منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» في البداية حرَّمتها الكنيسة لمنع الفتنة بالنساء.. تعرَّف على سبب صناعة أزرار الملابس عبر ا
اليوم في 9:26 am من طرف STAR

» خطاب أرسله أحد ضحايا تيتانيك لوالدته يباع بمزاد علني.. هذا آخر ما كتبه راكب من الدرجة الأو
اليوم في 9:23 am من طرف STAR

» لا تتخلص من قشر الموز بعد الآن.. استخدامات "سحرية" لتبييض الأسنان وحبَّ الشباب
اليوم في 9:22 am من طرف STAR

» فيديو.. شاب سعودي يسجّل لحظة وفاته بحادث سيارة قاتل على إحدى الطرق العامة بالمملكة
اليوم في 9:11 am من طرف STAR

» هكذا جمع اغنياء العالم ثرواتهم الهائلة ثم يتبرعون بها في أسرع وقت
اليوم في 9:06 am من طرف STAR

» قائمة اليونسكو لأقدم 10 مدن في العالم
اليوم في 9:05 am من طرف STAR

»  أعشاب لعلاج المعدة.. بعضها ذات شعبية كبيرة
اليوم في 9:04 am من طرف STAR

»  10 عادات يومية تجعلك عرضة للأمراض.. فاحذرها!
اليوم في 9:02 am من طرف STAR

» اللون الأحمر بالشمندر يعالج السرطان؟ اليك السر
اليوم في 8:55 am من طرف STAR

» حدث في مثل هذا اليوم October 21, 2017
اليوم في 8:52 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
اليوم في 8:37 am من طرف STAR

» بطاقة نادي
اليوم في 3:23 am من طرف عبدالله الشندي

» بطاقة لاعب
اليوم في 3:22 am من طرف عبدالله الشندي

» بوافيستا يقسو على إشتوريل بالدوري البرتغالي
اليوم في 3:19 am من طرف عبدالله الشندي

» فان دير سار يسرد كيف غير بوصلته من ليفربول إلى يوفنتوس
اليوم في 3:17 am من طرف عبدالله الشندي

بحـث
 
 

نتائج البحث
 


Rechercher بحث متقدم


يا شباب وداعا

استعرض الموضوع السابق استعرض الموضوع التالي اذهب الى الأسفل

يا شباب وداعا

مُساهمة من طرف dude333 في 2016-07-08, 6:27 pm

يا شباب وداعاً
الشريف الشارف أمحمد الحرنة المغربي
*****
سافرت تربح يا شباب وداعن..من يوما طروف الجسم ما ينباعن..
مكاتيب و أرضى بيهن ..مامن كواين قبلهن ناسيهن
لوتعدهن موحال ما تحصيهن..وجدات مامن ناس قبلك لاعن
ومامن نواجع قبل باساميهن..كيف الوكايل وضبن و ارداعن
بالزين و الفخر ذكرن اعلي طاريهن..ولاراي دبار الضرر يتباعن
واليوم يرعبنك وين ما ترعيهن..سماريح بيض ديارهن يلماعن
الصبر الجميل ولا بكاك عليهن..طروف جسم كانن ينفعن و اخلاعن
مصايب المومن خير واجد فيهن..ينال اجر وذنوبه الكل ينزاعن
واذكر خطاوي للصلاة ماشيهن..حصاهن المولى سجلن ما ضاعن
واللي للمعاصي و الخطا ساعيهن..وذنوبك اللي فالسر و الا شاعن
امغير توب تلقى ربنا ماحيهن..وبكرة عيونك ما عذاب يراعن
ونفوس واجده شيطانهن عاميهن..ديمة مع طرقة عوج يداعن
إن تمن غنايا مالهن يطغيهن..لا ينطقن بالحمد لا يقناعن
ولا يرحمن ملهوف وين يجيهن..ولا يوم م الذكر الحكيم اخشاعن
وينما الموت بسكرته ياتيهن..يرق عزمهن و عيونهن يدماعن
وتبقى المهلة غاية أمانيهن..يردن ايديرن خير لو استطاعن
لوكان غير هالمرة الله يعفيهن..يقيمن الدين ولاورا يقداعن
وفيه م النفوس اللي الله هاديهن..سايرات في درب الصلاح و طاعن
جميع ما يجي من ربهن يرضيهن..مهما مقادير الحياة انواعن
أيعدن اللي يوم الندم تخزيهن..إن كان جيتن بالحق لك يخضاعن
دروس في حجايج شعر لك نعطيهن..و لا تعتني بللي أقواله ماعن
واللي أهلبن لا تبكي علي ماضيهن..ما عمر قيل الفايتات ارجاعن
عليك بالأعمال الصالحة وتيهن..تطمان في هنا وين القلوب افجاعن

يا شباب وداعاً
مشاركة الشاعر الدكتور/ سعد العمروني
*****
يا شباب وداعاً.. منحاشن أطراف الجسم ما ينباعن
إن فارقت تربح
......
لطراف يا ما سْنين حفظهن.. خلق مِ العدم ساهل عليه عوضهن
ما من حكايم عاليه خفَّضهن.. بعد عزَّهن باتن ذوايح جاعن
وما من مدن كانن اليوم قرضهن.. بهزَّه خفيفه في الوطاه إدَّاعن
لطراف نعمه ناجيت بعضهن.. كان في طريق الذكر لله طاعن
لله يحتسبن اليوم مرضهن.. ينزل الصبر بقيس ما يلتاعن
الله حبّهن بالفعل كي وقضهن.. يخافن عذابه رحمته يطماعن
ويحتّ السوايا حتّ لك ينفضهن .. مرضهن يطهِّر ليش هن يرتاعن
ينقِّي غثرهن سودهن يبيضهن .. مفتوح باب توبه كان توبه ذاعن
إن خشَّن القبر محوَّدات غرضهن.. اختام خير راهو خير من ينصاعن
وما شرّ دنيا شر لا يغيضهن.. إن فازن بجنَّه لا اسَّمن ضاعن
وما هو وداع شباب.. يوفي الصابر أجر ماله حساب
صلاته الله ورحمته في كتاب .. وهو المهتدي بالحق له تبَّاعن
كمِّين جاضي ورَّده العذاب .. شبابه ما هو ع الخطا قدَّاعن
غفله خذاه الله مسَّع تاب.. عليك خاتمه ما عاد له دفَّاعن
ما باب توبه ينفتح له باب .. وما شفيع فيت الله راد شفاعن
طعام شوك ما يغني معاه شراب.. ما من صديد يكون له جرَّاعن
وما من مريض الله له حبَّاب.. نبا أيُّوب ما ظنِّي عليه اقناعن
وراه المريض ادعاه مُسْتجاب.. ادعيلهن بخير الله له سماعن
ورحمة الله قريب لا ترتاب.. إن قالن يقولن للحرام وداعاً
للموت كل عيشه تْجيب غير أسباب.. لبنادم لا يريد يضرّ لا ينفاعن




يا شباب وداعاً
الشاعر  محمَّد اكنيش الفاخري
*****
شباب الشايب.. الي ودعك نلظر معاك عجايب
يا طول ما سافر وروَّح جايب.. حمول من صعيدي فوق جيل طاعن
ويا طول مالمن عليه جلايب.. وفرغ وجا شايل اثنين ارداعن
وهابتين ياما من ربيعن خايب.. كلوه بنواجع يترلن يتراعن
واذواهم يلاقنك تقول كتايب.. ما عمرهن بين الحواصل ضاعن
معاهن تريس صغار لطم العايب.. ارواحهم رخيصة دونها يدفاعن
وكمين قور من لون السحاب الذايب.. الحاج في معاليهن اخطاه اسراعن
اللي اليوم في حالة عليك مصايب.. يريد يظهرن للشمس ما استطاعن
سافرت تربح يا شباب وداعن.. من حاشن طروف الجسم ما ينباعن


يا شباب وداعاً
الشاعر أحمد عبدالواحد الفاخري
*****
يا شباب وداعن . من يوم اطروف الجسم ماينباعن طريق السلامة.
يا شباباً خيره .. ودعناك عدي ودير مسيرة
كل حال لابد ايزول بغيره .. ولاطرف في جسم الانسان أنصاغن
وهذه الدنيا عندها تدبيره .. ليام لنكدهن لاورا يرجاعن
يا شباب الهيبة .. ما تقول سافرنا علم اجنيبه
ولا تقول شلنا عالحمول صليبه .. نين الخول غصبا عليهن طاعن
ولا تقول عندي رجل نا نمشيبه .. الدائم الله اليوم مني ضاعن
يا شبابي شبنا.. ومال الزمان اليوم ومتعبنا
يا طول ما شاة الغزال ضربنا.. وين بالقليده ع العفا يداعن
وياما مشينا سابقين جلبنا.. وجبنا ظهيره للنجوع إن جاعن
يا شباب اتعدي.. وسيبتني ما شئ نا في يدي
والله ما تفارقنا إن كان بودي.. ولا في الجلاء كرعي نا يقطاعن
مرمي عالسرير اليوم واصل حدي.. ياما مشيتبهن وياما راعن
قاتل علي الذيب نا في السدي.. الناس لوله جابوا أمثال وشاعن
يا شباب تشيب.. اليوم حالتي وأنا عديم مسيب
عليا بعيد اللي أحذاي قريب.. نصي على ركبي ما استطاعن
نحق حاجتي بالعين غير نريب.. ويضيقي بي البياح اللي كبير أوساعن


يا شباب وداعاً
الشاعر (إبراهيم سعد)
*****
يا شباب وداعاً .. من حاشاً أَيّام العمْر ما ينْباعَن .. فارقت تَرْبَح
يا شباباً عَدَّى ..... صعِيْبة معَ الجرّة اليَوْم الرَّدّة
ياما نظَرْنا فِيْك وَقْت ومدّة .... أَيّام والنواجِع في الدّفُوف ارْداعَن
اتْدِيْر ابلْهم غَلْيون وان الْمَدّة .... مناعِي معَ فَقْدة عَزيز الْتاعَن
خَوِيْل قنقْنِيْها ما نهار تهَدَّى .... عَلَيْه وَيْنما مَيْزَر لْها نِقْداعاً
فتاهم عَلَيْ مَوْرُوْث بُوْه وجَدّه .... حَيا وقَدْر ما يعْرِف عَلَل وَجّاعاً
رَكّابة عَرِيْض الصَّدْر سمْح البَدّة .... اِن صار الْمْعَيَّط خَيلْهم يدّاعَن
عَمار بَيْتِّم دِيْمة أَوْقات الشّدّة .... اشْباع فِيْه ما عمْر الْمضايِف جاعَن
يا شباب وداعاً من حاشاً ..أَيّام العمْر ما ينْباعَن .. فارقت تَرْبَح

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
dude333
مشرف المنتدى السياسي
مشرف المنتدى السياسي

ذكر
عدد المشاركات : 5532
العمر : 48
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: يا شباب وداعا

مُساهمة من طرف الكابتن في 2016-07-09, 12:30 am

من روائع الشعر الشعبي الذي يصف الحال ..بوركت للمشاركة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
الكلمة الطيبة صدقة
A good word is charity
avatar
الكابتن
المشرف العام للمنتدي
المشرف العام للمنتدي

ذكر
عدد المشاركات : 14582
العمر : 49
رقم العضوية : 1
قوة التقييم : 423
تاريخ التسجيل : 15/08/2008

الرجوع الى أعلى الصفحة اذهب الى الأسفل

رد: يا شباب وداعا

مُساهمة من طرف STAR في 2016-07-09, 9:39 am

احسنت الاختيار

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 117909
العمر : 32
رقم العضوية : 31
قوة التقييم : 192
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: يا شباب وداعا

مُساهمة من طرف فرج جا بالله في 2016-07-09, 3:12 pm

السلام عليكم 
راس البيت يعود للشاعر الصديق الصاوي العوامي رحمة الله عليه وليس للشاعر الشريف الشارف
للتوضيــــــــــح
والرجاء التثبت من صاحب راس البيت قبل النشر.
avatar
فرج جا بالله
جندي اول
جندي اول

ذكر
عدد المشاركات : 12
العمر : 26
رقم العضوية : 21637
قوة التقييم : 0
تاريخ التسجيل : 22/05/2014

الرجوع الى أعلى الصفحة اذهب الى الأسفل

بعض ابيات صاحب راس البيت الشاعر الصديق العوامي

مُساهمة من طرف فرج جا بالله في 2016-07-10, 12:59 am

ايقول
يا شباب تعَدِّي                              تفُوتْنِي ونا تَعْبان واصِل حَدِّي
ونا معاك نَسْعَى في الرّفَق مِن جِدِّي         وبَيْنا وصايِل رَحْم ما يقْطاعَن
وفِي ظنّ بالِي كان ما حَد ضِدِّي             نْخاطِر عَلَيْ جُوبَة فجُوج وساعاً
وبعَزْم وشجاعة كان طايل مَدِّي             وانْدَيِّر عَلَى الجارات وَيْن جْياعن
avatar
فرج جا بالله
جندي اول
جندي اول

ذكر
عدد المشاركات : 12
العمر : 26
رقم العضوية : 21637
قوة التقييم : 0
تاريخ التسجيل : 22/05/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى