدة التي هي نتاج وصية الطبيب بالا يتناول في وجبة العشاءالا الزبادي


فقال:

سبحانه اللي تما عشاي زبادي .. بعد صيدنا للي هميل جلادي

هميل الدوحه .... يدهور ابرايا في وطا مطروحه
بعيد في ظهر مشهور مو فالسوحه ... من قبل الطريق اتقص نص الوادي
جاته اكروزر كم هميل اتجوحه .... عالحال ماسقط فوق الوطاه ايدادي
رفاقاي ديما ريحهم مشروحه .... تريس فالقناصه واخذين البادي
حسيت فقدهم خلف امعاي اجروحه ... لاعند توه دمهن بدادي
لقيت بوفرج قاعد مغير بروحه ..... الباقي توارى تحت حيط الحادي

مامن جوله ... مع وطن خالي خبرته مجهوله
علي كل تيقه فالتات اسيوله ... نباته عفا بالقرط والمرغادي
ومعاك صقر عالحوزه بعد جلوله ... يأخذ اللي من دون واللي غادي
اذراع لاورا زكارته معزوله ..... سليم الجناح اربد تقول تشادي

اوكال اللقاقه ... يخلي عقول العامرات زماقه
والحي يافتى رزقه علي خلاقه ... الا العبد فاني دوته سقادي
مازال فالخلوه وراه املاقه .... نهار فيه ماايجيبه ندا المنادي
ا نكان خير فالجنه خذا غنداقه ... وانكان شر نلقانا مصير العادي

مامن جوبه .... في وطن خالي صدرته امهيوبه
بلا خبير ماتقدر اتخش ادروبه ... بعيد عن اثقال الدم والمرمادي
قطعنا جباه مع تريس اثلوبه .... اكرام الوجوه مع عزوم اشدادي
حسيت اسمهم لاتو لانادوبه .... نحوس حوسة المفطوم عالشدادي

مامن رفيق ايخيب .... اللي فقدته راس الصغير اتشيب
انكان جيت لوهامه انتم امريب .... علي يخطرن مامن زها وزرادي
منهن انتكي للخلا وانريب ... وانجبي ونا نبكي ابكا غرادي
لاجل رفقنا في زمانن طيب ... والعين ليش ماتبكي علي لجوادي

مامن دوره ...... مع وطن خالي تربته ممطوره
نبقوا طرابه كي انعدوا شوره ... بعيد عن وجوه السو والحسادي
لاهم اجواد ولاعليهم نوره .... لصوص موش هاديهم الله الهادي
عطيب بتعهم مايقطعوا شي بوره .... رزق الحرام ابقي عليهم رادي



وقد كان الشاعران محمود العبار وعبدالسلام بوجلاوي في زيارته بالمستشفي فشاركاه بهذه الابيات



وهذه مشاركة الشاعر محمود العبار

لاتوجعك بالحيل ..... الدنيا غروره ترتدع واتميل
تعطي باليمين وباليسار اتشيل ..... قديمه وتردح بين جاي وغادي
ترفع اللي تباع واطي ذيل .... وتكسر اللي خيره ضنا لجوادي
ركابة سليم الوصف والتمقيل .... اللي للطوارف والحثي قنادي
وسيده مثيل الصقر بوكمبيل .... ايشق التوامج وين نق الصادي
كسابين لشومه بنات الميل ..... اسماح النزالي نجعهم متقادي
في وطن حر وفالربيع ايخيل.... نباته تخابل نين دار سدادي
علي وين مايخطر دموع نسيل .... ايجي بين عيني والغطا ووسادي
ونسمر سمور اللي مريض عليل.... منشابهم برد في وسط جوف افوادي
حتى كان شعري موقوي وقليل .... ولكن معاكم ناخذه ملهادي
نشارك مع شاعر عناه طويل ..... كلامه امرتب مو علل سقادي
اللي هايسه ماهو اصياد هميل .... لاهو مرض لاهو اوكال زبادي
يشيل الصليبه فوق حمل ثقيل .... شديد عزم له ميراث مالجدادي
لكن اسلوبه فالكلام جميل .... كلامه ايواتي فالحضر وابوادي
اللي هايسه جبنا عليه دليل .... مكاتيب رادبهن الله الهادي



وهذه مشاركة الشاعر عبدالسلام بوجلاوي

صحيح كل حد تحته بصم ببهامه .... شكيته اكثرها مالدهر وايامه.. وناس قال في وادي ونا في وادي

وسارح مع مية اقرام كرامه ... خايف عليهن من اذياب عوادي
الا مالمرض ماهن ارقاق عزامه ..... صبار عالكدر عزمه شديد اجوادي
اشيل عالدبر حتى انذاب سنامه ..... وطال السفر والحمل مو متقادي
يخفف عليه الله هالغمامه ..... ابجاه من اسمع فالغر صوت امنادي
الله شرفه بأعلى مقام مقامه ..... بشير ونذير وفالعبيد ايهادي

سبحانه اللي تما عشاي زبادي .... بعد صيدنا للي هميل جلادي

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

avatar
عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72441
العمر : 52
رقم العضوية : 13
قوة التقييم : 222
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: حواريه جميله بين ادريس الشيخي ومحمود العبار وعبدالسلام بوجلا

مُساهمة من طرف فرج احميد في 2013-11-02, 11:06 pm

تسلم اخى عبدالحفيظ
avatar
فرج احميد
مستشار
مستشار

ذكر
عدد المشاركات : 17243
العمر : 56
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: حواريه جميله بين ادريس الشيخي ومحمود العبار وعبدالسلام بوجلا

مُساهمة من طرف عمران فرج المغوارى في 2014-01-21, 9:14 pm

امنورييييييييييييييييييييييييييييييييييييين قصيدة جميــــــــــــــــــــــلة جــــــدا

avatar
عمران فرج المغوارى
نائب عريف
نائب عريف

ذكر
عدد المشاركات : 55
العمر : 34
رقم العضوية : 18529
قوة التقييم : 0
تاريخ التسجيل : 12/03/2013

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى