الشاعر فضيل حسين الشلمانى ... تهاتن على البطنان

من طرف **dude333** 2016-09-26, 12:18 am

الشاعر فضيل حسين الشلمانى ... تهاتن على البطنان
----------------------------------------
توثيق اخر لجانب من جوانب تجربه الشاعر يعود فيه عبر سياق العتاب المرير الذى يوجهه الى عينيه الدارفتين اسفا و ندما و حنينا و شوقا للوطن الى الاشاره لملاباسات مجئيه الى مناطق سلوق و قمينس حيث القى القبض عليه ....
--------------------------

يا انظار شين الموح ما طقتنه.. اتهان علي البطنان وتريدنه
اتريدن السّد الغالي.. مرباكن اللي عشتن عليه التالي
شيلن عليه ادموهكن شتوالى .. ويرقن عزايمكن بعد تطرنه
ياما نظرتن فيه عز ليالي.. ببيت يعجب الحظار وين بننه
واليوم حجف مظلم و الحديد قبالى .. لا حبيب يرهيكن و لا ترعنه
الدنيا زهاها ما ايدوم لوالى ..كم قصر هدنه وراح مدنه
ايعزيكن مسمى فات وطنه خالى .. وباتن وشاشينه يتامى منه
حالى نا اللى صيته اتقول هلالى .. مصفى تقول حليب ما ولدنه
رباى اليتامى و الكبير البالى .. ولاهو بخيل ولو قليل محنه
يرضى ان جا ف اول سبيب مشالى .. على كوت وافى ما الصرع يعنه
قصير القوايم قبته ع الثانى .. ركابه كما بارق امزن غطنه
***
اتهاتن ديما.. علي عثلمه لوطان هي وكريمه
يا عون من قابل بكن لعليمه.. وغوط بوزريده ولاورهْ فتنه
وحاز ه اليمين قويد فيه ارجيمه .. وروس العواصى هن اللى حدرنه
حتى ان مات روحه في الممات رحيمه .. لو كان الصبايا هن اللى دقننه
***
يا انظار نحايب .. خذيتن الليل ودمعكن متسايب
ينزل مع روس الهدوب سكايب.. زميته اضايق ما اقدرت انعنه
ونا هو اللي صوبني معاكن عايب .. الغربة اتخلي الكبد كيف الشنه
موالفات ف الفايت ايام عجايب .. وهذاك الخبر ما عاد شي تلقنه
لصحاب موتو و الوطن راح ذعايب .. الدنيا مشومه شلطها ريته
ونا اليوم يور اسى مبقع شايب .. ولا خير ف اللى الشيب ما يعنه
خيار البنادم عنده كبره نايب .. يحافظ على ورده و يرعى السنه
***
يا انظار سمارى.. خذيتن الليل ودمعكن يجاري
يخطر عليكن ما اتقول تواري.. بطوله لجالي ما سهيتن عنه
صلاب الحلق والمنطبش والقاره .. وبو مفصعه وجوف الخلاف اطرنه
يا انظار شين الموح ما طقتنه.. اتهان علي البطنان وتريدنه
مزاته و بو قيله ان سال قراره .. ملفى كحيله عز ما أتمنى
الطراف لا جادن عليه امطاره .. وان المسا يطلق ارياح الجنة

***
وراس كيكبان وقبلة الخواره .. وحتى بومعيط وبو الفرايس كنه
ايهفن على الشاغري واكتاره .. وحلق من قبلة اكبار ايجنه
وعين جمها فوق الصفاه شراره.. يشبه قزاز الهند واصفي منه
عليها بنات القود دارن داره .. شوشة امحال مع خبر سمعنه
يانا اللي صفنا اليوم جضارى .. لا علم ياتى لا خبر من هلنا
مفات الحديد وباب بالسكاره .. ووردان في كفره قديم مْعّنى
وقبينا بعد خوجه اليوم فقارى .. وفقد الغوالى هو اللى شرغنا
***
يا انظار طب العادى .. ان كان تم ديما دمعكن بدادى
نلقانكن برتن من اول بادي 0.. وايش عندكن فالغرب نين اتجنه
لاني عقوري لا سلوق ابلادي .. لكن نصيب وجاتني ندنه
يا انظار حيها فيكن.. ديما اميعتكن على ما فيكن
لا عد اسكتكن و لا نطريكن .. لو هل الهود حداى سليته
وان جا عفو من دون العرب ما .. نين هنهانى حكمكن توفنه
غالباتنى ديما نطرد فيكن .. تختارن الراى العفن و تديرنه
أيام قبل غايتكن لكل عاطيكن .. وكم حال مو دايم اللى ريتنه
و اليوم اضبحن بالكن يروف عليكن .. مفيت من خلقكن ما هناك محنه
***
يا انظار كنكن فيا .. مظيليم ما معاكن وطيت خطيه
انتن اللى ديما اتقودن فيا .. و الخاطر تبعكن لين ضليتنه
خرابه قمين سمى بلادا ليا .. لو ما نظركم طاش وتبعنه
هذا عشم من بيعه الرخيه .. اللى حقها في الغوط ودرتنه
كل عام تجارن على قسميه .. جميع البحر و البر خربتنه
و اليوم يا رزال مدوردات عليا .. وايش عد حداى الا حديد ارعنه