منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» سلمت الاتحاد الأوروبي قائمة طويلة بالمعدات العسكرية
اليوم في 3:33 pm من طرف عبدالحفيظ عوض ربيع

» حاله ياليبيا
اليوم في 3:27 pm من طرف عبدالحفيظ عوض ربيع

» صورة لسقوط عمارة السفينة
اليوم في 3:26 pm من طرف عبدالحفيظ عوض ربيع

»  ﺍﻧﻔﺎﻕ 17 ﻣﻠﻴﺎﺭ ﻭ 900 ﻣﻠﻴﻮﻥ ﺩﻭﻻﺭ
اليوم في 3:23 pm من طرف عبدالحفيظ عوض ربيع

» ﺿﺮﻭﺭﺓ ﻣﺮﺍﺟﻌﺔ ﺃﻭﺿﺎﻉ ﻣﺤﻄﺎﺕ ﺍﻟﻮﻗﻮﺩ
اليوم في 3:19 pm من طرف عبدالحفيظ عوض ربيع

» ﺃﺳﻌﺎﺭﺍﻟﻌﻤﻼﺕ ﻣﻘﺎﺑﻞ ﺍﻟﺪﻳﻨﺎﺭ ﺍﻟﻠﻴﺒﻲ
اليوم في 3:18 pm من طرف عبدالحفيظ عوض ربيع

» لجنة لدراسة الجوانب الإدارية و القانونية و الفنية
اليوم في 3:09 pm من طرف عبدالحفيظ عوض ربيع

» استشهاد أحد عناصر صنف الهندسة العسكرية
اليوم في 3:02 pm من طرف عبدالحفيظ عوض ربيع

» درنة-المدخل-الغربي
اليوم في 2:58 pm من طرف عبدالحفيظ عوض ربيع

» استلام العقيد ميلود جواد سليمان مديرية أمن طبرق
اليوم في 2:56 pm من طرف عبدالحفيظ عوض ربيع

» القطراني : السراج لن يكون رئيساً للحكومة القادمة
اليوم في 2:53 pm من طرف عبدالحفيظ عوض ربيع

» مصرف ليبيا المركزى بالبيضاء يرسل طائرة شحن محملة بالسيولة
اليوم في 2:50 pm من طرف عبدالحفيظ عوض ربيع

» ارتفاع عدد أعضاء البرلمان المحتجين والمعلقين لعضوياتهم
اليوم في 2:48 pm من طرف عبدالحفيظ عوض ربيع

» عائلة اللواء التهامي خالد توجه بياناً للشعب الليبي
اليوم في 2:39 pm من طرف عبدالحفيظ عوض ربيع

» بيان جمعية رؤية حول تحري هلال شهر شعبان
اليوم في 2:37 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


شايلينك وانتي اللي شياله

استعرض الموضوع السابق استعرض الموضوع التالي اذهب الى الأسفل

شايلينك وانتي اللي شياله

مُساهمة من طرف ابن الباديه في 2014-07-09, 11:39 pm

شايلينك وانتي اللي شيّاله **الدنيا قديمه كل يوم بحاله

الشاعر :إبراهيم بوصوكايه
==============
رد الشاعر ابراهيم طاهر بوجلاوي
==================
وانـتـــــي اللي رفّاعــــــــه ** احمــــولك ثقــال نهــار كيل القاعه
اتجـي مالجـريــد أيـام نو قطـاعه ** ايديك عكب جـوّابه على الجلجالـه
قـاسيه وعصّايــه علـى الـرقاعــه ** مــوالك قــديـــم امنسّلات اجمالــه
في شهادتي مالديـن يــــابــرطاعه ** ان قلك عطــيب وقـلـــة الـرجـالـه
ونصبــر وبــــاب الصـبـــر لله طاعـه ** ايخلّن الـراجـــل دمعـته شـلاله
مـامــن اللي هـوَن الراس وبـــاعـه ** علي سبـايبك قـزن اصغـار اعيـاله
===============================
امعــــاك ابــــــــــوادي ** اتجيبـــي حمـولك من أوطـان ابعادي
لا ضهـــده خشــــاتك ولا تعضــادي ** ولا دبـــره عـالغارب هــوت سيَّاله
بعد جيتـك رضتـــي عـفـــا الجلادي ** يــــرد فلتك وقتاً ايجــــي ميجاله
أيام و عـلي راي العــــرب فـالـوادي ** ايعـصّــد الـذيب امـنصبات احـلاله
واليوم فيك ننظر يالحمــره صـادي ** تـقـول طـرب ذيلك فيـــد مــن غزاله
مصروفك ايقطّع في عروق افـوادي ** قــدّام تـكـس يـضابح جديد عجاله
===================================
يـــــــا خــــــــــــــــــــــــــــوّاره ** هالشي لو كــــارك ولانـــك كـــــاره
شايلـينك بحبـال فـي سيــاره ** ايبــــدّل الله هــــالحال بـــاحسن حاله
ياحوّه مـــع الامــراق لك نصفــاره ** حمره أصفاح و يرباد السبيب جلاله
او واجده مع الاطـراف لك نفـزاره ** و ميلــــه ومـــــع الاقـــدار لك نعداله
وتميـــح عاليميــن ولاورا ويساره ** عقيق شعفتك للحول مــــي نصّالــه
و لا تبكّــــرى لانـــــك اللـى غراره ** عطّانــــــه اليا نص النهـــــار كمالـه
ثديانك أغلاظ وهش فيـــد ســواره ** بـــــورطــــــل ميــزانه ضبح دلالـه
وخشّت علـــــي خطّّــارهـــا فطّاره ** فى رفة اللــــى واسعـــــات أرجاله
فيهم اللى قــرطـــع وخــير دباره ** ابليــــس ابعـــــده والقاسمـــه تاتاله
وفيهم اللــى مـــازال فــــى تياره ** غطس أخنيصره ريت الصغير اهباله
================================
طيـــــب صبــاحــــــــــــك ** وانــــــــت شايله مالني طول جناحك
فــى بـــرير تمـــريغك على قزاحك ** بلا حزام ماطال الشمال ارحالــه
وطاردة نبات جديــد روس اصفاحك ** وبــرهـن مشـــا تمليط عالشعاله
نصل بالعرق دابى معــاه اصلاحلك ** وفيه قشر مالّلى فـالشتــا هذّاله
ويش عز منك فى سنين افـــلاحــلك ** الا الكبد راهــا مــالهــــا نختالـه
ان كان أوجعاتك جرّبـــى بلقـــاحك ** وان كان كذب عديهـا علـيّ فساله
يم الحجل تزويـــق زاد مــلاحــك ** سروال عالمرافق هندزه فصّــــالــــه
اعلم النار وأوهامه ايجن مصراحك ** امنين هلك غربيه اهبــك نزالــــــه
ولانك اشوي وتتعبـــى طــــاراحك ** جناح في الدبيب أتـدوسي قتّالــه
و اتجي حايشه و سامره مع صـرّاحك ** زقــت طــــويـــر الصبح تاهاياله
خفافك ايشيلن فى تـــــراب بيـــاحــك ** ليلـــة نجـوم بطلهـــــا هــذّاله
علي عشاه ما ينشد مع نطـواحـك ** يطـــوّح مــــع جنبك النــوم لفالـه
اشوش ذراك في هبكة عباب مـراحك ** مطاميــر كـاف امـردّمات اغلاله
و تشوشي معاه وتمسكي مطراحك ** أمنين ما هجم ثلبك وجـز حبـاله
من غير ما يغرد فى الجهيم الضاحك ** وروسـك قســا واللـــخ ما تاباله
وما تعقبي فارغ وفــاض ســاحـك ** مالنزره اللى تبرك على الحفـالــه
أيام البــداري مـــــن عفـى سلاحك ** مراض في عقاير قـرطهــن وكاله
يا محلى كردوسك مع ضحضاحـك ** فـي خشوش مـــايو ساعة القياله
عطاش نين متباعد ريـاق نشــاحك ** عرق كلاك من صردك قطــر هذّاله
وتمدِّي مع خجّة هبـــوب ريــاحك ** مـــــع مــن رخــاك اتبجّدي شتاله
اللي معاك ماو مكري مــع ديداحك ** عزيزه عليه ومـاو غشيــــم مواله
تمجيد بالفلاه وبالدِّلـي نينـــــاحــك ** ويحــاميـــــك لاجنــــك عدا خياله
==================================
يـــــا غــــــزلآنــــــــــــــــــــــــــي ** ياحلوة المشـــروب م الثــديـاني
لا مـالبقــر لا فيــــه جــــرة ضاني ** كميـــن هـــود يزاحى امعاك غزاله
متعاقبات قـــرقـــازه مــع الريباني ** بدري في شموس و زاد مارس داله
===================================
يـــــا سـمـاح التـوقــــــــــــــــه ** بحمولك ونجعك ضايقـــــات اخلـوقه
كبايا على التقــــّاز راســم ســـوقـه ** ومازال حايـــر مبــــرم الغــزاله
و زغرت نظيـــف الناب تقتـــي بوقه ** جراريد لاقوك الفريــق اعيالــــه
حتى نجع جيرانك اشبع مـالذوقـــه ** واسقــه صعيــدي سف من كيّاله
==================================
انتـــــــي طـــــرفـــــــــــــــه ** وانتي مايره كيــف الذهب في صرفه
امعيشه بلاك اليــوم عيشه حرفه ** حياة الغزال اللـي حصــــل حبــّاله
مسمح وراك السيــد سفـوة طرفـه **وانتي شايله شور الرسيـم عزاله
لا في الزناقي عاش ناصب عـرفــه ** لا صاع لا عمـــــره نفـــــخ بــلاّلـه
=================================
يـــا ســـــــــوّاحـــــــــــه ** انتي عز كسبك في سنيـــن الراحــــه
المكسوب من غيرك مغير اشياخه ** عليك من حكا ماهن كذوب علالـه
ما عمرهــا فاقت ببـوشـراحـــه ** حليبك مســوح الكبـــد مـــي دفالــه
انتـي مالمناخ اللي صبـخ مطراحه ** حمـولك ثقال وللجفـا حمـــالـــه
صعيدي خشومــه غـر له نفطاحه ** تفوح بنته في الخشم قبــل اوكاله
مع أعسله جـاري صفحتـك وسَّاخه ** ثمانين صــاع و قفتـــــــه و حباله
و بحثة اكـــراعـك لعبــة الدباخه ** لكن الخطوة للـــــــــوطــــــــا كيّالـــه
قطايه فـريده عروتـــك ضبّاحـــه ** عاقبه على منهل صـــــــدر نشالـه
==============================-==
يـــــــا ملفـــــــوفــــــــــــه ** يا امنسلـــــه ماللى عــــراض كتوفــه
فــوق المـرافق دايرات عطــوفه ** ايحدّن مع تــــــوقة نظاف حجالـــــه
بو ارقبــــه بو منقـــار عالي شـــوفه ** لوراك راجل يعجبك جامع غـرّقوا تاماله
ياواكلـه راس البســاط دفـوفــــه ** في ابرير لامستــه مطـــــر سيّالــه
أسبوعيـن والثالث مع صيـّــوفـه ** أكبــر نشاه واطليحـــــه لهــا وكّاله
معاك من يـــزق بضلعتـه وكفـوفه ** مـا امونسك عدّاد نـــص ريالــــــه
وتردي منهلك ضمة الوطن لكوفه ** بطناش فالشهر ثاني الصيف هلاله
مــــره تنشرى مــره تجى لفوفه ** مره يلزمك سفسوف دار اعــزالـه
تجيه ظهرة النجمـة تديري زوفـه ** واتكنّزى زروق الشمس شربك داله
امكسّره مع خـوتك كبــار صفوفــه ** معطان بو الغرب ماهو عليك عتاله
سيدك خذا يومين ضـرب كفـوفــــه ** والثالث اعطيلك مــالصديق نزاله
================================
يـــــــــا عنقـــــــاده ** علــــــي ديــــــــر بيضه لتربته سنّاده
عليـــه ظهـــــرك وداد لـه وداده ** اخشــــوش الخــــريف ومزنـته خاياله
تكلّــــم رعــدهــــا وريحّهـــا خماده ** عقاب الشهر تقـريب راس هــلالـه
يسوق فالتـراب بعيــد هـو رشــاده ** امنين عقربـــه صـبّت على الفتّاله
نين البلـط زعّب هــلب معتـاده ** وكبيرة العقــــــاير للعــــــذا تفــــالـــه
كنادير نوّر فـــي الشطيـب كـــداده ** احطبه جل لوسبـطه ولوبلبالـه
وشيحه مـــع لمـراق دار وساده ** عليه تنزلـي يبــرد بعــد نغساله
تقاوى اجسارك عالفحـل حشاده ** امنين ما خبط تبقي كما اللي خالـه
حيّل مجــاسيــرك ايجــن هــــــداده ** وتحــير المشبّـــه دوبهــا ترعاله
والطـرفــــه تحـــوحيـزك بعد ميلاده ** علي ولدك تاطى بالسلا زلواله
نازلــه عليــــه حنانـــــة الفـــدفــاده ** لاينكسـر لا تسيرلـــــه نخطاله
وعنــــدك تحوحيــزه مـــــع رتعـــاده ** وايــــديرن زواعـب لربعه بسهاله
وانتـــي حــنونه من عفا منكاده ** ان جاك من بعيــد تفحجـــي نـــزّاله
معــا لباك يجغـدل تقــول امــــداده ** ما تفرزه ملّي افطــــــم بخـلاله
لا دلمــه لا عرجـن عليـــه قراده ** ممشوط الوبر مــي طاقـتـــــه نفتاله
ومازال عنــــدي فـالكلام اشهـاده ** انقولها عليك وكـل حـــد تصفــالــه
ان طـاح السفـر علّــي بعيــد ابلاده ** نهــــاريـن مــــن ضيم العرا ملاّله
واتجودي معا طول الطريـق اجــواده ** ابعقـــدة اوراك وللكــــلا نشّــاله
كلامـي عليك اللي امجرّب صــاده ** لا طـاقتـــــه كـــــذبــه ولا انحلاله
هنتــي علـــي سيــــدك اخرب حدّاده ** لا عــــافيه عنــــده ولا ظلواله
=================================
ملاحـــــــــــــــــــــظه
هذه القصيده ليست كامله.

ابن الباديه
لواء
لواء

ذكر
عدد المشاركات : 1788
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: شايلينك وانتي اللي شياله

مُساهمة من طرف المارد الأصفر في 2014-07-10, 2:34 pm

أروع قصيدة وصفت الأبل كما يجب ابداع وشكرا لك أخي الفاضل على هذا المجهود في انتظار المزيد شكرا لك
avatar
المارد الأصفر
عقيد
عقيد

ذكر
عدد المشاركات : 767
العمر : 36
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

رد: شايلينك وانتي اللي شياله

مُساهمة من طرف STAR في 2014-07-10, 4:43 pm

شكرا لك احتيارك موفق منك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 115487
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى