اللي قبل نحسابه غزيز اوغالي...للشاعر السعيطي

اللي قبل نحسابه عزيزاوغالي...امعاي دورته مادارها لاوالـي
........................
عزيزامــــــــــــــــــــــــــــــواجع ... تمن ايجن منه اومو مّتراجـــــــــع
كل يوم عقلي بالسوايا فاجــــــع ... نقصر طريقي خيرلي واولالــــــي
امعاه حسبتي راني انريد انراجع... هلّبت واجد نين عقلي مالـــــــــــي
وايبهّت الروحه والحساب ايراجع ... احسابه ابقي عندي رصيده خالي
...............................
كيف ماظنيته ..... لاهو اولاهــــــــــي كيف نيتي نيته
بانن عـــــــواره وين ماخجيته .... ارمامه مثابتن خذن طوالــــــــي
نحسابـــه الا واثق امقنتل بيته .... ثاريته امبوج في الخلا عالخالي
وثا ريتني واهــــــم بعيد القيته .... عليها اللي فيها نزل نزالــــــــي
اوين ما اختار المنزله خليته .... ماعاد ننزله اولايرقالـــــــــــــــي
..................................
عزيز اوخـــــــــــــــــيّر .. احذاه وين نظايق عـلـــــــي ايديّر
ماشي امعا درب الصـــواب النيّر .. امعاه غرّبي تمى عدو فـي التالــي
موش لولي باقي علــــــي أمغيّر .. امحلل امعا اللي حللوه اوكالـــــي
زماني برم لاكن ازواقـــــــه طيّر .. زمان كنت نحسب فيه سومه غالي
نحساب معدنه كيف الذهب لمعيّر .. العازت الـــزمان اكنوز ناهيالـــي
اوفيه برق ماتفرح ان ريته شيّر .. مرات برق ريح ايكون يبقى عالي
اوموش كل من داير مطيره ميّر .. اولا العام بدريّه ان جاد ايوالـي
اوعمرالربيع صحيح دوم اقصيـّر .. اوفيه نجم مايطلـع اوقات اليالــي
يخفـس امعا نـــــــوّا انجاد ايطيّر .. ريبة جدب طالت اسنين اطوالــي
اوفيه نجم باسمه اونجم مااتخيّر .. فيه لوامسمى لو دليل اسوالــــــي
سبحانه اللي فينا اوفيــــــــه ايسيّر .. اوعالم جميع الخافيات اوحالــي
في وصـــف جبته ماانريد انحيّر .. السامع اويفهم مقصــدي واقـــوالي
سبحانه اللــــي ايغيرّ اومـا ايتغيّر .. عزيز ودراته عين من غــــــربالي