منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» شاهد: هندي لم يقص شعره منذ 40 عاماً .. “الله زارني في المنام وطلب مني عدم قصه”
الأم التي تودع الشهداء Icon_minitime1أمس في 9:45 am من طرف STAR

» الجيش الوطني يسيطر على الحي السكني خلف معسكر اليرموك
الأم التي تودع الشهداء Icon_minitime1أمس في 9:26 am من طرف STAR

» 50 مركزا لاستخراج جوازات الليبيين بالخارج
الأم التي تودع الشهداء Icon_minitime1أمس في 9:26 am من طرف STAR

» الجيش يسيطر على معسكر استراتيجي جنوبي طرابلس
الأم التي تودع الشهداء Icon_minitime1أمس في 9:25 am من طرف STAR

» الإفراج عن البغدادي المحمودي
الأم التي تودع الشهداء Icon_minitime1أمس في 9:25 am من طرف STAR

» طبرق الطبي يبدأ عمليات زراعة المفاصل خلال أسبوعين
الأم التي تودع الشهداء Icon_minitime1أمس في 9:22 am من طرف STAR

» طبرق .. افتتاح مقر قيادة المنطقة العسكرية
الأم التي تودع الشهداء Icon_minitime1أمس في 9:21 am من طرف STAR

» “مركزي” البيضاء يدرس العمل بالنظام المصرفي المزدوج
الأم التي تودع الشهداء Icon_minitime1أمس في 9:18 am من طرف STAR

» طلاب يعبرون النهر في أكياس طلبًا للعلم
الأم التي تودع الشهداء Icon_minitime1أمس في 8:55 am من طرف STAR

» إمارة مكة توثق مراسم رفع ثوب الكعبة المشرفة استعدادًا لموسم الحج
الأم التي تودع الشهداء Icon_minitime1أمس في 8:49 am من طرف STAR

» كاساديا الدجاج خطوة بخطوة
الأم التي تودع الشهداء Icon_minitime1أمس في 8:48 am من طرف STAR

» أسباب الحكة في زوايا العين وعلاجها
الأم التي تودع الشهداء Icon_minitime1أمس في 8:47 am من طرف STAR

» حدث في مثل هذا اليوم July 18, 2019
الأم التي تودع الشهداء Icon_minitime1أمس في 8:29 am من طرف STAR

» مباريات السبت 20/7/2019 والقنوات الناقلة
الأم التي تودع الشهداء Icon_minitime1أمس في 8:00 am من طرف STAR

» مباريات الاحد 21/7/2019 والقنوات الناقلة
الأم التي تودع الشهداء Icon_minitime1أمس في 7:59 am من طرف STAR

بحـث
 
 

نتائج البحث
 


Rechercher بحث متقدم


الأم التي تودع الشهداء

اذهب الى الأسفل

الأم التي تودع الشهداء Empty الأم التي تودع الشهداء

مُساهمة من طرف عاشق الشعر في 2016-12-23, 1:51 am

هذه الأم التي تودع شهداء كتيبة 309 اليوم هي أم الشهيدين .فتحي وفرج ميلود الفرجاني..دائما تقف في هذا المكان في كل زفة شهيد كأنها تقول للشهداء زفو سلامي لابنائي وقولو لهم امكم تفخر وتعتز بكم ايها الأبطال يا من سطرتوا ملاحم الرجوله انتم فداء لهذا الوطن ..
كتبت الشاعر عبدالله فؤاد معيوف هذه القصيدة وقال أتمنى من الشعراء مشاركتي
.
قالت الأم للشهداء اثناء الجنازه
....
شيلو امعاكم للعيال سلامي
وقولوهم دمعي رهين اكمامي
.
قولولهم ما غفت
وعلي فقدكم سال دمعها ما كفت
قولولهم ما من جنازه زفت
ودزت سلام ارياف يالمسامي
وقولوهم بطلت او هي اتلفت
وديمه اصوركم قاعده قدامي
وقولولهم مالشيب راهي صفت
خيال نحسب في عقاب ايامي
..
شيلو امعاك للعيال سلامي
وقولولهم دمعي رهين اكمامي
.
قولولهم مينتكم
حزينه عليكم حزن ما نسيتكم
قولولهم للوطن هي جابتكم
وهي عارفه اتخشو السوق الحامي
قولولهم مي نادمه عارفتكم
رجاجيل فزاعه ان صار الطامي
قولولهم فاهق بعد غيبتكم
وحيده وحتى من احذاي عمامي
.
زفو امعاكم للتريس سلامي
وقولولهم دمعي رهين اكمامي
.
مشاركته الشاعر : خالد الزول..
.
فتحى امعاه فرج
و قولولهم هالدمع زال ايقج
الدنيا بلاكم يا عويلى دج
وزايد ظلام الفقد فوق ظلامى
وطوبا الكم فى قتل هالهمج
ياللى جرحكم مازال ينزف دامى
.
زفو امعاكم للعيال سلامي
وقولولهم دمعي. رهين اكمامي
.
رد الشاعر ..حميد بركي
.
سلامك واصل...
أحنا حيين ياأميمه ماأتدزي مراسل
كل أسد أبنك في الجيش الباسل
أفداء وطنا ياأمي أنخشوا الحامي
والله ياامي أنجوك خبرا عاجل
أمغير عارفينك صبر بعد سلامي
.
قولولهم عارفته...
عيني بعدكم دايمه دمعته
علي فراقكم أنكمل أبكا ليمته
مع أخوانكم راني بعثت سلامي
تعالولها عيني. مع غفوته
أتحق صورتكم مع الاحلامي
بلكي بعدها ترتسم بسمته
ويجف لي بلل أطراف أكمامي
..
زفو امعاكم للشباب سلامي
.
مشاركة الشاعر : يوسف الشريف
.
قولولهم مليانة ....
شوق و حنين و حالتي تعبانة
هـد العدو فيكم اليوم رزانا
ندعي عليهم فـي اوقات اصيامي
و مازلت ندعي ياخذه مـولانا
هاللي قهرني فـي عقـاب ايامي
نلقـانها حـرقت اليـوم ضنانـا
نحكـي عليهـا ومـا ايتم كـلامي
ومهما كتبت الشعر يا مطرانا
نكتب وما لحظة اتجف اقلامي
ويا العين ما تاوي عليه ابكانا
واصحي دقيقة يا العين اتنامي
.
زفو امعاكم للأبطال سلامي
.
رد الشاعر: عبدالسلام بالخير عبد السلام
.
تربحوا مربوحة....
شيلوا سلامي للفرج وافتوحة
وقولولهم مسع غفت مبحوحة
تبكي عليكم ياضنا المسامي
ورا الدمع مومني اليوم ابروحة
سايل و سيورة اعيوني عامي
و لعند توا يابعاد الطوحة
ماغاب بيكم عاﻻنظار منامي
..
زفو امعاكم للأبطال سلامي
.
وقولوهم مقهورة
و قولولهم را عالبكاء مجبورة
ونسمع شهيد ايموت نمشي شورة
بلا طوع يخذني بقو اقدمي
لجل بنار الفقد نا مسعورة
واللي قاس كيفي مايعوز كلامي
.
شيلو امعاكم للتريس سلامي
.
مشاركة الشاعر : طارق خالد
.
قولولهم يا اعويله
مابا يوقف م العيون هطيله
دمع قجتا قجت أمطار ثقيله
ما يمسكنه يا ضناي عزامي
جبر وطاحن ما تفيد الحيله
ما عد نكرب من جديد ارمامي
وبقيت حايسه ما هناك من نشكيله
من ميل الزمان ومن ظلام اوهامي
و انتو تجوني ما تغيبو ليله
بين الجفون امونسين منامي
.
زفو امعاكم للعيال سلامي
المرفقات
الأم التي تودع الشهداء Attachment
15578491_239872049780022_7156308405212630922_n.jpg لا تتوفر على صلاحيات كافية لتحميل هذه المرفقات.(19 Ko) عدد مرات التنزيل 0


عدل سابقا من قبل عاشق الشعر في 2016-12-23, 1:57 am عدل 1 مرات
عاشق الشعر
عاشق الشعر
جندي اول
جندي اول

ذكر
عدد المشاركات : 10
العمر : 27
قوة التقييم : 0
تاريخ التسجيل : 02/10/2016

الرجوع الى أعلى الصفحة اذهب الى الأسفل

الأم التي تودع الشهداء Empty صورتها

مُساهمة من طرف عاشق الشعر في 2016-12-23, 1:53 am

هذه صورتها
المرفقات
الأم التي تودع الشهداء Attachment
15578491_239872049780022_7156308405212630922_n.jpg لا تتوفر على صلاحيات كافية لتحميل هذه المرفقات.(19 Ko) عدد مرات التنزيل 1
عاشق الشعر
عاشق الشعر
جندي اول
جندي اول

ذكر
عدد المشاركات : 10
العمر : 27
قوة التقييم : 0
تاريخ التسجيل : 02/10/2016

الرجوع الى أعلى الصفحة اذهب الى الأسفل

الأم التي تودع الشهداء Empty رد: الأم التي تودع الشهداء

مُساهمة من طرف STAR في 2016-12-24, 9:54 am

تقبل الله جميع شهدائنا برحمة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
STAR
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 122071
العمر : 34
رقم العضوية : 31
قوة التقييم : 207
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى