منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
اليوم في 10:37 am من طرف STAR

» مباريات الخميش 8/12/2016 والقنوات الناقلة
اليوم في 9:39 am من طرف STAR

» مباريات الاربعاء 7/12/2016 والقنوات الناقلة
اليوم في 9:38 am من طرف STAR

» مباريات الثلاثاء 6/12/2016 والقنوات الناقلة
اليوم في 9:37 am من طرف STAR

» مباربات الاثنين 5/12/2016 والقنوات الناقلة
اليوم في 9:36 am من طرف STAR

» Sky Sport News HD Deutschland مجانا على قمر استرا 19 شرقا
اليوم في 9:34 am من طرف STAR

» قنوات الشرينج الناقلة للمباراة برشلونة وريال مدريد
اليوم في 9:31 am من طرف STAR

» ليبيا الجميلة كما لم تشاهدها من قبل.. فيديو
اليوم في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
اليوم في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
اليوم في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
اليوم في 9:16 am من طرف STAR

» خلفيات اندلاع الاشتباكات في مدينة طرابلس
اليوم في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
اليوم في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
اليوم في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
اليوم في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


اهلاً صباح الخير وانستينا

استعرض الموضوع السابق استعرض الموضوع التالي اذهب الى الأسفل

اهلاً صباح الخير وانستينا

مُساهمة من طرف STAR في 2014-06-10, 10:50 am

اهلاً صباح الخير وانستينا )))

هذه القصيده او الملحمة ان صح التعبير هي من اقوى الملاحم في الشعر الشعبي حيث انها تجسد واقعه وتاريخ وماساة في فترة من فترات هذا الوطن الذبيح ففي عام 1930 كانت هناك مجموعة من الليبين الذي اخذوا قصرا من المعتقلات لكي يعملوا في بناء الطريق المؤدي من درنه الى طبرق وكان من ضمنهم كما يذكر الراوية الحاج ادريس على الرفادي (( حسين بومسعود بونظاره الغيثي ـ الصالحين محمد شحات الرفادي )) وقد تفاجئا صباح ذلك اليوم وتحديدا في منطقة الكسيباية شرق التميمي 7 كم بان برؤية ناقة في الوقت الذي ضم فيه العدوا الايطالي كل البشر والاغنام والابل في المعتقلات حتى يمنع عن المجاهدين المؤن والزاد وقد تعرف الصالحين بوشحات الرفادي على وسم الناقة الذي يشير الى قبيلة العلالقة اعبيدات واسمها (( ام الهردق )) وقد قال الشاعر حسين مسعود بونظارة

اهـلاً صبـاح الخيـر وانستينا ... الله كريـم يا ناقـة اللي جيتينا

جيتى بيـدك .... لا امعـــاك راعى لا ايطارح سيدك
ولا سبيب لا غاشى ايعانى كيـدك ... نهار فيه ما تطرا الا بالزينا
ايام الزمان اللى بـرم ويريدك .. ودال التـريس وكل شى له حينه
وخطور المواجع والشقا ما فيدك... واللى عالجبين امسطـره راعينا
وحكيلى اخبـارك اوضحى باكيدك .. وخبـار غـوشنا والجار واللى اجينا
قالت
حـال اشيب .... حـال غـوشكم فى وطن شين امريب
حالهـم عطيب اوقتهم موطيب.. عايشن عيشتهـم رديـه شينه
واللى كان يـا عالخطا ويعيب ... تما حطيطـه مـا ايعيـن ابعينه

واخذ الشعراء بالمشاركة في هذة القصيدة فقال الشاعر
عبدالجواد سليمان الطائع

امنين لفيـتي ... ومـع اى المخاسر بلـطتك كـي جيتي
عقـــــاب الليـل كزت(...) نـيـتـي ... اوهفن منازل فأيتات علينا
أيامـاً اوشور اسيـادنـا مجريتي .. اللي اشراف مـن جرت افزاع نبينا
فكيت فكـت الجارح ابصفــــوة نيتي .. اوكتب الله نجـاتنا ونجينـا
وهلبـت القربـوه بعد قابيتي .. من غيـر الـوقا شال الحمول علينا
وقطعت الحجاج ابقوتي اوعفيتي .. وفرحت وين ما تاقن الروس علينا
........
هلبـت الطايل ..... والكازي اللي ديمـه ابسوطه عايل
دبيب وطن في نيتي عليـه ولايل .. وانشاء الله يجود الله ويهنينا
بالله كيف فتيهم ارعاة سلايل ... احكيلي عليهـم حالهـــم ورينا
قالت تـركت السوط فيهم عايل ... واللي يقول حص العيب فيه اوفينا
مطراهم ايبكي ما عليهم سايل ... ولا قلب رايف كان تنشد فينا
اجواد جبد ذكراهم امغير علايل ... مـرورين يرحمهـم الله اونبينا
قال
ليش سيبتيهم ... صـوبك قليلة خيـر ما جبتيهم
سلتك رسول الله لا تطـريهـم .. اتذرف ادمـوع العين وتبكينا
حتي اقلال الناس شافو فيهم .. حـرابي اكبار الناس يا فندينا
امويله وراف الله ايحادو فيهم ... بسيطان حاكمهن الله علينا
اللي كان فالبلغه ايلبس فيهم . اليوم هم اصحاب الشان والشبلينا
قال
لا اتكــــــــدي ... هـــذا شي رايــدبه الله ايعــــدي
ويجـود الكريم اوع العيـون اتردي.. ويندم اللي بطال دايـر فينا
وغوش الحرابي من علية اتمدي .. وياقف اللي له دين ياخذ دينا
ودوري ابكيفك ما عليك اتعدي... بعد هالحال اللي اتراعي فينا
ونحن في المخادم حالنا متكدي .. وشوفي افعال الماضيه في ايدينا
يا اللي وسيلة للحجاز اتودي ... لا يوجعك ميل الـزمان علينا

ام الشاعر الكبير سالم عبدالرازق البنكة الغيثي فقد قال :

قل اعدادك ... اشـويتي فنن روسك مـع ميلادكك
كمين صف جاء غازي اريد ابلادك .. جلاء غصب لا هنتي اولا هنتينا
اما هـذه دولة موش ضد اسيادك .. ولا غلبها يوجع اولا ايكدينا
.................
المـوكـر جابك ... جيتي بـلا سـواق جـاك اخيابك
حتى الوطن كى تقتى عليه زهابك .. ومسع امحاذاتك نهار انسينا
على هـول هالب خرفـو بسبابك .. انتى تشهدى ويشهد الله علينا
مصباح بـو قرامي من عضا شيابك.. وابراهيـم بو مصباح كامل زينا
كمين فارسن يوم البلا يشلابك .. دفناه في شط الرمال اوجينا
...................
يـا جـوابه ... يا شيالة الباطل امعــاه شرابه
خاطر عليك الوطن هو وصحابه ..وعقابك هتايه في الدفوف انسينا

اما الشاعر صالح احميده المنصورى
والذى يذكر بعض الرواه انه هو صاحب البيت الاول اى راس الملحمه وهذه الابيات التى يقول فيها :
جايه مـن غادى ... سوط القربو جابنى ع الـوادى
لوريت سوط ونيس يا سوادى ... دايـر حـرايق فى التريس اوفينا
الى دالهم ضالم عليهم عادى .. وانتوا حالكم يشغل كذا حاكينا
الشاعر :
حالى طيب ... واليـوم هنا يا ناقـــــه القيت اغــــريب
لفينا عليه صاحب اسـوالن طيب .. يبقى غير بفراجه ايبشر فينا
شبلينت العـدو فيـده امغيـر امسيب.. لو تارك الدوله ولو امشقينا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114651
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: اهلاً صباح الخير وانستينا

مُساهمة من طرف عمران فرج المغوارى في 2014-08-11, 8:45 am

صحيت صحيت خوى استار

عمران فرج المغوارى
نائب عريف
نائب عريف

ذكر
عدد المشاركات : 55
العمر : 32
رقم العضوية : 18529
قوة التقييم : 0
تاريخ التسجيل : 12/03/2013

الرجوع الى أعلى الصفحة اذهب الى الأسفل

رد: اهلاً صباح الخير وانستينا

مُساهمة من طرف STAR في 2014-08-11, 9:01 am

هلا فيك خووي عمران نورت الموضوع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114651
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى