منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» استقبال جثمان اﻻرهابى موسى بوعين
اليوم في 10:24 am من طرف عبدالحفيظ عوض ربيع

» خبر
اليوم في 10:15 am من طرف عبدالحفيظ عوض ربيع

» طرابلس العثور على جثثين بمنطقة عين_زارة
اليوم في 10:12 am من طرف عبدالحفيظ عوض ربيع

» جحا والقاضي
أمس في 10:32 pm من طرف فرج جا بالله

» كرر ياعلا .. اوقول اغياب لبّاس العبا .. ضر الوطن
أمس في 7:41 pm من طرف naji7931

» "بنغازي" ابرز ماجاء في المؤتمر الصحفي
أمس في 6:02 pm من طرف عبدالحفيظ عوض ربيع

» داعش الإرهابي يعلن عن عملية نوعية
أمس في 6:00 pm من طرف عبدالحفيظ عوض ربيع

» تم نقلهم الى المرج
أمس في 5:55 pm من طرف عبدالحفيظ عوض ربيع

» ماتم الحصول عليه من ارهابى الشركسى
أمس في 5:49 pm من طرف عبدالحفيظ عوض ربيع

» صنع الله ينفي وجدو مرتزقة أفارقة في الهلال النفطي
أمس في 5:39 pm من طرف عبدالحفيظ عوض ربيع

» إجتمع رئيس الحكومة المؤقتة "عبدالله الثني"
أمس في 5:33 pm من طرف عبدالحفيظ عوض ربيع

» 6 غارات جوية مكثفة على تمركزات ميليشيات الجضران
أمس في 5:31 pm من طرف عبدالحفيظ عوض ربيع

» العافية بمدينة هون يستقبل عدد من الجرحي
أمس في 5:26 pm من طرف عبدالحفيظ عوض ربيع

» تقدم القوات المسلحة العربية الليبية
أمس في 5:24 pm من طرف عبدالحفيظ عوض ربيع

» شاهد قناه الكذب النبأ
أمس في 5:22 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


العين والفت يا خال جا ميجاله،،،

استعرض الموضوع السابق استعرض الموضوع التالي اذهب الى الأسفل

العين والفت يا خال جا ميجاله،،،

مُساهمة من طرف dude333 في 2014-05-08, 9:27 pm

العين والفت يا خال جا ميجاله،،،
مضا الليل ما باتت وهى فى حاله،،،
الها قلت شاللى صاير،،،
فيك لين يا عينى منامك طاير،،،
قالت الشوق احشود تمه غاير،،،،
على جاب ما عنده ولم ارجاله،،،
والشوق يا اصحاب العقل طاغى جاير،،،
سلطان النفوس بقوته وافعاله،،،،
ايخرب اقلوبا" عامرة بثماير ،،،
تصبح امقار العيب والبطالة ،،،
لا اتجيب راى ولا اتقول دباير ،،،
ولا ينعطاها سر لا اتخاله ،،،
وايظلم على شبحة العقل الناير،،،
وايظهر من الكاظم اللى فى باله،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
هى مستاجعة،،،
فجرة عزيز وغيبته وامواجعه،،،
اتضم فى الدبش واتنوض واتجى راجعة،،،
انسايسها على المرقد بقولة لالا ،،،
هولتيه ماهو شئ واصبح فاجعة،،،
وزدتى معاه بعنطزة وجهالة،،
ارجوك ديري للقديم امراجعة ،،،
اطوى صفحته تلقى جديد بداله،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
هى صبارة ،،،
عليه وعلى موحه وكبوة ناره،،،
منحاز وانحازن امعاه ادياره،،،
خلف الحدود ومنقطع مرساله،،،
هذاك الصباح السمح سود انظاره،،،
سر لام والعمة وسر الخالة،،،،
عناق كى عناق الريم لاتجارا،،،،
ولاى خايفة تنصاب لاى جفاله،،،
ان ضحكت الها ضحكة اتقول ابشارة ،،،
رقيق حسها ما تهلبه معداله،،،
وان بكيت اتسيل ادموعها بحرارة،،،
وما اتسيل للهايف ولا ترثاله،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
هى مضرورة ،،،
عابت اعياب ونفسها مكسورة،،،
اتقيم فى اثلاث الليل وان اخطورة،،،
انحرقت وما ساعة برد ملاله،،،
ان نسيت ايفاجيها بصوت وصورة،،،
لا تاكل ولا تشرب الا بخياله،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
العين اموالفة،،،
اتجى بالخلاف وفى اوقات امخالفة،،،
اتجى للقديم بجرته وسوالفه،،،
مازال ما نسيت وهو بعياله،،،
وترد للجديد اتبات تصبح حالفة،،،
ولو اتموت ما ترجع على مواله،،،
ياخال نا تالف وعينى تالفة ،،،
وحبل النجا مازال موش اقباله،،،
 
ديما سايلة ،،،
لا اتقول ليل ولا اتقولش قايلة ،،،
ايجى فى المنام وفى الغطا اتخايله،،،
نظيف العضا لسبط الطيب فاله،،،
اتجيب النكد كله بكل وسايله ،،،
واتجيب فى خرابط مالها حلاله،،،
 
العين بالسهر والدمع ديما صايلة ،،،
وفى هذى لا تجعر ولاى ذلاله ،،،
ما اتقول صاحبى هاذاى صاحب عايلة،،،
غنى والغنى باللى معاه اولاله،،،
بايع على ماضى انساه زوايله،،،
وشارى اوجوه اموثقات اعقاله،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
العين والفت عالغايب ،،،
خطر فى عقاب الليل دارت نايب ،،،
جا جور ماقيها رما العصايب ،،،،
بغيضه وفيضه وسكرته واهباله ،،،
ماله فتنقيض القديم درايب،،،
ولا ايحس دنيا داسها بنعاله ،،،،
جى فى اصدار اعيون سود رغايب ،،،
نجا ما انجى منها وهى قتاله،،،،
بات وصبح فى الصبح صبح الخايب،،،
الدامر اللى ماله اقرام عقاله،،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
يا خال لو تنظرها ،،،،
تلقى العذر لى عندك وهى تعذرها،،،
سبحانه بدع فيها الله صورها ،،،
عظيم ما عليه عظيم جل جلاله،،،،
العود فى تفاصيله ورق بشرها ،،،،
خذا لون خيط الشمس فى القيالة ،،،،
 
واعيون ذبلت والسواد حجرها،،،
بلا سحن لين لاى محتاجاله ،،،
وايداعب تهبهيب النسيم شعرها ،،،
داير على جبنونها ياء ماله ،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
هى مشتاقة ،،،
فوت الحساب وما اتطيق افراقه ،،،
ان طاحت الشمس اتجرلى نقناقه ،،،
واتجيب القديم بصورته واطلاله ،،،
بوعين سودة سمح برمة ساقة ،،،
جوف الكريمة الجيدة المزعالة ،،،
اللى وين داعوها على الحراقة ،،،
نهار سيدها بوبح وجاه ضلاله،،،
والسوق حامى والرجال شراقه ،،،
رمت لوله فكت على الذلالة،،،
 
العين والفت يا خال جا ميجاله،،،
مضا الليل ما باتت وهى فى حاله،،،
 
هى مهمومة ،،،
وامسامحة حتى وهى مظلومة ،،،
انزاحت الدار وشرقت فى حومة ،،،
بعيدة على اللى ما بعيد مشاله ،،،،
عليها الجضر بارم ودار حكومة،،،
على قولة ارميلة وجاب اعياله،،،
العين والفت يا خال جا ميجاله،،،

مضا الليل ما باتت وهى فى حاله،،،

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5527
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: العين والفت يا خال جا ميجاله،،،

مُساهمة من طرف STAR في 2014-05-09, 9:28 am

رائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114821
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى