قصيدة للشاعرحسن لقطع.

من طرف الهُمام 2009-12-21, 7:37 pm

هذه مشاركتي الأولى في هذا المنتدى,أرجو أن تنال رضى الجميع,تقبلوا تحياتي.

لاتريدني لا ني قريب لهلها ولاني خواجه نين ناخذ بلها
* * *
لاني لهم من غادي ولاني خواجه واجدات اذوادي
ولو سمح لوني كيف لون مرادي ولا عللي يبقى سمح كيف عللها
بحرها غريق الجال بنت بوادي تقيم الدلال وباتها دللها
طويله وبيضه والعيون عوادي وشعل بسواد مليوات خجلها
وتضحك على لبسي وشين سوادي حتى لو كملت دموع ما نشغلها
* * *
لاني قريب قريب ولاني غني صاحب شوي وركيب
حذاها كمل عمري ونا نذيب وهي مخادعه تنقض اللي نفتلها
مغيرتي عليها نرتضي ونسيب نهاب الطواطي نستحي نجلها
* * *
لاني قريب دمايه ولاني غني صاحب أموال هتايا
ولا تحب لي جيه ولا سهرايه ديما تبولط واجدات سبلها
تشاقص تدور ع الخراب معايا بغلطه بلا غلطه يسير زعلها
هناك ميط م الغيه اللى تهنايه تقطيعتك لها ولغيرها تتولها
* * *

من طرف ابن الباديه 2009-12-21, 8:02 pm

الخ الهمام ، مرحبه بيك في المنتدى ، واهدي اليك قصيده اخرى لحسن لقطع ، هديتك للمنتدى تتعلق ابلها ، وهديتي لك تتعلق بجعه وجماها

جملها رجعه
جملها رجعه يوم الشيل ....بتاته هيل .....امخضب بالك وبالنيل
جمل رجعه موش امقرف ....هميل عايش في بر غزال
جملها فشكارامصيف ....غني ع الساقي والرسال
ولد بريه يسكرف....امكمل عمره عاش دلال
ما عمره حوض اشرشف ....ولافوق امه حط اشمال
ولاعمره بقيود ارسف ....ولاعمره خماقه شال
و لاعمره طرقي استدف ....ولاخشن كرعيه احبال
علي ابله وين ايهوج ايلف ..... اسجبها دون الميجال
هديره بندار ايزعنف ....اكيوفي في غيضه مازال
كما موجه في راس حجف.... رغاوي وجها في مثال
صكيل انيابه وين صرف ....اتقول اعياط وخيذت مال
عليه المربا وين ايهف....ايعدي ما في زول ايسال
مثيل الفيل امنين اشرف ...حكورت جسما ربع اجمال
ا مفيت الرجعه يستلطف...... ايطيع ويقبا واسع بال
وهي فوقهزاد تشرف .....اتبان اتضوي كي الهلال
بهاوين ايعدي يلتف .... سفينه فوق غريق الجال
علي رجعه وين انخرف....ا ينوضولي وحدين ارزال
ايقولو كلب امغير ايزف .....وانا في المسلاقه منزال
لها اعيون امنين انوصف....اضلم كيف اخيوط النيال
ضمير امعا وسطا ناحف....اتقول امقرن فيه ارسال
شرار قدمها وين لصف....معارف شاهي في فنجان
لها ماقابل شي صايف....... الا في عهد اولاد اهلال
اللي بيه الناس اتخرف ....الاهالجيل..... الها ماتلقا شي مثيل.....جملها رجعه
رجعه مو خلقها ربي...... افيت عذاب ولي اخصوصه
ر جعه بكره تطالبي .......قلتلي بور وهي نوسه
بنت اتقول قزازت ربي.........والانار غلاء مقبوسه
والادوت تريك امصبي...... من المغرب ولع فانوسه
منها قابس دامتغبي.....ناره في جوفي مدسوسه
كم تكتور اوحل في طبي....قال عليل....امعورض جرحه بتشوكيل...جملها رجعه
رجعه ياخوتي خلتني.....كيف المجدوب العيساوي
رجعه لو بندير عطتني.....نقعد نترع بالجاوي
رجعه عبد الها دارتني.....رجعه دارتني رسماوي
رجعه للنيران عطتني...... عطوت قوم العيت شهاوي
رجعه وخذت قوم خذتني......رجعه لاتضر لاتاوي
رجعه بميامي ضرتني .....رحت مع النيران شماوي
رجعه في تيار خذتني...وخذت سيل....قوي جابه وادي في ليل....جملها رجعه
مع رجعه بيت استخليت ....جبدنا مدعا ساعت غر
حكتلي وانا زاد حكيت ....احكاية مجروح وجاضر
وانا رايفت وما جبيت.... الافي القدعه مستكبر
اخطاي اقصار امنين مشيت ... اتقول امقيد وامهجر
اندوم وانطيح ان صبيت.....اتقول وانا نمشي عاثر
الحصل للموت تغاذيت...... الله لايدوم لرجعه جر
انا كيف الحارث تميت..... دفين صيف وما جاه مطر
ولا ورايا فيه اللقيت....اخطيه السيل.....عجاج ومتكفيه شعيل....جملها رجعه
رجعه بتويكته فيها.....ملح اتزيد اخري واتشاضي
حيل الناس بعد نطريها ....يبكو بكي ارقاق غراضي
والي يبكوها نبكيها ....حتي انا جرحي متماضي
رجعه مولاي امغليها........ ع المرهون وعاللي فاضي
دوم انهيل....اتنوضلي جيل بعد جيل ....جملها رجعه
رجعه ماني شي ناسيها.......لين العمر ايحودد حدهّ
لو لمو هالناس وجاها..... وان دارولي ساس انهدّه
وانخرب وانجي تالاها............. حمل قول افلان تعدّه
لين ايقولولي بكريها ....يا الهبيل ...خضا البيت ودار عواوليل.....جملها رجعه

‏ للشاعر:- حسن الاقطع ..........