منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» إعادة تنسيب أكثر من 18 ألف شاب في طبرق والمناطق المجاورة
أمس في 10:44 am من طرف STAR

» وزير العمل: اعتمدنا تعيينات طبرق وساعين في حل مشكلة تعيينات القبة والساحل
أمس في 10:44 am من طرف STAR

» كيف تم اسقاط طائرة الخطوط الليبية فوق سيناء قبل 45عاماً؟
أمس في 10:43 am من طرف STAR

» وثائق تكشف خفايا مُراسلات القذافي وبريطانيا
أمس في 10:42 am من طرف STAR

» الكشف عن حقيقة ضربات القوات الجوية المصرية لمواقع في درنة الليبية
أمس في 10:41 am من طرف STAR

» الصحة معدومة بمنطقة عمر المختار بطبرق
أمس في 10:39 am من طرف STAR

» القبض على مصري متهم بتهريب مواطنين من درنة
أمس في 10:38 am من طرف STAR

» مدير مستشفى درنه يزور مركز طبرق الطبي
أمس في 10:38 am من طرف STAR

» إنهاء أزمة نقص المياه «نهائياً» بمركز طبرق الطبي
أمس في 10:37 am من طرف STAR

» الوطنية للنفط وشركة الجوف تبحثان آلية استمرار العمل والصعوبات المالية
أمس في 10:35 am من طرف STAR

» تأخر صرف الميزانيات يلقى بآثاره السلبية على نشاط الشركات النفطية
أمس في 10:34 am من طرف STAR

» عالم Netflix بين يديك ..إبرام أول اتفاقية شراكة بين الشبكة العملاقة و OSN
أمس في 10:30 am من طرف STAR

» تبادلوا اللكمات وحوّلوا الملعب إلى حلبة مصارعة.. شاهد كيف طُرد 9 لاعبين في مباراة لكرة الق
أمس في 10:24 am من طرف STAR

» لا ترتدوا إلا "الشبشب".. في هذه المدرسة ممنوع على الطلاب ارتداء الأحذية خلال الامتحانات!
أمس في 10:17 am من طرف STAR

» "الغابة السوداء" وجهة سياحية ألمانية تجذب المغامرين
أمس في 9:16 am من طرف STAR

بحـث
 
 

نتائج البحث
 


Rechercher بحث متقدم


الدنيا غرر مالها لون ... والناس فيها طرايد

اذهب الى الأسفل

الدنيا غرر مالها لون ... والناس فيها طرايد

مُساهمة من طرف ابن الباديه في 2009-11-30, 8:40 pm

سبحان اللي خالق الكون ... بالحق خلق وافي وجايد
اللي منين ما تجيه موزون ... لا مخاصمه لا ركن مايد
كان وين ما قالّه كون ... ويزول فاي لوقات رايد
يمضن ايام وسنين وقرون ... وكل شي لله عايد
وين قيصر ووين فرعون ... اصحاب البطر والمكايد
ونمرود بابل وقارون ... وكسرى اللي النار قايد
حوى ملكهم طفر غليون ... وارماه عالعذا والزبايد
بعد قصور وقلاع وحصون ... وجيوش تحت منهم حشايد
عليهم برم كاس المنون ... وخذهم عزيز الوعايد
عطيب هبشهم هبش بالهون ... قدّام رب عالكون سايد
للناس وضّحه درب مسنون ... عليه يا ردا كل حايد
الدنيا غرر مالها لون ... والناس فيها طرايد
ما مالفنا هناك مصيون ... وادروبها افخاخ ومصايد
بها يا تعس كل مفتون ... على الله فيها يزايد
غرّاته بمال وبنون ... ومرابط الخيل النجايد
تغانيم عالعاقل تهون ... وعارف العمل هو الفايد
يلقاه وين ما بات مدفون ... تحت الثرا واللحايد
مواعظ الدهر غادي ودون ... شواهر القيهن وكايد
امقابله خلا كان مسكون ... بناس في حدود الرغايد
اللي نجعهم بات ممنون ... ان جاه بالبشارات رايد
خبير كان صالب الجون ... ورا برق داير وقايد
منين قابله وطن مدكون ... امراقّه يديرن لبايد
لا وين الحطب طالق اغصون ... والشيح فيه داير وسايد
ربيع بغو من خجّة العون ... نسفاية الرتاتيع كايد
علي لروقه داير طمون ... متغلظ رقى عالسدايد
فيه غيّنت جرد البطون ... اكحيله غلاظ الرفايد
لفيف حشوها داير ادنون ... زنانيح طوف ورجايد
فريق عرض في لعب وفنون ... نهار عيد في حفل شايد
تجوّك علي بيت ميمون ... من جالو احموله نضايد
بناقتين مع بنت لبون ... زكاتها خلاف الزوايد
بها عز دعّامة الركون ... عصّامة الجروح البدايد
ركاّبه قصير القيون ... بو عرف مايح بجايد
رقيق جلد نادر العيون ... مطّرغن كثير الرعايد
الصبر ما هوى فيه مكنون ... سكران من هيول البرايد

وان هفه رقيق القرون ... يفوج كيف ريم الحمايد
ينعى بقلّته كي المجنون ... ويجيب الطوارف قنايد
شهير منسبه اطلاق مضمون ... من خيل جيّدات وجوايد
عليه قرم سلاّك الديون ... لا سالن عيون الودايد
يجلّي صماميد الغبون ... نهار البلا والنكايد
كريم فالعطا ما هو منون ... ولا بالصغاره يكايد
من صغره نشا بين واشون ... يجّارى بزين العوايد
وشايب معانيه قانون ... كمال دين واريا سدايد
ارباة عز مو ارباة ذانون ... اللي كيف عذو اللمايد
اللي ضحكهم ضحك مشنون ... امواري كبار الغدايد
مناكيد واعششهم اخنون ... للهايف ان جاهم صدايد
لا يشرحوا بال مكيون ... ولا هم ذرا لا سنايد
كما بين واحد ومليون ... للزينين ماهم ضدايد
اللي بهم العز مقرون ... فيام الرخا والشدايد
هبنهم متاريز واكلون ... جيوش طاليا بالرصايد
وذابوا كما هفو كانون ... ذرّنّه ارياح الصهايد
مشوا عقبوا صيت امعلون ... مشهور لسم مو للنشايد
ملاحم الشرف مجد امخزون ... غنن به اوتار وقصايد
حلال البكا عام مطنون ... عليهم برود الحدايد
والصبرخير مرجاه مضمون ... ولو طالن عليه المدايد
مجعول للدهر وين ما يخون ... وللجروح كيف الضمايد
كمّين من فتى داه مكمون ... وطارش نقاب الجحايد
الله هو اللي فيده العون ... عارفه سريع النجايد
ان راد شي بالكاف و النون ... يكون بامر ما له ردايد

ورا الزين بالدين مرهون ... والهازله تهاب الصعايد
ورا لكل تاجر زبون ... واثمان الزهايد زهايد
وراه درب لوناس مامون ... وراه الرفق دم زايد
ولا كل من قالوا حرون ... ينقّاله مالقعايد
وبودور بنت اطرشون ... يقولوا اصحاب النقايد
واختام العلل مالفايزون ... ان شا الله نهار الهمايد
على الله ما يخيبن ظنون ... وانجوا من كبار الحصايد
وصلاه عالشفيع الحنون ... نهار القضا والعدايد


للشاعر / الرويعي موسى الفاخري

ابن الباديه
لواء
لواء

ذكر
عدد المشاركات : 1788
العمر : 53
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: الدنيا غرر مالها لون ... والناس فيها طرايد

مُساهمة من طرف اقطيط الحاسي في 2009-12-01, 5:49 pm

بارك الله فيك على المجهود الجبار وتسلم يدك
avatar
اقطيط الحاسي
جندي اول
جندي اول

ذكر
عدد المشاركات : 16
العمر : 53
رقم العضوية : 716
قوة التقييم : 0
تاريخ التسجيل : 08/11/2009

الرجوع الى أعلى الصفحة اذهب الى الأسفل

رد: الدنيا غرر مالها لون ... والناس فيها طرايد

مُساهمة من طرف عبدالحفيظ عوض ربيع في 2010-01-10, 4:39 pm

مشكوراخى الكريم على هذه المشاركه الرائعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

avatar
عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72423
العمر : 52
رقم العضوية : 13
قوة التقييم : 222
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: الدنيا غرر مالها لون ... والناس فيها طرايد

مُساهمة من طرف فرج احميد في 2010-01-10, 6:22 pm

احسنت اخى
avatar
فرج احميد
مستشار
مستشار

ذكر
عدد المشاركات : 17243
العمر : 55
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: الدنيا غرر مالها لون ... والناس فيها طرايد

مُساهمة من طرف STAR في 2010-01-22, 9:27 am

شكراً لك على هذا الاطراء الاكثر من رائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 119176
العمر : 33
رقم العضوية : 31
قوة التقييم : 198
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى