منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» دعاء
أمس في 10:50 pm من طرف عاشقة الورد

» حدث في مثل هذا اليوم February 18, 2017
أمس في 6:18 pm من طرف ولد الجبل

» تزوير جوازات سفر
أمس في 6:12 pm من طرف ولد الجبل

» الصلاة علي رسول الله+الاستغفار+ذكر الشهادة+كفارة المجلس
أمس في 4:50 pm من طرف ولد الجبل

» التضحيـة.. روعة العطـاء.. الغائبـة
أمس في 2:33 pm من طرف ولد الجبل

» من القلق.. إلى السكينة
أمس في 9:41 am من طرف عاشقة الورد

» لعمارات_الــــ12...
2017-02-18, 1:31 pm من طرف STAR

» موديل جديد لسيتروين C3
2017-02-18, 12:25 pm من طرف STAR

» 38 حالة تسمم غذائي في حقل السرير النفطي
2017-02-18, 11:21 am من طرف STAR

» مباريات الخميس 23-2-2017 والقنواات الناقلة
2017-02-18, 11:04 am من طرف STAR

» مباريات الثلاثاء 21-2-2017 والقنوات الناقلة
2017-02-18, 11:03 am من طرف STAR

» مباريات الاثنين 20-2-2017 والقنوات الناقلة
2017-02-18, 11:02 am من طرف STAR

» مباريات الاحد 19-2-2017 والقنوات الناقلة
2017-02-18, 10:56 am من طرف STAR

» مباريات السبت 18-2-2017 والقنوات الناقلة
2017-02-18, 10:53 am من طرف STAR

»  لماذا يُعتبر أصحاب فصيلة الدم O مميزون عن غيرهم ؟
2017-02-18, 9:43 am من طرف عاشقة الورد

بحـث
 
 

نتائج البحث
 


Rechercher بحث متقدم


مشتاق للقدم / للشاعر : علي شحات

استعرض الموضوع السابق استعرض الموضوع التالي اذهب الى الأسفل

مشتاق للقدم / للشاعر : علي شحات

مُساهمة من طرف ابن الباديه في 2009-11-28, 1:13 pm

شوق الغريب لداره .. وصابر علي بعد الجبا وامراره .. مشتاق للقدم

شوق الغريب الجالي ... الفايت بلاده من أمدد وآجالي ...
المطرود جبر من وطنه حبيس ليالي ... موحشات يخفن في بصيص نهاره
الغايب زهاه مع غياب غوالي ... أنحاز وطنهم تحت العدو وحصاره
وكل يوم يفني في أعداد أهالي ... والجرم الوحيد الرفض لستعماره
بلوايح حقوق البشر لامُبالي ... ويهدد بكر القرن للنفاره
أغتال كم من عيل تقول هلالي ... وكم بنت غره من أربات عصاره
اللي بوصفها فاقت الريم الفالي ... وطويل ماح سالفها علي الظفاره
في التابوت زفت والدما شتوالي ... خرخوط زينها تحت اللحود تواره
وكم طفل في عمر الزهور ايوالي ... صباحه عللي ناظرين بشاره
داسه حديد أمجنزرات عوالي ... هشّم وهو حاضن دفتره وحجاره
شوق الشهيد أفدا الوطن الغالي ... لملاقاة ربه يوم كشف اسراره
مشتاق اللقا غالي امصيّف حالي ... بخطوره مع بعده ولوعة ناره
.................................................................

الشوق زرابه ... الخاطر ارغب ماضي قديم زهابه ...
شوق وطن خالي طايلات أجدابه ... فوق م السّير بومه غفير أوكاره
لبارق إيخثّق عقربه لهلابه ... شبوبه أمدخّن قاطبات أمطاره
سفّ المواطي والعلا وأرقابه ... وسيوله اتطوّح في العذا ع الطاره
ونبّت ربيع أمخضبات أعشابه ... رقمه وشيح ولسلسه واشقاره
عفا بغو روّح رايده يشلابه ... الدافي دلال الطوق والخواره
نيست الخالي منيت الكسابه ... رفّاعة مقام اللي اقلال أقداره
سلوم للبها ذيل العرب يرقابه ... ولروس التريس الخيّره ودّاره
فيه بجّدت نسيت الظيم أتعابه ... هي والغزال مع طيور حباره
وجت شايله م الني نين غلابه ... وحاشت اتدادي مقدره وسكاره
علي نجع في المبدور دق أطنابه ... ملفاه للغرب والضيف والدوّاره
حليب كسر صافي فاض عالحلابه ... منها وروّا ضيفها والجاره
أحماة شيخ لا حدّث لذيذ وجابه ... طويل صمت صمته كايد الثرثاره
والقاصر اللي ماله دموم قرابه ... محسوب في حسابه من حساب صغاره
وان صار الخطا والعيب م العايابه ... والعايب حكا ع الظلم باستهتاره
يلقا صقوره ع الكلا ضرّابه ... قساوة ذراع وفرسنه وجساره
مغاوير كسّر حيلهم ركابه ... للكوت المتلّ اللي لذيذ مصاره
اللي امنين حس بلذع قرن أركابه ... إيقنّد أطراف الدير في مشواره
أسباع وينما عالي الحس تنابه ... اليوم المظلّم جايبين أفخاره
كمين هزّ جاهم في خياب خيابه ... وعاود امواطي في الوطا منقاره
وتابعين راي الخير من شيّابه ... تلايت كتاب الله وان أفجاره
شوق من معاهم عاش سن شبابه ... لغوشّم ومو قابل حياة حضاره
مشتاق اللقا منحاز طال غيابه ... عني ونا مازلت في تذكاره

.......................................................................

شوق الغريب اللافي ... علي وطن مو وطنه أو وطنه جافي ...
الراحل بلا رادة وخوفه خافي ... في قلب واخذ م الهموم اعباره
شوق درب غابي تحت ردم السافي ... لمرور القفول وجرت السفّاره
شوق قلب عاشق مشتهي القوافي ... بليغة المعاني واضحة الاشاره
اللي لا أقتباس ولاخبر خُرافي ... ولا هو خبر تعجيز للفساره
وتلمس احساسات الخليل الوافي ... اللي طول ليله سامرات انظاره
وبهن يقتنع ع الشوك يمشي حافي ... العاشق اللي م الشوق حاس مداره
باسلوب سلس وايحرّك الشوق الغافي ... وع العاشق ايبرّد لوعته واقهاره
عفيف لفظ مو تجريح لذع مشافي ... ولا بوصف فاحش مكتسي الدعاره
ويجوز للخيال يزيد وصف إضافي ... ويطرد الحشو بفن الاستعاره
مضمونه لدى السامع دواه الشافي ... والراوي الكلام اللي نقي يختاره
وبالناقد الجيد نوصلوا المرافي ... و الناقد الحاقد نتركوه يساره
وحتى انكان شعري مو غليلي شافي ... واضحات عند السامعين آثاره
دليلي ذكي والزاد ود اولافي ... وما ايتوه من تبّع دروب كباره
وارضيت قول بوطاهر(1) زعيم اسلافي ... الشاعر ايبرّد لوعته بأشعاره
وعلي قول يانا مغتني من كافي ... لا نريد نسلّف ولا نمتاره
وعلي من عليه يزيد جمر اريافي ... نريد السلام ختام للقذاره

شوق الغريب لداره .. وصابر علي بعد الجبا وامراره .. مشتاق للقدم
......................................................................
(1) يقصد الشاعر اكبير المرحوم ابراهيم طاهر بوجلاوي الفاخري

ابن الباديه
لواء
لواء

ذكر
عدد المشاركات : 1788
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: مشتاق للقدم / للشاعر : علي شحات

مُساهمة من طرف STAR في 2009-11-28, 5:50 pm

شكراً لك على ما قدمت وبانتظار القادم منك واكيد القادم احلى

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 115124
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: مشتاق للقدم / للشاعر : علي شحات

مُساهمة من طرف عبدالحفيظ عوض ربيع في 2010-01-10, 4:39 pm

مشكوراخى الكريم على هذه المشاركه الرائعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72050
العمر : 51
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى