الشاعر المرحوم روفه الدعبوب الرفادي

الشاعر المرحوم روفه الدعبوب الرفادي
قصيدة (( ان كان في عقاقيرك ))

راس البيت للشاعر: صالح بو عياد الشهيبي
من شان اخاطري ان كـان في عقاقيرك
خزين دمع سيليبه مـع تقذيرك

ان كان فيك امساوه
وان كان في امواقيك عقاب ارساوه
ايريد خاطري منك ابها يداوه
ابلـوم ليمك ماينفعك تعذيرك
ايفاجيك ويجرلك ابها غناوه
ويديرلك ادروب وياخذن تفكيرك
عارفك خفيفة روز للشتاوه
اتهيمي امعاها كي اتصيد ضميرك
وديما ابضيق العلـم لك حجاوه
ابها خاطري يجبد رديم جهيرك
اتعكر صفاك و دمعتك تقاوه
والهن زمان ماقشن برابخ بيرك
من شان خاطري ان كان في عقاقيرك
خزين دمع سيليبه مع تقذيرك

ان كان فيـك امواقى
وان كان من هلك فياض جمه راقى
خلى سـوقيك ابدون تواقى
القيته برود النارفي تعييرك
ايخفف عليه لوعتى و اشواقى
وتهوين ع الخواطر يا العين قطيرك
من شان خاطران كان في عقاقيرك
خزين دمع سيليبه مع تقذيرك

مشكور على ماقدمت ورحم الله روفة

العفوا
الف رحمة ونور عليه